13/07/2022
ମୁଁ ସରଳ ବିଶ୍ୱାସୀ ହେଲି,
ହେଲେ ସମାଜର ଜଟିଳତା କୁ ପାସୋରି ଦେଲି
ବୋଧେ ମୋର ଭୁଲ ହେଇଗଲା
ଭୁଲ ହେଇଗଲା ଏଥିପାଇଁ ଯେ
ଜାଣିପାରିଲିନି ତା ଛଳନା କୁ,
ଚିହ୍ନି ପାରିଲିନି ମୁଁ
ତା ଭିତରେ ଲୁଚି ରହିଥିବା ଆଉ ଗୋଟେ ଚରିତ୍ରକୁ ।।
ଯାହା କିଛି ଘଟିଗଲା ,ସବୁ ସ୍ୱପ୍ନ ପରି ମନେ ହୁଏ
ଲାଗୁଛି ଯେମିତି ବସି ଅଛି
କେଉଁ ଏକ ନିର୍ଜନ ଦ୍ଵୀପରେ, କାହା ଅପେକ୍ଷାରେ
ଭାବୁଛି ସେ ଆସିବ , କହିବ ଉଠ ଏ ନିଦରୁ
କିନ୍ତୁ ହାଏ ?
ସକାଳୁ ସଞ୍ଜ ହୁଏ,
ହାତରୁ ମୁଠା ମୁଠା ବାଲି ସରିଯାଏ,
ଆଉ ଏପଟେ ଢେଉ ଆସେ ଭାଙ୍ଗିଦିଏ
ମୋର କଳ୍ପନାର ସୌଧକୁ।।
- ଆଲୋକ ରଞ୍ଜନ ଦାଶ
