Krishi Udyog Mool Shikshan Sanstha, Krushi Udyog Mool Shikshan Sanstha, A/p/Karhati, Baramati (2026)

15/08/2026

🇮🇳 स्वातंत्र्याची ८० गौरवशाली वर्षे, एकता, अभिमान आणि देशप्रेमाचा उत्सव! ❤️🤍💚
स्वातंत्र्य दिनाच्या हार्दिक शुभेच्छा! 🇮🇳✨

#स्वातंत्र्यदिन #८०वास्वातंत्र्यदिन #जय हिंद #देशप्रेम #भारत

01/08/2026

शब्दांना संघर्षाची धार देऊन समाजपरिवर्तनाची नवी दिशा दाखवणारे साहित्यरत्न लोकशाहीर अण्णाभाऊ साठे यांना जयंतीनिमित्त विनम्र अभिवादन.

#अण्णाभाऊसाठे #लोकशाहीर #मराठीसाहित्य #समाजपरिवर्तन #विनम्रअभिवादन

29/07/2026

ज्यांच्या ज्ञानाने आपल्या विचारांना दिशा मिळते,
ज्यांच्या आशीर्वादाने जीवनाचा मार्ग उजळतो,
त्या प्रत्येक गुरूला मनःपूर्वक वंदन.

गुरुपौर्णिमेच्या हार्दिक शुभेच्छा! 🙏

#गुरुपौर्णिमा #गुरुवंदना #गुरुशिष्यपरंपरा #ज्ञानाचाप्रकाश #गुरुपौर्णिमाशुभेच्छा

23/07/2026

*स्वच्छतेतून लोकसेवेचा संदेश; कृषि उद्योग मूल शिक्षण संस्थेचा स्तुत्य उपक्रम*

बारामती, दि. २२ जुलै : आदरणीय अजितदादा पवार साहेब यांच्या जयंतीनिमित्त त्यांच्या विचारांना केवळ शब्दांनी नव्हे, तर कृतीतून अभिवादन करण्याच्या उद्देशाने कृषि उद्योग मूल शिक्षण संस्था, काऱ्हाटी यांच्या वतीने पुण्यश्लोक अहिल्यादेवी होळकर शासकीय वैद्यकीय महाविद्यालय, बारामती परिसरात भव्य स्वच्छता अभियान राबविण्यात आले. संस्थेच्या विविध विभागांतील विद्यार्थी, शिक्षक व कर्मचारी या अभियानात उत्स्फूर्तपणे सहभागी झाले.

मागील वर्षी आदरणीय अजितदादा पवार यांच्या ६६ व्या वाढदिवसानिमित्त, त्यांचा वाढदिवस केवळ वर्षातून एकदाच साजरा न करता प्रत्येक महिन्याच्या २२ तारखेला समाजोपयोगी उपक्रमातून साजरा करण्याचा संकल्प संस्थेने केला होता. त्यानुसार दादांनी उभारलेल्या विविध विकासकामांपैकी दर महिन्याला एका ठिकाणी स्वच्छता करून समाजात स्वच्छतेचा संदेश देण्याचा उपक्रम सुरू करण्यात आला.

या उपक्रमाची सुरुवात २२ जुलै २०२५ रोजी सुपा ग्रामीण रुग्णालय, सुपा येथून झाली होती. डिसेंबर २०२५ अखेर बारामती तालुक्यातील विविध ४२ ठिकाणी स्वच्छता अभियान यशस्वीरीत्या राबविण्यात आले. या उपक्रमाचे कौतुक स्वतः आदरणीय अजितदादा पवार यांनी डिसेंबर महिन्यात केले होते. मात्र २८ जानेवारी २०२६ रोजी त्यांच्या दुःखद निधनानंतर, यंदाची २२ जुलै ही तारीख जड अंतःकरणाने त्यांच्या जयंतीच्या रूपाने साजरी करण्याची वेळ आली.

दादांनी आयुष्यभर जोपासलेली लोकसेवा, शिस्त, वेळेचे नियोजन आणि स्वच्छतेची संस्कृती समाजापर्यंत पोहोचविण्याच्या उद्देशाने विद्यार्थी व कर्मचाऱ्यांनी कल्याणी कॉर्नर ते रसाळ कॉर्नर या परिसरात व्यापक स्वच्छता मोहीम राबविली. दादा रोज सकाळी ६ वाजता कामाची सुरुवात करत असत, त्याच कार्यशैलीचा आदर्श डोळ्यासमोर ठेवून सर्व सहभागी सकाळी ६ वाजताच अभियानासाठी उपस्थित झाले. परिसरातील प्लास्टिक, कचरा व इतर टाकाऊ वस्तू गोळा करून त्याची योग्य विल्हेवाट लावण्यात आली.

या उपक्रमातून स्वच्छता हा केवळ एक दिवसाचा कार्यक्रम नसून सामाजिक जबाबदारी असल्याचा संदेश देण्यात आला. दादांच्या कार्याचा वारसा जपत समाजहितासाठी सातत्याने कार्यरत राहण्याचा निर्धारही यावेळी व्यक्त करण्यात आला.

हा उपक्रम महाराष्ट्र राज्याचे उपमुख्यमंत्री तथा कृषि उद्योग मूल शिक्षण संस्थेच्या अध्यक्षा आदरणीय सुनेत्रा वहिनीसाहेब पवार, राज्यसभा खासदार व संस्थेचे विश्वस्त श्री. पार्थदादा पवार, संस्थेचे उपाध्यक्ष आदरणीय दशरथदादा धुमाळ, सचिव प्रफुल्ल तावरे, खजिनदार सुभाष सोमाणी तसेच सर्व संचालक मंडळ यांच्या मार्गदर्शनाखाली यशस्वीरीत्या पार पडला.

याबाबत माहिती देताना संस्थेचे कार्यकारी अधिकारी श्री.विकास निर्मळ म्हणाले, "दादा आज आपल्यात नसले तरी त्यांचे विचार आणि कार्यपद्धती आजही आमच्यासाठी प्रेरणादायी आहेत. स्वच्छतेतून समाजसेवा आणि समाजसेवेतून राष्ट्रसेवा हा त्यांचा संदेश कृतीतून जिवंत ठेवण्याचा आमचा प्रयत्न आहे. ही मोहीम त्यांच्या पवित्र स्मृतींना वाहिलेली कृतीशील आदरांजली आहे."

यावेळी संस्थेच्या सर्व विभागांचे प्रमुख, प्राध्यापक, शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते. स्वच्छतेचा संदेश समाजाच्या प्रत्येक घटकापर्यंत पोहोचावा, हा या उपक्रमामागील प्रमुख उद्देश असल्याचे संस्थेच्या वतीने सांगण्यात आले.

#स्वच्छतेतून_लोकसेवा
#अजितदादा_पवार_जयंती
#कृषिउद्योग_मूल_शिक्षण_संस्था
#स्वच्छ_बारामती
#समाजसेवेचा_संकल्प

20/07/2026

*कृषि उद्योग मूल शिक्षण संस्था, काऱ्हाटी संकुलात ‘आरंभ... यशाचा प्रारंभबिंदू’ व्याख्यानमालेचे आयोजन*

*बारामती (दि. १८ जुलै २०२६):*
कृषि उद्योग मूल शिक्षण संस्था, काऱ्हाटी यांच्या वतीने आयोजित *‘आरंभ... यशाचा प्रारंभबिंदू’* या प्रेरणादायी व्याख्यानमालेअंतर्गत *सातव्या पुष्पाचे* आयोजन उत्साहात संपन्न झाले. यावेळी प्रमुख वक्त्या म्हणून *प्रा. स्मिता सुरेश पाटील*, प्राचार्या, कृष्णाई एन. के. विद्यालय व कनिष्ठ महाविद्यालय, कात्रज, ता. करमाळा, जि. सोलापूर यांनी *"मोठी स्वप्ने, योग्य सवयी आणि उज्ज्वल भविष्य"* या विषयावर विद्यार्थ्यांना प्रेरणादायी मार्गदर्शन केले.

आपल्या व्याख्यानात त्यांनी विद्यार्थ्यांनी मोठी स्वप्ने पाहण्याचे धाडस ठेवावे, त्या स्वप्नांच्या पूर्ततेसाठी योग्य सवयी, वेळेचे नियोजन, सातत्य, शिस्त, सकारात्मक विचार आणि आत्मविश्वास जोपासणे किती आवश्यक आहे, याचे प्रभावी उदाहरणांसह विवेचन केले. *"यश ही एका दिवसाची घटना नसून, योग्य सवयींच्या सातत्यपूर्ण प्रवासाचे फलित असते,"* असा मोलाचा संदेश त्यांनी विद्यार्थ्यांना दिला. व्याख्यानानंतर विद्यार्थ्यांनी विविध प्रश्न विचारून संवाद साधला.
यावेळी *बारामतीची कन्या कु. श्रावणी कुदळे* हिने *राष्ट्रीय पात्रता व प्रवेश परीक्षा (NEET)* मध्ये भारतातील मुलींमध्ये अव्वल स्थान प्राप्त करून बारामतीसह महाराष्ट्राच्या शिरपेचात मानाचा तुरा रोवल्याबद्दल संस्थेच्या वतीने तिचा विशेष उल्लेख करण्यात आला. तसेच तिच्या या उल्लेखनीय यशामागील *आई-वडील तसेच सर्व मार्गदर्शक शिक्षकांचे मनःपूर्वक अभिनंदन* करण्यात आले. कु. श्रावणी कुदळे हिच्या जिद्द, सातत्य, परिश्रम आणि ध्येयवेड्या वृत्तीचा आदर्श डोळ्यांसमोर ठेवून संस्थेतील विद्यार्थिनींनीही मोठी स्वप्ने पाहत कठोर परिश्रम, योग्य नियोजन आणि आत्मविश्वासाच्या बळावर सर्वोच्च यश संपादन करावे, अशी प्रेरणादायी भावना यावेळी व्यक्त करण्यात आली.

ही व्याख्यानमाला संस्थेच्या अध्यक्षा तथा महाराष्ट्र राज्याच्या उपमुख्यमंत्री *मा. श्रीम. सुनेत्रा (वहिनीसाहेब) अजितदादा पवार* यांच्या प्रेरणेतून व सर्व संचालक मंडळाच्या मार्गदर्शनाखाली आयोजित करण्यात येत आहे. विद्यार्थ्यांमध्ये सकारात्मक विचार, व्यक्तिमत्त्व विकास, नेतृत्वगुण, करिअरविषयक दृष्टीकोन, जीवनमूल्यांची जपणूक आणि स्पर्धात्मक परीक्षांविषयी सकारात्मक दृष्टिकोन निर्माण करणे हा या व्याख्यानमालेचा प्रमुख उद्देश आहे.

कार्यक्रमाचे *प्रास्ताविक संस्थेचे कार्यकारी अधिकारी श्री. विकास निर्मळ* यांनी करून व्याख्यानमालेमागील उद्देश स्पष्ट केला. कार्यक्रमाचे *सूत्रसंचालन कु. कोमल चांदगुडे व श्री. अल्ताफ बागवान* यांनी केले, तर *आभार प्रदर्शन कु. प्रिती लोंढे* यांनी मानले. कार्यक्रमाचे *छायाचित्रण श्री. स्वप्नील धुमाळ* यांनी केले.

यावेळी संकुलातील *सर्व विभागांचे प्राचार्य, प्राचार्या, शिक्षक-शिक्षकेतर कर्मचारी तसेच विद्यार्थी मोठ्या संख्येने उपस्थित होते.* संपूर्ण कार्यक्रमाला उपस्थितांचा उत्स्फूर्त प्रतिसाद लाभला. विद्यार्थ्यांना मोठी स्वप्ने पाहण्याची प्रेरणा देत ती प्रत्यक्षात उतरविण्यासाठी आवश्यक असलेल्या योग्य सवयी, सातत्यपूर्ण परिश्रम आणि सकारात्मक दृष्टिकोनाचा प्रभावी संदेश या व्याख्यानातून मिळाल्याची भावना उपस्थितांनी व्यक्त केली.
#आरंभ_यशाचा_प्रारंभबिंदू #कृषिउद्योगमूलशिक्षणसंस्था

20/07/2026

आदरणीय अजितदादा पवार साहेब यांच्या प्रथम जयंतीचे औचित्य साधून कृषि उद्योग मूल शिक्षण संस्था, काऱ्हाटी यांच्या वतीने पुण्यश्लोक अहिल्यादेवी होळकर शासकीय वैद्यकीय महाविद्यालय, बारामती परिसरात स्वच्छता अभियानाचे आयोजन करण्यात आले आहे.

समाजहित, लोकसेवा, स्वच्छता आणि विकास ही आदरणीय दादांच्या कार्याची ओळख होती. त्यांच्या विचारांचा आणि कार्याचा प्रेरणादायी वारसा जपत समाजोपयोगी उपक्रम राबविणे, हीच त्यांना वाहिलेली खरी कृतिशील आदरांजली आहे.

आपणही या समाजोपयोगी उपक्रमात सहभागी व्हा.

दिनांक : बुधवार, २२ जुलै २०२६
वेळ : सकाळी ६.३० वा.
स्थळ : पुण्यश्लोक अहिल्यादेवी होळकर शासकीय वैद्यकीय महाविद्यालय परिसर, बारामती

स्वच्छ परिसर • निरोगी समाज • दादांच्या विचारांना कृतीतून अभिवादन

आयोजक
कृषि उद्योग मूल शिक्षण संस्था, काऱ्हाटी

#अजितदादापवार #स्वच्छताअभियान #बारामती #समाजसेवाचारांचा

09/07/2026

A New Chapter Begins...

Proud to announce the launch of Ajit Career Academy.

Inspired by the vision of Hon'ble Ajitdada Pawar to empower rural youth through quality education and guidance, and established under the guidance of Hon'ble Deputy Chief Minister of Maharashtra, Smt. Sunetravahinisaheb Pawar (President, Krishi Udyog Mool Shikshan Sanstha).

Empowering Rural Aspirants. Shaping Future Officers.

Coming Soon...

26/06/2026

🚫💊 आंतरराष्ट्रीय अमली पदार्थ विरोधी दिन 🚫
नशा फक्त व्यक्तीचे नाही, तर संपूर्ण कुटुंबाचे भविष्य उद्ध्वस्त करू शकते. आजच्या दिवशी आपण सर्वांनी एकत्र येऊन व्यसनमुक्त समाज घडवण्याचा संकल्प करूया. 🌱
स्वतःला, आपल्या कुटुंबाला आणि समाजाला नशेपासून दूर ठेवणे हीच खरी जबाबदारी आहे. चला, जागरूकता वाढवूया आणि निरोगी, सुरक्षित व व्यसनमुक्त भारताच्या निर्मितीत हातभार लावूया. 🇮🇳✨

20/06/2026

🧘‍♀️ जागतिक योग दिन 🧘‍♂️

योग म्हणजे फक्त व्यायाम नाही, तर शरीर, मन आणि आत्म्याला एकत्र जोडणारी जीवनशैली आहे.

दररोज काही मिनिटे योगासाठी दिली, तर तणाव कमी होतो, शरीर लवचिक बनते, मन शांत राहते आणि जीवन अधिक संतुलित होते.

✨ शांत मन
✨ सशक्त शरीर
✨ आंतरिक शांती
✨ आनंदी जीवन

या जागतिक योग दिनानिमित्त, निरोगी आणि सकारात्मक जीवनासाठी योगाला आपल्या दैनंदिन दिनचर्येचा भाग बनवूया.

Krishi Udyog Mool Shikshan Sanstha

15/08/2026

01/08/2026

29/07/2026

23/07/2026

20/07/2026

20/07/2026

09/07/2026

26/06/2026

20/06/2026

Address

Website

Alerts

Shortcuts

Share

Category

Listing takedown request