23/06/2026
આજ રોજ તા. 23 જૂન 2026 ને મંગળવારે મુખ્ય કુમારશાળા ઓડમાં કન્યા કેળવણી મહોત્સવ અને શાળા પ્રવેશોત્સવ કાર્યક્રમ ઉજવાયો. કાર્યક્રમના મુખ્ય અતિથિ માનનીય નાયબ જિલ્લા વિકાસ અધિકારીશ્રી કાર્તિકભાઈ કાચા સાહેબના વરદ હસ્તે નવીન પ્રવેશ પામેલ બાળકોને શાળા પ્રવેશ કરાયો. રૂટ લાયઝન અધિકારીશ્રી રાકેશકુમાર બારોટ અને સીઆરસી કોર્ડીનેટર રાધેશ્યામભાઈ શર્મા, શાળાના આચાર્ય શ્રી હિરેનકુમાર પટેલ, ઓડ નગરપાલિકાના ઉપપ્રમુખશ્રી કેતનભાઈ રાઉલજી, પંચાયત સદસ્યશ્રીઓ, એસએમસી અધ્યક્ષ અને સભ્યો, સમગ્ર શાળા સ્ટાફ, વાલીગણ અને સૌ વિદ્યાર્થીઓએ કાર્યક્રમમાં ઉત્સાહભેર ભાગ લીધો હતો. નાના બાળકોને શાળા પ્રવેશ કરાવાયો હતો. એસએમસી સભ્યોની મિટિંગ યોજાઈ હતી. વાલીઓને વિવિધ યોજનાઓથી માહિતગાર કરાયા હતા. દાતાશ્રીઓનું શાલ ઓઢાડી અને પુષ્પગુચ્છ અર્પણ કરી સન્માન કરાયું હતું. અંતે આભારવિધિ શાળાના શિક્ષક વિરેન્દ્રકુમાર રાવળે કરી હતી. કાર્યક્રમના અંતે શાળા પરિસરમાં વૃક્ષારોપણ કરવામાં આવ્યું હતું.
