25/04/2023
ଓଡ଼ିଶାର ଶିକ୍ଷା କ୍ଷେତ୍ରରେ ସ୍ୱତନ୍ତ୍ର ସ୍ଥାନ ଅଧିକାର କରିଥିବା ବଲାଙ୍ଗୀର ଜିଲ୍ଲାର ଶିକ୍ଷା ବ୍ୟବସ୍ଥାର ନଗ୍ନ ଚିତ୍ର ସ୍ପଷ୍ଟ ବାରି ହୋଇ ପଡୁଛି ଉଚ୍ଚ ଶିକ୍ଷା ପାଇଁ କୌଣସି ବିଶେଷ ସୁବିଧା ନାହିଁ l ଏହି ଜିଲ୍ଲା ଓଡ଼ିଶାର ପ୍ରଶାସନିକ, ରାଜନୈତିକ,ସାମାଜିକ,କଳା ଓ ସଂସ୍କୃତି କ୍ଷେତ୍ରରେ ନେତୃତ୍ୱ ପ୍ରଦାନ କରିଥିବା ବହୁ ପ୍ରତିଭାଙ୍କୁ ସୃଷ୍ଟି କରିଛି। ଦୁଃଖର ସହିତ କହିବାକୁ ପଡୁଛିଯେ ବଲାଙ୍ଗୀର ଜ଼ିଲ୍ଲାରେ ଗୋଟିଏ ବିଶ୍ୱବିଦ୍ୟାଳୟ ଥିଲେ ମଧ୍ଯ ତାହାର ଅବସ୍ଥା ନ କହିଲେ ସରେ ବିଶ୍ୱବିଦ୍ୟାଳୟରେ ସ୍ଥାଇ ଅଧ୍ୟାପକ ୧୦% ମଧ୍ୟ ନାହାନ୍ତି । ଜିଲ୍ଲାର ଉଚ୍ଚଶିକ୍ଷା ଆଜି ସମ୍ପୂର୍ଣ୍ଣ ବିପର୍ଯ୍ୟସ୍ତ। ଉଜ୍ଜ୍ୱଳ ଭବିଷ୍ୟତର ସ୍ୱପ୍ନ ଦେଖୁଥିବା ଗରିବ ଏବଂ ନୀରିହ ଛାତ୍ରଛାତ୍ରୀଙ୍କ ସରଳତାର ସୁଯୋଗ ନେଇ ରାଜ୍ୟ ସରକାର ଉଚ୍ଚ ଶିକ୍ଷାକୁ ସମ୍ପୁର୍ଣ୍ଣ ରୂପେ ଅବହେଳିତ କରି ଗରିବ ମେଧାବୀ ଛାତ୍ରଛାତ୍ରୀଙ୍କ ଭବିଷ୍ୟତକୁ ଅନ୍ଧାରକୁ ଠେଲି ଦେଇଛନ୍ତି। କଲେଜରେ ପାଠପଢି ସୁନ୍ଦର ଭବିଷ୍ୟତ ଗଢିବା ପାଇଁ ସ୍ୱପ୍ନ ଦେଖିଥିବା ପିଲାଟି ଆଜି ବାଧ୍ୟ ହୋଇ ଦାଦନ ଖଟିବାକୁ ଅନ୍ୟ ରାଜ୍ୟକୁ ଯାଉଛି। ମହାବିଦ୍ୟାଳୟରେ ଅନେକ ପଦବୀ ଖାଲି ପଡିଛି ଦୀର୍ଘଦିନ ଧରି ଅତିଥି ଅଧ୍ୟାପକଙ୍କୁ ନେଇ ଅନେକ ବିଭାଗ ଚାଲିଛି l ଅଣଅଧ୍ୟାପକ ପଦବୀ କଥା ନ କହିବା ହିଁ ଭଲ l ରାଜେନ୍ଦ୍ର ବିଶ୍ୱବିଦ୍ୟାଳୟ ପରୀକ୍ଷା ପରିଚାଳନା, ଖାତାଦେଖା ଏବଂ ଫଳ ପ୍ରକାଶନରେ ଅହେତୁକ ଅବହେଳା ବିଶ୍ୱବିଦ୍ୟାଳୟର ପରିଚାଳନାର ଅସଲ ଚିତ୍ରକୁ ସାମ୍ନାକୁ ଆଣିଛି। ଜିଲ୍ଲାରେ ମହିଳା ହିଂସା ଦିନକୁ ଦିନ ବୃଦ୍ଧି ପାଉଛି କିନ୍ତୁ ସରକାର ଏଥିପ୍ରତି କୌଣସି ଦୃଷ୍ଟି ଦେଉନାହଁନ୍ତି। ଜିଲ୍ଲାରେ ଶିଳ୍ପ ପ୍ରତିଷ୍ଠା ଦ୍ବାରା ରୋଜଗାର ସୁଯୋଗ ଥିଲେ ମଧ୍ୟ ସରକାରଙ୍କ ବୈମାତୃକ ମନୋଭାବ କାରଣରୁ ଆଶା ଦିନକୁ ଦିନ ମଉଳି ଯାଉଛି। ଜିଲ୍ଲାରେ ପର୍ଯ୍ୟଟନ ବିକାଶର ଡିଣ୍ଡିମ ପିଟୁଥିବା ସରକାର ଆଜି ପର୍ଯ୍ୟନ୍ତ ପର୍ଯ୍ୟଟନ ଶିଳ୍ପର ବିକାଶ ପାଇଁ କୌଣସି ଆଖି ଦୃଶିଆ ପଦକ୍ଷେପ ଗ୍ରହଣ କରିନାହାଁନ୍ତି। ପଶ୍ଚିମ ଓଡିଶା ବିକାଶର କଥା କହୁଥିବା ଏହି ରାଜ୍ୟ ସରକାର ପଶ୍ଚିମ ଓଡିଶାର ବିକାଶର ନିଜେ ବାଧକ ସାଜିଛନ୍ତି। ବଲାଙ୍ଗୀର ଜିଲ୍ଲାରେ ପର୍ଯ୍ୟଟନ ଶିଳ୍ପର ସୁଯୋଗ ରହିଥିଲେ ଜିଲ୍ଲାରେ ଥିଲେ ମଧ୍ୟ ପର୍ଯ୍ୟଟନ ଶିଳ୍ପର ବିକାଶ ସହିତ ନିଯୁକ୍ତିର ସୁଯୋଗ ସୃଷ୍ଟି କରୁନାହାନ୍ତି ରାଜ୍ୟସରକାର l କରୁଣା ଚିତ୍ର ଆଜି ଛାତ୍ର ସମାଜର ଭବିଷ୍ୟତକୁ ଅନ୍ଧାରକୁ ଠେଲି ଦେଇଛି।
ଆଉ କେତେଦିନ ସହିବ ଏହି ଛାତ୍ର ସମାଜ,ଆଜି ସମୟ ଆସିଛି ନିଜ ହକ ପାଇଁ ଲଢେଇ କରିବା ଏବଂ ଶିକ୍ଷା, ସୁରକ୍ଷା, ଏବଂ ରୋଜଗାର ପାଇଁ ୨୫ ଏପ୍ରିଲ ବଲାଙ୍ଗୀର ଚାଲ ନାମରେ ବିଶାଳ ଛାତ୍ର ସମାବେଶ ଆୟୋଜନ କରୁଛି ।।
ପରିଷଦର ଦାବୀ
1. ଜ଼ିଲ୍ଲା ପାଇଁ ଏକ ବହୁମୁଖୀ ଧନ୍ଦାମୂଳକ ସରକାରୀ ଶିକ୍ଷା କେନ୍ଦ୍ର ଖୋଲା ଯାଉ l
2. ବଲାଙ୍ଗୀରରେ ଏକ ଯାନ୍ତ୍ରିକ ମହାବିଦ୍ୟାଳୟ ପ୍ରତିଷ୍ଠା କରାଯାଉ।
3. ଛାତ୍ରୀ ଏବଂ ମହିଳା ସୁରକ୍ଷା ପାଇଁ ଏକ ମହିଳା ଥାନାର ସ୍ଥାପନା କରାଯାଉ l
4. ଜିଲ୍ଲାରେ ଉଭୟ କୃଷି ଏବଂ କୃଷକର ବିକାଶ ପାଇଁ କୃଷି ଭିତ୍ତିକ ଗବେଷଣା ସଂସ୍ଥାନ ବା କୃଷି ବିଶ୍ୱବିଦ୍ୟାଳୟ ସ୍ଥାପନ କରାଯାଉ
5. ମହାବିଦ୍ୟାଳୟରେ ନିଯୁକ୍ତି ମେଳା ବର୍ଷକୁ ଦୁଇଥର କରାଯାଉ l
6. ଜ଼ିଲ୍ଲାରେ ବଢୁଥିବା ନିଶା କାରବାର ଯୋଗୁଁ ଛାତ୍ରମାନଙ୍କ ଉପରେ କୁପ୍ରଭାବ ପଡୁଛି l ଏହା ଉପରେ ପ୍ରଶାସନ ଉଚିତ ପଦକ୍ଷେପ ନେଉ l
7. ବଲାଙ୍ଗୀର ଏବଂ ଖୋର୍ଦ୍ଧା ରେଳ କାମକୁ ତ୍ୱରାନ୍ୱିତ କରାଯାଉ।
8. ରାଜେନ୍ଦ୍ର ବିଶ୍ଵବିଦ୍ୟାଳୟ ରେ ଫାଣ୍ଡିର ପ୍ରତିଷ୍ଠା କରାଯାଇ ।।
9. ଜ଼ିଲ୍ଲାର ଛାତ୍ରଛାତ୍ରୀଙ୍କୁ ସ୍ଥାନୀୟ ପଦ ପଦବୀରେ ନିଯୁକ୍ତି ସମୟରେ ପ୍ରାଥମିକତା ଦିଆଯାଉ l
10. ପର୍ଯ୍ୟଟନ ଭିତ୍ତିକ ରୋଜଗାର ପାଇଁ ଉତ୍ତମ ଭିତ୍ତିଭୂମି ନିର୍ମାଣ କରାଯାଉ
11. ଜ଼ିଲ୍ଲାର ସମସ୍ତ ସରକାରୀ ଏବଂ ଅନୁଦାନପ୍ରାପ୍ତ ମହାବିଦ୍ୟାଳୟର ଜମି ଚି଼ହ୍ନଟ କରି ପାଚେରୀ ନିର୍ମାଣ କରାଯିବା ପାଇଁ କାର୍ଯ୍ୟ କରାଯାଉ l
12. ଜିଲ୍ଲାରେ ଖାଲି ପଡ଼ିଥିବା ବିଶ୍ଵବିଦ୍ୟାଳୟ ଓ ମହାବିଦ୍ୟାଳୟ ମାନଙ୍କର ଅଧ୍ୟାପକ ଏବଂ ଅନ୍ୟାନ୍ୟ କର୍ମଚାରୀ ପଦବୀ ଯଥା ଶୀଘ୍ର ପୂରଣ କରାଯାଉ l
13. ଶିକ୍ଷାନୁଷ୍ଠାନ ମାନଙ୍କର ଫିସ ଉପରେ ଅଙ୍କୁଶ ଲଗାଯାଉ l
14. ପରୀକ୍ଷାଫଳ 45 ଦିନ ମଧ୍ୟରେ ପ୍ରକାଶ ପାଇବା ସହିତ 7 ଦିନ ମଧ୍ୟରେ ସାର୍ଟିଫିକେଟ ପ୍ରଦାନ କରାଯାଉ l
15. ଜ଼ିଲ୍ଲାରେ ନୂତନ କଳକାରଖାନା ପ୍ରତିଷ୍ଠା କରି ନିଯୁକ୍ତି ଏବଂ ଉଦ୍ୟାମିତାକୁ ପ୍ରତ୍ସାହନ ଦିଆଯାଉ l
16. ବିଦ୍ୟାଳୟ ଓ ମହାବିଦ୍ୟାଳୟରେ ସ୍କାଉଟ, NCC ଏବଂ NSS ର ଶାଖା ଖୋଳାଯାଉ l ତା'ର ବିକାଶ ହେଲେ ଆଗାମୀ ଦିନରେ ଦେଶର ସୈନ୍ୟବାହିନୀ କୁ ଛାତ୍ରଛାତ୍ରୀମାନେ ଯୋଗ ଦେବା ପାଇଁ ଆଗ୍ରହୀ ହେବେ l
17. ବଲାଙ୍ଗୀର ଜ଼ିଲ୍ଲାରେ ଅନେକ ସ୍ୱାଧୀନତା ସଂଗ୍ରାମୀ ଅଛନ୍ତି l ଶିକ୍ଷା ବିଭାଗର ଅବହେଳା ଯୋଗୁଁ ଆଜି ପାଠ୍ୟକ୍ରମରେ ତାଙ୍କୁ ଉଚିତ ସ୍ଥାନ ମିଳିପାରିନାହିଁ , ପାଠ୍ୟକ୍ରମରେ ତାଙ୍କୁ ସ୍ଥାନିତ କରାଯାଉ l
18. କ୍ୟାମ୍ପସ ରୁ ଗାଁ ପର୍ଯ୍ୟନ୍ତ ସବୁଠି ପାଣିର ସମସ୍ୟା ରହିଛି ,ତେଣୁ ତୁରନ୍ତ ବିଶୁଦ୍ଧ ପାନୀୟଜଳ ଯୋଗାଇବା ପ୍ରତି ପ୍ରାଥମିକତା ଦିଆଯାଉ।।
