Academic writing

How to make a home budget Money management is an essential life skill in real life. Budget making is an important part of money mangement

https://youtu.be/LYGIjoWnVFo
https://www.youtube.com/channel/UCsvlXuAQl1RWu3HaCEpi36A

Pearsonal growth - YouTube This channel contains videos for overall development of a Pearson. Modern school college education does not teach life skills. Life skills are necessary for ...

1 കടം എങ്ങനെ ഇല്ലാതാക്കാം

2 സാമ്പത്തിക ലക്ഷ്യങ്ങൾ എങ്ങനെ നേടിയെടുക്കാം

3 അനാവശ്യ ചിലവുകൾ എങ്ങനെ ഒഴിവാക്കാം

4 പണം കൈയ്യിൽ നിൽക്കുന്നില്ല എന്ന പ്രശ്നം എങ്ങനെ പരിഹരിക്കാം

To know more click

How to make a home budget Money management is an essential life skill in real life. Budget making is an important part of money mangement

1 കടം എങ്ങനെ ഒഴിവാക്കാം

2 സാമ്പത്തിക ലക്ഷ്യങ്ങൾ എങ്ങനെ നേടിയെടുക്കാം

3 അനാവശ്യ ചിലവുകൾ എങ്ങനെ ഇല്ലാതാക്കാം

4 പണം കൈയ്യിൽ നിൽക്കുന്നില്ല എന്ന പ്രശനം എങ്ങനെ ഇല്ലാതാക്കാം

To know more click the link

How to make a home budget

Academic writing Biology

അന്തരീക്ഷ നദികൾ എന്നാൽ എന്ത്?
Dr Arun K Sreedhar, Geological Survey of India Bangalore

ഇടുങ്ങിയതും വളഞ്ഞു പുളഞ്ഞു പോകുന്നതും ആയിരക്കണക്കിന് കിലോ മീറ്റർ നീളമുള്ളതും നൂറുകണക്കിന് കിലോ മീറ്റർ വീതി ഉള്ളതുമായ തീവ്രതയുള്ള നീരാവിയുടെ പ്രവാഹത്തെയാണ് അന്തരീക്ഷ നദികൾ അഥവാ atmospheric rivers എന്ന് പറയുന്നത്. ഇത് Tropics-ന് പുറത്ത് കാണപ്പെടുന്ന ക്ഷണികമായ ഒരു പ്രതിഭാസമാണ്. Tropics പുറത്ത് സംഭവിക്കുന്ന ചുഴലിക്കാറ്റും ആയി (extratropical cyclone) ബന്ധപ്പെട്ടാണ് അന്തരീക്ഷ നദികൾ പലപ്പോഴും കാണപ്പെടുന്നത്. ഒരു അന്തരീക്ഷ നദിക്ക് കരയിലുള്ള നദികൾ നൽകുന്നതിനേക്കാൾ വളരെ കൂടുതൽ ജലം നൽകുവാൻ കഴിയും. ആഗോള തലത്തിൽ നോക്കുമ്പോൾ 27 മിസിസിപ്പി നദികൾ ചേർന്ന് പുറത്തുവിടുന്ന ജലത്തേക്കാൾ കൂടുതൽ ജലം അന്തരീക്ഷ നദികൾ വഹിച്ചുകൊണ്ട് പോകുന്നുണ്ട് അതുകൊണ്ടുതന്നെ അന്തരീക്ഷ നദികൾ ആഗോള ജല ചക്രത്തിൻറെ പ്രധാനപ്പെട്ട ഘടകങ്ങളാണ്.
വടക്കേ അമേരിക്കയുടെ പടിഞ്ഞാറൻ ഭാഗങ്ങൾ തെക്കേ അമേരിക്ക തെക്കേ ആഫ്രിക്ക യൂറോപ്പ് തുടങ്ങിയ ഭൂഖണ്ഡങ്ങളിലെ തീരപ്രദേശങ്ങളിൽ ജലം എത്തിക്കുന്നതിൻറെ ഫലപ്രദമായ മെക്കാനിസം ആണ് അന്തരീക്ഷ നദികൾ. എന്നിരുന്നാലും കനത്ത മഴ മൂലം ഉണ്ടാകുന്ന വെള്ളപ്പൊക്ക അപകടങ്ങൾ, ചുഴലിക്കാറ്റ് തുടങ്ങിയവയ്ക്കും അന്തരീക്ഷ നദികൾ കാരണമാകുന്നു. എന്നാൽ മാനുഷിക പ്രവർത്തനങ്ങൾ അന്തരീക്ഷ നദികളെ എങ്ങനെയാണ് ബാധിക്കുന്നത് എന്ന് ഇപ്പോഴും വ്യക്തമല്ല. അന്തരീക്ഷ നദികളുടെ സ്ഥാനം നിർണയിക്കുന്നത് ജെറ്റ് സ്ട്രീം-ഇൽ ഉണ്ടാകുന്ന വ്യതിയാനങ്ങളാണ് (അന്തരീക്ഷത്തിൻറെ ഉന്നത മേഖലകളിൽ വീശുന്ന ഇടുങ്ങിയതും ശക്തവുമായ കാറ്റുകളെയാണ് ജെറ്റ് സ്ട്രീം എന്ന് വിളിക്കുന്നത്)
അന്തരീക്ഷത്തിൻറെ താഴത്തെ മൂന്നു കിലോമീറ്റർ-നു ഉള്ളിലാണ് അന്തരീക്ഷ നദികൾ കാണപ്പെടുന്നത്. ധ്രുവങ്ങളിലേക്കുള്ള ഈർപ്പ പ്രവാഹത്തിൻറെ 90 ശതമാനവും നടക്കുന്നത് അന്തരീക്ഷ നദികൾ വഴിയാണ്.നോർത്ത് പസവിക്കിൽ അന്തരീക്ഷ നദികൾ വഴി നടക്കുന്ന ഈർപ്പ പ്രവാഹം ആമസോൺ നദി പുറത്തുവിടുന്ന വാർഷിക ശരാശരി ജലത്തിൻറെ രണ്ടിരട്ടിയാണ്. അന്തരീക്ഷ നദികളിൽ കേന്ദ്രീകരിച്ചിരിക്കുന്ന ഈർപ്പം ഉൽഭവിക്കുന്നത് രണ്ടുതരത്തിലാണ് ആണ് (1) പ്രാദേശികതലത്തിൽ നിന്ന് ( extratropical cyclone നിന്ന് സ്വരൂപിക്കുന്ന ഈർപ്പം) (2 )Tropics -ഇൽ നിന്ന് ധ്രുവങ്ങളിലേക്കു നീങ്ങുന്ന ഈർപ്പ പ്രവാഹത്തിൽ നിന്ന് സ്വരൂപിക്കുന്ന ഈർപ്പം.
അന്തരീക്ഷ നദികളിൽ നിന്ന് മൂന്നുവിധത്തിലുള്ള മഴ ലഭിക്കുന്നു (1 ) തണുത്ത മഴ അഥവാ cold rainfall (വടക്കൻ വടക്കൻ അക്ഷാംശങ്ങളിൽ കൂടുതലായി കാണപ്പെടുന്ന ഐസ് മഴ) (2 ) ചൂടുള്ള മഴ മഴ അഥവാ warm rainfall (ഇതിൽ ഐസ് മഴയുടെ അളവ് വളരെ കുറവാണ്) (3 ) ചൂടും തണുപ്പും സമ്മിശ്രമായി ഉള്ള മഴ. അന്തരീക്ഷ നദികളെ രണ്ടുവിധത്തിൽ തിരിച്ചറിയാം (1) Integrated water vapour (IWV) ഉപയോഗിച്ച് തിരിച്ചറിയാം. ഉപഗ്രഹങ്ങളിൽ നിന്നുള്ള വിവരങ്ങൾ ശേഖരിച്ചാണ് ഇത് ചെയ്യുന്നത്. (2) Vertically integrated horizontal water vapour transport (IVT) കണക്കുകൂട്ടി അന്തരീക്ഷ നദികളെ തിരിച്ചറിയാം. തണുപ്പുകാലത്ത് ആണ് tropics-ന് പുറത്തു സംഭവിക്കുന്ന ചുഴലിക്കാറ്റ് (extratropical cyclone) കൂടുതലായും ഉണ്ടാകുന്നത് അതുകൊണ്ടുതന്നെ അന്തരീക്ഷ നദികൾ കൂടുതലായും ഉണ്ടാകുന്നത് തണുപ്പ് കാലത്താണ്.

അന്തരീക്ഷ നദികൾ ഉണ്ടാക്കുന്ന ആഘാതങ്ങൾ

അന്തരീക്ഷ നദികൾ കരയിലേക്ക് പ്രവേശിക്കുമ്പോൾ അത് വഹിച്ചുകൊണ്ടുവരുന്ന ഈർപ്പ പ്രവാഹം പർവത ശിഖരങ്ങൾ തടഞ്ഞുനിർത്തുന്നു. ഇത് കനത്ത മഴക്കും വെള്ളപ്പൊക്കത്തിനും മണ്ണിടിച്ചിലിലും കാരണം ആകുന്നു. അതുകൊണ്ടുതന്നെ അന്തരീക്ഷ നദികൾ ഒരേസമയം ഗുണകരവും, വിനാശകരമാണ്.
അന്തരീക്ഷ നദികളോട് അനുബന്ധിച്ചുണ്ടാകുന്ന ആഘാതങ്ങൾ സൗത്ത് അമേരിക്ക, സൗത്ത് ആഫ്രിക്ക, നോർത്ത് അമേരിക്ക, യൂറോപ്പ് തുടങ്ങിയ പ്രദേശങ്ങളിലെ പടിഞ്ഞാറൻ തീര പ്രദേശത്തും, ന്യൂസിലാൻഡ്, ജപ്പാൻ തുടങ്ങിയ രാജ്യങ്ങളുടെ കിഴക്കൻ തീരപ്രദേശത്തും, മധ്യ കിഴക്കൻ അമേരിക്കയുടെ മുകളിലുമായി കൂടുതലും ഒതുങ്ങി നിൽക്കുന്നു. കൂടാതെ അന്തരീക്ഷ നദികൾ ധ്രുവ പ്രദേശങ്ങളിലേക്കും വ്യാപിക്കുന്നു. അന്തരീക്ഷ നദികളുടെ സാന്നിധ്യം മൂലം ആർട്ടിക് troposphere വേനൽക്കാലത്ത് കൂടുതലായി ചൂടാകുന്നു. ഇത് ആർട്ടിക് സമുദ്രത്തിലെ മഞ്ഞുകട്ടകൾ ഉരുകുന്നതിനു കാരണമാകുന്നു. അന്തരീക്ഷ നദികളുടെ സാന്നിധ്യം മൂലം Western Antarctica-ലും വലിയതോതിൽ മഞ്ഞുരുകുന്നു.
അമേരിക്കയുടെ പടിഞ്ഞാറൻ തീരപ്രദേശത്ത് തണുപ്പുകാലത്ത് ഉണ്ടാകുന്ന കനത്ത മഴക്കും വെള്ളപ്പൊക്കത്തിനും കാരണം അന്തരീക്ഷ നദികളാണ് . വടക്കൻ കാലിഫോർണിയയിൽ 1997 മുതൽ 2006 വരെ ഉണ്ടായ ജലം മാപിനിയുടെ പരിധിക്കു മുകളിൽ പോയ ഏഴ് വെള്ളപ്പൊക്കങ്ങൾ ഉണ്ടായത് അന്തരീക്ഷ നദികളോട് അനുബന്ധിച്ചാണ്. അമേരിക്കയുടെ പടിഞ്ഞാറൻ തീരപ്രദേശത്ത് വാർഷിക സമുദ്രനിരപ്പിൽ ഉണ്ടായ ഉയർച്ചയുടെ 40 മുതൽ 60 ശതമാനം വരെ കാരണം അന്തരീക്ഷ നദികളാണ്. വരണ്ട പ്രദേശമായ വടക്കുകിഴക്കൻ അരിസോണയിൽ ഉണ്ടാകുന്ന കനത്ത മഴക്കു കാരണം അന്തരീക്ഷ നദികളാണ്. മധ്യ അമേരിക്കയിൽ ലഭിക്കുന്ന കനത്ത മഴയുടെ 20 മുതൽ 70 ശതമാനം വരെ ഉണ്ടാകുന്നത് അന്തരീക്ഷ നദിക ളോട് അനുബന്ധിച്ചാണ് . ഇവിടെ ഉണ്ടാകുന്ന 70% വെള്ളപ്പൊക്കത്തിന് കാരണം അന്തരീക്ഷ നദികളാണ്. അമേരിക്കയുടെ തെക്കുകിഴക്കുഭാഗത്ത് വേനൽക്കാലം ഒഴികെയുള്ള സമയത്തുണ്ടാകുന്ന കനത്ത മഴയുടെ 41 ശതമാനം ലഭിക്കുന്നത് അന്തരീക്ഷ നദികളിൽ നിന്നാണ്. പടിഞ്ഞാറൻ യൂറോപ്പിൽ ഉണ്ടാകുന്ന കനത്ത മഴ അന്തരീക്ഷ നദികളോട് അനുബന്ധിച്ചാണ് ഉണ്ടാകുന്നത് . അമേരിക്കയുടെ പടിഞ്ഞാറൻ പ്രദേശവുമായി താരതമ്യം ചെയ്യുമ്പോൾ അന്തരീക്ഷ നദികൾ ഉണ്ടാക്കുന്ന ആഘാതങ്ങൾ പടിഞ്ഞാറൻ യൂറോപ്പിൽ കൂടുതൽ ഉൾപ്രദേശങ്ങളിലേക്ക് എത്തുന്നു. യുകെയിൽ തണുപ്പുകാലത്ത് ഉണ്ടാകുന്ന കനത്ത മഴയുടെ 50% വരെ ലഭിക്കുന്നത് അന്തരീക്ഷ നദികളിൽ നിന്നാണ്. നോർവേയിൽ ഉണ്ടാകുന്ന കനത്തമഴയുടെയും വെള്ളപ്പൊക്കത്തി ൻറെയും 56 ശതമാനം മുതൽ 50 ശതമാനം വരെ കാരണം നദികളാണ്. സൗത്ത് ആഫ്രിക്കയിൽ ഉണ്ടാകുന്ന കനത്ത മഴയുടെ 70% ലഭിക്കുന്നത് അന്തരീക്ഷ നദികളിൽ നിന്നാണ് . Taiwan, തെക്കൻ ചൈന, കൊറിയ, മധ്യ പടിഞ്ഞാറൻ ജപ്പാൻ തുടങ്ങിയ രാജ്യങ്ങളിൽ ഉണ്ടാകുന്ന കനത്ത മഴയുടെ 14 മുതൽ 40 ശതമാനം വരെ കാരണം അന്തരീക്ഷ നദികളാണ്.
പടിഞ്ഞാറൻ യൂറോപ്പിലും പടിഞ്ഞാറൻ അമേരിക്കയിലും ഉണ്ടാകുന്ന വാർഷിക മഴയുടെ 20 മുതൽ 30 ശതമാനം 30 ശതമാനംവരെ നൽകുന്നത് അന്തരീക്ഷ നദികളാണ്. കിഴക്കൻ ഏഷ്യയിൽ വേനൽക്കാലത്തു ലഭിക്കുന്ന മഴയുടെ 14 മുതൽ 40 ശതമാനം വരെ ലഭിക്കുന്നത് അന്തരീക്ഷം നദികളിൽ നിന്നാണ് . ഭൂമിയുടെ ഉത്തരാർദ്ധ ഗോളത്തിലും ദക്ഷിണാർദ്ധഗോളത്തിലും 4 മുതൽ 5 വരെ അന്തരീക്ഷ നദികൾ ഉണ്ടായിരിക്കുമ്പോൾ അതിൻറെ സ്വാധീനം ലോകത്താകമാനം പ്രകടമാകുന്നതാണ് . അമേരിക്കയുടെ പടിഞ്ഞാറൻ തീരപ്രദേശത്ത് ഉണ്ടാകുന്ന വരൾച്ചയുടെ 33 ശതമാനം മുതൽ 24 ശതമാനം വരെ ഇല്ലാതാക്കുന്നതിന് അന്തരീക്ഷ നദികൾ സഹായിക്കുന്നു. അന്തരീക്ഷ നദികൾ കൂടുതലായും ഉണ്ടാകുന്ന പ്രദേശങ്ങളിൽ അവ ഉണ്ടായില്ലെങ്കിൽ വരൾച്ച 90 ശതമാനം വരെ കൂടുമെന്ന് പഠനങ്ങളിൽ കണ്ടെത്തിയിട്ടുണ്ട് . Sierra Nevada- ഉള്ള ഹിമാനികളിൽ സംഭരിച്ചു വച്ചിരിക്കുന്ന ജലത്തിൻറെ 30 മുതൽ 40 ശതമാനം വരെ ലഭിക്കുന്നത് അന്തരീക്ഷ നദികളിൽ നിന്നാണ്.

അന്തരീക്ഷ നദികളെക്കുറിച്ച് നടന്ന പഠനങ്ങൾ

വടക്കേ അമേരിക്കയുടെ പടിഞ്ഞാറൻ തീര പ്രദേശം കേന്ദ്രീകരിച്ചാണ് അന്തരീക്ഷ നദികളിൽ ഉണ്ടാകുന്ന മാറ്റങ്ങൾ മനസ്സിലാക്കുന്നതിനു വേണ്ടിയുള്ള പഠനങ്ങൾ കൂടുതലും നടന്നിരിക്കുന്നത്. ഇവിടെ 1948 മുതൽ അന്തരീക്ഷ നദികളുടെ പ്രവർത്തനം കൂടി വരുന്നതിന് കാരണം, മാനുഷിക പ്രവർത്തനം കൊണ്ട് ഉണ്ടാകുന്ന കാലാവസ്ഥാ വ്യതിയാനംമൂലം പടിഞ്ഞാറൻ പസഫിക് സമുദ്രോപരിതല താപനില കൂടുന്നതാണ്. ഇതു കൂടാതെ അമേരിക്കയുടെ പടിഞ്ഞാറൻ തീരപ്രദേശത്ത് കൂടെ കരയിലേക്ക് പ്രവേശിക്കുന്ന അന്തരീക്ഷ നദികളുടെ താപനില 1980 മുതൽ കൂടിവരുന്നു. മറ്റു പ്രദേശങ്ങളിൽ അന്തരീക്ഷ നദികളിൽ ഉണ്ടാകുന്ന മാറ്റങ്ങൾ മനസ്സിലാക്കുന്നതിനുള്ള അവസരങ്ങൾ വളരെ പരിമിതമാണ് . ചൂടായി കൊണ്ടിരിക്കുന്ന കാലാവസ്ഥയിൽ (Warming climate) അന്തരീക്ഷ നദികളുടെ സ്വഭാവസവിശേഷതകൾ കുറിച്ചുള്ള രേഖാചിത്രം മനസ്സിലാക്കുന്നതിന് ഗ്ലോബൽ ക്ലൈമറ്റ് മോഡൽസ് വളരെയധികം സഹായകമാണ്. അന്തരീക്ഷ നദികളും ചുഴലിക്കാറ്റും തമ്മിലുള്ള ബന്ധം മനസ്സിലാക്കുന്നതിനും ഇതിൻറെ പിന്നിൽ നടക്കുന്ന തെർമോഡൈനാമിക്സ് പ്രക്രിയ തിരിച്ചറിയുന്നതിനും ഗ്ലോബൽ ക്ലൈമറ്റ് മോഡൽസ് വളരെയധികം സഹായിക്കുന്നു. ഇന്നേവരെ നടന്നിട്ടുള്ള അന്തരീക്ഷ നദികളുടെ രേഖാചിത്രം മനസ്സിലാക്കുന്നതിന് വേണ്ടിയുള്ള പഠനങ്ങൾ കൂടുതലും ആശ്രയിച്ചിരിക്കുന്നത് Fifth Coupled Model Intercomparison Project (CMIP 5 )-നെ ആണ് . ലോകത്ത് ആകമാനം ഭൂതകാലത്ത് ഉണ്ടായതും (1979 - 2002) ഭാവിയിൽ ഉണ്ടാകാൻ ഇരിക്കുന്നതുമായ (2073 - 2096) അന്തരീക്ഷ നദികളെക്കുറിച്ചുള്ള താരതമ്യ പഠനം തെളിയിക്കുന്നത്, അന്തരീക്ഷ നദികളുടെ പ്രവർത്തനം 50% കൂടുമെന്നാണ്.

References
1 Baek S.H et.al (2021). Counterbalancing influences of aerosols and greenhouse gases on atmospheric rivers. Nature Climate Change. 958-965
2 Payne A.E et. al (2020). Responses and impacts of atmospheric rivers to climate change. Nature Reviews. 143-157
3 Gimeno L et.al (2014). Atmospheric rivers: a mini- review. Frontiers in earth science. 1-6

ഇന്ത്യന്‍ മണ്‍സൂണിന്‍റെ ഉത്ഭവം
Dr Arun K Sreedhar, Geological Survey of India Bangalore

കാലം എന്നര്‍ത്ഥമുള്ള അറബി വാക്കായ Mousim-ല്‍ നിന്നാണ് മണ്‍സൂണ്‍ എന്ന വാക്ക് ഉത്ഭവിച്ചത്‌. കാലം മാറുമ്പോള്‍ വിപരീത ദിശയില്‍ കാറ്റ് വീശുന്നതാണ് മണ്‍സൂണിന്‍റെ സ്വഭാവം. മണ്‍സൂണ്‍ കാറ്റുകള്‍ വേനല്‍ക്കാലത്ത് കടലില്‍ നിന്ന് കരയിലേക്കും, തണുപ്പുകാലത്ത് കരയില്‍ നിന്ന് കടലിലേക്കും വീശുന്നു. 35 ഡിഗ്രി നോര്‍ത്ത് മുതല്‍ 25 ഡിഗ്രി സൗത്ത് വരെ ഉള്ള latitudes-ഉം , 30 ഡിഗ്രി വെസ്റ്റ്‌ മുതല്‍ 173 ഡിഗ്രി ഈസ്റ്റ് വരെയുള്ള longitudes-ഉം ആണ് മണ്‍സൂണ്‍ ബാധിത പ്രദേശങ്ങള്‍. മണ്‍സൂണിന്‍റെ ഉത്ഭവത്തെപ്പറ്റി നിരവധി സിദ്ധാന്തങ്ങള്‍ നിലവിലുണ്ട്, അവയില്‍ ചിലതാണ് താഴെ കൊടുക്കുന്നത്

ക്ലാസിക്കല്‍ സിദ്ധാന്തം അഥവാ താപ സംബന്ധമായ ആശയം :

1686-ല്‍ എട് മണ്ട് ഹാലിയാണ് ഈ സിദ്ധാന്തം മുന്നോട്ടു വച്ചത് . ഈ സിദ്ധാന്ത പ്രകാരം, കരയും കടലും കാലാകാലങ്ങളില്‍ വ്യത്യസതമായി ചൂടാകുന്നത് മൂലം ഉണ്ടാകുന്ന വലിയ കരകാറ്റും കടല്‍കാറ്റുമാണ് മണ്‍സൂണുകള്‍. വേനല്‍ക്കാലത്ത് ഭൂമിയുടെ വടക്കേ അര്‍ദ്ധഗോളത്തിലുള്ള Tropic of Cancer- ല്‍ സൂര്യ രശ്മികള്‍ ലംബമായി പതിക്കുന്നു. തല്‍ഫലമായി ഇന്ത്യയുടെ കര പ്രദേശങ്ങള്‍ കടലിനെ അപേക്ഷിച്ച് വലിയ തോതില്‍ ചൂടാകുന്നു. ഇതിന്‍റെ ഫലമായി ഇന്ത്യയുടെ കര പ്രദേശങ്ങളില്‍ ന്യൂനമര്‍ദം സൃഷ്ടിക്കപ്പെടുന്നു. ഇത് കടലില്‍ നിന്ന് കരയിലേക്ക് തെക്ക്-പടിഞ്ഞാറന്‍ കാറ്റ് വീശുന്നതിനു കാരണമാകുന്നു. ഈ കാറ്റിനെയാണ് തെക്ക്-പടിഞ്ഞാറന്‍ കാലവര്‍ഷം അഥവാ South West Monsoon എന്ന് വിളിക്കുന്നത്‌. തെക്ക് പടിഞ്ഞാറന്‍ കാലവര്‍ഷം ഇന്ത്യയുടെ കര പ്രദേശങ്ങളില്‍ ധാരാളമായി മഴ പെയ്യിക്കുന്നു. എന്നാല്‍ തണുപ്പ്കാലത്ത് കടലിനെ അപേക്ഷിച്ച് കര പ്രദേശങ്ങള്‍ വളരെ വേഗത്തില്‍ തണുക്കുന്നു. തല്‍ഫലമായി കടലിനു മുകളില്‍ ന്യൂനമര്‍ദം രൂപപ്പെടുന്നു. ഇത് മൂലം കരയില്‍ നിന്നും കടലിലേക്ക്‌ വടക്ക്-കിഴക്കന്‍ കാറ്റ് വീശാന്‍ തുടങ്ങുന്നു. ഈ കാറ്റിനെയാണ് വടക്ക്-കിഴക്ക് കാലവര്‍ഷം അഥവാ Northeast Monsoon എന്ന് വിളിക്കുന്നത്. ഈ കാറ്റുകള്‍ ഈര്‍പ്പം വഹിക്കാത്തതിനാല്‍, ഇവ വലിയ തോതില്‍ മഴ പെയ്യിക്കുന്നില്ല.

ചലനാത്മകമായ മണ്‍സൂണിന്‍റെ ക്രമരഹിത സ്വഭാവം വിശദീകരിക്കുന്നതില്‍ ഹാലിയുടെ ക്ലാസിക്കല്‍ സിദ്ധാന്തം പരാജയപ്പെടുന്നു .

ചലനാത്മക ആശയം അഥവാ മാറുന്ന Inter Tropical Convergence Zone (ITCZ):

1951-ല്‍ H. Flohn ആണ് ഈ ആശയം അവതരിപ്പിച്ചത്. സൂര്യന്‍ തലയ്ക്കു മുകളിലായിരിക്കുന്നത് മൂലം മാര്‍ച്ച്-സെപ്തംബര്‍ മാസങ്ങളില്‍ ഭൂമധ്യരേഖയില്‍ ന്യൂനമര്‍ദം രൂപപ്പെടുന്നു. തന്മൂലം വടക്കേ അര്‍ദ്ധഗോളത്തിലെ വടക്ക്-കിഴക്കേ വാണിജ്യ വാതവും, തെക്കേ അര്‍ദ്ധഗോളത്തിലെ തെക്ക്-കിഴക്കേ വാണിജ്യ വാതവും ഈ ന്യൂനമര്‍ദ മേഖലയില്‍ കേന്ദ്രികരിക്കുന്നു. ആയതിനാല്‍ ഈ മേഖല Inter Tropical Convergence Zone അഥവാ ITCZ എന്നറിയപ്പെടുന്നു. വേനല്‍ക്കാലത്ത് Tropic of Cancer-ല്‍ സൂര്യരശ്മികള്‍ ലംബമായി പതിക്കുന്നതിനാല്‍ ITCZ വടക്ക് ദിശയിലേക്ക് മാറ്റപ്പെട്ടു Northern Inter Tropical Convergence Zone (NITCZ) ആയി മാറുന്നു. NITCZ-ന്‍റെ വിപുലീകരണമാണ് തെക്ക് പടിഞ്ഞാറന്‍ മണ്‍സൂണ്‍ കാറ്റുകള്‍. തണുപ്പ് കാലത്ത് ITCZ തെക്ക് ദിശയിലേക്കു മാറ്റപ്പെടുന്നു, ഇതാണ് വടക്ക്-കിഴക്കന്‍ മണ്‍സൂണ്‍ കാറ്റുകള്‍.

Flohn-ന്‍റെ ഈ ആശയവും മണ്‍സൂണിന്‍റെ സങ്കീര്‍ണതകള്‍ വിശദീകരിക്കുന്നതില്‍ പരാജയപ്പെട്ടു.

അടുത്ത കാലത്ത് ഉണ്ടായ ആശയങ്ങള്‍:

Jet stream-നെയും ENSO (El Nino and Southern Oscillation)-യേയും കേന്ദ്രീകരിച്ചാണ് അടുത്ത കാലത്ത് ഉണ്ടായ ആശയങ്ങള്‍ രൂപപ്പെട്ടത്

Jet stream:

അന്തരീക്ഷത്തിന്‍റെ ഉന്നത മേഖലകളില്‍ ഭൂമിയെ ചുറ്റിക്കൊണ്ടിരിക്കുന്ന വായു പ്രവാഹത്തെയാണ് Jet stream-കള്‍ എന്ന് വിളിക്കുന്നത്‌. തണുപ്പ് കാലത്ത് വടക്കേ ഇന്ത്യയുടെ മുകളില്‍ Sub tropical westerly jet stream പ്രവേശിക്കുന്നു. ഈ Jet stream-നെ ഹിമാലയവും, ടിബറ്റന്‍ പീഠ ഭൂമിയും ചേര്‍ന്ന് രണ്ടായി വിഭജിക്കുന്നു. ഇതിന്‍റെ വടക്കന്‍ ശാഖ ടിബറ്റന്‍ പീഠഭൂമിയുടെ വടക്ക് ഭാഗത്തേക്ക് പ്രവേശിക്കുന്നു, തെക്കന്‍ ശാഖ ഹിമാലയത്തിന്‍റെ തെക്ക് ഭാഗത്തേക്കും പ്രവേശിക്കുന്നു. തെക്കന്‍ Jet stream-ന്‍റെ തെക്ക് ഭാഗത്തായി, അഫ്ഗാനിസ്ഥാന്‍റെയും, വടക്ക് പടിഞ്ഞാറന്‍ പാകിസ്ഥാന്‍റെയും മുകളിലായി troposphere-ന്‍റെ ഉന്നത മേഖലകളില്‍ ഉയര്‍ന്ന മര്‍ദം സൃഷ്ടിക്കപ്പെടുന്നു. തല്‍ഫലമായി ഇന്ത്യയുടെ വടക്ക് പടിഞ്ഞാറന്‍ ഭാഗങ്ങളിലേക്ക് കാറ്റ് വീശാന്‍ തുടങ്ങുന്നു. ഈ കാറ്റ് വടക്ക്-കിഴക്ക് മണ്‍സൂണ്‍ കാറ്റുകളുമായി ഒത്തു ചേരുന്നു

വേനല്‍ക്കാലത്ത് സൂര്യന്‍റെ തലയ്ക്കു മുകളിലുള്ള സ്ഥാനം മാറുന്നതിനാല്‍ വടക്ക്-പടിഞ്ഞാറന്‍ ഇന്ത്യയിലും , പാക്കിസ്ഥാനിലെ പെഷവാറിലും ന്യൂനമര്‍ദം രൂപപ്പെടുന്നു. ഇതിന്‍റെ ഫലമായി ഈ ഭാഗങ്ങളില്‍ വരണ്ട കാലാവസ്ഥ അനുഭവപ്പെടുന്നു. വേനല്‍ക്കാലത്ത് ടിബറ്റന്‍ പീഠഭൂമി ചൂടാവുന്നത് മൂലം tropical easterly jet stream സൃഷ്ടിക്കപ്പെടുന്നു. ഇത് തെക്ക് പടിഞ്ഞാറന്‍ മണ്‍സൂണിനെ ഉത്തേജിപ്പിക്കുന്നു

El Nino and Southern Oscillation (ENSO):

ചില വര്‍ഷങ്ങളിലെ ഡിസംബര്‍ മാസങ്ങളില്‍, പെറുവിന്‍റെ തീരപ്രദേശത്തിനകലെ പ്രത്യക്ഷമാകുന്ന താല്‍ക്കാലിക ഉഷ്ണ പ്രവാഹമാണ് El Nino. സ്പാനിഷ് ഭാഷയില്‍ El Nino എന്ന് പറഞ്ഞാല്‍ ഉണ്ണിയേശു എന്നാണ് അര്‍ഥം. ഭൂമധ്യരേഖയില്‍ തെക്കേ ഇന്ത്യന്‍ മഹാ സമുദ്രത്തിനു മുകളില്‍ ഉയര്‍ന്ന മര്‍ദം അനുഭവപ്പെടുമ്പോള്‍, ഭൂമധ്യരേഖയിലെ തെക്കന്‍ ശാന്ത സമുദ്രത്തിനു മുകളില്‍ ന്യൂനമര്‍ദം അനുഭവപ്പെടുന്നു എന്നും, മാത്രമല്ല ഈ ബന്ധം തിരിച്ചും നിലനില്‍ക്കുന്നു എന്നും Sir Gilbert Walker 1920-ല്‍ കണ്ടുപിടിച്ചു. മര്‍ദത്തിലുണ്ടാകുന്ന ഈ വ്യതിയാനത്തെ Southern Oscillation Index (SOI) എന്ന് വിളിക്കുന്നു. തെക്കന്‍ ശാന്ത സമുദ്രത്തെ പ്രതിനിധീകരിക്കുന്ന ഫ്രഞ്ച് പോളിനേഷ്യയിലെ തഹിതിയില്‍ അനുഭവപ്പെടുന്ന മര്‍ദത്തിന്‍റെയും, ഇന്ത്യന്‍ മഹാ സമുദ്രത്തെ പ്രാതിനിധീകരിക്കുന്ന വടക്കന്‍ ആസ്ട്രേലിയയിലെ പോര്‍ട്ട്‌ ഡാര്‍വിനില്‍ അനുഭവപ്പെടുന്ന മര്‍ദത്തിന്‍റെയും വ്യത്യാസമാണ് SOI. El Nino ഉണ്ടാകുന്ന വര്‍ഷങ്ങളില്‍ SOI നെഗറ്റീവ് ആയിരിക്കും. ഈ വര്‍ഷങ്ങളില്‍ ഇന്ത്യയില്‍ തെക്ക് പടിഞ്ഞാറന്‍ കാലവര്‍ഷത്തില്‍ നിന്ന് ലഭിക്കുന്ന മഴ കുറവായിരിക്കും. എന്നാല്‍ ഈ ബന്ധം എപ്പോഴും ശരിയാകണമെന്നില്ല

References:

(1) Saroha J (2017). Indian monsoon origin and mechanism. International Journal of Research and Analytical Review. V4, N2, pp 230-239

(2) Gadgil S (2006). Indian monsoon, variations in space and time. Resonance

കൊറോണയും പരിസ്ഥിതി മാറ്റങ്ങളും
Dr Arun K Sreedhar,Geological Survey of India, Bangalore

2019 ഡിസംബര്‍ അവസാനം ചൈനയിലെ വുഹാന്‍ പട്ടണത്തിലുള്ള ഹുനാന്‍ സീ ഫുഡ് മാര്‍ക്കെറ്റില്‍ നിന്നാണ് കൊറോണ രോഗം ആദ്യമായി പൊട്ടിപ്പുറപ്പെട്ടത്. ഇന്ത്യയില്‍ ഈ രോഗം ആദ്യമായി റിപ്പോര്‍ട്ട്‌ ചെയ്യപ്പെട്ടത് 30-1-2020-ല്‍ ആണ്. കൊറോണ വൈറസ്‌ അഥവാ SARS-CoV-2 മൂലമുണ്ടാകുന്ന ഈ രോഗം മനുഷ്യരിലെ ശ്വസന സംവിധാനത്തെ സാരമായി ബാധിക്കുന്നു . വൈറസ്‌ ശരീരത്തിനുള്ളില്‍ പ്രവേശിച്ചാല്‍ 14 ദിവസത്തിനുള്ളില്‍ രോഗ ലക്ഷണങ്ങള്‍ പ്രത്യക്ഷപ്പെട്ടു തുടങ്ങുന്നു. പനി, ചുമ, വിറയല്‍,ശ്വാസതടസം, പേശി വേദന, തളര്‍ച്ച, ഛര്‍ദി തുടങ്ങിയവയാണ് Covid-19-ന്‍റെ രോഗ ലക്ഷണങ്ങള്‍. രോഗം ഗുരുതരമായാല്‍ അത് മരണത്തിനു വരെ കാരണമാകാം. 70% ആളുകളിലും ഈ രോഗം പ്രത്യേക ചികിത്സ കൂടാതെ ഭേദപ്പെടുന്നു. എന്നാല്‍ പ്രായമായവരിലും, രക്തസമ്മര്‍ദം, പ്രമേഹം, ഹൃദ്രോഗം തുടങ്ങിയവ ഉള്ളവരില്‍ ഈ രോഗം ഗുരുതരമാവാനുള്ള സാധ്യത വളരെ കൂടുതല്‍ ആണ്. നേരിട്ടുള്ള സമ്പര്‍ക്കം വഴിയോ, ചുമ, തുമ്മല്‍ തുടങ്ങിയവ മൂലമുണ്ടാകുന്ന കണങ്ങള്‍ വഴിയോ ആണ് ഈ രോഗം മറ്റുള്ളവരിലേക്ക് പകരുന്നത്. കൊറോണ വൈറസുകളുടെ പ്രധാന ഉറവിടം വവ്വാലുകലാണ്. വവ്വാലുകള്‍ക്ക് രോഗം പിടിപെടാതെ 200 കൊറോണ വൈറസുകളെ വരെ വഹിക്കാന്‍ കഴിയും.

മാസ്ക്, കൈയ്യുറ തുടങ്ങിയവ ധരിച്ചും, കൈകള്‍ അടിക്കടി സോപ്പ് ഉപയോഗിച്ച് കഴുകിയും, സാമുഹിക അകലം പാലിച്ചും ഈ രോഗം പടരുന്നത്‌ തടയാവുന്നതാണ്. അടുത്തയിടെ ഇന്ത്യ കോവിഡിനെ പ്രതിരോധിക്കുന്നതിന് വേണ്ടിയുള്ള വാക്സിന്‍ നിര്‍മ്മിക്കുകയുണ്ടായി.

Lock down ഇന്ത്യയിലെ 1.3 billion ആളുകളെയാണ് ബാധിച്ചത്. ഇത് ലോകത്തിലെ തന്നെ ഏറ്റവും വലിയ കണക്കാണ്. Lock down ഇന്ത്യയിലെ മാത്രമല്ല, ലോകത്തിലെ മറ്റു പല രാജ്യങ്ങളിലെയും സാമുഹ്യ-സാമ്പത്തിക ഘടനയെ സാരമായി ബാധിക്കുകയുണ്ടായി. ആഗോള പരിതസ്ഥിയില്‍ lock down മൂലം പല നല്ല ഫലങ്ങളും അതുപോലെ തന്നെ ചീത്ത ഫലങ്ങളും ഉണ്ടാവുകയുണ്ടായി.

വായു മലിനീകരണത്തിലുണ്ടായ മാറ്റങ്ങള്‍

2017-ല്‍ ഇന്ത്യയില്‍ വായു മലിനീകരണം മൂലം 12.4 ലക്ഷം ആളുകള്‍ ആണ് മരണമടഞ്ഞത്. ഇങ്ങനെ മരണമടഞ്ഞവരില്‍ ഏറെപ്പേരും 70-വയസില്‍ താഴെയുള്ളവര്‍ ആയിരുന്നു. National Ambient Air Quality Standards-അനുസരിച്ച് ഇന്ത്യലെ 77% ആളുകള്‍ സുരക്ഷാപരിധിക്ക് മുകളിലുള്ള ബാഹ്യമായ വായു മലിനീകരണത്തിന് വിധേയരാണ്. ഡല്‍ഹിയില്‍ ആണ് ഇന്ത്യയില്‍ ഏറ്റവുമധികം വായു മലിനീകരണം റിപ്പോര്‍ട്ട്‌ ചെയ്യപ്പെട്ടത്. ഇതിന്‍റെ പ്രധാന സ്രോതസുകള്‍ വ്യവസായശാലകളില്‍ നിന്നുള്ള പ്രസരണങ്ങള്‍, കെട്ടിട നിര്‍മ്മാണ പ്രവര്‍ത്തനങ്ങള്‍, മാലിന്യങ്ങളുടെ ജ്വലനം തുടങ്ങിയവയാകുന്നു. ഈ മലിനീകരണങ്ങള്‍ എല്ലാം തന്നെ മനുഷ്യരില്‍ പല രോഗങ്ങളുമുണ്ടാകാന്‍ കാരണമാകുന്നവയാണ്

വായുവില്‍ തങ്ങി നില്‍ക്കുന്ന, വ്യത്യസ്ത വലിപ്പവും, രാസ ഘടനയുമുള്ള ഖരത്തിന്‍റെയോ ദ്രാവകത്തിന്‍റെയോ കണികകളെയാണ് എയ്റോസോള്‍ എന്ന് പറയുന്നത്. Biomass-കളുടെ ജ്വലനം, സസ്യങ്ങള്‍ മറ്റു സൂഷ്മജീവികള്‍ തുടങ്ങിയവയാണ് എയ്റോസോളുകളു പ്രധാന സ്രോതസുകള്‍. മനുഷ്യരില്‍ ഇത് ആസ്തമ, bronchitis,ശ്വാസകോശ രോഗങ്ങള്‍ തുടങ്ങിയവയ്ക്ക് കാരണമാകുന്നു.

ഭൂമിയുടെ അന്തരീക്ഷത്തിന്‍റെ ഉന്നത മേഖലകളിലും അതുപോലെതന്നെ പ്രതലത്തിലും ഓസോണ്‍ കാണപ്പെടുന്നു. അന്തരീക്ഷത്തിന്‍റെ ഉന്നത മേഖലകളില്‍ കാണപ്പെടുന്ന ഓസോണിനെ സ്ട്രടോസ്ഫെറിക് ഓസോണ്‍ എന്ന് പറയുന്നു. സ്ട്രടോസ്ഫെറിക് ഓസോണ്‍ അള്‍ട്രാവയലറ്റ് രശ്മികളില്‍ നിന്ന് മനുഷ്യര്‍ക്ക്‌ സംരക്ഷണം നല്‍കുന്നു. എന്നാല്‍ മനുഷ്യ നിര്‍മ്മിതമായ രാസ വസ്തുക്കളുടെ അമിതമായ ഉപയോഗം മൂലം ഭാഗിഗമായി തകര്‍ന്നിരിക്കുകയാണ്. എന്നാല്‍ ഭൂമിയുടെ പ്രതലത്തില്‍ കാണുന്ന ഓസോണ്‍ മനുഷ്യരുടെ ആരോഗ്യത്തിനു ഹാനികരമാകുന്ന മലിനീകരണ വസ്തുവാണ്. ഇതിന്‍റെ പ്രധാന സ്രോതസുകള്‍ വാഹനങ്ങള്‍, power plants, chemical plants, റിഫൈനറീസ് മുതലായാവയാണ്. സൂര്യപ്രകാശത്തിന്‍റെ സാന്നിധ്യത്തില്‍ ഈ ഓസോണ്‍ പാളി പ്രതിപ്രവര്‍ത്തനം നടത്തുകയും, തുടര്‍ന്ന് കാറ്റ് അതിനെ ദൂരെയുള്ള സ്ഥലങ്ങളിലേക്ക് വഹിച്ചു കൊണ്ട് പോകുകയും ചെയ്യുന്നു. തൊണ്ടയില്‍.അണുബാധ, ശ്വാസകോശ രോഗങ്ങള്‍, ചുമ, പനി തുടങ്ങിയവയ്ക്ക് ഹാനികരമായ ഈ ഓസോണ്‍ പാളി കാരണമാകുന്നു.

അന്തരീക്ഷത്തില്‍ തങ്ങി നില്‍ക്കുന്ന ഖര-ദ്രാവക കണികകളുടെ മിശ്രിതത്തെയാണ് particulate matter എന്ന് പറയുന്നത്. ഇത് ഒരേ സമയം പ്രകൃതിദത്തവും, മനുഷ്യ നിര്‍മ്മിതവുമാണ്. എന്‍ജിനുകളുടെ ജ്വലനം, വീടുകളില്‍ ഉപയോഗിക്കുന്ന ഖര ഇന്ധനങ്ങള്‍, വ്യാവസായിക ഇന്ധനങ്ങള്‍ തുടങ്ങിയവയാണ് particulate matter-കളുടെ പ്രധാന സ്രോതസുകള്‍. ഇത് ആസ്തമ, ഹൃദ്രോഗങ്ങള്‍, ശ്വാസകോശ രോഗങ്ങള്‍ മുതലായവയ്ക്ക് കാരണമാകുന്നു.

വാഹന മലിനീകരണം, ഫോസില്‍ ഇന്ധനങ്ങളുടെ ജ്വലനം തുടങ്ങിയവയാണ് അന്തരീക്ഷത്തിലുള്ള Nitrogen dioxide (NO2)-ന്‍റെ പ്രധാന ഉറവിടങ്ങള്‍. ലോകത്താകമാനം വര്‍ഷത്തില്‍ 4.6 million ആളുകളാണ് NO2-ന്‍റെ പ്രസരണം മൂലമുണ്ടാകുന്ന ആരോഗ്യപ്രശ്നങ്ങളാല്‍ മരണമടയുന്നത്. അന്തരീക്ഷത്തിലുള്ള NO2 ഓക്സിജനുമായും H2O-മായും പ്രതിപ്രവര്‍ത്തനം നടത്തുമ്പോള്‍ അമ്ല മഴയുണ്ടാകുന്നു. കൂടാതെ ഇത് പല ശ്വാസകോശ രോഗങ്ങളുമുണ്ടാകാന്‍ കാരണമാകുന്നു.

വ്യാവസായിക പ്രവര്‍ത്തനങ്ങളാണ് അന്തരീക്ഷത്തിലുള്ള sulphur dioxide (SO2)-ന്‍റെ പ്രധാന ഉറവിടം. ഇത് മനുഷ്യരില്‍ ശ്വാസതടസം, bronchitis തുടങ്ങിയ രോഗങ്ങള്‍ക്കും കൂടാതെ അമ്ല മഴക്കും കാരണമാകുന്നു.

വാഹനങ്ങള്‍, ഫര്‍ണസുകള്‍ തുടങ്ങിയവയാണ് അന്തരീക്ഷത്തിലുള്ള carbon monoxide-ന്‍റെ പ്രധാന സ്രോതസുകള്‍. തുടര്‍ച്ചയായി ശ്വസിച്ചാല്‍ ഇത് തലച്ചോറിന്‍റെയും, ഹൃദയത്തിന്‍റെയും പ്രവര്‍ത്തനങ്ങളെ സാരമായി ബാധിക്കുന്നു. Carbon monoxide രക്തത്തില്‍ കലര്‍ന്നാല്‍ ഹീമോഗ്ലോബിന് ഓക്സിജന്‍ തന്മാത്രകളെ വഹിച്ചുകൊണ്ട് പോകാന്‍ പറ്റാതാകുന്നു.

Lock down കാലത്ത് വ്യവസായശാലകളും പൊതുഗതാഗത സംവിധാനങ്ങളും അടഞ്ഞു കിടനനതിനാല്‍ Green House Gas-കളുടെ പ്രസരണത്തില്‍ വളരെയധികം കുറവുണ്ടായി. NO2 gas- പ്രസരണത്തിന്‍റെ 80% വാഹന മലിനീകരണത്തില്‍ നിന്നാണ് വരുന്നത് ബാക്കിയുള്ള 20% വരുന്നത് ഫോസില്‍ ഇന്ധനങ്ങളില്‍ നിന്നാണ്. Lock down കാലത്ത് ഡല്‍ഹിയില്‍ NO2 gas-ന്‍റെ പ്രസരണത്തില്‍ 70% കുറവ് അനുഭവപ്പെട്ടു. International Energy Agency (IEA)-യുടെ റിപ്പോര്‍ട്ട്‌ അനുസരിച്ച് ലോകത്താകമാനം, കൊറോണ കാലത്ത്, എണ്ണയുടെയും കല്‍ക്കരിയുടെയും ആവശ്യകതയില്‍ വന്‍ ഇടിവുണ്ടായി.

ജലമലിനീകരണത്തിലുണ്ടായ മാറ്റങ്ങള്‍

വികസ്വര രാജ്യമായ ഇന്ത്യയിലെ പ്രധാന പ്രശ്നമാണ് ജലമലിനീകരണം. വ്യവസായശാലകളില്‍ നിന്നുള്ള മലിനീകരണത്തിന്, lock down കാലത്ത് 500% കുറവ് അനുഭവപെടുകയുണ്ടായി. ഗംഗാ നദിയിലുള്ള മൊത്തം 36 നിരീക്ഷണ കേന്ദ്രങ്ങളില്‍, 27 എണ്ണവും റിപ്പോര്‍ട്ട് ചെയ്തത്, lock down കാലത്ത് ജലമലിനീകരണം കാര്യമായി കുറഞ്ഞുവെന്നാണ്. Uttarakhand Pollution Control Board-ന്‍റെ റിപ്പോര്‍ട്ട് അനുസരിച്ച്, lock down സമയത്ത് ഗംഗാ ജലത്തിന്‍റെ ഭൌതിക രാസ ഘടകങ്ങളായ pH (7.4-7.8), dissolved oxygen (9.4-10.6 mg/L), biochemical oxygen demand (0.6-1.2 mg/L) and total coliform (40-90 MPN/100 ML) തുടങ്ങിയവ സുരക്ഷാപരിധിക്കുള്ളിലായിരുന്നു. ചില കേന്ദ്രങ്ങളില്‍ നിന്നുള്ള coliform-ന്‍റെ കണക്ക് ഒഴിച്ചു നിര്‍ത്തിയാല്‍, ബാക്കിയുള്ള ഘടകങ്ങളെല്ലാം സൂചിപ്പിച്ചത് ഗംഗാ ജലം കുടിവെള്ള യോഗ്യമായിരുന്നു എന്നാണ്. ആളുകള്‍ കൂട്ടം കൂടുന്നതിനും, വിനോദ സഞ്ചാരികള്‍ക്കും വിലക്ക് ഉണ്ടായിരുന്നതിനാല്‍, ജലത്തിന്‍റെ ഗുണനിലവാരം പല സ്ഥലങ്ങളിലും ഉയരുകയുണ്ടായി. കയറ്റുമതി-ഇറക്കുമതി വ്യവസായത്തിന് നിരോധനം ഉണ്ടായിരുന്നതിനാല്‍ ചരക്കു കപ്പലുകളുടെ ചരക്കു നീക്കം നിലക്കുകയുണ്ടായി തന്മൂലം സമുദ്ര മലിനീകരണം വളരെയധികം കുറയുകയുണ്ടായി.

ശബ്ധമലിനീകരണത്തിലുണ്ടായ മാറ്റങ്ങള്‍

ശബ്ധമലിനീകരണം ഹൃദ് രോഗം, രക്തസമ്മര്‍ദം, ഉറക്കമില്ലായ്മ തുടങ്ങിയ രോഗങ്ങള്‍ക്ക് കാരണമാകുന്നു. ലോകത്താകമാനം 360 million ആളുകളാണ് ശബ്ധമലിനീകരണം മൂലം കേള്‍വിക്കുറവ് അനുഭവിക്കുന്നത്. ആവാസവ്യവസ്ഥയുടെ സന്തുലിതാവസ്ഥ നിലനിര്‍ത്താന്‍ സഹായിക്കുന്ന നട്ടെലില്ലത്ത ജീവജാലങ്ങളെ ശബ്ധമലിനീകരണം സാരമായി ബാധിക്കുന്നു. Lock down സമയത്ത് ഡല്‍ഹിയില്‍ ശബ്ധമലിനീകരണത്തിന് 40-50% കുറവുണ്ടായി. Central Pollution Control Board of India-യുടെ റിപ്പോര്‍ട്ട് അനുസരിച്ച് ഡല്‍ഹിയിലെ വാസസ്ഥലങ്ങളില്‍ ശബ്ധമലിനീകരണം പകല്‍ സമയത്ത് 40 decibel- ആയും രാത്രി സമയത്ത് 30 decibel-ആയും കുറഞ്ഞു. കൊറോണ സമയത്ത് ലോകത്താകമാനം ശബ്ധമലിനീകരണത്തില്‍ വലിയ കുറവ് ഉണ്ടായി.

ജൈവ വൈവിധ്യത്തിലുണ്ടായ മാറ്റങ്ങള്‍

ആവാസവ്യവസ്ഥക്ക്‌ മൂന്നു തരത്തിലുള്ള വൈവിധ്യങ്ങള്‍ ആവശ്യമാണ്‌ അവ (1) ജൈവപരം (2) ജനിതകപരം (3) പ്രവര്‍ത്തിപരം (functional) തുടങ്ങിയവയാകുന്നു. ഒരു പ്രദേശത്തുള്ള ജീവജാലങ്ങളുടെ സമ്പുഷ്ടതയെ ജൈവ വൈവിധ്യം എന്ന് പറയുന്നു. മാറുന്ന ചുറ്റുപാടുകളോട് ഇണങ്ങാനുള്ള ഒരു ജീവിയുടെ കഴിവിനെയാണ് ജെനിതക വൈവിധ്യം എന്ന് പറയുന്നത്. ഒരു പ്രദേശത്ത് നടക്കുന്ന ജൈവ-ഭൗതിക പ്രവര്‍ത്തനങ്ങളെ പ്രവര്‍ത്തിപരമായ വൈവിധ്യം എന്ന് പറയുന്നു. ജൈവ വൈവിധ്യത്തെവീണ്ടും മൂന്നായി തിരിക്കാം (a) ജെനിതക വൈവിധ്യം (b) ജീവികളുടെ വൈവിധ്യം (species diversity) (c) ആവാസവ്യവസ്ഥയുടെ വൈവിധ്യം. മനുഷ്യര്‍ നടത്തുന്ന അശാസ്ത്രിയ പ്രവര്‍ത്തനങ്ങള്‍ ആവാസവ്യവസ്ഥയുടെ സംതുലിതാവസ്ഥ തകരാറിലാക്കുന്നു. Lock down സമയത്ത് കഴുകന്‍ ഉള്‍പ്പടെയുള്ള ഒരുപാട് പക്ഷികള്‍ പ്രത്യക്ഷപ്പെടാന്‍ തുടങ്ങി, കൂടാതെ പരാഗണത്തിനു സഹായിക്കുന്ന കീടങ്ങള്‍ (insect pollinators) സസ്യങ്ങളിലും വിളകളിലും കൂടുതലായി കാണപ്പെടാന്‍ തുടങ്ങി. മലിനീകരണം കുറഞ്ഞതു മൂലം, നീണ്ട ദശകങ്ങള്‍ക്ക് ശേഷം ഇറ്റലിയിലെ ജലാശയങ്ങളിലേക്കും, ബംഗ്ലാദേശിലെ ബംഗാള്‍ ഉള്‍ക്കടലിലേക്കും ഡോള്‍ഫിനുകള്‍ തിരിച്ചുവന്നു. ഇതെല്ലാം സൂചിപ്പിക്കുന്നത്, lock down സമയത്ത് ആവാസവ്യവസ്ഥയുടെ പുനരുദ്ധാരണം നടന്നുവെന്നാണ്.

പ്രകൃതിയിലുണ്ടായ വിപരീത ഫലങ്ങള്‍

കൊറോണ മൂലം ലോകത്താകമാനം ആരോഗ്യത്തിനു ഹാനികരമാകുന്ന medical waste-ന്‍റെ അളവ് കൂടുകയുണ്ടായി. കൊറൊണക്കാലത്ത് ചൈനയിലെ വുഹാന്‍ പട്ടണത്തില്‍ എല്ലാ ദിവസവും 240 metric tone medical waste-ആണ് ഉല്‍പ്പാദിപ്പിക്കപ്പെട്ടത്‌. അഹമ്മദാബാദില്‍, ഓരോ ദിവസവും 1000kg medical waste-ആണ് ഉല്‍പ്പാദിപ്പിക്കപ്പെട്ടത്‌. മാസ്ക്കളുടെയും കൈയ്യുരകളുടെയും ഉപയോഗം കൂടിയത് കാരണം healthcare waste-കളുടെ അളവും കൂടുകയുണ്ടായി. കൊറോണക്കാലത്ത് പ്ലാസ്റ്റിക്‌ PPE കിറ്റ്കളുടെ ഉല്‍പ്പാദനം വളരെയധികം കൂടുകയുണ്ടായി. Polypropylene ഉപയോഗിച്ചാണ് N-95 മാസ്ക്കുകള്‍ നിര്‍മ്മിക്കുന്നത് അതുപോലെതന്നെ Tyvek ഉപയോഗിച്ചാണ് സുരക്ഷാ ഉപകരണങ്ങള്‍ നിര്‍മ്മിക്കുന്നത്, ഇത് ആരോഗ്യത്തിനു ദോഷകരമായ dioxin മുതലായ elements പുറത്തു വിടുന്നു

കൊറോണക്കാലത്ത് അണുനാശിനികളുടെ ഉപയോഗം കൂടുകയുണ്ടായി ഇത് പ്രകൃതിയുടെ സംതുലിതാവസ്ഥ നിലനിര്‍ത്താന്‍ സഹായിക്കുന്ന ജീവികളെ നശിപ്പിക്കുന്നു. മലിന ജലത്തിലൂടെ കൊറോണ പടരുന്നത്‌ തടയാന്‍ ചൈന ക്ലോറിന്‍ അണുനാശിനികളുടെ ഉപയോഗം കൂട്ടുകയുണ്ടായി. എന്നാല്‍ അമിതമായി ക്ലോറിന്‍ അണുനാശിനികള്‍ ജലത്തില്‍ പ്രയോഗിച്ചാല്‍ അത് ദോഷകരമായ പല ഉപോല്‍പ്പന്നങ്ങളും ഉണ്ടാക്കുമെന്ന് പഠനങ്ങള്‍ ചൂണ്ടിക്കാണിക്കുന്നു

പ്രകൃതി എങ്ങനെ സംരക്ഷിക്കാം

താഴെത്തട്ടില്‍ ബോധവല്‍ക്കരണം നടത്തുകയാണ് പ്രകൃതി സംരക്ഷണത്തിനുള്ള ഏറ്റവും നല്ല മാര്‍ഗം. ഇടയ്ക്കിടയ്ക്ക് ചെറിയ lock down-കള്‍ പ്രഖ്യാപിച്ചു പ്രകൃതിയുടെ പുനരുദ്ധാരണം സാധ്യമാക്കാം. തിരക്ക് പിടിച്ച വിനോദ സഞ്ചാര കേന്ദ്രങ്ങള്‍ periodically അടച്ചിട്ടുകൊണ്ട് പ്രകൃതി സംരക്ഷണം സാധ്യമാക്കാം. തരിശു ഭൂമികളില്‍ സസ്യങ്ങള്‍ വച്ച് പിടിപ്പിക്കുന്നത് വളരെ നല്ലതാണ്. മലിന ജലം ജലാശയങ്ങളിലേക്ക്‌ ഒഴുക്കിവിടുന്നതിനു മുന്‍പ് ശാസ്ത്രീയമായ രീതിയില്‍ ശുദ്ധികരിക്കുക

References
(1) Rume, T and Didar-ul Islam, S.M (2020). Environmental effects of Covid-19 pandemic and potential strategies of sustainability. Heliyon, 6. pp 1-8.
(2) Gupta, N, Tomar, H and Kumar, V (2020). Effect of Covid-19 lock down on the air environment of India. Journal of environmental science and management, 6 (SI), pp 31-40
(3) Verma, A.K and Prakash S (2020). Impact of Covid-19 on environment and society. Journal of global biosciences, V9, N5, pp 7352-7363.
(4) Zambrano-Monserrate, M.A, Ruano, M.A and Sanchez-Alcalde, L (2020). Indirect effects of Covid-19 on the environment. Total environment. pp 2-4.