श्री शिवाजी हायस्कूल,छत्रपती संभाजीनगर

श्री शिवाजी हायस्कूल,खोकडपुरा छत्रपती संभाजीनर येथे भारतरत्न डॉ.बाबासाहेब आंबेडकर यांच्या १३५ व्या जयंतीनिमित्त अभिवादन…🌸

आज दिनांक १४ एप्रिल २०२६ वार मंगळवार रोजी श्री शिवाजी हायस्कूल,उच्च माध्यमिक विद्यालय एच.एस.सी व्होकेशनल विभाग छत्रपती संभाजीनगर येथे विश्ववंदनीय,दीनदलितांचे कैवारी भारतरत्न डॉ.बाबासाहेब आंबेडकर यांच्या १३५ व्या जयंतीनिमित्त अभिवादन करण्यात आले..
लोककल्याणकारी रयतेचे राजे छत्रपती शिवाजी महाराज,भारतरत्न डॉ.बाबासाहेब आंबेडकर,मातोश्री मुक्तामाय धोंडगे,भाई डॉ.केशवरावजी धोंडगे साहेब या सर्व महान विभूतींना सुरवातीस अभिवादन करण्यात आले.
शाळेचे मुख्याध्यापक प्राचार्य श्री.जी.के.आढाव यांनी मनोगत व्यक्त करून भीमजयंती च्या शुभेच्छा दिल्या.
कार्यक्रमाचे संचलन डॉ.संदीप तुपे यांनी केले.
यावेळी श्री शिवाजी विद्यालय रांजणगाव शाळेचे मुख्याध्यापक श्री.ए.डी.घारुळे,श्री.शिवाजी हायस्कूल चे मुख्याध्यापक श्री.जी.के.आढाव,पर्यवेक्षक श्री.आर.एस.चिंचोले यांच्या सहीत तीनही विभागातील शिक्षक शिक्षकेतर कर्मचारी यांची उपस्थिती होती.
🌼🌼🌼🌼🌼🌸🌸🌸🌸🌸🌼🌼🌼🌼

*श्री शिवाजी हायस्कूल,खोकडपुरा छत्रपती संभाजीनगर येथील सहशिक्षिका श्रीमती यू.एच.महाजन यांना सेवानिवृत्ती निमित्त निरोप..*🌸

आज दिनांक ३० मार्च २०२६ वार सोमवार रोजी श्री शिवाजी हायस्कूल,उच्च माध्यमिक विद्यालय एच.एस.सी व्होकेशनल विभाग छत्रपती संभाजीनगर येथे शाळेतील सहशिक्षिका श्रीमती यू.एच.महाजन यांना सेवानिवृत्ती निमित्त निरोप देण्यात आला.
कार्यक्रमाच्या अध्यक्षस्थानी शाळेचे मुख्याध्यापक प्राचार्य श्री.जी.के.आढाव हे होते.
कार्यक्रमाच्या सुरूवातीस लोककल्याणकारी रयतेचे राजे छत्रपती शिवाजी महाराज,मातोश्री मुक्तामाय धोंडगे,भाई डॉ.केशवरावजी धोंडगे साहेब या सर्व महान विभूतींना अभिवादन करण्यात आले.
सेवानिवृती निमित्त श्रीमती यू.एच.महाजन यांचा शाळेच्या तीनही विभागातर्फे स्मृतीचिन्ह पुष्पगुच्छ देऊन सत्कार करण्यात आला..
कार्यक्रमाचे प्रास्ताविक पर्यवेक्षक श्री.आर.एस.चिंचोले यांनी केले तसेच श्रीमती एस.जी.बळी यांनी मनोगत व्यक्त केले..
कार्यक्रमाचे संचलन डॉ.संदीप तुपे यांनी केले तसेच आभार श्री.डी.के.डांगे यांनी मानले.
यावेळी शाळेचे मुख्याध्यापक प्राचार्य श्री.जी.के.आढाव,पर्यवेक्षक श्री.आर.एस.चिंचोले, यांच्यासहीत तीनही विभागाचे शिक्षक शिक्षकेतर कर्मचारी आणि विद्यार्थ्यांची उपस्थिती होती..

श्री शिवाजी हायस्कूल खोकडपुरा , छत्रपती संभाजी नगर येथील गणिताचे माजी शिक्षक मा.प्राचार्य कै.प्रभाकर मुरकुटे सर यांचे रात्री १०-३० वाजता अल्पशा आजाराने निधन झाले आज दि.१७-९-२०२५ रोजी सकाळी दहा वाजता त्यांच्या मूळ गावी अंत्यसंस्कार करण्यात आले...अत्यंत मृदू स्वभावाचे आणि सतत सर्वांच्या चेहऱ्यावर हास्य फुलवणारे सर आज मात्र रडवून गेलेत....सरांना भावपूर्ण श्रद्धांजली..🌺

*श्री शिवाजी हायस्कूल खोकडपुरा छत्रपती संभाजीनगर येथे आषाढी एकादशी निमित्त बाल वारकऱ्यांची वारी संपन्न..*🚩

आज दि.०५ जुलै २०२५ रोजी श्री शिवाजी हायस्कूल,उच्च माध्यमिक विद्यालय, एच.एस.सी.व्होकेशनल विभाग तसेच श्री शिवाजी प्राथमिक शाळा खोकडपुरा, छत्रपती संभाजीनगर शाळेत आषाढी एकादशीचे औचित्य साधून बाल वारकऱ्यांची वारी (शोभायात्रा) काढण्यात आली.
विठ्ठल रुक्माई ची वेशभूषा केलेले विद्यार्थी, वारकऱ्यांच्या रूपात, *ज्ञानबा तुकाराम | जय हरी विठ्ठल ||* या नामस्मरणात तल्लीन झालेले विद्यार्थी हे या शोभायात्रेचे (वारीचे) प्रमुख आकर्षण होते..
शालेय परिसरातून शोभायात्रा पूर्ण करून शाळेत पोहोचल्यानंतर सर्व विद्यार्थ्यांनी आणि शिक्षकांनी रिंगण करून पावली चा आनंद घेतला..या पद्धतीने हा वारी सोहळा चैतन्यमय वातावरणात आणि उत्साहात साजरा करण्यात आला...
याप्रसंगी श्री.शिवाजी हायस्कूल चे मुख्याध्यापक श्री.जी.के.आढाव, पर्यवेक्षकश्री.आर.एस.चिंचोले, प्राथमिक विभागाच्या मुख्याध्यापिका सौ.ए.एस.गवळी तसेच तीनही विभागातील शिक्षक शिक्षकेतर कर्मचारी आणि विद्यार्थ्यांची उपस्थिती होती..
🌼🌼🌼🌼🌼🚩🚩🌼🌼🌼🌼🌼

*श्री शिवाजी हायस्कूल, खोकडपूरा छत्रपती संभाजी नगर येथे भाई डॉ.केशवरावजी धोंडगे साहेब यांची 103 वी जयंती साजरी...*🌸

आज दिनांक २२जुलै २०२४ रोजी श्री शिवाजी हायस्कूल,उच्च माध्यमिक विद्यालय, एच.एस .सी व्होकेशनल विभाग छत्रपती संभाजी नगर येथे श्री शिवाजी मोफत एज्युकेशन सोसायटीचे संस्थापक संचालक माजी खासदार व आमदार ज्येष्ठ स्वातंत्र्य सेनानी आदरणीय भाई डॉ.केशवरावजी धोंडगेसाहेब यांची १०३ वी जयंती साजरी करण्यात आली...
कार्यक्रमाचे अध्यक्ष शाळेचे मुख्याध्यापक श्री.जी.के.आढाव, प्रमुख वक्ते म्हणून शाळेचे माजी मुख्याध्यापक श्री.एस.बी.पाटील,प्रमुख पाहुणे प्रा.जे.एम.खान यांची प्रमुख उपस्थिती होती...
वंदे मातरम या राष्ट्रीय गीताने कार्यक्रमाची सुरुवात झाल्यानंतर
रयतेचे राजे छत्रपती शिवाजी महाराज,मातोश्री मुक्तामाय धोंडगे,भाई डॉ.केशवरावजी धोंडगे साहेब या महान विभूतींना वंदन करण्यात आले.. तसेच मान्यवरांच्या हस्ते दीपप्रज्वलन करण्यात आले..
आदरणीय भाई डॉ. केशवरावजी धोंडगे साहेब हे बहुजनांचे दीपस्तंभ आहेत.. त्यांचे कार्यकर्तृत्व येणाऱ्या कित्येक पिढ्यांना मार्गस्थ करणारे ठरेल असे प्रतिपादन प्रमुख वक्ते श्री एस बी पाटील यांनी आपल्या मनोगतात केले...
यानंतर आदरणीय डॉ.केशवरावजी धोंडगे साहेब यांच्या जयंती सोहळ्याचे औचित्य साधून श्री शिवाजी परिवारातील इयत्ता दहावी व बारावी मध्ये उज्ज्वल यश संपादन केलेल्या विद्यार्थ्यांचे व त्यांच्या पालकांचे स्वागत करण्यात आले... याचबरोबर गरजू व होतकरू मुलांना शाळेकडून दप्तर, गणवेश व शैक्षणिक साहित्याचे वाटप करण्यात आले..
आदरणीय डॉ.केशवरावजी धोंडगे साहेब यांच्या पुरोगामीत्वाचा वारसा जपणं हीच साहेबांना खरी आदरांजली ठरेल असे भाष्य अध्यक्षीय समारोपामध्ये श्री.जी.के.आढाव यांनी केले...
अध्यक्षीय समारोपानंतर इयत्ता दहावी व बारावी मध्ये सर्वप्रथम आलेल्या गुणवंत विद्यार्थ्यांची मान्यवरांच्या व शिक्षकांच्या उपस्थितीत शर्करा तुला करून त्यांना गौरविण्यात आले...
कार्यक्रमाचे संचलन डॉ.संदीप तुपे यांनी तसेच प्रास्ताविक श्री.बी.व्ही.वीर यांनी केले.. प्रमुख वक्त्यांचा परिचय सौ. ए.आर बासरकर यांनी करून दिला तर कार्यक्रमाचे आभार श्री.पी.एम.चिंतामणी यांनी मानले...
या प्रसंगी गुराखीपिठावर मान्यवरांसोबत उच्च माध्यमिक विद्यालयाचे श्री.डी.एस.सुपेकर,एच.एस.सी व्होकेशनल विभागाचे श्री.पी.एम.चिंतामणी, वरिष्ठ लिपिक श्री.जी.एस.भुमरे,
उच्च माध्यमिक विद्यालयाचे श्री जे.बी.पवार,सौ.ए.आर बासरकर ,श्रीमती पी.एस.राणे यांची उपस्थिती होती...
कार्यक्रमाच्या आयोजनासाठी तीनही विभागातील सर्व शिक्षक शिक्षकेतर कर्मचारी यांचे सहकार्य लाभले...
या कार्यक्रमासाठी श्री शिवाजी परिवारातील तीनही विभागातील शिक्षक शिक्षकेतर कर्मचारी विद्यार्थी व पालकांची उपस्थिती होती..
राष्ट्रगीताने जयंती सोहळ्याच्या कार्यक्रमाचा समारोप करण्यात आला...
🌻🌻🌺🌺🌻🌻🌺🌺🌻🌻

साहेबांस पत्र......✉️

आदरणीय साहेब आज आपली १०३ वी जयंती आम्ही सर्व जण साजरी करीत आहोत...आज आपली उणीव आम्हाला प्रकर्षाने जाणवतेय...!
साहेब मातोश्री मुक्ताईंनी आपल्याला स्वाभिमानाने आणि सचोटीने क्रांतिकारी जीवन जगण्याची संजीवनी दिली आणि आपण या महाराष्ट्राच्या पुरोगामी इतिहासामध्ये एक नवा अध्याय रचला.
साहेब नाही रे वाल्यांना आपण खऱ्या अर्थाने प्रवाहात आणून वाडी वस्ती तांड्यावर शिक्षणाची गंगोत्री नेली, अंधश्रद्धा, अन्याय,अस्पृश्यता,दैववाद याच्या आहारी न जाण्यासाठी आपण जे प्रबोधन केलं त्या विचारांनी खरं तर मराठवाड्यातल्या किंबहुना महराष्ट्रातील कित्येक पिढ्या समृद्ध झाल्या.
फुले शाहू आंबेडकरवादी चळवळीची विचारधारा आपल्या कृतीत आणि उक्तीत पाहण्याचं भाग्य आम्हा सर्वांना लाभलं.
समाजव्यवस्थेच्या सनातनी प्रवृत्तीवर आपण नेहमी निर्भीड वृत्तीने प्रहार केला सुमारे तीन दशके आपल्या अमोघ आणि ओजस्वी वाणीने महाराष्ट्राची विधानसभा गाजवताना वंचिताचे प्रश्न,वेदना आपण पोट तिडकीने मांडल्या हे महाराष्ट्रातील बहुजन समाज कधीच विसरू शकणार नाही
आज आपल्या सभोवताली राजकारणाचा चिखल झाला आहे हे पाहताना आपल्या एकनिष्ठ आणि तत्त्वनिष्ठ बाण्याची आठवण झाल्याशिवाय राहत नाही.
आपल्या साहित्यात,आपल्या विचारांमध्ये आपल्या भाषणांमध्ये भटक्या उपेक्षितांसाठी मायेची कणव नेहमी अधोरेखीत होत राहिली.
याच भटक्या उपेक्षितांच्या प्रश्नांची मांडणी करणार विचारपीठ असावं या भावनेतून आपण उपेक्षित वर्ग व भटक्या जातींना प्रकट होण्यासाठी जगातीक गुराखी गड साहित्य संमेलन सुरू केलं आणि एक नवा आदर्श इथल्या साहित्यिक चळवळी समोर उभा केलात.
मन्याड खोऱ्याचा वाघ...महाराष्ट्राची मुलुख मैदानी तोफ...समाजसुधारक..मराठवाड्यातील प्राथमिक ते उच्च शिक्षणाचे आधारवड... उत्कृष्ट वक्तृत्व योद्धे...एकनिष्ठ विचारी...सत्यवादी... काव्यकार...लढवये... बहुजनांचे कैवारी...जागतिक गुराखी गड साहित्य संमेलनाचे निर्माते... अशा असंख्य बिरूदावली आपल्या नावाआधी लावल्या जातात याला एकमेव कारण म्हणजे आपण आपल्या आयुष्याचं केलेलं समर्पण.*
या समर्पित आयुष्याचा गौरव करण्यासाठी दिनांक २४ ऑगस्ट २०२२ रोजी विधिमंडळाच्या पावसाळी अधिवेशनात माननीय मुख्यमंत्री उपमुख्यमंत्री आणि सर्व मंत्रिमंडळाच्या उपस्थितीत आपला सन्मान करण्यात आला. हा सन्मान महाराष्ट्रातल्या वंचितांचा,दिनदुबळ्या गरिबांचा, कामगार,कष्टकरी आणि शेतकरी वर्गाचा होता.
आज आपल्या १०३ व्या जयंती निमित्त आपल्या जीवनाची धगधगती ज्वलंत संघर्षगाथा पुन्हा एकदा डोळ्यासमोर उभी राहिली आहे.*
आपल्या विचारधारेशी प्रामाणिक राहून कार्यरत राहावं हीच खऱ्या अर्थाने आपल्याला आदरांजली ठरेल.
आपल्या पावन स्मृतीस विनम्र अभिवादन व आपणास मानाची कोटी कोटी जय क्रांति.!🙏🏻🌺

©डॉ.संदीप काकासाहेब तुपे
सहशिक्षक
श्री शिवाजी हायस्कूल,
छत्रपती संभाजीनगर
दिनांक २२ जुलै २०२४

*श्री शिवाजी हायस्कूल औरंगाबाद येथे भारताचा ७७ वा स्वातंत्र्य दिन उत्साहात साजरा...*🇮🇳🇮🇳

आज दिनांक १५ ऑगस्ट २०२३ रोजी श्री शिवाजी हायस्कूल उच्च माध्यमिक विद्यालय एच.एस.सी व्होकेशनल विभाग औरंगाबाद येथे भारताचा ७७ वा स्वातंत्र्य दिन चैतन्यमय वातावरणात उत्साहात साजरा करण्यात आला...
भारतीय स्वातंत्र्याच्या अमृत महोत्सव निमित्त आयोजित ७७ व्या स्वातंत्र्य दिनाच्या कार्यक्रमाचे ध्वजारोहण शालेय समितीचे शालेय समितीचे अध्यक्ष मा.अ‍ॅड.संदीपरावजी गव्हाणे साहेब यांच्या हस्ते करण्यात आले. ..यावेळी गुराखीपीठावर श्री शिवाजी हायस्कूलचे मुख्याध्यापक प्राचार्य श्री.जी.के.आढाव, संस्था कार्यकारिणीचे सदस्य प्रा.जे.एम.खान, प्राथमिक विभागाच्या मुख्याध्यापिका सौ.ए.एस.गवळी यांची प्रमुख उपस्थिती होती...
रयतेचे राजे छत्रपती शिवाजी महाराज, भारताचे राष्ट्रपिता महात्मा गांधी, भारतीय राज्यघटनेचे शिल्पकार भारतरत्न डॉ.बाबासाहेब आंबेडकर, भारताचे पहिले पंतप्रधान पंडित जवाहरलाल नेहरू, ज्येष्ठ स्वातंत्र्य सेनानी दिवंगत भाई डॉ. केशवरावजी धोंडगे साहेब या सर्व महान विभूतींना अभिवादन करून मुख्य कार्यक्रमाची सुरुवात करण्यात आली...
ध्वजारोहणाच्या मुख्य कार्यक्रमानंतर शाळेतील विद्यार्थी आणि विद्यार्थिनी यांनी सामूहिक कवायत सादर केली...सामूहिक कवायती नंतर शाळेतील विद्यार्थिनींनी घुंगुर काठी, डंबेल्स आणि रिंग कवायत हे कलाप्रकार सादर करून उपस्थितांची वाहवा मिळवली.या कलाप्रकारासाठी विद्यार्थिनींना श्रीमती यू.एच.महाजन यांनी मार्गदर्शन केले.
प्राथमिक शाळेतील विद्यार्थ्यांनी जय जय महाराष्ट्र माझा हे समूह गीत गायन केले... माध्यमिक विभागाच्या विद्यार्थी आणि विद्यार्थिनी यांनी स्वातंत्र्य दिनानिमित्त भाषण आणि देशभक्तीपर गीते सादर केली..
या प्रमुख कार्यक्रमानंतर श्री शिवाजी हायस्कूल,उच्च माध्यमिक विद्यालय,श्री शिवाजी प्राथमिक शाळा या विभागातील सर्व विद्यार्थी शिक्षक शिक्षकेतर कर्मचारी यांच्या सर्व सहभागाने प्रभात फेरी काढण्यात आली...
स्वातंत्र्य दिनाच्या कार्यक्रमाचे संचलन शाळेचे सहशिक्षक श्री.एस.जी.दवणे यांनी केले...
यावेळी गुराखीपीठावर प्रमुख मान्यवरांसोबत उच्च माध्यमिक विभागाचे श्री.डी.एस.सुपेकर, एच.एस.सी व्होकेशनल विभागाचे श्री.पी.एम. चिंतामणी, पर्यवेक्षिका श्रीमती एस.के.कदम, शालेय समितीचे शिक्षकेतर प्रतिनिधी श्री.ए.ए.पवार , सेवानिवृत्त शिक्षक श्री.एस. टी.ढवळे आदींची उपस्थिती होती....
कार्यक्रमाच्या यशस्वीतेसाठी तिनही विभागातील शिक्षक शिक्षिका, शिक्षकेतर कर्मचारी आणि विद्यार्थ्यांनी परिश्रम घेतले....
विद्यार्थ्यांना खाऊ वाटून कार्यक्रमाचा समारोप करण्यात आला...
🇮🇳🇮🇳🇮🇳🪷🪷🪷🇮🇳🇮🇳🇮🇳🪷🪷

*श्री शिवाजी हायस्कूल उच्च माध्यमिक विद्यालय येथे मातोश्री मुक्ताई माय स्मृती दिनानिमित्त तसेच कारगिल विजय दिनानिमित्त अभिवादन..*🌸

आज दिनांक २६ जुलै २०२३ रोजी श्री शिवाजी हायस्कूल उच्च माध्यमिक विद्यालय, एच.एस.सी व्होकेशनल विभाग येथे कारगिल विजय दिनानिमित्त शहिदांना अभिवादन करण्यात आले, तसेच मातोश्री मुक्ताई धोंडगे यांच्या स्मृतिदिनानिमित्त मातोश्री मुक्ताई यांना देखील अभिवादन करण्यात आले..
कार्यक्रमाच्या अध्यक्षस्थानी श्री शिवाजी मोफत एज्युकेशन सोसायटी,कंधार संस्थेचे अध्यक्ष मा.प्रा.डॉ. पुरुषोत्तमरावजी धोंडगे साहेब हे होते...तर प्रमुख पाहुणे म्हणून शालेय समितीचे उपाध्यक्ष मा.श्री सदाशिवराव जाधव साहेब, प्रा.डॉ.नागेश अंकुश, केंद्रीय कार्यकारिणी सदस्य
प्रा.जे.एम.खान यांची प्रमुख उपस्थिती होती ....
वंदे मातरम् या राष्ट्रीय गीताने कार्यक्रमास सुरुवात करण्यात आली... कारगिल युद्धात शहीद झालेल्या जवानांना यावेळेस श्रद्धांजली अर्पण करण्यात आली..
कार्यक्रमाचे प्रास्ताविक उच्च माध्यमिक विद्यालयाचे श्री. बी.व्ही.वीर यांनी केले...प्रमुख पाहुण्यांचा परिचय श्री.पी.एम. चिंतामणी यांनी करून दिला...
शाळेचे मुख्याध्यापक प्राचार्य श्री.जी.के.आढाव यांनी शाळेचा वार्षिक अहवाल सादर करून मातोश्री मुक्तामाय आणि दिवंगत भाई डॉ.केशवरावजी धोंडगे साहेब यांच्या अमूल्य कार्याबद्दल आपले मनोगत व्यक्त केले...
मातोश्री मुक्ताई धोंडगे यांच्या स्मृतिदिनानिमित्त प्रमुख वक्त्या सौ.ए.आर.बासरकर यांनी मातोश्री मुक्ताई यांच्या जीवन कार्याचा आढावा आपल्या मनोगतातून घेतला..
तसेच कारगिल विजय दिनानिमित्त प्रमुख वक्ते प्रा.डॉ.नागेश अंकुश यांनी कारगिल विजय गाथा उपस्थितांसमोर सादर केली...
शैक्षणिक वर्ष २०२२-२३ मध्ये इयत्ता निहाय सर्वप्रथम आलेल्या गुणवंतांचे संस्था अध्यक्ष मा.प्रा.डॉ.पुरुषोत्तम भाऊ धोंडगे यांच्या हस्ते तसेच मान्यवरांचे हस्ते स्मृतिचिन्ह व बक्षीस देऊन कौतुक करण्यात आले...बक्षीसाचे अहवाल वाचन श्री.आर.एस.चिंचोले यांनी केले...
आपल्या मुलाच्या स्मरणार्थ दरवर्षी शाळेला शैक्षणिक साहित्य देणाऱ्या श्रीमती गवळे ताई यांचा शाळेच्या सहशिक्षिका श्रीमती. एस.के.कदम यांनी साडी चोळी देऊन गौरव केला....
शिक्षणाची गंगा वाडी वस्ती तांड्यावर नेण्याची प्रेरणा दिवंगत भाई डॉक्टर केशवराव धोंडगे साहेब यांना मातोश्री मुक्तामाय यांनी दिली... हाच उज्वल वसा आणि वारसा घेऊन आपल्याला विद्यादानाचे पवित्र काम करायचे आहेत असे भाष्य संस्थेचे अध्यक्ष प्रा.डॉ.पुरुषोत्तमरावजी धोंडगे साहेब यांनी अध्यक्षीय समारोपामध्ये केले...
कार्यक्रमाचे संचलन श्री.व्ही. ई.ठाकरे पाटील आणि सौ.कवडे मॅडम यांनी केले तर आभार प्रदर्शन श्रीमती राणे मॅडम यांनी मानले...
यावेळी गुराखीपीठावर मान्यवरांसोबत शाळेचे मुख्याध्यापक श्री.जी.के.आढाव, प्राथमिक शाळेच्या मुख्याध्यापिका सौ.ए.एस गवळी, उच्च माध्यमिक विद्यालयाचे श्री डी एस सुपेकर, श्रीमती हिवाळे ताई इत्यादींची उपस्थिती होती...
कार्यक्रमाची सांगता राष्ट्रगीताने करण्यात आली..
या कार्यक्रमास तीनही विभागातील सहशिक्षक, सहशिक्षिका शिक्षकेतर कर्मचारी व विद्यार्थी व पालकांची उपस्थिती होती....
🌼🌼🌼🪷🪷🪷🌼🌼🌼🪷🪷

आज श्री शिवाजी मोफत एज्युकेशन सोसायटी चे संस्थापक संचालक दिवंगत भाई डॉ केशवरावजी धोंडगे साहेब यांच्या जयंती निमित्त गुणवंत विद्यार्थी यांची शर्करातुला.....यावेळी उपस्थित शालेय समितीचे अध्यक्ष ॲड.संदीपराव गव्हाणे साहेब, प्रा.धाराशिव शिराळे सर,उपाध्यक्ष श्री.सदाशिवराव जाधव साहेब,मुख्याध्यापक प्राचार्य श्री.जी.के.आढाव सर आणि उपस्थित मान्यवर.....