23/02/2026
संकल्प विद्या प्रतिष्ठानचे सुवर्णरत्न पुरस्कार जाहीर
अशोक केदार, अविनाश मुडेगावकर, रंजना जाधव आणि दत्ता बनसोडे पुरस्कारांचे मानकरी
======================
अंबाजोगाई (प्रतिनिधी )
येथील संकल्प विद्या प्रतिष्ठान यांच्या वतीने दरवर्षी देण्यात येणाऱ्या सुवर्णरत्न पुरस्काराचे वितरण यावर्षी शनिवार, दि.२८ फेब्रुवारी २०२६ रोजी करण्यात येणार आहे. यावर्षी हे पुरस्कार अशोक केदार (सामाजिक), अविनाश मुडेगावकर (पत्रकारिता), रंजना जाधव - राठोड (शैक्षणिक), दत्ता बनसोडे (कला) यांना जाहिर झाले आहेत. शनिवार, दिनांक २८ फेब्रुवारी २०२६ रोजी सकाळी १० वाजता आद्यकवी मुकूंदराज सांस्कृतिक सभागृहात हा कार्यक्रम आयोजित करण्यात आला आहे. तरी पुरस्कार वितरण सोहळ्यास व सांस्कृतिक कार्यक्रमास मोठ्या संख्येने उपस्थित रहावे असे आवाहन संस्थेचे कार्यवाहक प्रा.कैलास चोले यांनी केले आहे.
येथील संकल्प विद्या प्रतिष्ठान यांच्या वतीने विविध क्षेत्रात कार्यरत व्यक्तींना दरवर्षी सुवर्णरत्न पुरस्कार देवून सन्मानित करण्यात येते. यावर्षी शनिवार, दिनांक २८ फेब्रुवारी २०२६ रोजी या पुरस्कारांचे वितरण होणार आहे. सोबतच संकल्प विद्या मंदिर शाळेचा सांस्कृतिक कार्यक्रम ही आयोजित करण्यात आलेला आहे. या कार्यक्रमाचे मुख्य आकर्षण ओमप्रकाश शेटे (अध्यक्ष, आयुष्यमान भारत मिशन समिती, महाराष्ट्र शासन) हे असून त्यांच्या हस्ते सदरील पुरस्कारांचे वितरण करण्यात येणार आहे. तर संकल्प विद्या मंदिर शाळेच्या सांस्कृतिक कार्यक्रमासाठी उदघाटक म्हणून श्रीमती अश्विनी सोनवणे -जिरंगे (अपर जिल्हाधिकारी, अंबाजोगाई.) उपस्थित राहणार आहेत. या कार्यक्रमाच्या अध्यक्षस्थानी संजय गंभीरे (नगरसेवक, न.प.अंबाजोगाई) तर प्रमुख अतिथी म्हणून मधुकर सुवर्णकार (गटशिक्षणाधिकारी, पं.स.अंबाजोगाई), दिनेश भराडिया (उपनगराध्यक्ष, न.प.अंबाजोगाई.), विशाल जाजू (संस्थापक अध्यक्ष, राजा बन्सीलालजी जाजू नागरी सहकारी पतसंस्था), डॉ.संदीप मोरे (बालरोग तज्ज्ञ, मोरया हॉस्पिटल), बंडू खांडेकर (अध्यक्ष, देवदूत प्रतिष्ठान), दगडू लोमटे (प्रमुख, सुवर्णरत्न पुरस्कार निवड समिती.) हे मान्यवर उपस्थित राहणार आहेत. यावेळी अशोक केदार, अविनाश मुडेगावकर, रंजना जाधव - राठोड व दत्ता बनसोडे या मान्यवरांना त्यांनी त्यांच्या क्षेत्रात केलेल्या उल्लेखनीय कार्याबद्दल सुवर्णरत्न पुरस्कार - २०२६ देवून
