Ghausia Belauha Bazar

دلکش و پرکشش منظر غوثیہ جامع مسجد
بلوها بازار سدھارتھ نگر

Qaide Ahle Sunnat Hazrat Allama Maulana Muhammad Rehan Raza Khan Nizami Sahab Qibla, Bani wa Sarbarah-e-Aala Markazi Darsgah Darul Uloom Ahle Sunnat Ghausia Nizamul Uloom, Belauha Bazar, Siddharth Nagar (U.P.) Talaba-e-Ghausia ko Naseehat Farmate Hue.

*سیدنا عثمانِ غنی رضی اللہ تعالیٰ عنہ کی بے مثال سخاوت اور شانِ ایمان*

اسلام کی تاریخ میں بعض شخصیات ایسی ہیں جن کی زندگی کا ہر پہلو امت کے لیے مشعل راہ ہے۔ انہی عظیم ہستیوں میں سے ایک حضرت سیدنا عثمان بن عفان رضی اللہ تعالیٰ عنہ ہی جنہیں حضور نبی کریم ﷺ کی بارگاہ سے ایسی بشارتیں عطا ہوئیں جو رہتی دنیا تک ان کے مقام و مرتبہ کو روشن کرتی رہیں گی۔
غزوۂ تبوک کا موقع انتہائی سختی اور تنگی کا تھا۔ گرمی کی شدت، وسائل کی کمی اور طویل سفر
ہر چیز اس لشکر کے لیے آزمائش تھی، اسی لیے اسے جیشِ عسرہ کہا گیا۔ ایسے نازک وقت میں رسول اللہ ﷺ نے صحابہ کرام رضوان اللہ علیہم اجمعین کو اللہ کی راہ میں خرچ کرنے کی ترغیب دی تاکہ لشکر کی تیاری مکمل ہو سکے۔
یہ وہ موقع تھا جب حضرت عثمان غنی رضی اللہ تعالیٰ عنہ نے اپنی بے مثال سخاوت کا ایسا مظاہرہ کیا جس کی مثال تاریخ میں کم ہی ملتی ہے۔ آپ ایک ہزار دینار لے کر بارگاہ رسالت ﷺ میں حاضر ہوئے اور انہیں حضور ﷺ کی گود مبارک میں نچھاور کر دیا۔ نبی کریم ﷺ ان دیناروں کو دیکھ کر خوشی سے فرماتے جاتے تھے
مَا ضَرَّ عُثْمَانَ مَا عَمِلَ بَعْدَ الْيَوْمِ
آج کے بعد عثمان کو کوئی عمل نقصان نہیں پہنچائے گا۔
(جامع ترمذی: 3701)
یہ صرف ایک جملہ نہیں بلکہ ایک عظیم بشارت اور اللہ کے محبوب ﷺ کی طرف سے ایک ایسی گواہی ہے جو حضرت عثمان غنی رضی اللہ تعالیٰ عنہ کے اخلاص ایثار اور للّٰہیت کا منہ بولتا ثبوت ہے۔
حضرت عثمان غنی رضی اللہ تعالیٰ عنہ کی زندگی ہمیں یہ درس دیتی ہے کہ اللہ کی راہ میں خرچ کرنا صرف مال دینا نہیں بلکہ اپنے دل کی محبت ایمان کی سچائی اور رب کی رضا کو مقدم رکھنا ہے۔ آپ نے کبھی بھی دین کی خدمت میں پیچھے ہٹنے کا تصور تک نہیں کیا، چاہے وہ کنویں خرید کر مسلمانوں کے لیے وقف کرنا ہو یا لشکر کی تیاری میں اپنا مال لٹا دینا ہو۔
آج ہمیں بھی چاہیے کہ ہم حضرت عثمان غنی رضی اللہ عنہ کی سیرت سے سبق حاصل کریں۔ اگر ہمارے پاس مال ہے تو اسے اللہ کی راہ میں خرچ کریںاگر علم ہے تو اسے پھیلائیں اور اگر طاقت ہے تو اسے دین کی خدمت میں لگائیں یہی وہ راستہ ہے جو انسان کو دنیا و آخرت میں کامیابی عطا کرتا ہے۔
اللہ تعالیٰ ہمیں بھی اخلاص سخاوت اور دین کی خدمت کا جذبہ عطا فرمائے، اور ہمیں صحابہ کرام رضوان اللہ علیھم اجمعین کے نقش قدم پر چلنے کی توفیق دے۔ آمین یارب العالمین بجاہ سید المرسلن ﷺ

*تعلیمات اسلام*

01/ جون 2026 ء
14/ ذی الحج1447ھ بروز سوموار

~منجانب~۔ *مرکزی درسگاہ دارالعلوم اہل سنت غوثیہ نظام العلوم بلوہا بازار سدھارتھ نگر یوپی*

اگر تمہاری منصوبہ بندی ایک سال کی ہے تو چاول اُگاؤ ۔
اگر دس سال کے لئے ہے تو پیڑ لگاؤ۔
اور اگر سو سال کے لئے ہے تو بچّوں کو تعلیم دو۔

~کنفوشیوس(Confucius)

Juma Mubarak ♥️

*تعلیمات اسلام*

29/ مئی 2026 ء
11/ ذی الحج1447ھ بروز جمعہ

~منجانب~۔ *مرکزی درسگاہ دارالعلوم اہل سنت غوثیہ نظام العلوم بلوہا بازار سدھارتھ نگر یوپی*

عید الاضحیٰ مبارک!

اللہ ہماری قربانیاں اور عبادات قبول فرمائے۔ یہ عید ہمارے لیے رحمت، برکت اور اتحاد کا پیغام لے کر آئے۔ اللہ بیماروں کو شفا، پریشان حالوں کو سکون اور سب کو دین و دنیا کی کامیابیاں عطا کرے۔ آمین!
منجانب ۔مرکزی درسگاہ دارالعلوم اہل سنت غوثیہ نظام العلوم بلوہا بازار سدھارتھ نگر یوپی