हम हरियाणे आले तो न्यू ऐ काच्चे काटेंगे

17/05/2024

ना कांग्रेस तै, ना बीजेपी तै
वोट दियो आम घर के माणस तै..

कद तक मानसिक गुलाम रहोगे..

26/09/2023

दोस्तों थमनै सबके राज देख लिये होंगे..
कांग्रेस बीजेपी चौटाला jjp कोये नहीं बच्या
आयी बाऱ वेहे दो च्यार आदमियाँ की गू खोरी करणी है..
या इबकै माणस बदलने है.
मेरे हिसाब म्ह हरियाणा आलो इबकी बाऱ बड्डे बड्या की कड़ ला दयो.. अर नये आम घर के बालका तै राज दयो.
सलाह दयो अपणी अपणी

23/07/2023

कद लग सत्ता कुछ लोगा के हाथ म्ह दोगे हरियाणा आलो..
इबकी बार बदलाव दयो.
हुड़्डा चौटाला बिश्नोई सुरजेवाला सारी हांण येहे बनेगे..
नया नै मोक्का दयो.
कती काचे लीडर्स काढ़ो आम घरा के..
ज़ब मनाँगे "यो हरियाणा हैं प्रधान "..

15/07/2023

13/06/2023

जातिवाद कुछ घणा नहीं बध गया हरियाणा म्ह.. वैसे होणा उल्टा चाहिए था.
समय के साथ खत्म होणा चाहिए था..जाती वाद..
ईब दोस्त भी एक जात के होण लाग गे..
मोहल्ले भी कयी जगह तो..
अच्छा एक और चीज महसूस होयी है.
पहले कोये गाम ग्वाहांड का आदमी मिल जाया करता तो जी राजी होया करता. पहले उसकी मदद होया करती..
पर ईब,पहले जात देखण लाग गे आपा.. मन म्ह पहली थोट जात पूछण की आवै है..
हर छोटी छोटी चीज पै जाती बीच म्ह ल्याण का काम क्यों हो रहया है हरियाणा म्ह..???
कारण के है मित्रो.. के अपणे आण आले बालका तै हम किसा माहौल छोड़ कै ज्याँगे..
कोये भी सरकार या लीडर की इस बारे सोच भी नहीं है..
ढंग के बुजर्ग भी नहीं रह लिये. जो गलत नै गलत कह दिया करते.. समाज थोथा हो लिया..
कोये कितना ऐ 36 जात का भाईचारा कहे ज्याओ..
भाईचारा रह ऐ नहीं रहया.. हम चिड़चिड़े होण लाग गे..
म्हारा शहरी करण हो लिया है.. सिर्फ गाणे लगा कै हम " देसी बालक गामा के " आली फील ले रहे है..
किसे के असूल ऐ नहीं रह रे..
हम नयी पीढ़ी नै भोत सोचन की जरूरत है .

सन्नी दयाल

12/06/2023

आम घर का बालक भी कदे हरियाणा का cm बनेगा..
उस दिन मान लियो हरयाणवी समझदार हो लिया है..

26/06/2022

बात कड़वी है. हरियाणा नै एक नये बढ़िया निष्पक्ष लीडर की जरूरत है.. जो केवल हरयाणवीयो के हित की सोचता हो..
जो आजाद हो, जिसका बटन किसे और के हाथ ना हो..
ना तो म्हारे असली मुददे न्यू ऐ दबते जाँगे..
म्हारी भाषा, म्हारे रिवाज सब खत्म हो जाँगे.
म्हारा एक आधा सिंगर नै तो फेर भी गाणा गा दिया.
ये नेता कित लहुक रे है.. जो हरे बिट्टे करके syl खोददन जाया करते..
म्हारा खेल बणा राख्या है सरकारा नै.. म्हारी शिक्षा, स्वास्थ्य बेसिक नीड की कोये चिंता नहीं किसे नै भी.
मतलब कोये तो न्यू भी कहता देख लिया.
के भाई दिल्ली को पाणी नहीं देने की बात की है..
क्यों भाई दिल्ली के माणस ना रहते,पशु ना रहते .
यो मानवता रहगी आजकाल, ठाड़े गैल दोस्ती, माड़े नै दुत्कार..
नीत नीत की बात होव है.. हरियाणा की जगह बिहार होता तो ये न्यू कह देते बिहारिया तै ना देणा पाणी.. गन्दी सोच मत बनाओ दोस्तों..
सबके हक़ की बात हो ज्या है, जो बोलता नहीं के उसका हक़ ना होता.
सोचो कितना जहर है आपस मै हमनै जो खुद भर लिया.

सन्नी दयाल

24/06/2022

पाणी का तुबका नहीं दिंदे..
तू थानेदार लाग रहया था पाणी का.
और सुन हरियाणा आले पंजाब गैल रलना नहीं चाहते.
हरियाणा अलग ही इसलिए हुआ था.
पहले जितना पंजाब है, उसनै तो आबाद कर ल्यो
नशेड़ी थम, फुकरे थम.
हिमाचल हरियाणा नै गैल लेके उसका नास भी क्यों करो हो.
पाणी कुदरत का है, और हर एक का हक़ है..
बेशक़ पीसे देके मिलता हो, पर पाणी नै नाट नहीं सकता कोये भी..
फेर जब बिना पाणी,लोग मरेंगे फेर थम पाणी का लंगर का दिखावा करोगे सोशल मीडिया पै..
तू सुसरे सिर्फ अपणी तारीफ अर अपणी कोम नै इन्फेलुन्स करण के गाने गाया करता.
जब किसान आंदोलन म्ह भूखे तिशाय आये थे.
थारे पै शम्भू बॉर्डर नहीं पार होव था, हरियाणा आला बिना.
जब अपणा पाणी गैल लेके आये थे के थम..
हम हरियाणा आल्या बिन्या थारी कोय इज्जत नहीं थी. जब आंदोलन खत्म हो गया था 26 जनवरी नै, थारी ट्राली टिकरी बॉर्डर तै उलटी हो ली थी, क्यूंके लोग गाल बक्के थे थामनै.. कोये बहादुरी का काम ना था वो लाल किले पै झंडा फहराना..
थम उलटे पाँ भाज लिये थे,, यो टिकैत रो दिया था. जिसकी गैल हरियाणा फेर आंदोलन म्ह आया.
पंजाब के बुद्धिजीवी बुजुर्ग कित है, समझाओ अपणी नयी पीढ़ी नै.. ना तो देश का नास होवगा.
जब तो भाई भाई करो थे, ईब तुबका नहीं देंदे..
तू मर लिया भाई ना तो और भुंडी सुनता तू..

05/04/2020

यो सूरज भतेरा रोशनी करण ताहीं। . थम पहल्या चस्ता बल्ब बंद करोगे ,,, फेर अँधेरा करोगे। . फेर उस अँधेरे को दूर करोगे मोमबत्ती चसा कै . फेर हाथ हलाओगे , जुकर पिकनिक अंताक्षरी मै ,गाणा सुणते टाइम ऑडियंस हलाया करै .. फेर इस ढोबरे पै फोटू गेरोगे। ..
होणा वोहे है , जो होणा है। . चसाइयो ,चाहे ना चसईयो ,, ,

03/04/2020

जिसे चोचले मोदी म्हारे पै करवाण लाग रहया है। . इसके दो मतलब हो सकै हैं !पहला:- ईब मोदी नै हाथ खड़े कर दिए हैं ,,(इब दीवे चसा चसा टैम काटो )दूसरा:- ""इस से पाजिटिविटी आएगी , के देश मिल के लड़ रहा है कोरोना से।"" . थाली पीटी थी लोगाँ नै। के होगया उस्तै बता। . करोना कुछ बढ़या होगा , घटया कोनी। .. तू प्रधानमंत्री है ,, वोट मेरी भी गयी है तेरे नाम पै। हाँ नाम पै गयी है ,, सबनै उम्मीद है तेरे तै मोदी , न्यू म्हारे स्वाद ना ले ,, काढ़ उस अमित शाह नै भी घर तै भार। . अर लोगां की मदद करवा। . खाली मत रहण दे ,, सारे मंत्री ,सांसद इस टैम बाहर होने चाहिए , अपने हलके की सेवा खातर ,मजाल कोये भूखा सोज्या , जै थम घर तै लिकड़ कै काम करो इस टाइम। .. जुकर थाली पीट कै सोशल मीडिया पै विडिओ गेरी थी ,, न्यू ऐ फेर मोमबत्ती की विडिओ गैर दियो। . कोरोना की सेहत पै कोये असर नहीं होणा ! न उसके होंसले डाउन होवेंगे। . पाजिटिविटी काम करने से आती है ,, थाली पीटो , लाइट बंद करो , फेर हम रौशनी करेंगे और अँधेरा भजायेंगे ,न्यू नहीं! , जनता है भोली भाली ,, मेरे घर मै भी हो सकै है कोई मोमबत्ती या दीवा चसा दे। . पर रिजल्ट तो ना आना इन डोंडरा का कुछ ,,

12/05/2019

एक बात कहणी थी ,,
आधी राजनीती देश की ये चमचे खराब कर रे है ,,
इनका नेता गलत भी करता होगा ,,इन्ह नै भीतर तै बेरा भी है। जब भी सपोर्ट करते पावेंगे
राहुल गाँधी जिंदाबाद ,, मोदी जिंदाबाद ,,
इनके बासी चुटकलया पै भी कीलकी मारेंगे। .
मोदी नै जनम दिन की लाख लाख बधाई के पोस्टर ,,
सोनिआ गाँधी का जन्मदिन ,, के फंड है यो ,,
दिवाली की लाख लाख बधाई ,फेर फोटू अपणे चेप देंगे
मतलब बधाई देणं तै कोन्या ,चमची मारण तै है
थम चमच्या की वजह तै नास हो रह्या है ,,
अपणे सगे बाप तै कदे लोहड़ी की लख लख बधाई ना दी हो ,,
पर पोस्टर जरूर चेपणे। .
जिस दिन सप्पोर्टर गलत नै गलत थोबड़े पै कह देंगे ,,
उस दिन देश बदलेगा। . ना तै न्यू ऐ मौसम चालता रहगा
कदे बीजेपी कदे कांग्रेस। ..
साचे माणस तै राजनीती तै भोत दूर हो लिए ,, ,
यो मोदी भी दो तीन बै सफ़ेद झूठ बोलता थया गया ,,
गलत है तो गुददी पकड़ कै खेंचो स्टेज पर तै ,,

24/10/2018

कोये इसा पटवारी भी है ,, ????
जुणसा हराम की ना खाता हो ..