SGBAU Amravati

19/09/2026

तिसऱ्या महानुभाव साहित्य संमेलनाचे थाटात उदघाटन संपन्न

महानुभाव साहित्याचे जतन करणे हे सर्व मराठी भाषिकांचे कर्तव्य - प्र - कुलगुरू डॉ. महेंद्र ढोरे


महानुभाव साहित्यातून मूल्यात्मक शिकवण व नैतिक आचरण मिळते, महानुभाव साहित्याचे चांगल्या रीतीने जतन करणे सर्व मराठी भाषिकांची सामूहिक जबाबदारी आहे असे प्रतिपादन तिसऱ्या महानुभाव साहित्य संमेलनाचे उद्घाटक तथा संत गाडगेबाबा अमरावती विद्यापीठाचे प्र. कुलगुरू डॉ. महेंद्र ढोरे यांनी यावेळी केले. संत गाडगेबाबा अमरावती विद्यापीठातील महानुभाव अध्यासन केंद्र, विदर्भ साहित्य संघ, शाखा रिध्दपूर, श्रीचक्रधर स्वामी अष्टशताब्दी सोहळा समिती, मोर्शी आणि भारतीय विद्या मंदिर संचालित भारतीय महाविद्यालय, मोर्शी यांच्या संयुक्त विद्यमाने मोर्शी येथील परशुराम पॅलेस येथे आयोजित दोन दिवसीय महानुभाव साहित्य संमेलनाच्या अध्यक्षस्थानी विदर्भ साहित्य संघाचे अध्यक्ष डॉ. गिरीश गांधी , प्रमुख अतिथी म्हणून , मराठी भाषा विद्यापीठाचे कुलगुरू डॉ. अविनाश आवलगावकर , विद्यापीठ महानुभाव अध्यासन केंद्राचे समन्वयक डॉ. महंत सोनपेठकर, भारतीय विद्या मंदिर अमरावती च्या अध्यक्ष .डॉ आराधना वैद्य , न्यायमूर्ती डॉ.कीर्ती कुलकर्णी, विद्यापीठ व्यवस्थापन परिषद सदस्य डॉ. भैय्यासाहेब मेटकर, सुभाष पावडे, डॉ. संतोष आगरकर, सत्कारमूर्ती हर्षीकर बाबा शेवलीकर,श्री. विजयराज पंजाबी आदी मान्यवर यावेळी उपस्थित होते.

परिसरातील श्रीकृष्ण मंदिरापासून परशुराम पॅलेस या संमेलन स्थळापर्यंत महानुभाव पंथीय साहित्य ग्रंथदिंडीने कार्यक्रमाची सुरुवात करण्यात आली. साहित्य संमेलनाचे अध्यक्ष डॉ. गिरीश गांधी यांनी आजचा माणूस द्वीप्रतिमेत जगत असल्यामुळे साहित्यातून समाज निर्मिती होत नसल्याची खंत व्यक्त केली. त्यामुळे समाजनिर्मितीसाठी साहित्य संमेलन आजच्या काळातही किती महत्वाचे आहे,याबद्दल त्यांनी उपस्थितांना मार्गदर्शन केले.

मराठी भाषा विद्यापिठाचे कुलगुरू डॉ. अविनाश आवलगावकर आपल्या मार्गदर्शनात बोलताना म्हणाले कि, तत्त्वज्ञानाशिवाय साहित्याचा आस्वाद अशक्य आहे. महानुभाव साहित्य नेहमीच एक आव्हान राहिलेले आहे, याचे मुख्य कारण म्हणजे हे संपूर्ण साहित्य लिपीमध्ये बंदिस्त आहे , लिपीवरून जरी ते मोकळे झाले तरीदेखील जोपर्यंत महानुभाव संप्रदायाच्या तत्त्वज्ञानाची चौकट उघडता येत नाही, तोपर्यंत साहित्याचा अनुभव लावता येणार नाही. कोणत्याही कालखंडामध्ये निर्माण झालेले जे धर्मव्यवस्थेशी संबंधित असणारे साहित्य आहे, या साहित्याचा मूलभूत पाया धर्म आणि तत्त्वज्ञान हा आहे. वारकरी संप्रदायाचे जे तत्त्वज्ञान आहे , ते तत्त्वज्ञान अभ्यासल्यानंतर तुम्ही साहित्याकडे जाऊ शकता आणि ज्ञानेश्वरीचा आस्वाद घेऊ शकता. त्याचप्रमाणे महानुभाव संप्रदायाचे तत्त्वज्ञान आत्मसात केल्यानंतर तुम्ही लीळाचरित्र, दृष्टांत पाठ, महानुभावांचे ग्रंथ, बंद ग्रंथ, भाष्य ग्रंथ यांचा अभ्यास करू शकता असेही ते म्हणाले.

दुपारच्या सत्रात महानुभाव पंथाचे वर्तमानकालीन सृजनात्मक साहित्य या परिसंवादाचे आयोजन करण्यात आले होते . या परिसंवादाच्या अध्यक्षस्थानी गोपीराज बाबा शास्त्री तर प्रमुख अतिथी म्हणून डॉ.भारतभूषणशास्त्री जामोदेकर, डॉ. अण्णा वैद्य , प्रा. चक्रधर कोठी यांनी या परिसंवादमध्ये आपले विचार व्यक्त केले. परिसंवाद कार्यक्रमाचे सूत्रसंचालन डॉ. अर्चना शिरस्कार यांनी केले. तिसऱ्या सत्रातील कवीसंमेलनाने या साहित्य संमेलनात चांगली रंगत आणली होती.

साहित्य संमेलनाच्या आयोजनामागची भूमिका विद्यापीठ महानुभाव अध्यासन केंद्राचे समन्वयक डॉ. महंत सोनपेठकर यांनी मांडली , तर संमेलनाचे स्वागत पर प्रस्ताविक भारतीय महाविद्यालयाचे प्राचार्य डॉ.संतोष आगरकर यांनी केले. उद्घाटन कार्यक्रमाचे सूत्रसंचालन डॉ. संदीप जुनघरे यांनी केले.
या संमेलनात परिसरातील महानुभाव पंथीय तसेच साहित्य प्रेमी , महाविद्यालयाचे विद्यार्थी, प्राध्यापक व मंडळी मोठ्या संख्येने सहभागी झाले होते.

19/09/2026

अमरावती विद्यापीठातील भौतिकशास्त्र विभागात शिक्षक दिन व इंडक्शन कार्यक्रम उत्साहात संपन्न


संत गाडगे बाबा अमरावती विद्यापीठाच्या भौतिकशास्त्र विभागात शिक्षक दिनानिमित्त कृतज्ञता सोहळा आणि नवोदित विद्याथ्र्यांसाठी इंडक्शन कार्यक्रमाचे संयुक्तपणे उत्साहात आयोजन करण्यात आले. कार्यक्रमाचे उद्घाटन भौतिकशास्त्र विभागप्रमुख डॉ. संदीप वाघुळे यांच्या प्रमुख उपस्थितीत संपन्न झाले.
नव्याने प्रवेशित विद्याथ्र्यांना विभागाची शैक्षणिक रचना, कार्यपद्धती, उपलब्ध सुविधा आणि विविध उपक्रमांची माहिती व्हावी, तसेच त्यांना नव्या वातावरणाशी सहजपणे जुळवून घेता यावे, हा यामागचा मुख्य उद्देश होता.
शिक्षक दिनानिमित्त आयोजित मनोगतामध्ये विद्याथ्र्यांनी शिक्षकांच्या ज्ञानदानातील योगदानाचे महत्त्व अधोरेखित केले. तसेच विद्याथ्र्यांच्या व्यक्तित्व विकासात आणि समाजाच्या जडणघडणीत शिक्षकांची भूमिका किती महत्त्वाची आहे, हे सांगत त्यांनी शिक्षकांप्रती कृतज्ञता व्यक्त केली.

इंडक्शन कार्यक्रमामुळे नवप्रवेशित विद्याथ्र्यांना विभागातील शिक्षक तसेच सहका-यांशी संवाद साधण्याची संधी मिळाली. परस्पर संवादातून विद्याथ्र्यांमध्ये आत्मीयता निर्माण होऊन गुरु -शिष्य नात्यातील स्नेह अधिक दृढ झाला.
कार्यक्रमाच्या सुरुवातीला भारताचे माजी राष्ट्रपती महान शिक्षणतज्ञ डॉ. सर्वपल्ली राधाकृष्णन आणि संत गाडगेबाबा यांच्या प्रतिमेस अभिवादन करून मान्यवरांच्या हस्ते दीप प्रज्वलन करण्यात आले. कार्यक्रमाचे सूत्रसंचालन कु. आरती पवार आणि केतन चव्हाण यांनी केले. कार्यक्रमाला विभागातील शिक्षक डॉ. जी.जी. मुळे, प्रा. राज पारखी, प्रा. गौरव सातव, प्रा. कु. वैदेही बोम्बटकर यांच्यासह एम.एसस्सी. भाग - 1 व 2 चे विद्यार्थी मोठ¬ा संख्येने उपस्थित होते.

19/09/2026

अमरावती विद्यापीठस्तरीय निवड चाचणीतून राष्ट्रीय सेवा योजनेचे स्वयंसेवक निवडणार

177 स्वयंसेवकांचा सहभाग, शारीरिक व सांस्कृतिक कौशल्यांची होणार कसोटी


संत गाडगे बाबा अमरावती विद्यापीठाच्या राष्ट्रीय सेवा योजना विभागामार्फत विविध राष्ट्रीय व राज्यस्तरीय शिबिरांसाठी स्वयंसेवकांची निवड करण्याकरिता सोमवार दि. 21 सप्टेंबर, 2026 रोजी सकाळी 11.00 वा. भारतरत्न डॉ. बाबासाहेब आंबेडकर सभागृह (दृकश्राव्य सभागृह) येथे विद्यापीठस्तरीय निवड चाचणीचे आयोजन करण्यात आले आहे. विद्यापीठ परिसरात होणा-या या निवड चाचणीत अमरावती, अकोला, बुलढाणा, यवतमाळ व वाशिम या पाच जिल्ह्यांमधून जिल्हास्तरावर निवड झालेले 177 राष्ट्रीय सेवा योजना स्वयंसेवक सहभागी होणार आहेत.

निवड चाचणीच्या उद्घाटन सोहळ्याच्या अध्यक्षस्थानी विद्यापीठाचे कुलगुरू डॉ. मिलींद बारहाते राहणार असून, उद्घाटक म्हणून एनसीसी मुख्यालय, अमरावती येथील 8 महाराष्ट्र बटालियनचे ए.ओ. लेफ्टनंट कर्नल सौरभ मेहरोत्रा उपस्थित राहणार आहेत. तसेच विद्यापीठाचे कुलसचिव डॉ. अविनाश असनारे यांचीही प्रमुख उपस्थिती राहणार आहे.
केंद्र व राज्य शासनाच्या माध्यमातून राष्ट्रीय सेवा योजना स्वयंसेवकांसाठी दरवर्षी प्रजासत्ताक दिन पथसंचलन शिबिर, साहसी क्रीडा शिबिर, ‘आव्हान’, ‘आपत्ती व्यवस्थापन प्रशिक्षण शिबिर’, राष्ट्रीय एकात्मता शिबिर, ‘उत्कर्ष’ सामाजिक व सांस्कृतिक महोत्सव, ‘प्रेरणा’, नेतृत्वगुण विकास शिबिर आदी विविध शिबिरांचे आयोजन केले जाते. या शिबिरांमध्ये संत गाडगे बाबा अमरावती विद्यापीठाचे स्वयंसेवक सहभागी होऊन विद्यापीठाचे प्रतिनिधित्व करतात.

या निवडीची प्रक्रिया जिल्हास्तरापासून सुरू करण्यात आली होती. दि. 8 ते 16 सप्टेंबर, 2026 या कालावधीत पाचही जिल्ह्यांमध्ये जिल्हास्तरीय निवड चाचणी घेण्यात आली. अमरावती जिल्ह्यासाठी विद्याभारती महाविद्यालय, अमरावती, अकोला जिल्ह्यासाठी श्रीमती एल.आर.टी. वाणिज्य महाविद्यालय, अकोला, बुलढाणा जिल्ह्यासाठी पंकज लद्दड इंजिनिअरिंग कॉलेज, बुलढाणा, यवतमाळ जिल्ह्यासाठी अमोलकचंद महाविद्यालय, यवतमाळ, तर वाशिम जिल्ह्यासाठी श्री तुळशीरामजी जाधव महाविद्यालय, वाशिम येथे निवड चाचण्या घेण्यात आल्या.
या जिल्हास्तरीय निवड चाचण्यांना पाचही जिल्ह्यांतील एकूण 1,104 स्वयंसेवकांनी सहभाग नोंदविला. त्यापैकी तज्ज्ञ परीक्षकांद्वारे अमरावती जिल्ह्यातून 56, अकोला 30, बुलढाणा 37, यवतमाळ 34 आणि वाशिम जिल्ह्यातून 20 अशा एकूण 177 स्वयंसेवकांची विद्यापीठस्तरीय निवड चाचणीसाठी निवड करण्यात आली आहे.

विद्यापीठस्तरीय निवड चाचणीत शारीरिक सक्षम गटातील स्वयंसेवकांची वजन, उंची, छाती, फ्लॅट फूट, नॉक नी, परेड, रनिंग, चिन-अप, पुश-अप, सीट-अप आदी विविध शारीरिक चाचण्यांद्वारे क्षमता तपासली जाणार आहे. त्याचप्रमाणे सांस्कृतिक गटातील स्वयंसेवकांच्या कलागुणांचीही कसोटी घेतली जाणार असून नृत्य, गायन, वाद्य वादन, वक्तृत्व, एकांकिका, प्रहसन, मूकनाट¬, नकला, ललित कला आदी विविध कला प्रकारांमध्ये त्यांचे परीक्षण करण्यात येणार आहे.

विद्यापीठामार्फत नियुक्त करण्यात आलेल्या तज्ज्ञ परीक्षकांच्या माध्यमातून या सर्व स्वयंसेवकांचे कौशल्य, क्षमता व कामगिरीचे परीक्षण केले जाणार आहे. या निवड चाचणीतून निवड होणारे उत्कृष्ट स्वयंसेवक आगामी केंद्र व राज्य शासनाच्या विविध शिबिरांमध्ये संत गाडगे बाबा अमरावती विद्यापीठाचे प्रतिनिधित्व करणार आहेत.

राष्ट्रीय सेवा योजना विभागामार्फत स्वयंसेवकांना राष्ट्रीय व राज्य स्तरावर आपले कौशल्य व नेतृत्वगुण प्रदर्शित करण्याची संधी मिळावी तसेच विविध सामाजिक, सांस्कृतिक, साहसी व आपत्ती व्यवस्थापनविषयक उपक्रमांमध्ये त्यांचा सहभाग वाढावा, या उद्देशाने ही निवड प्रक्रिया राबविण्यात येत आहे.

18/09/2026

अमरावती विद्यापीठात कवी केशवसुत काव्यस्पर्धा उत्साहात संपन्न

उर्वी खडके प्रथम, आत्मजा मोरे द्वितीय तर प्रणव कोरे तृतीय


सामाजिक वास्तव, मानवी वेदना, परिवर्तनाची आस आणि समकालीन प्रश्नांचे आत्मभान व्यक्त करणाऱ्या प्रभावी काव्यसादरीकरणामुळे संत गाडगे बाबा अमरावती विद्यापीठाच्या पदव्युत्तर मराठी विभागातर्फे आयोजित ‘कवी केशवसुत काव्यस्पर्धे’ला उत्स्फूर्त प्रतिसाद मिळाला. विश्वबंधुत्व दिनानिमित्त भारतरत्न डॉ. बाबासाहेब आंबेडकर दृकश्राव्य सभागृहात आयोजित या स्पर्धेत तरुण कवींनी विविध विषयांवरील कविता सादर करून रसिकांची दाद मिळविली. टाळ्यांचा कडकडाट, उत्स्फूर्त प्रतिसाद आणि तरुणाईच्या उत्साहामुळे सभागृह दिवसभर काव्यमय झाले होते.

स्पर्धेत हनुमान व्यायाम प्रसारक मंडळ, अमरावती येथील उर्वी हेमंत खडके हिने प्रथम क्रमांक पटकावला. श्रीमती राधादेवी गोयनका महिला महाविद्यालय, अकोला येथील आत्मजा सुरेश मोरे हिने द्वितीय, तर हनुमान व्यायाम प्रसारक मंडळ, अमरावती येथील प्रणव कोरे याने तृतीय क्रमांक मिळविला. विजेत्यांना अनुक्रमे रु.३०००, रु.२००० आणि रु.१५०० रोख, सन्मानचिन्ह व प्रमाणपत्र देऊन गौरविण्यात आले. स्पर्धेत सहभागी सर्व विद्यार्थ्यांना सहभाग प्रमाणपत्र देण्यात आले. विद्यापीठाशी संलग्न विविध महाविद्यालये व शैक्षणिक विभागांतील ३३ विद्यार्थ्यांनी स्पर्धेत सहभाग नोंदविला. स्पर्धेचे हे नववे वर्ष होते.

या स्पर्धेतील कवितांमधून मानवी नातेसंबंध, वैयक्तिक अनुभव, सामाजिक विषमता, मानवी सुखदुःख, स्त्रीजीवन, पर्यावरण, बदलती जीवनमूल्ये आणि समकालीन सामाजिक प्रश्नांना सर्जनशील अभिव्यक्ती प्राप्त झाली.आशयातील वैविध्य, भाषेचा नेमका वापर, काव्यात्मता, कल्पनाशक्ती आणि आत्मविश्वासपूर्ण सादरीकरणामुळे स्पर्धेला विशेष रंगत आली.
अध्यक्षीय भाषणात मराठी विभागप्रमुख तथा मानवविज्ञान विद्याशाखेच्या अधिष्ठाता डॉ. मोना चिमोटे यांनी कविता ही माणसाच्या अंतःकरणाला शब्दरूप देणारी सर्जनशील भाषा असल्याचे सांगितले. मराठी कवितेची समृद्ध परंपरा, आशयवैविध्य आणि अभिव्यक्तीचे विविध आकृतिबंध विद्यार्थ्यांच्या सर्जनशीलतेला व्यापक अवकाश देतात. विद्यार्थ्यांना या परंपरेचा परिचय व्हावा, कवितेविषयी आस्था निर्माण व्हावी आणि त्यांच्या प्रतिभेला व्यासपीठ मिळावे, या उद्देशाने काव्यस्पर्धेचे आयोजन करण्यात येत असल्याचे त्यांनी स्पष्ट केले. काव्यवाचन व काव्यलेखनामुळे भाषिक जाणिवा, संवेदनशीलता आणि चिकित्सक दृष्टी विकसित होते, असेही त्यांनी नमूद केले.

उद्घाटनप्रसंगी विद्यापीठाचे मा. कुलसचिव डॉ. अविनाश असनारे यांनी कविता ही मानवी अनुभव, भावना आणि विचारांना कलात्मक अभिव्यक्ती देणारे प्रभावी माध्यम असल्याचे सांगितले. अनुभवाला शब्दरूप मिळाल्याने त्याला व्यापक अर्थ प्राप्त होतो आणि सभोवतालच्या जगाशी संवेदनशील संवाद साधता येतो. विद्यार्थ्यांनी अशा सर्जनशील उपक्रमांत उत्स्फूर्त सहभाग घेऊन आपल्या अभिव्यक्तीला आकार द्यावा, असे आवाहन त्यांनी केले.

परीक्षक तथा श्री शिवाजी कला व वाणिज्य महाविद्यालयाच्या मराठी विभागप्रमुख प्रा. डॉ. सुवर्णा गाडगे यांनी विचार आणि भावना यांच्या सुंदर मिलाफातून कवितेला काव्यात्मक सौंदर्य प्राप्त होते, असे सांगितले. आशय-अभिव्यक्तीचा समतोल, भाषेचा नेमका वापर, प्रतिमा, लय, भावविश्व आणि सादरीकरण हे कवितेचे महत्त्वाचे घटक असल्याचे त्यांनी स्पष्ट केले. प्रसिद्ध कवी व गझलकार तथा परीक्षक अनंत नांदुरकर यांनी काव्यनिर्मिती ही संवेदनशीलतेची साधना असल्याचे सांगितले. तरुणांच्या कवितेत वैयक्तिक भावविश्वासोबत सामाजिक वास्तवाचे भान आणि मानवी वेदनांविषयीची संवेदनशीलता प्रभावीपणे व्यक्त होत असल्याचे त्यांनी नमूद केले. प्रा. डॉ. सुवर्णा गाडगे आणि अनंत नांदुरकर यांनी आशय, भाषिक सौंदर्य, काव्यात्मता, कल्पनाशक्ती, भावनिक प्रभाव, सादरीकरण आणि सामाजिक आशय या निकषांच्या आधारे कवितांचे परीक्षण केले.

दिवसभर रंगलेल्या या काव्यमैफलीचे बहारदार सूत्रसंचालन प्रा. डॉ. हेमंत खडके यांनी केले. त्यांच्या उत्साही आणि ओघवत्या निवेदनामुळे स्पर्धेतील प्रत्येक टप्पा अधिक रंगतदार झाला.

उद्घाटन सत्र व बक्षीस वितरण समारंभाचे सूत्रसंचालन प्रा. अभिजित इंगळे यांनी केले. उद्घाटन सत्राचे आभार प्रा. अंकिता जैन, तर बक्षीस वितरण सत्राचे आभार स्पर्धेचे समन्वयक प्रा.डॉ. प्रणव कोलते यांनी मानले. स्पर्धेच्या आयोजनासाठी प्रा.डॉ. मोना चिमोटे, प्रा.डॉ. माधव पुटवाड, प्रा. डॉ. प्रणव कोलते तसेच पदव्युत्तर मराठी विभागातील विद्यार्थ्यांनी सक्रिय परिश्रम घेतले.

17/09/2026

17/09/2026

अमरावती विद्यापीठातील जीवतंत्रशास्त्र विभागात 'ध्येयनिर्मिती : आध्यात्मिक आणि वैज्ञानिक दृष्टिकोन' विषयावर व्याख्यान संपन्न


संत गाडगे बाबा अमरावती विद्यापीठाच्या जीवतंत्रशास्त्र विभागातर्फे 'ध्येयनिर्मिती : आध्यात्मिक आणि वैज्ञानिक दृष्टिकोन' या विषयावर नुकतेच विशेष व्याख्यान संपन्न झाले. विद्यापीठाच्या सेवानिवृत्त सहा. कुलसचिव डॉ. स्मिता साठे यांनी प्रमुख वक्ते म्हणून विद्याथ्र्यांना मार्गदर्शन करताना वैयक्तिक व व्यावसायिक ध्येय निश्चित करणे, त्यांचा पाठपुरावा करणे आणि ती प्रभावीपणे साध्य करण्यासाठी वैज्ञानिक नियोजन आणि आध्यात्मिक ज्ञानाचा मेळ कसा घातल्या जातो, हे सउदाहरण सांगितले.

कार्यक्रम यशस्वी करण्यासाठी डॉ. प्रशांत ठाकरे, श्री सुदर्शन कोवे, कु. अनघा उंदिरवाडे, कु. मैथिली उगले यांनी विशेष परिश्रम घेतले. जीवतंत्रशास्त्र विभागप्रमुख डॉ. अनिता पाटील यांच्या मार्गदर्शनाखाली या कार्यक्रमाचे आयोजन करण्यात आले होते. यावेळी विद्याथ्र्यांनी मोठ¬ा उत्साहाने सहभाग घेतला. व्याख्यानाच्या माध्यमातून सर्वांगीण व्यक्तिमत्त्व विकास, मानसिक समतोल आणि ध्येयपूर्तीसाठीच्या अचूक धोरणांविषयी मोलाचे व व्यावहारिक मार्गदर्शन विद्याथ्र्यांना लाभले असल्याचे मत डॉ. अनिता पाटील यांनी व्यक्त केले.

17/09/2026

अमरावती विद्यापीठात प्रबोधनकार केशव सिताराम ठाकरे यांची जयंती साजरी


संत गाडगे बाबा अमरावती विद्यापीठात केशव सिताराम ठाकरे उर्फ प्रबोधनकार ठाकरे यांची जयंती साजरी करण्यात आली. यावेळी प्र-कुलगुरू डॉ. महेंद्र ढोरे यांनी प्रबोधनकार ठाकरे यांच्या प्रतिमेचे पूजन व पुष्पार्पण करुन विद्यापीठाच्यावतीने अभिवादन केले. जयंती कार्यक्रमाला कुलसचिव डॉ. अविनाश असनारे, आजीवन अध्ययन व विस्तार विभागाचे संचालक डॉ. श्रीकांत पाटील, उपकुलसचिव श्री मंगेश वरखेडे, सहा. कुलसचिव श्री रविंद्र सयाम तसेच विद्यापीठातील अधिकारी व कर्मचारी उपस्थित होते. संचालन व प्रबोधनकार ठाकरे यांच्याबद्दल माहिती जनसंपर्क अधिकारी डॉ. विलास नांदुरकर यांनी दिली.

17/09/2026

17/09/2026

मोर्शी येथे 19 व 20 सप्टेंबर रोजी तिसरे महानुभाव साहित्य संमेलन

वैचारिक परिसंवाद, विविध उपक्रमांची रेलचेल


संत गाडगेबाबा अमरावती विद्यापीठातील महानुभाव अध्यासन केंद्र, विदर्भ साहित्य संघ, शाखा रिध्दपूर, श्रीचक्रधर स्वामी अष्टशताब्दी सोहळा समिती, मोर्शी आणि भारतीय विद्या मंदिर संचालित भारतीय महाविद्यालय, मोर्शी यांच्या संयुक्त विद्यमाने मोर्शी शहरातील परशूराम पॅलेस येथे 19 व 20 सप्टेंबर, 2026 व्दीदिवसीय तिसरे महानुभाव साहित्य संमेलन आयोजित करण्यात आले आहे. या दोन दिवसीय महानुभाव साहित्य संमेलनामध्ये वैचारिक परिसंवादासह विविध उपक्रमांची रेलचेल राहणार आहे.

संमेलनाची सुरुवात शनिवार, 19 सप्टेंबर रोजी सकाळी 8:00 वाजता भव्य ग्रंथदिंडीने होईल. श्रीकृष्ण मंदिर, धांडे ले - आऊट परिसर येथून निघून ही दिंडी संमेलनस्थळी पोहोचेल. त्यानंतर सकाळी 10:00 वाजता पहिल्या सत्रात विद्यापीठाचे कुलगुरू डॉ. मिलींद बारहाते यांच्या हस्ते संमेलनाचे रितसर उद्घाटन होईल. संमेलनाध्यक्ष म्हणून सर्वज्ञ विद्यापीठ, माळवाडगांव, जि. अहिल्यानगर येथील कुलगुरू आचार्य महंत श्रीहंसराजदादा खामणीकर, प्रमुख अतिथी म्हणून विदर्भ साहित्य संघ, नागपूरचे अध्यक्ष डॉ. गिरीश गांधी, रिध्दपूर येथील मराठी भाषा विद्यापीठाचे कुलगुरू डॉ. अविनाश आवलगावकर, भारतीय विद्या मंदीर, अमरावतीच्या अध्यक्ष डॉ. आराधना वैद्य, न्या. डॉ. कीर्ती कुलकर्णी, डॉ. अलका गायकवाड, विद्यापीठ व्यवस्थापन परिषद सदस्य डॉ. भैय्यासाहेब मेटकर, श्रीकृष्ण मंदीर ट्रस्ट, अमरावतीचे अध्यक्ष श्री सुभाषराव पावडे, भारतीय महाविद्यालय, मोर्शीचे प्राचार्य डॉ. संतोष आगरकर प्रामुख्याने उपस्थित राहतील. यावेळी म. श्री. हर्षीकरबाबा शेवलीकर (कुसळंब, जि. सोलापूर), नगरचौकी, मनमाड येथील श्री. विजयराज पंजाबी यांचा मान्यवरांच्या हस्ते सत्कार करण्यात येणार आहे.

दुस-या सत्रात 'महानुभाव पंथाचे वर्तमानकालीन सृजनात्मक साहित्य' या विषयावर परिसंवाद होणार असून मानव विज्ञान विद्याशाखेच्या अधिष्ठाता डॉ. मोना चिमोटे अध्यक्षस्थानी असणार आहेत. तिस-या सत्रात कवी संमेलनाचे आयोजन करण्यात आले आहे. नागपूर येथील कवी, लेखक, पत्रकार श्री बळवंत भोयर अध्यक्षस्थानी राहतील.
20 सप्टेंबर रोजी सकाळी 9.00 वाजता चवथ्या सत्रात मराठी भाषा विद्यापीठाचे कुलगुरू डॉ. अविनाश अवलगावकर यांची प्रकट मुलाखत, त्यानंतर 'महाराष्ट्राच्या जडणघडणीत महानुभाव पंथाचे योगदान' या विषयावर दुस-या परिसंवादाचे आयोजन करण्यात आले आहे. अध्यक्षस्थानी मराठी भाषा विद्यापीठाच्या अधिष्ठाता डॉ. कोमल ठाकरे राहतील.
'महानुभाव दर्शनशास्त्र : स्वरुप व वैशिष्ट¬े' विषयावर पाचवे सत्र होणार असून अध्यक्षस्थानी आचार्य महंत अष्टूरकर बाबा राहतील.

समारोप सोहळा

रविवारी 20 सप्टेंबर रोजी दुपारी 3:00 वाजता संमेलनाचा समारोप होईल. समारंभाच्या अध्यक्षस्थानी कुलगुरू आचार्य महंत श्रीहंसराज दादा खामणीकर, विद्यापीठाचे प्र-कुलगुरू डॉ. महेंद्र ढोरे तसेच विद्यापीठ अधिसभा सदस्य अॅड. अमोल ठाकरे, आचार्य श्री. पाचराऊतबाबा, डॉ. आण्णा वैद्य, श्री प्रशांत भागवतकर, श्री अनंत सोमवंशी, प्राचार्य डॉ. संतोष आगरकर उपस्थित राहणार आहेत.

दोन दिवस चालणा-या या वाड्.मयीन व सांस्कृतिक सोहळ्याला साहित्यप्रेमी, अभ्यासक आणि नागरिकांनी मोठ¬ा संख्येने उपस्थित राहावे, असे आवाहन कुलसचिव डॉ. अविनाश असनारे, प्राचार्य डॉ. संतोष आगरकर, डॉ. महंत सोनपेठकर, महंत श्रीगोपिराजबाबा शास्त्री (नवे) व आयोजन समितीने केले आहे.

16/09/2026

अमरावती विद्यापीठाच्या केमिकल टेक्नॉलॉजी विभागात अभियांत्रिकी दिन उत्साहात साजरा
'sDaycelebration

संत गाडगे बाबा अमरावती विद्यापीठाच्या केमिकल टेक्नॉलॉजी विभागात भारतरत्न सर मोक्षगुंडम विश्वेश्वरय्या यांच्या स्मृतिप्रित्यर्थ अभियंता दिन मोठया उत्साहात साजरा करण्यात आला. कार्यक्रमाच्या अध्यक्षस्थानी केमिकल टेक्नॉलॉजी विभागप्रमुख डॉ. अनिल नाईक, तर प्रमुख अतिथी म्हणून संगणकशास्त्र विभागप्रमुख डॉ.मो. अतिक उपस्थित होते.

प्रमुख अतिथी डॉ.मो. अतिक यांनी याप्रसंगी विद्याथ्र्यांना यशस्वी होण्याकरिता दहा कलमी प्रोग्राम व नियोजनाचे महत्व विषद केले. अध्यक्षीय भाषणातून केमिकल टेक्नॉलॉजी विभागप्रमुख डॉ. अनिल नाईक म्हणाले, मोक्षगुंडम विश्वेश्वरय्या यांनी केलेली कामे आजही सुस्थितीत कार्यरत असून आधुनिक अभियांत्रिकी क्षेत्रातील नवोन्मेष, नीतिमत्ता व शाश्वत विकासाचे महत्त्व त्यांनी अधोरेखित केले. अभियांत्रिकी ही केवळ यंत्रांची भाषा नसून समाजाचे भविष्य घडविण्याची जबाबदारी असल्याचेही ते म्हणाले. अभियंतानी देशाच्या विकासात केलेल्या कार्याचे सउदाहरण महत्व विषद करुन मोक्षगुंडम विश्वेश्वरय्या यांच्या जीवनकार्यावर त्यांनी याप्रसंगी प्रकाश टाकला.

विद्यापीठ गीताने कार्यक्रमाला सुरुवात झाली. सर विश्वेश्वरय्या व संत गाडगे बाबा यांच्या प्रतिमेचे पूजन व पुष्पार्पण मान्यवरांच्या हस्ते करण्यात आले. कार्यक्रमाचे सूत्रसंचालन यश येलने व कु. मुगुल यांनी, तर आभार संकेत वारे याने मानले. विद्याथ्र्यांच्या आयोजन समितीने प्रा. यश तांबे यांच्या नियंत्रणात उत्कृष्ट नियोजन करून कार्यक्रम यशस्वीपणे पार पाडला. कार्यक्रमाला विभागातील सर्व शिक्षक, कर्मचारी व विद्यार्थी मोठया संख्येने उपस्थित होते.