Kannamwar Vidyalaya,Arvi Dist.Wardha

28/02/2026

*🔬राष्ट्रीय विज्ञान दिनानिमित्याने–Grand Science Expo 2026 | कन्नमवार विद्यालय, आर्वी*
*आज दिनांक 28 फेब्रुवारी 2026, राष्ट्रीय विज्ञान दिनाचे औचित्य साधून कन्नमवार विद्यालय, आर्वी येथे सकाळी 10 वाजता भव्य Grand Science Expo 2026 विज्ञान प्रदर्शन उत्साहात संपन्न झाले. विज्ञानाची जिज्ञासा, प्रयोगशीलता आणि सर्जनशीलता विद्यार्थ्यांच्या कृतीतून साकारलेले हे प्रदर्शन प्रेरणादायी ठरले.*
*कार्यक्रमाच्या अध्यक्षस्थानी विद्यालयाचे मुख्याध्यापक आदरणीय रेवतकर सर तर प्रमुख उपस्थितीमध्ये पर्यवेक्षक ठाकूर सर तसेच विद्यालयाचे माजी विद्यार्थी व “The U-Turn” या पुस्तकाचे लेखक, India’s Top 50 New Author Award साठी नामांकन प्राप्त आनंद खोपे यांची मान्यवर उपस्थिती लाभली.*
*प्रारंभी मान्यवरांचे पुष्पगुच्छ देऊन स्वागत करण्यात आले. त्यानंतर विज्ञान प्रदर्शनाचे उद्घाटन करण्यात आले. इयत्ता 5 वी ते 9 वी मधील एकूण 35 विद्यार्थ्यांनी विविध वैज्ञानिक संकल्पनांवर आधारित सुंदर प्रतिकृती सादर केल्या. ऊर्जा, पर्यावरण, कृषी, अवकाश, तंत्रज्ञान यांसारख्या विषयांवर आधारित मॉडेल्स पाहून उपस्थित विद्यार्थी व शिक्षक मंत्रमुग्ध झाले.*
*याप्रसंगी सत्कार समारंभ आयोजित करण्यात आला. विद्यालयाचा अभिमान असलेले माजी विद्यार्थी लेखक आनंद खोपे यांचा त्यांच्या साहित्यिक यशाबद्दल शाल व पुष्पगुच्छ देऊन सत्कार करण्यात आला. तसेच इयत्ता 8 वी अ ची कु. श्रावस्ती रामेश्वर मेश्राम हिने NMMS परीक्षा उत्तीर्ण केल्याबद्दल तिचाही गौरव करण्यात आला.दोघांचाही सन्मान रेवतकर सर व ठाकूर सर यांच्या हस्ते करण्यात आला.*
*कार्यक्रमात उपस्थित सर्व शिक्षक व शिक्षिका तसेच शिक्षकेत्तर कर्मचारी यांनी विद्यार्थ्यांच्या वैज्ञानिक दृष्टिकोनाचे कौतुक केले.सौ डॉली राणा ठाकूर यांनी याप्रसंगी उपस्थित राहून आपल्या भावना व्यक्त केल्या, व विद्यार्थ्यांचे कौतुक केले,विज्ञान मॉडेल परीक्षण खंडाईत सर व निनावे मॅडम यांनी केले. फलक लेखन घोटकर सर यांनी आकर्षक पद्धतीने साकारले.सर्व शिक्षक-कर्मचारी व विद्यार्थ्यांचा सहभाग उल्लेखनीय होता.*
*या संपूर्ण कार्यक्रमाचे संयोजन श्री गुजरकर सर यांनी अत्यंत नियोजनबद्ध व प्रभावीपणे केले तसेच त्यांनीच कार्यक्रमाचे उत्कृष्ट संचालन केले. सर्व सहकाऱ्यांच्या सहकार्याने कार्यक्रम यशस्वीरीत्या पार पडला.*
*राष्ट्रीय विज्ञान दिनानिमित्त आयोजित हे विज्ञान प्रदर्शन विद्यार्थ्यांमध्ये वैज्ञानिक विचार, नवोन्मेष आणि जिज्ञासेची प्रेरणा जागवणारे ठरले.*
*कन्नमवार विद्यालय,आर्वी – विज्ञानप्रेरित उद्याचा सक्षम पाया. ✨🔬*

19/02/2026

*कन्नमवार विद्यालय, आर्वी येथे दि. 19 फेब्रुवारी 2026 रोजी सकाळी 9 वाजता छत्रपती छत्रपती शिवाजी महाराज यांच्या जयंतीनिमित्त उत्साहपूर्ण वातावरणात शिवजयंती साजरी करण्यात आली*
संपूर्ण परिसर देशभक्तीच्या आणि स्वाभिमानाच्या भावनेने भारावून गेला होता.
कार्यक्रमाचे सुंदर आणि आत्मविश्वासपूर्ण संचालन विद्यार्थिनी रुचिका वटारी व अक्सा मुस्ताक शहा यांनी केले.
प्रास्ताविकात श्री घोटकर सरांनी शिवरायांच्या शौर्याची प्रभावी उजळणी केली.
प्रमुख पाहुणे श्री खंडाईत सर यांनी “शिवरायांचे नियोजन” या विषयावर मार्गदर्शन करत दूरदृष्टी, धैर्य आणि संघटनशक्तीचे महत्त्व अधोरेखित केले.
शाळेचे पर्यवेक्षक श्री.ठाकूर सरांनी शिवरायांच्या कर्तृत्वाचा प्रेरणादायी आढावा घेतला.
श्री दीपकराव ठाणेकर यांनी उपस्थित राहून कार्यक्रमाची शोभा वाढविली.
अध्यक्षस्थानावरून मुख्याध्यापक श्री रेवतकर सरांनी विद्यार्थ्यांना स्वाभिमान, शिस्त आणि राष्ट्रनिष्ठा यांचा संदेश दिला.
कार्यक्रमाच्या यशस्वी आयोजनासाठी घोटकर सर व गुजरकर सर यांनी उत्कृष्ट नियोजन केले. उपस्थित शिक्षकांमध्ये साजिद सर, वाजीद सर, समीर सर, खंडाईत सर, उराडे सर, शंकरराव माखिजा, रंगारी मॅडम, गडधणी मॅडम, पुप्पलवार मॅडम, पुनसे मॅडम, दामले मॅडम व ठाणेकर बाबू सुषमा बाई, अंबाडकर बाई यांची उपस्थिती लाभली.
पालकांमध्ये प्रामुख्याने, श्री वसंतराव रिठे, रिझवाना शाह, नरिवेश शाह, सारिका सुरेश वाढवे, जयश्री नरेश नेवारे, प्राप्ती सुरेश कुमरे, वंदना मारोती तुमडाम व श्रुतिका मारोती तुमडाम यांनी कार्यक्रमाची शोभा वाढवली.
“एकच माझा राजा शिवाजी राजा” हे गीत सोहम इंगळे, वंश जळीत, ऋषम उबाळे, मयूर व कार्तीक राऊत यांनी सादर करून वातावरण भारावून टाकले.
“बाळ शिवाजीराजे पोवाडा” या नृत्यात जयश्री नेवारे, तन्वी वानखेडे, कावेरी कोहरे, दुर्गा व धरती यांनी जोशपूर्ण सादरीकरण केले.
“आम्ही शिवकन्या” या नृत्यात राही ईमाने, दुर्गा, विधी वाढवे, ईश्वरी नेवारे, विधी रिठे, कुमुद राऊत व आस्था पोटे यांनी स्त्रीशक्तीचा प्रभावी संदेश दिला.
शिवजयंती हा फक्त उत्सव नाही, तर स्वराज्य, स्वाभिमान आणि कर्तव्यनिष्ठेची आठवण आहे. कन्नमवार विद्यालयातील या सोहळ्याने प्रत्येकाच्या मनात शिवरायांविषयी आदर आणि प्रेरणा अधिक दृढ केली.कार्यक्रमाची सांगता सर्वांना नाष्टा स्वीट व सोबत चहा व कॉफी देऊन केला.
जय भवानी! जय शिवाजी! 🚩

25/01/2026