M G M G H S S Nayathode - School Development Committee

രക്തദാന ക്യാമ്പ് നടത്തി

നായത്തോട്: മഹാകവി ജി മെമ്മോറിയൽ ഗവൺമെൻ്റ് ഹയർ സെക്കണ്ടറി സ്കൂളിലെ NSS യൂണിറ്റ്, ആലുവയിലെ ഐ.എം.എ. ബ്ലഡ്‌ ഡോണേഷൻ സെന്ററുമായി സഹകരിച്ച് രക്തദാന ക്യാമ്പ് നടത്തി. അങ്കമാലി നഗരസഭ ചെയർമാൻ
ശ്രീ മാതു തോമസ് ഉദ്ഘാടനം ചെയ്തു. വാർഡ് കൗൺസിലർ ശ്രീ. റ്റി. വൈ. ഏല്യാസ് ആശംസകൾ അർപ്പിച്ച് സംസാരിച്ചു.
പിടിഎ വൈസ് പ്രസിഡൻറ് ശ്രീമതി സന്ധ്യ അധ്യക്ഷത വഹിച്ച ചടങ്ങിൽ പൂർവ്വ വിദ്യാർത്ഥി കൂട്ടായ്മയുടെ പ്രതിനിധി ശ്രീ ടി പി തോമസ്, പിടിഎ എക്സിക്യൂട്ടീവ് അംഗം ശ്രീ എബ്രഹാം എന്നിവർ സന്നിഹിതരായിരുന്നു.
സ്കൂൾ പ്രിൻസിപ്പാൾ ശ്രീ സുനിൽ കുമാർ എസ്. സ്വാഗതം ആശംസിച്ചു. പ്രോഗ്രാം ഓഫീസർ ശ്രീമതി വിനിത ഓ വി നന്ദി പ്രകാശിപ്പിച്ചു .തുടർന്ന് വിദ്യാർത്ഥികളുടെ ഫ്ലാഷ് മോബും രക്തദാന ക്യാമ്പും നടന്നു.

സുഹൃത്തുക്കളെ,
നായത്തോട് സ്കൂളിൽ NSS യൂണിറ്റിൻ്റെ ആഭിമുഖ്യത്തിൽ 2024 നവംബർ 12 (ചൊവ്വാഴ്ച) രാവിലെ 9.30 മുതൽ 12.30 വരെ Blood Donation Camp സംഘടിപ്പിക്കുന്നുണ്ട്. കഴിയാവുന്നവർ പങ്കെടുക്കുകയും പരമാവധി പേരെ പങ്കെടുപ്പിക്കുകയും ചെയ്യാൻ ശ്രമിക്കുമല്ലോ.

വാട്ടർ പ്യൂരിഫയർ സംഭാവന നൽകി

നായത്തോട് മഹാകവി ജി മെമ്മോറിയൽ ഗവ. ഹയർ സെക്കന്ററി സ്കൂളിന് അങ്കമാലി സർവ്വീസ് സഹകരണ ബാങ്ക് [714] വാട്ടർ പ്യൂരിഫയർ സംഭാവന നൽകി. സ്കൂൾ അസംബ്ലിയിൽ നടന്ന ചടങ്ങിൽ ബാങ്ക് പ്രസിഡൻ്റ് ടി ജി ബേബി സ്കൂൾ ഹെഡ്മിസ്ട്രസ്സ് പി ഡി ലിമ ടീച്ചർക്കാണ് പ്യൂരിഫയർ കൈമാറിയത്. പി ടി എ പ്രസിഡന്റ് ഷൈനി ഗിരീഷ് അദ്ധ്യക്ഷത വഹിച്ച യോഗത്തിൽ നഗരസഭ വികസനകാര്യ സ്ഥിരംസമിതി അധ്യക്ഷൻ ടി വൈ ഏല്യാസ്, സഹകരണ ബാങ്ക് ഡയറക്ടർമാരായ കെ ആർ കുമാരൻ മാസ്റ്റർ, ജിജോ ഗർവ്വാസീസ്, എം പി ടി എ പ്രസിഡൻ്റ് രേഖ ശ്രീജേഷ്, പി ടി എ വൈസ് പ്രസിഡൻ്റ് സുധീർ സി കെ, പ്രിൻസിപ്പാൾ സുനിൽകുമാർ എസ്, സ്റ്റാഫ് സെക്രട്ടറി ലാലി പി ഒ തുടങ്ങിയവർ സംസാരിച്ചു

ലോക രക്തദാന ദിനത്തിൽ ബോധവൽക്കരണ ക്ലാസ്സും, റാലിയും സംഘടിപ്പിച്ചു

നായത്തോട് മഹാകവി ജി മെമ്മോറിയൽ ഗവൺമെൻറ് ഹയർ സെക്കൻഡറി സ്കൂളിൽ നാഷണൽ സർവീസ് സ്കീം യൂണിറ്റിന്റെ നേതൃത്വത്തിൽ രക്തദാന ദിനാചരണത്തിന്റെ ഭാഗമായി സംഘടിപ്പിച്ച ബോധവൽക്കരണ ക്ലാസും, റാലിയും ഉദ്ഘാടനം ചെയ്തു. സ്കൂൾ എം.പി ടി എ പ്രസിഡന്റ് രേഖ ശ്രീജേഷ് അധ്യക്ഷത വഹിച്ചു. എസ് എം സി ചെയർമാൻ വിനുരാജ് എ ആർ, പിടിഎ വൈസ് പ്രസിഡന്റ് സുധീർ സി കെ, സ്കൂൾ പ്രിൻസിപ്പൽ സുനിൽകുമാർ എസ് എന്നിവർ സംസാരിച്ചു. എൻഎസ്എസ് വോളണ്ടിയർ കുമാരി സ്വീറ്റി സ്വാഗതവും എൻഎസ്എസ് പ്രോഗ്രാം ഓഫീസർ സരിത എസ് നന്ദിയും പറഞ്ഞു

നായത്തോട് മഹാകവി ജി മെമ്മോറിയൽ ഗവ. ഹയർ സെക്കന്ററി സ്കൂളിൽ പഠനോത്സവം 2024 സംഘടിപ്പിച്ചു.
മാർച്ച് 27 ബുധനാഴ്ച വൈകിട്ട് 4 മണി മുതൽ നടന്ന പഠനോത്സവം അങ്കമാലി നഗരസഭ വികസന സ്റ്റാൻഡിങ് കമ്മിറ്റി ചെയർമാൻ ശ്രീ ടി വൈ ഏല്യാസ് ഉദ്‌ഘാടനം ചെയ്തു.

വിദ്യാർഥികളുടെ പഠന, ഭാഷാ, ഗണിത, ശാസ്ത്ര മികവുകളും ശാസ്ത്ര പരീക്ഷണങ്ങളും പ്രദർശിപ്പിച്ചു. വിദ്യാർഥികൾ ഒരുക്കിയ വൈവിധ്യമാർന്ന എക്സിബിഷൻ ശ്രദ്ധേയമായി.

2024-25 അധ്യയന വർഷത്തേക്കുള്ള അഡ്മിഷൻ പുരോഗമിക്കുന്നു..

നായത്തോട് മഹാകവി ജി മെമ്മോറിയൽ ഗവ. ഹയർ സെക്കന്ററി സ്കൂളിൽ പഠനോത്സവം 2024.

മാർച്ച് 27 ബുധനാഴ്ച വൈകിട്ട് 4 മണി മുതലാണ് പഠനോത്സവം നടക്കുക. വിദ്യാർഥികളുടെ പഠന, ഭാഷാ, ഗണിത, ശാസ്ത്ര മികവുകളും ശാസ്ത്ര പരീക്ഷണങ്ങളും പ്രദർശിപ്പിക്കും.

അങ്കമാലി നഗരസഭാ ചെയർമാൻ ശ്രീ. മാത്യു തോമസ് പഠനോത്സവം ഉദ്ഘാടനം ചെയ്യും.

ഹൃദയത്തിൽ MGM
പൂർവ്വവിദ്യാർത്ഥി മഹാസംഗമം

2024 ജനുവരി 26

പോസിറ്റീവ് കമ്മ്യൂൺ - കൊച്ചി ചാപ്റ്ററിന്റെ ആഭിമുഖ്യത്തിൽ നായത്തോട് മഹാകവി ജി മെമ്മോറിയൽ ഗവ. ഹയർ സെക്കന്ററി സ്‌കൂളിൽ സംഘടിപ്പിച്ചുവരുന്ന 'ഇഗ്നൈറ്റ് എംപവർമെന്റ് പ്രോഗ്രാ'മിന്റെ ഭാഗമായി ക്ലാസ്സുകൾ സംഘടിപ്പിച്ചു. രക്ഷിതാക്കൾക്കും വിദ്യാർത്ഥികൾക്കുമായി
2024 ജനുവരി 5ന് നടന്ന ക്ലാസുകൾ ശ്രീ എം കെ പ്രസാദ്, ശ്രീ ടോമി ടി ജെ എന്നിവർ നയിച്ചു.

വിദ്യാർത്ഥികളുടെ വിദ്യാഭ്യാസ, വ്യക്തിത്വവികസന, ജീവിതനൈപുണികളും ഉൾപ്പടെയുള്ള സമഗ്രവികസനവും ലക്ഷ്യമിട്ടാണ് ഇഗ്നൈറ്റ് സൗജന്യ പരിശീലന പരിപാടി സംഘടിപ്പിക്കുന്നത്.

പൂർവവിദ്യാർത്ഥി മഹാസംഗമം

ഉണർവ്വ് 2023