07/08/2026
Success Code Academy चा प्रेरणादायी प्रवास,
प्रत्येक यशस्वी संस्थेमागे एक संघर्षमय प्रवास, एक ध्येय आणि समाजासाठी काहीतरी वेगळे करण्याची तळमळ असते. बारामती या शिक्षणनगरीत अशाच एका स्वप्नातून Success Code Academy ची मुहूर्तमेढ २५ मार्च २०२० रोजी रोवली गेली.
सर्व नियोजन पूर्ण झाले होते, अनुभवी शिक्षकांची निवड झाली होती आणि नवीन शैक्षणिक वर्षाची उत्साहाने तयारी सुरू होती. परंतु त्याच काळात संपूर्ण देशावर कोविड-१९ महामारीचे संकट आले आणि राष्ट्रीय लॉकडाउन जाहीर झाला. एका नव्या संस्थेसाठी तो अत्यंत कठीण आणि कसोटीचा काळ होता.
त्या वेळी संस्थेमध्ये केवळ दोन विद्यार्थ्यांनी प्रवेश घेतला होता. अनेकांनी या परिस्थितीत पाऊल मागे घेतले असते; पण Success Code Academy ने मात्र आव्हानाला संधी मानले. “काम हाती घेतले आहे, तर मागे हटायचे नाही,” या निर्धाराने त्या दोन विद्यार्थ्यांपासून ऑनलाइन अध्यापनाची सुरुवात झाली.
विद्यार्थ्यांचा आणि पालकांचा वाढता विश्वास हेच संस्थेचे सर्वात मोठे बळ ठरले. पहिल्याच वर्षी संस्थेत *६०* विद्यार्थ्यांनी प्रवेश घेतला आणि त्यापैकी *११* विद्यार्थ्यांनी शासकीय वैद्यकीय महाविद्यालयात (*Government MBBS*) प्रवेश मिळवला. जवळपास २० टक्के* निवडीचे प्रमाण हे एका नव्याने सुरू झालेल्या संस्थेसाठी अत्यंत उल्लेखनीय यश होते. याच यशाने Success Code Academy च्या उज्ज्वल प्रवासाची भक्कम पायाभरणी झाली.
त्यानंतर संस्थेने कधीही मागे वळून पाहिले नाही. विद्यार्थ्यांची जिद्द, पालकांचा विश्वास आणि Success Code Academy च्या समर्पित शिक्षकांच्या सातत्यपूर्ण परिश्रमातून वर्षागणिक उल्लेखनीय यशाची परंपरा निर्माण होत गेली. संस्थेतील विद्यार्थी बी. जे. शासकीय वैद्यकीय महाविद्यालय (पुणे), जी. एस. वैद्यकीय महाविद्यालय (मुंबई) तसेच राज्यातील आणि देशातील विविध प्रतिष्ठित शासकीय वैद्यकीय महाविद्यालयांमध्ये प्रवेश मिळवू लागले.
२०२५ हे वर्ष संस्थेच्या इतिहासातील सुवर्णक्षण ठरले. संस्थेची विद्यार्थिनी कु. सिद्धी बडे हिने मुलींमध्ये अखिल भारतीय तिसरा क्रमांक (AIR 3 – Girls) आणि महाराष्ट्र राज्यात मुलींमध्ये प्रथम क्रमांक मिळवत AIIMS, नवी दिल्ली येथे प्रवेश मिळवला. त्याच वर्षी कु. समृद्धी लोखंडे हिने AIIMS नागपूर येथे प्रवेश मिळवला, तर आणखी ३५ विद्यार्थ्यांनी MBBS साठी पात्रता मिळवून संस्थेच्या यशात मानाचा तुरा खोवला.
या यशाच्या शिखरावर आणखी एक मानाचा अध्याय २०२६ मध्ये लिहिला गेला. संस्थेची विद्यार्थिनी कु. श्रावणी कृष्णा कुदळे हिने मुलींमध्ये अखिल भारतीय प्रथम क्रमांक (AIR 1 – Girls) तसेच महाराष्ट्र राज्यात प्रथम क्रमांक मिळवत इतिहास रचला. याच वर्षी संस्थेतील ३७ विद्यार्थी MBBS प्रवेशासाठी पात्र ठरतील . हा केवळ यशाचा आकडा नसून, विद्यार्थ्यांच्या अथक परिश्रमांचा, पालकांच्या विश्वासाचा आणि संस्थेच्या गुणवत्तापूर्ण शिक्षणाचा गौरव आहे.
Success Code Academy ची ओळख केवळ उत्कृष्ट निकालांपुरती मर्यादित नाही. सामाजिक बांधिलकी जपत संस्था आजही एक भूमिका ठामपणे मांडते:
“गुणवत्ता आहे, शिकण्याची जिद्द आहे; पण आर्थिक अडचण आहे, म्हणून कोणताही विद्यार्थी शिक्षणापासून वंचित राहणार नाही. अशा विद्यार्थ्यांनी निर्धास्तपणे संस्थेच्या व्यवस्थापनाशी संपर्क साधावा. गुणवत्तापूर्ण शिक्षणाच्या आड आर्थिक परिस्थिती कधीही येऊ दिली जाणार नाही.”
आज बारामती मधून सुरू झालेली Success Code Academy विद्यार्थ्यांच्या गुणवत्तापूर्ण शिक्षणाची, प्रामाणिक मार्गदर्शनाची आणि उत्कृष्ट निकालांची विश्वासार्ह ओळख बनली आहे. संस्थेचा हा प्रवास केवळ यशाचा नाही, तर स्वप्नांना दिशा देण्याचा, आत्मविश्वास जागवण्याचा आणि समाजाला सक्षम, संवेदनशील व गुणवंत डॉक्टर घडवण्याचा आहे.
याच प्रेरणादायी प्रवासाचा गौरव करण्यासाठी आपण आज येथे एकत्र आलो आहोत.
चला, टाळ्यांच्या कडकडाटात Success Code Academy च्या या यशस्वी वाटचालीचा आणि आपल्या गुणवंत विद्यार्थ्यांचा मनःपूर्वक गौरव करूया.
