Vande Mataram School

🌸 *वंदे मातरम् बालक मंदिरात दिवाळी उत्सव उत्साहात साजरा*🌸

*छत्रपती संभाजीनगर (प्रतिनिधी)* – *विश्वात्मा शिक्षण प्रसारक मंडळ संचलित वंदे मातरम् बालक मंदिर येथे दिनांक 15 ऑक्टोबर 2025 रोजी दिवाळी सणानिमित्त भव्य व आकर्षक कार्यक्रमाचे आयोजन करण्यात आले. कार्यक्रमाचे अध्यक्षस्थान संस्थेचे कोषाध्यक्ष तसेच वंदे मातरम् माध्यमिक विद्यालयाचे मुख्याध्यापक श्री. विशाल सुरासे सर यांनी भूषविले. प्रमुख पाहुणे म्हणून श्रीमती. कविता सप्रे मॅडम (सदस्य, पिडिलाइट अॅक्रीलिक कलर) तसेच मुख्याध्यापिका श्रीमती. शारदा उगले मॅडम आणि वंदे मातरम् प्राथमिक विद्यालयाचे मुख्याध्यापक श्री. प्रकाश मोरे सर यांची विशेष उपस्थिती लाभली.*

*कार्यक्रमाच्या प्रारंभी विद्यालय परिसरात दिवाळीच्या निमित्ताने सुंदर सजावट करण्यात आली होती. विद्यार्थ्यांनी पारंपरिक वेशभूषा साकारत दिवाळीचा उत्सव रंगतदार केला. बालचिमुकल्यांनी सादर केलेली ‘रामायण’ ही नाटिका विशेष आकर्षण ठरली. तसेच वसुबारस, धनतेरस आणि लक्ष्मीपूजन या दिवाळीतील पारंपरिक विधींचे देखावे साकारून विद्यार्थ्यांनी सणाचे सांस्कृतिक महत्त्व जिवंत केले.*

*कार्यक्रमाचे उत्कृष्ट सूत्रसंचालन श्रीमती. वैशाली कोल्हारे मॅडम (सहशिक्षिका, बालक मंदिर) यांनी केले. प्रमुख पाहुण्या श्रीमती सप्रे मॅडम यांनी विद्यार्थ्यांना दिवाळीच्या शुभेच्छा देत सणाचे सांस्कृतिक व सामाजिक महत्त्व समजावून सांगितले. अध्यक्षीय भाषणात श्री. विशाल सुरासे सर यांनी विद्यार्थ्यांना प्रबोधनपर मार्गदर्शन केले.*

*कार्यक्रमास पालक व पालकमंडळाचे सदस्य मोठ्या संख्येने उपस्थित होते. शेवटी आयोजक मंडळातर्फे आभारप्रदर्शन करून कार्यक्रमाचा समारोप करण्यात आला.*

*वंदे मातरम् विद्यालयात शासकीय रेखा कला ग्रेड परीक्षेला उत्साहपूर्ण प्रारंभ*

*छत्रपती संभाजी नगर, 24 सप्टेंबर (प्रतिनिधी) :*
*विश्वात्मा शिक्षण प्रसारक मंडळ संचलित वंदे मातरम् माध्यमिक विद्यालय, छत्रपती संभाजी नगर येथे शासकीय रेखा कला ग्रेड परीक्षेचा प्रारंभ आज दिनांक 24 सप्टेंबर 2025, बुधवार रोजी शिस्तबद्ध व नियोजनबद्ध वातावरणात झाला. सदर परीक्षेचे केंद्र क्रमांक 127042 असून हे केंद्र चार दिवसीय रेखा कला ग्रेड परीक्षेसाठी नियुक्त करण्यात आले आहे.*

*या केंद्रावर एलिमेंटरी परीक्षेसाठी 250 विद्यार्थी तसेच इंटरमिजिएट परीक्षेसाठी 186 विद्यार्थी, अशा एकूण 436 विद्यार्थी परीक्षेस बसलेले आहेत. केंद्रावर उमेदवारांसाठी एकूण नऊ हॉलमध्ये सुसंगत बैठक व्यवस्था करण्यात आली होती. तसेच पर्यवेक्षक म्हणून शाळेतील तसेच बाहेरील शाळेतील शिक्षकांची देखील नियुक्ती करण्यात आली होती.परीक्षेला नेमके सकाळी 10:30 वाजता प्रारंभ झाला.*

*परीक्षेच्या उद्घाटनप्रसंगी प्रमुख अतिथी म्हणून शासकीय कला महाविद्यालयाचे प्राध्यापक डॉ. गजानन पेहरकर यांची मान्यवर उपस्थिती लाभली. त्यांच्या सोबत सौ. पेहरकर या देखील विशेष अतिथी म्हणून उपस्थित होत्या. संस्थेचे कोषाध्यक्ष व वंदे मातरम् माध्यमिक विद्यालयाचे मुख्याध्यापक श्री. विशाल सुरासे यांनी अतिथींचे शाल व ग्रंथ देऊन स्वागत केले. याप्रसंगी वंदे मातरम् प्राथमिक विद्यालयाचे मुख्याध्यापक श्री. प्रकाश मोरे सर वंदे मातरम् बालक मंदिरच्या मुख्याध्यापिका श्रीमती. शारदा उगले मॅडम यांची देखील उपस्थिती होती.*

*परीक्षेच्या पहिल्या दिवशी केंद्रावर संपूर्ण शिस्त, नियोजनबद्ध व्यवस्था व परीक्षार्थींच्या सहभागामुळे परीक्षेला यशस्वी प्रारंभ झाला. पुढील तीन दिवस या केंद्रावर परीक्षेचे पेपर्स नियोजित वेळापत्रकानुसार पार पडणार आहेत.*NJN

🇮🇳 *स्वातंत्र्याचा अमृतमहोत्सवी उत्साह — वंदे मातरम् विद्यालयात ७९ वा स्वातंत्र्यदिन भव्यरित्या साजरा.*

*छत्रपती संभाजीनगर (प्रतिनिधी) – विश्वात्मा शिक्षण प्रसारक मंडळ, छत्रपती संभाजीनगर संचलित वंदे मातरम् बालक मंदिर प्राथमिक व माध्यमिक विद्यालय येथे ७९ वा स्वातंत्र्यदिन देशभक्तीच्या व उत्साहाच्या वातावरणात भव्यरित्या साजरा करण्यात आला.*

*कार्यक्रमाच्या अध्यक्षस्थानी संस्थेचे कोषाध्यक्ष व वंदे मातरम् माध्यमिक विद्यालयाचे मुख्याध्यापक श्री. विशाल सुरासे सर होते. प्रमुख अतिथी म्हणून इनरव्हील क्लब लोटस, औरंगाबादच्या अध्यक्षा सौ. रश्मी चेचानी, सदस्य सौ. यामिनी चव्हाण व श्री.कदम साहेब सौ. जगताप ताई उपस्थित होत्या. यावेळी वंदे मातरम् प्राथमिक विद्यालयाचे मुख्याध्यापक श्री. प्रकाश मोरे तसेच वंदे मातरम् बालक मंदिरच्या मुख्याध्यापिका सौ. शारदा उगले मॅडम यांचीही मान्यवर उपस्थिती होती.*

*कार्यक्रमाची सुरुवात प्रमुख अतिथींच्या हस्ते प्रतिमापूजन व ध्वजारोहणाने झाली. त्यानंतर विद्यार्थ्यांनी देशभक्तिपर गीत, नृत्य व प्रेरणादायी भाषणे सादर केली. लहानग्या विद्यार्थ्यांच्या देशभक्तिपर नृत्यांनी उपस्थितांचे मन मोहून टाकले. तसेच इयत्ता नववी व दहावीच्या विद्यार्थ्यांनी सादर केलेले “प्लास्टिक मुक्त भारत” हे पथनाट्य विशेष आकर्षण ठरले, ज्यातून प्लास्टिकमुळे होणारे दुष्परिणाम प्रभावीपणे मांडण्यात आले.*

*या प्रसंगी शैक्षणिक वर्ष २०२४–२५ मध्ये इयत्ता दहावीतील प्रथम, द्वितीय व तृतीय क्रमांक प्राप्त विद्यार्थ्यांचा तसेच सायन्स ऑलिम्पियाडमध्ये यश संपादन करणाऱ्या विद्यार्थ्यांचा प्रमुख अतिथींच्या हस्ते सत्कार करण्यात आला. कार्यक्रमाचे प्रास्ताविक श्री. विशाल सुरासे सर यांनी केले, तर प्रमुख अतिथी सौ. रश्मी चेचानी यांनी स्वातंत्र्य दिनाचे महत्त्व अधोरेखित करणारे प्रेरणादायी मार्गदर्शन केले.*

*कार्यक्रमाचे सूत्रसंचालन विद्यार्थिनी कु. प्रांजल विधाटे व कु. गौरी बरांडे यांनी केले, तर आभार प्रदर्शन वंदे मातरम् प्राथमिक विद्यालयाच्या सहशिक्षिका सौ. सुनिता सोनवणे यांनी केले. शिक्षक, शिक्षकेतर कर्मचारी, पालक व विद्यार्थ्यांच्या सहकार्यामुळे हा सोहळा यशस्वीरीत्या पार पडला.*

*वंदे मातरम् विद्यालयात ध्वजारोहण सोहळा उत्साहात संपन्न*

*छत्रपती संभाजीनगर – विश्वात्मा शिक्षण प्रसारक मंडळ संचलित वंदे मातरम् बालक मंदिर प्राथमिक व माध्यमिक विद्यालयात स्वातंत्र्य दिनानिमित्त ध्वजारोहणाचा कार्यक्रम अत्यंत उत्साहात पार पडला*

*कार्यक्रमाच्या अध्यक्षस्थानी संस्थेचे कोषाध्यक्ष व वंदे मातरम् माध्यमिक विद्यालयाचे मुख्याध्यापक श्री. विशाल सुरासे सर उपस्थित होते. प्रमुख पाहुणे म्हणून श्री. अशोक दामले साहेब उपस्थित होते. यावेळी बालक मंदिरच्या मुख्याध्यापिका सौ. शारदा उगले मॅडम तसेच वंदे मातरम् प्राथमिक विद्यालयाचे मुख्याध्यापक श्री. प्रकाश मोरे सर हे देखील उपस्थित होते.*

*प्रमुख पाहुण्यांच्या हस्ते ध्वजारोहण करण्यात आले. या प्रसंगी विद्यार्थ्यांना स्वातंत्र्य दिनाचे महत्त्व स्पष्ट करण्यात आले. अध्यक्षीय भाषणात श्री. विशाल सुरासे सर यांनी स्वातंत्र्य दिनाचे ऐतिहासिक महत्त्व व विद्यार्थ्यांच्या राष्ट्रीय कर्तव्यांवर मार्गदर्शन केले.*

*ध्वजारोहण सोहळ्यास शाळेतील सर्व शिक्षक, शिक्षकेतर कर्मचारी तसेच विद्यार्थी मोठ्या संख्येने उपस्थित होते. संपूर्ण कार्यक्रम देशभक्तीपूर्ण वातावरणात आणि उत्साहाच्या जल्लोषात यशस्वीरित्या पार पडला.*