10/03/2022
जागतिक महिला दिनाच्या निमित्ताने भव्य दिव्य महिला बाईक रॅली चे यशस्वी आयोजन
स्थानिक :-आयुष्याच्या प्रत्येक टप्प्यावर आपली भूमिका योग्य पद्धतीने साकारणाऱ्या आपल्या आई, बहीण, पत्नी, मुलगी, मैत्रिण, शिक्षिका इत्यादींप्रती आभार व्यक्त करण्यासाठी आणि त्यांचा गौरव, सन्मान करण्यासाठी श्री शिवाजी शारिरिक शिक्षण महाविद्यालय अमरावती, रोटरी क्लब ऑफ अमरावती अंबानगरी व रोटरॅक्ट क्लब व बियाणी विज्ञान महाविद्यालय अमरावती च्या संयुक्त विद्यमानाने व अमरावती शहर पोलीस आयुक्तलय यांच्या सहकार्याने मंगळवार 8 मार्च २०२२ रोजी भव्य दिव्य बाईक रॅलीचे ,झुम्मा डान्स इव्हेन्ट व विशेष कार्यक्रमाचे आयोजन अमरावती पोलीस आयुक्त कार्यालय समोरील पोलीस ग्राउंड वर करण्यात आले
त्यानुसार जागतिक महिला दिनानिमित्त सर्वप्रथम झुम्मा डान्स इव्हेन्ट चे आयोजन ट्रेनर श्री आशिष लुल्ला व टीम द्वारे आयोजन करण्यात आले त्यानंतर विशेष कार्यक्रमाचे आयोजन करण्यात आले
सदर कार्यक्रमाला प्रमुख अतिथी म्हणून सन्माननीय पोलीस आयुक्त डॉ.आरती सिंह , तसेच प्रमुख उपस्थिती म्हणून श्री शिवाजी शारिरिक शिक्षण महाविद्यालय अमरावती चे प्राचार्य डॉ. अंजली ठाकरे , रोटरी क्लबचे अध्यक्ष संकेत मोहता व सेक्रेटरी गौरव वानखडे व प्रोजेक्ट डायरेक्टर मोनाली ढोले ,श्री अतुल कोल्हे उपस्थित होते
सदर कार्यक्रमांमध्ये सन्माननीय मान्यवरांचे फुलगुच्छ देऊन स्वागत करण्यात आले त्यानंतर कार्यक्रमाच्या प्रमुख अतिथी सन्माननीय पोलीस आयुक्त डॉ.आरती सिंह , यांनी याप्रसंगी मार्गदर्शन करतांना उपस्थित महिलांना महिला दिनाच्या शुभेच्छा दिल्या जागतिक महिला दिन साजरा करणे हे काळाची गरज आहे
तसेच अमरावती शहरांमध्ये महिला सुरक्षित आहे महिलांची सुरक्षिता साठी संपूर्ण पोलीस दल सज्ज आहे त्यामध्ये दामिनी पथक ,सायबर सेल, महिला सेल विभाग इत्यादींचा समावेश आहे असे प्रतिपादन केले व आजच्या कार्यक्रमाचे आयोजन संबंधित ज्यांनी नियोजन केले त्यांचे त्यांनी आभार मानले व अभिनंदन मॅडम नी केले
त्यानंतर सौ नंदा सोनवणे यांना लॉंग जम्प या इव्हेंटमध्ये मध्ये गोल्ड मेडल मिळाल्यामुळे त्यांचा सत्कार सन्माननीय पोलीस आयुक्त डॉ.आरती सिंह यांच्या हस्ते करण्यात आला
वरील कार्यक्रमाचे संचालन डॉ. मोनाली ढोले , कु वैष्णवी इंगळे यांनी केले
त्यानंतर कार्यक्रमाच्या शेवटी संपूर्ण कार्यक्रमाच्या यशस्विता करता पोलीस निरीक्षक सीमा दातारकर पोलीस उपअधीक्षक पुनम पाटील पोलीस निरीक्षक नीलेकर मॅडम यांचे आभार कार्यक्रमस्थळी मानले. त्यानंतर कु. मनाली जावेरी यांनी बाईक रॅलीच्या रूट बद्दलची माहिती दिली व पोलीस उपअधीक्षक पुनम पाटील यांनी बाईक रॅली संबंधीची विशेष सूचना दिली.
त्यानंतर सन्माननीय पोलीस आयुक्त डॉ.आरती सिंह यांनी सदर बाईक रॅलीला हिरवा झेंडा दाखवून रॅली ची सुरुवात झाली सदर रॅली ही पोलीस ग्राउंड वरून 2 किमी च्या मार्गावर आयोजित करण्यात आली
वरील कार्यक्रमामध्ये मोठ्या संख्येने महिला व विद्यार्थिनी पोलीस अधिकारी, पोलीस कर्मचारी, विविध संघटनेच्या पक्षाच्या पदाधिकारी ,रोटरी क्लबचे सदस्य व श्री शिवाजी शारीरिक शिक्षण महाविद्यालयातील सर्व शिक्षक तथा शिक्षकेतर कर्मचारी व विद्यार्थी उपस्थित होते.
