https://www.youtube.com/c/LekhaRemesh/

Lekha R Nair, Bangalore (2026)

17/12/2025

Another dream come true moment 🥰☺️

ഒരിക്കലെങ്കിലും ലാലേട്ടനെ ഒന്ന് നേരിൽ കാണുക,
ആൾക്കൂട്ടത്തിൽ ഒരുവളായി ഒന്ന് കണ്ടു പോരുക എന്നതിൽ ഉപരി,
കാണുമ്പോൾ നേരിട്ട് കണ്ടു ഒന്ന് സംസാരിക്കുവാൻ സാധിക്കുക ;
അതിനു വേണ്ടിയുള്ള കാത്തിരിപ്പ് അവസാനിപ്പിച്ചു കൊണ്ട്
ദൃശ്യം 3 ഷൂട്ട് സമയത്തു അങ്ങിനെ ഒരു അവസരം ലഭിച്ചു.

ആദ്യം കണ്ടപ്പോൾ...
ആ ഒരു moment ...
സത്യം പറഞ്ഞാൽ dream or reality എന്നുള്ള feel ആയിരുന്നു.
എത്രയോ നാളുകളായി കാണുവാൻ ആഗ്രഹിച്ച വ്യക്തി ..
എൻ്റെ തൊട്ടടുത്ത്...
ഒരു നിമിഷം എടുത്തു യാഥാർഥ്യത്തിലേക്ക് വരുവാനും അദ്ദേഹത്തോട് ഒന്ന് സംസാരിച്ചു തുടങ്ങുവാനും ..
ലാലേട്ടനെ സംബന്ധിച്ചിടത്തോളം എന്നും കാണുന്ന ഒരുപാട് ആരാധകരിൽ ഒരാൾ ,
എന്നാൽ എനിക്കത് ഞാൻ lifetime cherish ചെയുവാൻ പോകുന്ന ഒരു moment ജീവിക്കുകയായിരുന്നു.

എന്ന് തൊട്ടാണ് ലാലേട്ടനോട് ഇഷ്ട്ടം തോന്നി തുടങ്ങിയത് എന്ന് അറിയില്ല..
അദ്ദേഹത്തിൻ്റെ സിനിമകൾ കണ്ടു തുടങ്ങിയ ഇഷ്ട്ടം ,
പല കഥാപാത്രങ്ങളിലൂടെ ഒരു നടനോട് തോന്നിയിട്ടുള്ള ആരാധന,
പിന്നീട് ലാലേട്ടൻ ഒരു വികാരമായി , പല സൗഹൃദ വലയത്തിലും അദ്ദേഹത്തിന് വേണ്ടി വഴക്കടിച്ചു വാദിച്ചിട്ടുണ്ട് ..
പിന്നീടങ്ങോട്ട്, അദ്ദേഹത്തിൻ്റെ അഭിമുഖങ്ങളിലൂടെ, എഴുത്തുകളിലൂടെ , അഭിപ്രായങ്ങളിലൂടെ, കാഴ്ചപ്പാടുകളിലൂടെ , കേവലം ഒരു നടനോടുള്ള ഇഷ്ട്ടം എന്നതിൽ നിന്നും ലാലേട്ടൻ എന്ന വ്യക്തിയോടുള്ള ബഹുമാനമായി മാറി.
എവിടൊക്കെയോ, എപ്പോളൊക്കേയൊ അദ്ദേഹം ഒരു inspiration ആയി മാറി.
നേരിൽ കാണണം എന്നുള്ളത് വെറും ഒരു ആഗ്രഹം എന്നതിൽ ഉപരി ഒരു കാത്തിരിപ്പായി.
അതാണ് ഇപ്പോൾ യാഥാർഥ്യമായത്.

Manifested... Met... Magic happened.
And now, wishing for the next meet, this time for more moments, more conversations, and more quality time with him.

01/09/2025

ഹൃദയപൂർവ്വം കണ്ടു. വലിയ ആർഭാടങ്ങളും ബഹളങ്ങളും ഒന്നുമില്ലാതെ സന്തോഷമായി പോയി കണ്ടു വരാവുന്ന ഒരു simple feel good സിനിമ . എന്താകും സംഭവിക്കുക എന്ന് ഏറെക്കുറെ നമുക്ക് ഊഹിക്കാൻ പറ്റുന്ന ഒരു സിനിമ, എന്നാൽ യാതൊരു ബോറടികളും ഇല്ലാതെ കാണാൻ പറ്റുന്ന ഒന്ന് .

സത്യൻ അന്തിക്കാട് പടങ്ങളിൽ കണ്ടുവരുന്ന നർമ്മത്തിൻ്റെ മേമ്പൊടി ഇതിൽ സംഗീത് പ്രതാപ് വളരെ മനോഹരമാക്കി തന്നിട്ടുണ്ട്. അതുകൊണ്ടു തന്നെയാണ്, ഈ ചിത്രത്തിൽ ലാലേട്ടനോടൊപ്പം, അല്ലെങ്കിൽ അതിനും മുകളിലായി അദ്ദേഹത്തെ പറ്റി പലരും പ്രതിപാദിച്ചു കേൾക്കുന്നത്.
ആ ഒരു combo ഈ പടത്തിൻ്റെ വിജയത്തിൽ ഒരു വലിയ പങ്കു വഹിച്ചിട്ടുണ്ട്.
Antony Perumbavoor , Basil Joseph തുടങ്ങിയവർ ഈ സിനിമയിൽ ഒരു അനാവശ്യമായ ഏച്ചുകെട്ടലുകൾ ആയി തോന്നി.ആ ഒരു time duration കൂടെ സംഗീത് പ്രതാപിന് കൊടുത്തിരുന്നെങ്കിൽ എന്ന് ആഗ്രഹിച്ചു. അത്രയും മനോഹരമായി സംഗീത് തൻ്റെ കഥാപാത്രത്തെ വിജയിപ്പിച്ചിട്ടുണ്ട്. ഈ ഒരു പടത്തിൻ്റെ ഭാഗമായതിലൂടെ മാളവിക എന്ന നടിയും മലയാളിയുടെ മനസ്സിൽ ഒരു ഇടം നേടിയിട്ടുണ്ട് .ശ്രീ ജനാർദ്ദനൻ എന്ന നടനെ എത്ര നാളായി സ്‌ക്രീനിൽ കണ്ടിട്ട്. വളരെ ചെറിയ ഒരു കഥാപാത്രം ആണെങ്കിലും, അദ്ദേഹത്തെ കുറെ നാളുകൾക്കു ശേഷം കണ്ടപ്പോൾ നല്ല ഒരു സന്തോഷം തോന്നി.

മനസ്സിൽ തങ്ങി നിൽക്കുന്ന songs ഒന്നും എടുത്തു പറയുവാൻ ഇല്ല,
ഒരു വലിയ suspense thriller അല്ല, വൻ twist ഒന്നും തന്നെ പ്രതീക്ഷിക്കേണ്ട, High തരുന്ന വലിയ fights ഇല്ല. ലാലേട്ടൻ്റെ എടുത്തുപറയാവുന്ന career best കഥാപാത്രങ്ങളിൽ ഒന്നായി ഇത് മാറും എന്നും തോന്നുന്നില്ല.
ഇതൊന്നും ഇല്ലാതിരുന്നിട്ടും , ഒരു വ്യത്യസ്തമായ പ്രമേയം കൊണ്ട് വന്നു വിജയിപ്പിക്കുവാൻ സാധിച്ചിട്ടുണ്ട് എന്നതാണ് ഈ സിനിമയുടെ ഒരു magic . ആ ഒരു magic experience ചെയ്യാൻ വേണ്ടി ഈ സിനിമ തീർച്ചയായും ഒന്ന് കാണണം എന്ന് തന്നെയാണ് എൻ്റെ ഒരു അഭിപ്രായം.

21/07/2025

Bigboss Malayalam season7 പരസ്യത്തിൽ ലാലേട്ടൻ്റെ ഒരു mass performance കണ്ടു , അതിന്റെ ഒരു WOW moment മാറുന്നതിനു മുന്നേ അതാ വരുന്നു അടുത്ത ഒരു പരസ്യം ..
എല്ലാ പരമ്പരാഗത ശൈലികളും മറികടന്നുകൊണ്ട് സ്ത്രൈണതയുടെ ആവരണം അണിഞ്ഞ ഒരു ലാലേട്ടൻ !!
ഏതുവേഷവും ഇങ്ങനെ graceful ആയി ചെയ്തു വെക്കുന്ന ലാലേട്ടൻ്റെ കഴിവുകളിൽ സംശയം പ്രകടിപ്പിക്കുന്ന... ,
അഭിനയം അത്ര പോരാ.. , ഇപ്പോൾ പഴയപോലെ അങ്ങ് ശരിയാകുന്നില്ല ...
എന്നെല്ലാം പറയുന്ന ന്യൂന പക്ഷത്തോട് ,
He’s not just an actor, he’s the definition of versatility.
So many roles, so many shades — Still ruling and proving it!

NB : don't want to talk anything on the sensational concept.
Absolutely loved how he carried the role,
the expressions, the brilliant gestures, the graceful movements ...

A True masculinity who portrays feminine gestures beautifully proves his incredible range and talent.
just exceptional ✨
Proud to be a Lalettan fan !

Mohanlal

02/06/2025

കാശ്മീർ ഓർമ്മകൾ - പഹൽഗാം

ചില യാത്രകൾ.. അത് അവസാനിപ്പിച്ച് നമ്മൾ തിരിച്ചു എത്തിയാലും, ആ ഓർമ്മകൾ ഒട്ടും മങ്ങാതെ, മായാതെ അങ്ങിനെ പച്ചപിടിച്ചു കിടക്കും.
അതായിരുന്നു പഹൽഗാം എനിക്ക് - സൗന്ദര്യം തുളുമ്പുന്ന ഓർമ്മകൾ, സ്നേഹം തുളുമ്പുന്ന അനുഭവങ്ങൾ !
പച്ചപ്പ്‌ നിറഞ്ഞ മലനിരകൾ,അത് നടന്നു കയറുന്ന ആട്ടിൻകൂട്ടങ്ങൾ , മരങ്ങൾ കൊണ്ട് മേൽക്കൂര കെട്ടിപ്പൊക്കിയ കൊച്ചു ഗ്രഹങ്ങൾ , അവിടേക്കുള്ള യാത്ര തന്നെ ഒരു അനുഭവമായിരുന്നു.

ആ താഴ്വരയിലെത്തി അവിടെ നടക്കുമ്പോൾ ഒരു അവധിക്കാലം ആഘോഷിക്കാൻ വന്ന മനസ്സായിരുന്നില്ല, മറിച്ചു ഏതോ സ്വപ്നലോകത്തിൽ എത്തിപ്പെട്ടത് പോലെ ഉള്ള അനുഭവമായിരുന്നു.
നയന മനോഹരകാഴ്ചകളും, മനസ്സ് നിറയെ ശാന്തിയും സമാധാനവും - അതാണ് അവിടെ അനുഭവിച്ചത്‌.

സ്വപ്നതുല്യമായ യാത്ര കഴിഞ്ഞു തിരിച്ചു എത്തിയത് വേദനജനകമായ ഒരു യഥാർഥ്യത്തിലേക്കാണ് .
ഏറ്റവും ശാന്തിയിലും , സാമാധാനത്തിലും ഞാൻ ആ തഴ്വര കണ്ടതും…
ഒറ്റ ദിവസത്തിൽ പിന്നീട് അതിൽ രക്തം വീണതും..
മനസ്സിൽ ആദ്യം ഭയമാണ് ഓടിയെത്തിയത് ..

പഹൽഗാമിൽ ഞാൻ കണ്ടത് ശാന്തിയും സൗന്ദര്യവും ആണെങ്കിൽ,
എനിക്ക് പിന്നാലെ അവിടെ എത്തിയവർക്ക് അത് ഭയവും, നിസ്സഹായതയും, വേദനയും നിറഞ്ഞതായി മാറി,
എനിക്കേറെ നല്ല അനുഭവങ്ങളുടെ നേട്ടങ്ങൾ തന്നപ്പോൾ അവർക്കു അത് തീരാ നഷ്ട്ടങ്ങളായി മാറി,
ഞാൻ അനുഭവിച്ച കുളിർകാറ്റുകൾ അവർക്കു ഭീകരത നിറഞ്ഞ കൊടുംചൂടായി ,
ഞാൻ ആസ്വദിച്ച പച്ചപ്പിൽ അവർ കണ്ടത് രക്തക്കറകൾ ...
ഞങ്ങളുടെ പോലെ തന്നെ കാശ്മീർ കാണുവാൻ അവിടെയെത്തിയ മനുഷ്യരല്ലേ അവരും...

ഞങ്ങൾ സഞ്ചരിച്ച ആ പാതകളിൽ തന്നെയാണ് ഈ ഭീകരത പെയ്തു ഇറങ്ങിയത് എന്ന് മനസ്സിലാകുമ്പോൾ,
ഓരോ ഓർമ്മകളും ഒരുതരം വേദന കൊണ്ട് മൂടിയത് പോലെ തോന്നി.

സൗന്ദര്യം നിറഞ്ഞ പ്രകൃതിയും, സ്നേഹം നിറഞ്ഞ ഒരു പറ്റം മനുഷ്യരും ഇന്നും അവിടെ ഉണ്ട് ,
ഭയം വിട്ട് ജനങ്ങൾ വീണ്ടും പഹൽഗാം തേടി വരും…
സാമാധാനത്തിൻ്റെയും സൗന്ദര്യത്തിൻ്റെയും ആ തണുത്ത കാറ്റ് വീണ്ടും ജനഹൃദയങ്ങളിൽ കുളിരു നിറയ്ക്കും.
നമുക്കായി.. എല്ലാവർക്കുമായി...
പഹൽഗാമിൻ്റെ മനസ്സും, മലകളും വീണ്ടും ഉണർന്നു പാടും , തകർക്കാൻ കഴിയാത്തൊരു സൗന്ദര്യത്തിന്റെ ഗാഥകൾ.
ഓർമ്മകളോടൊപ്പം… പ്രാർത്ഥനയോടെയും.

30/05/2025

കാശ്മീർ ഓർമ്മകൾ - Gulmarg

ഒരുപാടുനാളത്തെ ഒരു സ്വപ്ന സാക്ഷാത്ക്കരമായിരുന്നു April 2nd week ഞങ്ങൾ നടത്തിയ കാശ്മീർ യാത്ര ...
പറഞ്ഞു കേട്ടിട്ടുള്ള പ്രകൃതി ഭംഗി കൺകുളിർക്കെ കാണുക ,മഞ്ഞു നിറഞ്ഞ മലനിരകളിലൂടെ യഥേഷ്ടം ഓടി നടക്കുക,
മഞ്ഞു വാരി കളിക്കുക, ഏറെ പ്രിയപ്പെട്ടവരോടൊപ്പം മഞ്ഞുമഴ നനയുക , അങ്ങിനെ ചിരകാലമായി കൊണ്ടു നടന്നിരുന്ന ഒരു സ്വപ്നം
അതിന്റെ പൂർണ്ണതയിൽ ആസ്വദിക്കുക. ഇതായിരുന്നു യാത്രയൂടെ ഉദ്ദേശം .

ഏപ്രിൽ മാസത്തോടുകൂടെ കശ്മീർ മലനിരകളിൽ മഞ്ഞുരുകുന്ന സമയം ആയതിനാൽ , പേരിനെങ്കിലും ഒരല്പം മഞ്ഞു കാണാൻ ആകുമോ
എന്നൊരു ആധിയും ആശങ്കയും എല്ലാം ഉണ്ടായിരുന്നു യാത്ര വേളയിൽ.
ആദ്യ ദിവസത്തെ Dal Lake സായാഹ്നം തന്ന മറക്കാനാവാത്ത ആ ശാന്തിയും സൗന്ദര്യവും നെഞ്ചിലേറ്റി ആണ് പിറ്റേന്ന് Gulmarg സന്ദർശനത്തിനായി പോയത്.

എൻ്റെ ഒപ്പം ഉണ്ടായിരുന്നവർ എല്ലാവരും എൻ്റെ പോലെ തന്നെ അതി തീവ്രമായി ആദ്യ മഞ്ഞു അനുഭവത്തിനായി,
അതിൻ്റെ അടങ്ങാത്ത ആഗ്രഹവും ആയി വന്നതുകൊണ്ടാകണം,
ഞങ്ങളെ കാശ്മീർ വരവേറ്റത് നിറയെ മഞ്ഞും തണുപ്പും മഞ്ഞുമഴയും എല്ലാം ചേർന്നാണ്.

അവിടേക്കുള്ള യാത്രയിൽ ദൂരെനിന്നു തന്നെ മഞ്ഞുമലകൾ കണ്ടു അടക്കാനാവാത്ത ആഹ്ളാദത്തിലാണ്‌ ഞങ്ങൾ അവിടേക്കു ചെന്നത്.
Snow Bikeഇൽ ഞങ്ങളെ മഞ്ഞുമലയുടെ ഇടയിലൂടെ ദൂരത്തു കൊണ്ടുപോയി ഈ ഒരു അനുഭവം ഏറെ ആസ്വാദ്യമാക്കി തന്നത് അവിടുള്ള snow bike riders ആണ് .
യാതൊരു രീതിയിലുള്ള മുഷിവും കാണിക്കാതെ, പറഞ്ഞുറപ്പിച്ചതിലും കൂടുതൽ സമയം നമ്മളെ അവിടെല്ലാം കറക്കി, ഞങ്ങൾ പറയുന്ന പോലെ ഫോട്ടോസ് & വീഡിയോസ്
എല്ലാം എടുത്തു തന്ന ആ സഹോദരങ്ങൾക്ക് ഒരായിരം നന്ദി. അവിടെ വെറുതേ ഒരു ജോലി ചെയ്തു തീർക്കുന്ന ലാഘവത്തിൽ അല്ലാ അവർ ഞങ്ങളോട് പെരുമാറിയത്.
ഈ തണുപ്പും, മഞ്ഞും അവരുടെ ദൈന്യദിനത്തിൻ്റെ ഭാഗമായിട്ടും , നമ്മുടെ ആദ്യ അനുഭവം ആണെന്ന് പറഞ്ഞപ്പോൾ,
അത് ഏറ്റവും നല്ല രീതിയിൽ ഉള്ള ഓർമ്മകൾ ആയിരിക്കണം എന്ന ആത്മാർത്ഥതയോടെ നമ്മളോട് സഹകരിച്ച കുറച്ചു നല്ല മനുഷ്യരെ അവിടെ കണ്ടു.
മുഖം ഓർമയില്ല, പേര് ചോദിച്ചില്ല, ഒരു ഫോട്ടോ പോലും ഒരുമിച്ചു എടുത്തില്ല , ഇനി കണ്ടാലും തിരിച്ചു അറിയില്ല.
ഞങ്ങളെ തിരിച്ചുകൊണ്ടാക്കി അവർ അടുത്ത ഒരു കൂട്ടം ആളുകളുമായി വീണ്ടും മഞ്ഞു മലകളിലൂടെ അടുത്ത യാത്ര തുടങ്ങിയപ്പോൾ,
എന്നും ഓർമയിൽ കുളിരായി സൂക്ഷിക്കാൻ ജീവിതത്തിലെ ആ ആദ്യ അനുഭവത്തിൻ്റെ, ഒരു സ്വപ്ന സാക്ഷാത്ക്കാരത്തിൻ്റെ ,
ഒരുപാട് നല്ല ഓർമ്മകളുമായി ഞങ്ങളും അവിടെനിന്നും തിരിച്ചു ഇറങ്ങി .

25/05/2025

A fun and refreshing vacation with friends—filled with shopping, good food, and a great stay!

14/05/2025

All about Tulip Gardens
Kashmir day 4

12/05/2025

For us, Pahalgam isn’t just a sight to behold, it’s an experience to feel... 🥰🥰🥰

Kashmir Day 3

Lekha R Nair

17/12/2025

01/09/2025

21/07/2025

02/06/2025

30/05/2025

25/05/2025

14/05/2025

12/05/2025

Address

Website

Alerts

Shortcuts

Share

Category

Listing takedown request