معہد عائشہ للبنات

19/05/2026

رابطہ مدارسِ اسلامیہ عربیہ، بہار کے اس اہم و باوقار پروگرام میں علماءِ کرام، ائمہ، ذمہ دارانِ مدارس اور دینی شخصیات کی شرکت متوقع ہے۔
آپ حضرات کی تشریف آوری پروگرام کی رونق اور کامیابی کا سبب ہوگی۔ 🌿

18/05/2026

All actions depend on intentions, and for every person there is only what he intended. So whoever migrates for the sake of Allah and His Messenger, then his migration will be counted towards Allah and His Messenger. And whoever migrates for worldly gain or to marry a woman, then his migration will be counted towards that for which he migrated.

18/05/2026

01/05/2026

یہ تعمیرِ علم ہے، یہ عبادت کا کام ہے،
یہی قوموں کے عروج کا پہلا مقام ہے۔
معہد عائشہ للبنات رحمانی نگر ڈومریہ رانی گنج ارریہ بہار

07/04/2026

معہد عائشہ للبنات رحمانی نگر، ڈومریہ رانی گنج (ارریہ، بہار)
تعمیرِ نو کا بابرکت آغاز — علم و عمل کے درخشاں مستقبل کی بنیاد

05/04/2026

سنگِ بنیاد دارالاقامہ — ایک تاریخی و تعلیمی پیش رفت

معہد عائشہ للبنات، رحمانی نگر ڈومریہ، رانی گنج، ضلع ارریہ (بہار) ایک ایسا عظیم دینی و تعلیمی ادارہ ہے جو بچیوں اور بچوں کی دینی و عصری تعلیم کے میدان میں مسلسل نمایاں خدمات انجام دے رہا ہے۔ اس ادارہ کی بنیاد ایک نہایت مشکل اور آزمائشی دور میں رکھی گئی، جب پوری دنیا لاک ڈاؤن کی وجہ سے تعلیمی بحران کا شکار تھی۔
ادارہ کا آغاز بتاریخ 22 اکتوبر 2020، جب ہر طرف تعلیمی نظام درہم برہم تھا، اسی وقت اللہ تعالیٰ پر کامل بھروسہ رکھتے ہوئے
حضرت مولانا محمد حبیب الرحمن قاسمی (استاد مدرسہ انوار العلوم اسلام پور، پورنیہ)
اور حضرت مولانا حسیب الرحمن صاحب رحمانی رحمۃ اللہ علیہ
نے اس مکتب رحمانی کی بنیاد رکھی۔
اس مقام پر نہ کوئی مستقل مکتب تھا اور نہ اسکول، مگر اللہ پر توکل کرتے ہوئے اس ادارے کا آغاز کیا گیا، جو چار کمروں پر مشتمل ہے ۔ یہ ادارہ دراصل
قطب الاقطاب حضرت مولانا محمد علی مونگیری رحمۃ اللہ علیہ (بانی دارالعلوم ندوۃ العلماء، لکھنؤ) کی یادگار کے طور پر قائم کیا گیا۔
اللہ تعالیٰ کے فضل و کرم سے، مکتب رحمانی نے اپنی بہترین کارکردگی اور تعلیمی خدمات کی بنیاد پر جلد ہی ترقی کی منازل طے کیں۔ علمائے کرام کے مشوروں سے اس ادارے کو "معہد عائشہ للبنات" کے نام سے موسوم کیا گیا۔
آج یہ ادارہ دینی و عصری تعلیم کا حسین امتزاج پیش کر رہا ہے
چار اساتذہ کی نگرانی میں 100 سے زائد طلبہ و طالبات کو تعلیم دے رہا ہے
یہ کامیابی ادارہ کے اساتذہ، منتظمین اور عوام کے اعتماد کا واضح ثبوت ہے۔
طلبہ و طالبات کی بڑھتی ہوئی تعداد اور گارجین حضرات کے اصرار کے پیش نظر ایک مستقل دارالاقامہ (ہاسٹل) کی اشد ضرورت محسوس کی گئی۔ چنانچہ اللہ تعالیٰ کے فضل سے اس اہم ضرورت کو پورا کرنے کے لیے دارالاقامہ کے قیام کا فیصلہ کیا گیا۔
اسی سلسلے میں ایک عظیم الشان پروگرام منعقد ہوا، جس میں معزز علمائے کرام کی موجودگی میں سنگِ بنیاد رکھا گیا۔
اس بابرکت موقع پر جن عظیم شخصیات نے شرکت فرمائی، ان میں خصوصاً حضرت مولانا و مفتی محمد اطہر القاسمی
(نائب صدر و جنرل سکریٹری جمعیت علماء بہار)
حضرت مولانا و مفتی خالد انور پورنوی المظاہری
(جنرل سیکریٹری رابطہ مدارس اسلامیہ عربیہ بہار)
سرپرستِ ادارہ حضرت مولانا محمد حبیب الرحمن قاسمی
نیز دیگر معزز علمائے جناب مفتی نعیم صاحب، جناب حافظ غیاث صاحب،
جناب مولانا فاروق صاحب رحمانی،
جناب مولانا عباس صاحب،جناب مولانا ہارون صاحب، اور علاقے کے متعدد دانشور و معزز حضرات شریک ہوئے۔
علماء کے بصیرت افروز بیانات میں خصوصاً لڑکیوں کی تعلیم کی اہمیت کو اجاگر کیا اور فرمایا کہ:
“تعلیم یافتہ بیٹی ایک مہذب اور صالح معاشرہ کی بنیاد ہوتی ہے۔”
انہوں نے دینی و عصری تعلیم کے امتزاج پر زور دیتے ہوئے ادارہ کی کاوشوں کو سراہا۔
دارالاقامہ کا سنگِ بنیاد بروز اتوار، 29 مارچ 2026، بعد نماز ظہر (3 بجے) نہایت ہی روحانی اور باوقار ماحول میں رکھا گیا۔ اس موقع پر عوام، گارجین اور مخلصین کی بڑی تعداد نے شرکت کر کے اس کارِ خیر میں بڑھ چڑھ کر حصہ لیا۔
اس پروگرام کی نگرانی و حسنِ انتظام نہایت عمدہ انداز میں انجام دیا گیا، جس کی ذمہ داری مفتی محمد اطہر حبیب القاسمی، حافظ مطیع الرحمن صاحب، مولانا عادل صاحب قاسمی اور ماسٹر عامر صاحب نے بخوبی نبھائی۔
ان حضرات کی محنت اور اخلاص اس پروگرام کی کامیابی میں نمایاں رہی۔
اس پروگرام میں عوام و خواص کی بھرپور شرکت رہی۔ گارجین حضرات، مخلصین اور اہلِ علاقہ نے اس دینی و تعلیمی مشن میں اپنی دلچسپی اور تعاون کا عملی مظاہرہ کیا۔
یہ تقریب محض ایک سنگِ بنیاد نہیں بلکہ ایک روشن مستقبل کی بنیاد ہے۔ دارالاقامہ کے قیام سے دور دراز علاقوں کی طالبات کو بہتر تعلیمی سہولیات میسر آئیں گی اور معہد عائشہ للبنات اپنی خدمات کو مزید وسعت دے سکے گا۔
اللہ تعالیٰ سے دعا ہے کہ اس ادارے کو ترقی و استحکام عطا فرمائے اور اسے امت کے لیے صدقۂ جاریہ بنائے۔ آمین
محمد ارشد القاسمی
معہد عائشہ للبنات رحمانی نگر ڈومریہ رانی گنج ارریہ بہار