दिव्य ज्ञान धारा

दिव्य ज्ञान धारा पंडित ब्रजकिशोर .कबीर मर्मज्ञ एवं वेद, उपनिषद,पुराण , के ज्ञाता।

आज पिता जी का जन्मदिन है। 77 वें साल में प्रवेश कर गए। आप हमेशा स्वस्थ रहें जीवन पर्यन्त आपका आशीर्वाद हम लोगों को मिलता...
02/10/2025

आज पिता जी का जन्मदिन है। 77 वें साल में प्रवेश कर गए। आप हमेशा स्वस्थ रहें जीवन पर्यन्त आपका आशीर्वाद हम लोगों को मिलता रहे आज के दिन यही कामना है।‌ 🎉🎂🙏
आपको दिव्य ज्ञान धारा परिवार की ओर से हार्दिक शुभकामनाएं जन्मदिन की 🙏💐

दीया अउरु बाती ___________________________सुकृत के तेल लेइ सत्य के बाती हो दाया के दियना जराव हो संघतिया ब्रम्भ के अगिनि...
19/09/2025

दीया अउरु बाती
___________________________
सुकृत के तेल लेइ सत्य के बाती हो
दाया के दियना जराव हो संघतिया
ब्रम्भ के अगिनि लेई के दियना जराव तुहूँ
चारू ओरी रोशनी फैलाव दिन रतिया
दाया के दियना जराव हो संघतिया...

काम क्रोध मद्द लोभ के फइलल बा अन्हरिया हो
प्रेम नगरिया के लउकत नईखे हो डगरिया
ज्ञान के प्रकाश जब होई घट भितरा हो
अज्ञान के मिट जईहे सकलो अन्हरिया हो
दाया के दियना जराव हो संघतिया....

प्रेम नगरिया में लागल बा बजरिया हो
सद्गुरु खोलले बाड़े नाम के दोकनिया हो
निरखि परखि तुहूँ नाम के सौदा करs
हिय बिचवा जतन से राखs हो संघतिया
दाया के दियना जराव हो संघतिया...

स्वांसा सार सद्गुरु दिहले तहरा के
जिनगी के असल मे इहे ह निसनिया
जनमत साँस के देखे ला सब केहू
मरलो पर साँस के देखे सारी दुनिया
दाया के दियना जराव हो संघतिया...

साँस पर नाम के सुमिरन कई लेहु
गहि लेहु सद्गुरु के अब तू चरनिया
अनुभव दास के बतिया तुहूँ मानी लेहु
एक सतनाम बाड़े तहरो संघतिया
दाया के दियना जराव हो संघतिया...
सुकृत के तेल लेइ सत्य के बाती हो
दाया के दियना जराव हो संघतिया...
पं ब्रजकिशोर अनुभव दास
दिव्य ज्ञान धारा

दिलवे में खोजs..._______________________दिलवे में खोजs तुहूँ दिलवे में खोजsदिलवे में बइठल बाड़े राम रहिमाना अयोध्या काशी ...
17/09/2025

दिलवे में खोजs...
_______________________
दिलवे में खोजs तुहूँ दिलवे में खोजs
दिलवे में बइठल बाड़े राम रहिमाना
अयोध्या काशी अउरी मथुरा में खोजलs
सम्भल के बनवले बाड़ वोट के खजाना
दिलवे में खोजs...
चली गईले कुम्भकरण अउरु रावण
चारू भइया चली गईले राम लक्षमना
दिलवे में खोजs...
कंस अउरु किशन दुनो चली गईले
दुरियोधन और परीक्षित बाद में पछताना
दिलवे में खोजs...
धरती , आकाश , पवन अउरु पानी
चांद सुरुज के ना रहीहें ठिकाना
दिलवे में खोजs...
अखियां से जवन कुछु लउकत बाटे
मिटी जईहे एक दिन सबकर निशाना
दिलवे में खोजs...
कण कण में त राम रमत बाड़े
लक्ष बाड़े राम उहवाँ मनवा के लगाना
दिलवे में खोजs...
राम लक्षमन जब एक होई जईहे
खुली जाईहें दसवाँ द्वार
मिल जाईहें खजाना
दिलवे में खोजs...
'अनुभव दास' पुकार कहे ले
राम के नउआ हवे सतनामा
दिलवे में खोजs तुहूँ दिलवे में खोजs
दिलवे में बइठल बाड़े राम रहिमाना
©पं ब्रजकिशोर अनुभव दास दिव्य ज्ञान धारा

घर ही में पियवा हेराई गईले हमरो..._______________________________घर ही में पियवा हेराई गईले हमरो होबहरी हम खोजी दिन रतिय...
12/09/2025

घर ही में पियवा हेराई गईले हमरो...
_______________________________
घर ही में पियवा हेराई गईले हमरो हो
बहरी हम खोजी दिन रतिया हो सखिया
मंदिर में गईनी मूरति हम देखनी
देखनी हम पंडित पूजरिया हो सखिया
पत्थर के काटी छाटी मूरति जे बनवले रहे
हाथ जोड़ी बिनती करेले मोर सखिया
पत्थर के देवी देवता
पत्थर के भगवान भइले
पत्थर में सब ज्ञान समइले हो सखिया
मस्जिद में जाई हम मौलवी के देखनी
अल्लाह के शीस झुकावत रहले सखिया
ज़रा ज़रा में अल्लाह के ही नूर बाड़े
बिस्मिल्लाह कही जीव बद्ध करावसु हो सखिया
हिन्दू मारेले झटका मुसलमान हलाल करसु
दुनो घर अगिया लागल बा हो सखिया
चारू ओरी घोर अन्हरिया भईल बाटे
आन्हर भइले हमरो नज़रिया हो सखिया
जुगन जुगन से खोजी हारी जब गईनी हम
गुरू जी के सरन में गईनी हो सखिया
गुरु जी के दाया अउरू साधु लोग के संगत से
लउके लागल पूनम के अंजोरिया हो सखिया
घर ही में पिया के दरस जब भइले
बुझी गईली जुगन के पियासिया हो सखिया
एक से अनेक भइनी अनेकता में फंसी गईनी
अब त चारू ओरी एक ही लउकत बा हो सखिया
अनुभव दास कहत बाड़े सबका से
अपने मे सबका के देखs हो सखिया
© पं ब्रजकिशोर अनुभव दास
दिव्य ज्ञान धारा

अबहुँ से जागs आतम राम______________________अबहुँ से जाग आतम राम हो तू अबहुँ से जागsआतम राम तू कहिया ले सुतबsमोह निसा से ...
29/08/2025

अबहुँ से जागs आतम राम
______________________
अबहुँ से जाग आतम राम हो तू
अबहुँ से जागs
आतम राम तू कहिया ले सुतबs
मोह निसा से जागs हो
मोह माया संग ई मन बनिया
तहरो सँगवा में लागल हो
तू अबहुँ से जागs....
पांच पच्चीस के बनवलस जेल खाना
जामे तहरा के राखलs हो
नव दरवाजा खोल के रखलस
दसवाँ बन्द करवलस हो
तू अबहुँ से जागs....
पांच विषय के जहर पिया के
सारा धन लूट लिहलस हो
काम क्रोध मद लोभ के आगी में
तहरा के जरवलस हो
तू अबहुँ से जागs....
बांड़ी अरबो खरब बना के
जामे तहरा के फाँसल हो
नाम रूप में तू फंसी गईल
धर्म अनेक बनावल हो
तू अबहुँ से जागs....
सद्गुरु कृष्ण गीता में कहले
सब धरम छोड़s के आवs हो
हमारा शरण मे आके अब तू
सत्य राह के पावs हो
तू अबहुँ से जागs....
बिना गुरु कृपा अउरी साधु के संगत
ज्ञान वैराग्य ना जागी हो
बिन सत्संग विवेक ना होई
भरम कबहुँ नाहि भागी हो
तू अबहुँ से जागs....
अनुभव दास पुकारी कहले
जगत पीठ देई भागs हो
तू अबहुँ से जागs.....
अबहुँ से जागs आतम राम हो
तू अबहुँ से जागs
©पं ब्रजकिशोर अनुभव दास
दिव्य ज्ञान धारा

दुविधा दूर बहाई दिहलsपरमब्रह्म परमेश्वर से पहिले ब्राम्हण ही पैदा भइले संस्कार भईल माया के संग दुबारा फेरू से जन्म लिहले...
26/08/2025

दुविधा दूर बहाई दिहलs

परमब्रह्म परमेश्वर से पहिले
ब्राम्हण ही पैदा भइले
संस्कार भईल माया के संग
दुबारा फेरू से जन्म लिहले
ज्ञान दृष्टि से आन्हर कइके
मन माया चर्म दृष्टि के दे दिहले
चर्म दृष्टि के कारण ही
ब्रम्ह अब नारी पुरुष
दुई रूप धइले
लख चौरासी योनि बना के
भ्रम में तहरा के डाल दिहले
छः विकार और पांच विषय मे
तहरा के अब त पागि दिहले
जन्म से अब तू शुद्र हो गईलs
गुरु फेर से अब संस्कार कइले
सभ विकार जब हटी गईले
तब फिर से तू द्विज कहइलs तू
सभ ज्ञान जब पाई लिहलs
तब फिर से विप्र कहइलs
त्रिगुण से जब परे हो गइलs
तब ब्रम्ह के तू पहिचान लिहलs
ब्रम्ह और तू एक हो गइलs
तब अपना के तू जान लिहलs
सभका में अपना के तू
अपना में सभके देखे लगलs
अनुभव दास सद्गुरु कृपा से
दुविधा दूर बहाई दिहलs
© पं ब्रजकिशोर अनुभव दास
दिव्य ज्ञान धारा

रमता राम भजन गुण गईह-----------------------------------वन में जाई पात जनि तुरिह जनि वृक्षा के सतईहपात- पात में बसत महादे...
15/08/2025

रमता राम भजन गुण गईह
-----------------------------------
वन में जाई पात जनि तुरिह
जनि वृक्षा के सतईह
पात- पात में बसत महादेव
उनहूँ के सीस झुकईह
रमता राम भजन गुण गईह
कण कण में श्रीराम बसत है
त्याग भाव से उपभोग तू करिह
ना तहार कुछ ना हमार कुछ
कवनो धन के लोभ जनि करिह
रमता राम भजन गुण गईह
हिन्दू, मुस्लिम, सिख, ईसाई कहिके
आपस मे जनि लड़िह
सब घट भीतर राम रमत बाड़े
उनही के दर्शन करिह
रमता राम भजन गुण गईह
राम रहीमा एके हवे
उनका में भेद जनि करिह
नाम, रूप, लीला में जनि भूलिह
एक के तू पहचनीह
रमता राम भजन गुण गईह
जीव हिंसा कबहुँ जनि करिह
हरदम दया भाव तू रखिह
नफरत त्याग प्रेम के धारा
जगत में तू बहईह
रमता राम भजन गुण गईह
"अनुभव दास" के बिनती ई बाटे
खुद बिचार तू करिह
आतम राम अउर शरीर के
भेद जाने के प्रयास तू करिह
रमता राम भजन गुण गईह
मंदिर - मस्जिद - गिरजाघर गुरुद्वारा
आपस मे बैर जनि करिह
सबका भीतर उ बइठल बाड़े
उहवाँ तू दर्शन करिइह
रमता राम भजन तू गईह
© पं ब्रजकिशोर अनुभव दास
दिव्य ज्ञान धारा

13/08/2025

घट घट में बसे कृष्ण
_____________________
भादो ही मास के अन्हरिया
घटा घन गरजे ले हो
है ललना पांच से बनल सरीरवा
गुनन तीन खड़ा भइले हो
काया कंस के जेलखाना
त मनवे ही कंस भइले हो
ए ललना जीव वासुदेव माया संग
जेल में बंद भइले हो
मुक्ति के कारण जीव के
कृष्ण प्रकट भईले हो
ए ललना सूति गईले देव पहरेदार
द्वारा तब खुली गईले हो
सद्गुरु कृष्ण भइले सारथी
अर्जुन के उपदेश दिहले हो
ए ललना गीता के ज्ञान तब दिहले मोह सब भंग कइले हो
घट ही में राम व रावण
कृष्ण व कंस बाड़े हो
ए ललना ज्ञान के नज़रिए से देख
भरम सब मिटी जईहे हो
एक ही से अनेक भइले
एक अनेक में समाई गईले
ए ललना परिचय एक से भइले
अनेक सब एक भइले हो
बाहर भीतर एक ही संत लोग गावेले हो
ए ललना बिन गुरू होइहें ना ज्ञान
भरम नाही मिटी हे हो
अनुभव दास पुकारेले
गुरू के सरण जाहू हो
ए ललना दुविधा दूर हो जईहे
भरम सब मिटी जईहे हो
घट घट में बसे कृष्ण
कोई घट सुन नाही हो
ललना जाहि घट प्रगट हो गईले
उहे घट धन्य बड़े हो
© पं ब्रजकिशोर अनुभव दास
दिव्य ज्ञान धारा

जीव मुसाफ़िर भूल गया _____________________काया नगर की भूल भुलैयाजीव मुसाफ़िर भूल गया भूल गया निज नाम गांव को माया संग लपिट...
11/08/2025

जीव मुसाफ़िर भूल गया
_____________________
काया नगर की भूल भुलैया
जीव मुसाफ़िर भूल गया
भूल गया निज नाम गांव को
माया संग लपिटाय गया
बेटा बेटी कुल कुटुंब ने
बहुत ही नाच नचाया
अपने आप को जान ना पाया
मेरा मेरा खूब गोहराया
अंत मे कोई काम नही आया
जीव मुसाफ़िर भूल गया
माँ की गोद में बचपन बीता
पिता का प्यार आशीष मिला
जवान भया पत्नी संग आयी
सुख दुख में तो साथ दिया
बेटा बेटी का जन्म भया
परिवार मैं एक बसाया
साथ छोड़ कर चले गए सब
अपने को अब तो अकेला पाया
अंत मे कोई काम नही आया
जीव मुसाफ़िर भूल गया
सद्गुरु पिव जीव का रक्षक
उनसे मिल नही पाया
गुरु मिला तब भेद बताया
नाम को हमे लखाया
नाम सुमिर सद्गुरु को पाया
दुविधा दूर भगाया
अनुभव दास अपने को जान कर
आप मे आप समाया
© पं ब्रजकिशोर अनुभव दास

Address

Ballia
277001

Website

Alerts

Be the first to know and let us send you an email when दिव्य ज्ञान धारा posts news and promotions. Your email address will not be used for any other purpose, and you can unsubscribe at any time.

Shortcuts

Share

Category