Mukhlesul Ummat Hazrat Maulana Mohammad Farooque Sahab

تبلیغی جماعت کی شرعی حیثیت
By
مولانا محمد فاروق صاحب اترانوی الہ آباد۔
مطالعہ کے لئے ہمارے ویب سائٹ سے مفت پی ڈی ایف ڈاؤن لوڈ کریں
www.jamiyafarooqiya.com

ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺍﻟﮧ ﺁﺑﺎﺩﯼ ‏( 1 ‏)
ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺍﻟﮧ ﺁﺑﺎﺩﯼ
ﻣﻮﻻﻧﺎﺍﻋﺠﺎﺯ ﺍﺣﻤﺪﺍﻋﻈﻤﯽ
1
ﺯﻧﺪﮔﯽ ﮐﯽ ﮐﺘﻨﯽ ﯾﺎﺩﯾﮟ ﺍﻭﺭﮐﺘﻨﯽ ﺗﺎﺭﯾﺨﯿﮟ ﮨﯿﮟ ﺟﻮ ﺍﻟﮧ ﺁﺑﺎﺩﺳﮯ ﻭﺍﺑﺴﺘﮧ ﮨﯿﮟ ، ﺍﻟﮧ ﺁﺑﺎﺩ ﻣﯿﮟ ﻣﯿﺮﮮ ﻗﯿﺎ ﻡ ﮐﯽ ﻣﺪﺕ ﺻﺮﻑ ﭼﺎﺭ ﺳﺎﻝ ﺗﮭﯽ ،ﻟﯿﮑﻦ ﻣﺪﺕ ﺧﻮﺍﮦ ﮐﺘﻨﯽ ﮨﯽ ﻗﻠﯿﻞ ﮨﻮ ﭼﻮﻧﮑﮧ ﺍﺱ ﮐﺎ ﺩﺍﻣﻦ ﺍﯾﮏ ﻋﻈﯿﻢ ﺑﺰﺭﮒ ،ﻭﻗﺖ ﮐﮯ ﺑﮍﮮ ﺷﯿﺦ ﻃﺮﯾﻘﺖ ﺍﻭﺭ ﺍﯾﮏ ﺑﻠﻨﺪ ﭘﺎﯾﮧ ﺻﺎﺣﺐ ﻧﺴﺒﺖ ﺷﺨﺼﯿﺖ ﺳﮯ ﻭﺍﺑﺴﺘﮧ ﮨﮯ ،ﺍﺱ ﻟﺌﮯ ﺍﺱ ﮐﺎ ﮨﺮ ﻟﻤﺤﮧ ﮐﺴﯽ ﻧﮧ ﮐﺴﯽ ﻣﺘﺎﻉ ﮔﺮﺍﻧﻤﺎﯾﮧ ﺳﮯ ﻣﺎﻻﻣﺎﻝ ﮨﮯ ،ﻭﮨﺎﮞ ﺭﮦ ﮐﺮ ﻋﻠﻢ ﻭﮐﻤﺎﻝ ﮐﯽ ﺍﯾﮏ ﺍﯾﺴﯽ ﺩﻧﯿﺎ ﮐﺎﺍﻧﮑﺸﺎﻑ ﮨﻮﺍ ،ﺟﮩﺎﮞ ﺷﮩﺮﺕ ﻭﻧﺎﻣﻮﺭﯼ ﮐﮯ ﺗﻤﺎﻡ ﺍﺳﺒﺎﺏ ﻣﻮﺟﻮﺩ ﺗﮭﮯ ،ﺍﮔﺮ ﺍﺱ ﺩﻧﯿﺎ ﮐﮯ ﺭﮨﻨﮯ ﻭﺍﻟﮯ ﮨﺮ ﺷﮩﺮﺕ ﺍﻭﺭﮨﺮ ﻧﺎﻣﻮﺭﯼ ﺳﮯ ﺑﮯ ﻧﯿﺎﺯﺍﭘﻨﮯ ﺍﭘﻨﮯ ﺣﻠﻘﮯ ﻣﯿﮟ ﺧﺎﻣﻮﺷﯽ ﺳﮯ ﺍﭘﻨﮯ ﺍﺳﺘﺎﺫ ﮐﺎ ﭘﮍﮬﺎﯾﺎ ﮨﻮﺍ ﺳﺒﻖ ﺩﮨﺮﺍﺭﮨﮯ ﺗﮭﮯ ،ﺍﻧﮩﯿﮟ ﺍﺱ ﺳﮯ ﮐﻮﺋﯽ ﻏﺮﺽ ﻧﮧ ﺗﮭﯽ ﮐﮧ ﺩﻧﯿﺎ ﻧﮯ ﺍﻧﮩﯿﮟ ﺟﺎﻧﺎﯾﺎ ﺍﻥ ﺳﮯ ﺍﻧﺠﺎﻥ ﺭﮨﯽ ،ﻭﮦ ﺟﺲ ﮐﯽ ﺧﺪﻣﺖ ﮐﺮﺭﮨﮯ ﺗﮭﮯ ﺑﺲ ﯾﮧ ﮐﺎﻓﯽ ﺗﮭﺎ ﮐﮧ ﺍﻥ ﮐﮯ ﺁﻗﺎﻭﻣﺨﺪﻭﻡ ﮐﻮ ﺍ ﻥ ﮐﯽ ﺧﺪﻣﺖ ﮐﯽ ﺧﺒﺮ ﮨﮯ ﺍﺳﺘﺎﺫ ﺍﻥ ﮐﺎ ﮐﺎﻣﻞ ﺗﮭﺎ ،ﺟﻮ ﺳﺒﻖ ﺍﺳﺘﺎﺫﻧﮯ ﭘﮍﮬﺎﺩﯾﺎ ﺗﮭﺎ ﺍﺳﮯ ﺍﻧﮩﻮﮞ ﻧﮯ ﻟﻮﺡ ﻗﻠﺐ ﺳﮯ ﻣﭩﻨﮯ ﻧﮩﯿﮟ ﺩﯾﺎ،ﺍﻥ ﺳﮯ ﻣﯿﺮﺍ ﺗﻌﺎﺭﻑ ﮨﻮﺍ ﻣﯿﮟ ﺍﻥ ﮐﯿﻠﺌﮯ ﺍﺟﻨﺒﯽ ﺗﮭﺎ ﻣﮕﺮ ﺍﻧﮩﻮﮞ ﺑﮍﯼ ﻣﺤﺒﺖ ﺳﮯ ﺧﯿﺮ ﻣﻘﺪﻡ ﮐﯿﺎ ﻭﮦ ﺑﮩﺖ ﮐﭽﮫ ﺗﮭﮯ ﻣﮕﺮ ﮨﻤﯿﺸﮧ ﯾﮩﯽ ﮐﮩﺘﮯ ﺭﮨﮯ ﺍﻭﺭ ﯾﮩﯽ ﺳﻤﺠﮭﺘﮯ ﺭﮨﮯ ﮐﮧ ﻭﮦ ﮐﭽﮫ ﻧﮩﯿﮟ ﮨﯿﮟ ﺍﻭﺭﺍﮔﺮ ﮐﺴﯽ ﻧﮯ ﺍﻥ ﮐﮯ ﺍﻧﺪﺭ ﮐﭽﮫ ﺩﯾﮑﮫ ﻟﯿﺎ ﺗﻮ ﯾﮧ ﮐﮩﮧ ﮐﺮ ﭨﺎﻝ ﮔﺌﮯ ﮐﮧ ﯾﮧ ﺍﺳﺘﺎﺫﮐﺎ ﻓﯿﻀﺎﻥ ﻧﻈﺮ ﮨﮯ ،ﺷﯿﺦ ﮐﯽ ﭼﺸﻢِ ﺍﻟﺘﻔﺎﺕ ﮨﮯ ۔ ﻉ۔ ﻭﮔﺮﻧﮧ ﻣﻦ ﮨﻤﺎﮞ ﺧﺎﮐﻢ ﮐﮧ ﮨﺴﺘﻢ ‏( ﻣﯿﮟ ﻭﮨﯽ ﻣﺸﺖ ﺧﺎﮎ ﮨﻮﮞ ﺟﻮ ﮐﮧ ﮨﻮﮞ ‏)
ﺍﻭﺭﺟﻮ ﮐﭽﮫ ﻧﮩﯿﮟ ﺗﮭﺎ ﺍﺳﮯ ﻣﺠﻠﺲ ﻣﯿﮟ ﺻﺪﺭ ﻣﻘﺎﻡ ﭘﺮ ﺑﭩﮭﺎﻧﮯ ﮐﯽ ﮐﻮﺷﺶ ﮐﯽ ﺍﻭﺭﺍﺱ ﮐﮯ ﺳﺎﺗﮫ ﺍﯾﺴﺎ ﺑﺮﺗﺎﺅ ﮐﯿﺎ ﺟﯿﺴﮯ ﻭﮦ ﮐﻮﺋﯽ ﺣﯿﺜﯿﺖ ﺭﮐﮭﺘﺎ ﮨﻮ ،ﺍﺳﺘﺎﺫ ﻧﮯ ﺍﻥ ﮐﮯ ﺧﻤﯿﺮﻣﯿﮟ ﺧﺎﮐﺴﺎﺭﯼ ﺍﻭﺭﺗﻮﺍﺿﻊ ﮐﻮ ﺍﯾﺴﺎ ﮔﻮﻧﺪﮪ ﺩﯾﺎ ﺗﮭﺎ ﮐﮧ ﺟﻮ ﺑﮭﯽ ﺍﻥ ﮐﮯ ﺳﺎﻣﻨﮯ ﺁﯾﺎ ﺍﭘﻨﮯ ﮐﻮ ﺍﺱ ﺳﮯ ﭘﺴﺖ ﺩﯾﮑﮭﺎ ،ﺣﺎﻻﻧﮑﮧ ﻭﮦ ﺑﻠﻨﺪ ﺗﮭﮯ ،ﺑﮩﺖ ﺑﻠﻨﺪ ﺗﮭﮯ ۔
ﺁﭖ ﻧﮯ ﭘﮩﭽﺎﻧﺎ ﯾﮧ ﺍﺳﺘﺎﺫ ﮐﻮﻥ ﺗﮭﺎ ؟ﺷﯿﺦ ﮐﺎ ﻧﺎﻡ ﻧﺎﻣﯽ ﮐﯿﺎ ﺗﮭﺎ ؟ﻣﯿﮞﺒﺘﺎﺅﮞ،ﻭﮦ ﻋﺎﺭﻑ ﺑﺎﻟﻠﮧ ﻣﺼﻠﺢ ﺍﻻﻣﺖ ﺣﻀﺮﺕ ﻣﻮﻻﻧﺎ ﺷﺎﮦ ﻭﺻﯽ ﺍﻟﻠﮧ ﻧﻮﺭﺍﻟﻠﮧ ﻣﺮﻗﺪﮦ ﺗﮭﮯ ﺟﻮ ﺍﺻﻼً ﺗﻮ ﺿﻠﻊ ﻣﺌﻮ ﮐﮯ ﺍﯾﮏ ﮔﺎﺅﮞ ﻓﺘﺢ ﭘﻮﺭﺗﺎﻝ ﻧﺮﺟﺎ ﮐﮯ ﺭﮨﻨﮯ ﻭﺍﻟﮯ ﺗﮭﮯ ﺍﻭﺭﺯﻧﺪﮔﯽ ﮐﺎ ﺑﮍﺍ ﻋﺮﺻﮧ ﻭﮨﯿﮟ ﺑﺴﺮ ﮐﯿﺎ ﺗﮭﺎ ﻣﮕﺮ ﺍﺧﯿﺮ ﻣﯿﮟ ﮐﭽﮫ ﺣﺎﻻﺕ ﺍﯾﺴﮯ ﺁﺋﮯ ﮐﮧ ﭘﮩﻠﮯ ﮔﻮﺭﮐﮫ ﭘﻮﺭﭘﮭﺮ ﺍﺱ ﮐﮯ ﺑﻌﺪﺍﻟﮧ ﺁﺑﺎﺩ ﺗﺸﺮﯾﻒ ﻟﮯ ﮔﺌﮯ ،ﺍﻟﮧ ﺁﺑﺎﺩﻣﯿﮟ ﻣﺪﺭﺳﮧ ﮐﺎ ﺳﺎﻣﺎﻥ ﮨﻮﺍ ،ﺧﺎﻧﻘﺎﮦ ﺁﺑﺎﺩ ﮨﻮﺋﯽ ،ﺍﻥ ﮐﯽ ﻭﻓﺎﺕ ﮐﮯ ﺩﺱ ﺳﺎﻝ ﮐﮯ ﺍﻥ ﮐﮯ ﻣﺪﺭﺳﮯ ﻣﯿﮟ ﺑﺴﻠﺴﻠﮧٔ ﺗﺪﺭﯾﺲ ﻣﯿﺮﯼ ﺣﺎﺿﺮﯼ ﮨﻮﺋﯽ ،ﺧﺎﻧﻘﺎﮦ ﻣﯿﮟ ﺣﻀﺮﺕ ﺳﮯ ﺗﻌﻠﻖ ﺭﮐﮭﻨﮯ ﻭﺍﻟﮯ ﺑﮑﺜﺮﺕ ﻋﻠﻤﺎﺀ ﺍﻭﺭﺻﻠﺤﺎﺀ ﺗﺸﺮﯾﻒ ﻻﺗﮯ ﺭﮨﺘﮯ ﺗﮭﮯ ﺍﻥ ﺳﮯ ﻣﯿﮟ ﺍﭘﻨﯽ ﺑﺴﺎﻁ ﺍﻭﺭﺍﺳﺘﻌﺪﺍﺩ ﮐﮯ ﻟﺤﺎﻅ ﺳﮯ ﻣﻠﺘﺎ ﺭﮨﺘﺎ ۔ﺍﻥ ﮐﺎ ﺍﯾﮏ ﺧﺎﺹ ﺍﻧﺪﺍﺯﮨﻮﺗﺎ ، ﺧﺎﺹ ﺭﻧﮓ ﮨﻮﺗﺎ ،ﭼﮩﺮﮦ ﭘﺮ ﺫﮐﺮ ﮐﺎﻧﻮﺭ،ﮔﻔﺘﮕﻮﻣﯿﮞﻨﺮﻣﯽ ،ﺁﻧﮑﮭﻮﮞ ﻣﯿﮞﻨﻤﯽ ،ﭼﺎﻝ ﮈﮬﺎﻝ ﻣﯿﮟ ﺗﻮﺍﺿﻊ ﻭﻣﺴﮑﻦ ،ﻟﺒﺎﺱ ﮐﯽ ﺍﯾﮏ ﺧﺎﺹ ﺗﺮﺍﺵ ﻭﺧﺮﺍﺵ ،ﺟﺲ ﺳﮯ ﺩﻝ ﮐﯽ ﺻﺎﻟﺤﯿﺖ ﭨﭙﮑﺘﯽ ،ﺍﻥ ﻣﯿﮟ ﺳﮯ ﺑﻌﺾ ﻟﻮﮔﻮﮞ ﺳﮯ ﺍﯾﮏ ﺩﻭ ﻣﻼﻗﺎﺕ ﮨﯽ ﺭﮨﯽ ، ﺑﻌﻀﻮﮞ ﺳﮯ ﺑﺎﺭ ﺑﺎﺭ ﻣﻠﺘﺎﺭﮨﺎ ۔ﺑﻌﺾ ﺣﻀﺮﺍﺕ ﮐﮯ ﺳﺎﺗﮫ ﻣﺴﻠﺴﻞ ﺭﮨﻨﺎ ﮨﻮﺍ ۔ﺣﻀﺮﺕ ﻣﻮﻻﻧﺎ ﻗﺎﺭﯼ ﻣﺒﯿﻦ ﺻﺎﺣﺐ ،ﻣﻮﻻﻧﺎ ﻋﺒﺪ ﺍﻟﺮﺣﻤﻦ ﺟﺎﻣﯽ ، ﻣﻮﻻﻧﺎ ﻗﺎﺭﯼ ﺣﺒﯿﺐ ﺍﺣﻤﺪ ﺍﻟﮧ ﺁﺑﺎﺩﯼ ،ﻣﻮﻻﻧﺎ ﺍﻧﻮﺍﺭ ﺍﺣﻤﺪﮐﻮﭘﺎ ﮔﻨﺠﯽ ،ﻣﺤﻤﺪ ﺍﻧﯿﺲ ﻧﺪﻭﮦ ﺳﺮﺍﺋﮯ ، ﺟﻤﯿﻞ ﺑﮭﺎﺋﯽ ﺟﺎﻧﭙﻮﺭﯼ، ﺍﻧﯿﺲ ﺑﮭﺎﺋﯽ ﺍﻟﮧ ﺁﺑﺎﺩﯼ ،ﺩﺍﺭﻭﻏﮧ ﻣﺸﺘﺎﻕ ﺍﺣﻤﺪ ﮐﻠﮩﺎﭘﻮﺭﯼ ﺍﻭﺭﺑﮩﺖ ﺳﮯ ﺩﻭﺳﺮﮮ ﺣﻀﺮﺍﺕ ! ﮐﭽﮫ ﻣﺮﺣﻮﻡ ﮨﻮﭼﮑﮯ ،ﮐﭽﮫ ﮐﻤﺮ ﺑﺎﻧﺪﮬﮯ ﺗﯿﺎﺭ ﺑﯿﭩﮭﮯ ﮨﯿﮟ ،ﮐﭽﮫ ﺳﻼﻣﺖ ﺑﺎﮐﺮﺍﻣﺖ ﮨﯿﮟ ،ﻣﻮﻻﻧﺎ ﻋﺒﺪ ﺍﻟﺮﺣﻤﻦ ﺟﺎﻣﯽ ؒ ﮐﺎ ﺗﺬﮐﺮﮦ ﻣﯿﮟ ﻧﮯ ﻟﮑﮭﺎ ﮨﮯ ﺍﺱ ﻣﯿﮟ ﺩﻭ ﺗﯿﻦ ﺑﺰﺭﮔﻮﮞﮑﺎ ﺍﺧﺘﺼﺎﺭﺳﮯ ﺫﮐﺮ ﮐﯿﺎ ﮨﮯ ۔
ﺍﻧﮩﯿﮟ ﺑﺰﺭﮔﻮﮞ ﻣﯿﮟ ﺟﻦ ﺳﮯ ﻣﯿﮟ ﺑﮩﺖ ﻣﺘﺎﺛﺮ ﮨﻮﺍ ﺍﻭﺭﺍﻥ ﮐﯽ ﻋﻈﻤﺖ ﮐﻮ ﺩﻝ ﻧﮯ ﺑﮯ ﺗﮑﻠﻒ ﻗﺒﻮﻝ ﮐﯿﺎ ،ﺍﯾﮏ ﺑﺰﺭﮒ ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺗﮭﮯ ،ﺍﺗﺮﺍﺅﮞ ﺿﻠﻊ ﺍﻟﮧ ﺁﺑﺎﺩﮐﮯ ﺭﮨﻨﮯ ﻭﺍﻟﮯ ﺑﮭﺎﺭﯼ ﺑﮭﺮ ﮐﻢ ﺍﻭﺭﺑﮩﺖ ﭨﮭﻮﺱ ﺑﺪﻥ ، ﺭﻧﮓ ﺳﺎﻧﻮﻻ، ﺩﺍﮌﮬﯽ ﺳﻔﯿﺪ،ﮨﺎﺗﮫ ﻣﯿﮟ ﻣﻮﭨﺎﺳﺎﻋﺼﺎ،ﺭﻓﺘﺎﺭﻣﯿﮞﻘﻮﺕ ﺑﮭﯽ ﺍﻭﺭﺗﻮﺍﺿﻊ ﺑﮭﯽ ،ﻧﯿﭽﯽ ﻧﮕﺎﮨﯿﮟ ،ﻧﺮﻡ ﺩﻡ ﮔﻔﺘﮕﻮ،ﮔﺮﻡ ﺟﺴﺘﺠﻮ،ﺳﺮ ﭼﮭﻮﭨﺎ ﻣﮕﺮ ﺣﺎﻓﻈﮧ ﮐﯽ ﻗﻮﺕ ﺑﮯ ﻧﻈﯿﺮ،ﻋﻠﻮﻡ ﮐﺎ ﺍﯾﮏ ﺧﺰﺍﻧﮧ ﺍﻓﻀﻞ ﻭﮐﻤﺎﻝ ﻣﯿﮟ ﺑﻠﻨﺪﻣﺮﺗﺒﮧ ﻣﮕﺮ ﻣﻠﺘﮯ ﺗﻮ ﺳﺎﺭﯼ ﺑﮍﺍﺋﯿﺎﮞ ﺧﺎﮐﺴﺎﺭ ﯼ ﮐﯽ ﭼﺎﺩﺭﻣﯿﮟ ﺍﺱ ﻃﺮ ﺡ ﺳﻤﯿﭧ ﺩﯾﺘﮯ ﮐﮧ ﻣﻠﻨﮯ ﻭﺍﻟﮯ ﮐﻮ ﺍﺣﺴﺎﺱ ﺑﮭﯽ ﻧﮧ ﮨﻮﺗﺎﮐﮧ ﺍﺱ ﺧﺎﮎ ﮐﮯ ﭘﺮﺩﮮ ﻣﯿﮟ ﮐﯿﺎ ﮐﯿﺎ ﺟﻠﻮﮦ ﮔﺮﯼ ﮨﮯ ۔
ﻣﺠﮭﮯ ﯾﺎﺩﻧﮩﯿﮟ ﮨﮯ ﮐﮧ ﻣﯿﺮﯼ ﭘﮩﻠﯽ ﻣﻼﻗﺎﺕ ﮐﺐ ﺍﻭﺭﮐﺲ ﻣﺎﺣﻮﻝ ﻣﯿﮟ ﮨﻮﺋﯽ !ﮨﺎ ﮞ ﺍﺗﻨﺎ ﯾﺎﺩ ﮨﮯ ﮐﮧ ﺟﺐ ﺍﻥ ﮐﯽ ﺁﻣﺪ ﺧﺎﻧﻘﺎﮦ ﻣﯿﮟ ﮨﻮﺋﯽ ﺗﻮ ﮨﺮﻃﺮﻑ ﭼﺮﭼﺎﮨﻮﺍ ﻣﻮﻟﻮﯼ ﻓﺎﺭﻭﻕ ﺻﺎﺣﺐ ﺁﺋﮯ ،ﯾﮧ ﭼﺮﭼﺎﻣﺤﺒﺖ ﮐﮯ ﺳﺎﺗﮫ ﺗﮭﺎ ،ﺧﻮﺷﯽ ﮐﮯ ﺳﺎﺗﮫ ﺗﮭﺎ ﺟﻮ ﺩﻟﭽﺴﭙﯽ ﺍﻭﺭﺩﻟﯽ ﻟﮕﺎﺅ ﺗﺮﺟﻤﺎﻥ ﺗﮭﺎ ﻣﯿﮟ ﺑﮭﯽ ﻣﻼ ﻣﮕﺮ ﻭﮨﯽ ﺧﺎﮐﺴﺎﺭﯼ ﮐﯽ ﭼﺎﺩﺭﺣﺎﺋﻞ ﺭﮨﯽ ،ﻣﮕﺮ ﭘﮭﺮ ﺑﺎ ﺭ ﺑﺎﺭ ﺍﻥ ﮐﺎ ﺁﻧﺎ ﮨﻮﺗﺎ ﺭﮨﺎ ﻣﯿﮟ ﻧﮯ ﺩﯾﮑﮭﺎ ﮐﮧ ﺧﺎﻧﻘﺎﮦ ﮐﮯ ﺳﺐ ﭼﮭﻮﭨﮯ ﺑﮍﮮ ﺍﻥ ﺳﮯ ﻣﺤﺒﺖ ﺭﮐﮭﺘﮯ ﮨﯿﮟ ﺍﻥ ﮐﺎ ﺍﺣﺘﺮﺍﻡ ﮐﺮﺗﮯ ﮨﯿﮟ ﻣﯿﮟ ﺑﮭﯽ ﮐﭽﮫ ﺩﯾﺮﺍﻥ ﮐﯽ ﺧﺪﻣﺖ ﻣﯿﮟ ﺑﯿﭩﮭﻨﮯ ﻟﮕﺎ ﺍﻥ ﮐﯽ ﺑﺎﺗﯿﮟ ﺳﻨﻨﮯ ﻟﮕﺎ ﻣﺠﮭﮯ ﻣﺤﺴﻮﺱ ﮨﻮﺍ ﮐﮧ ﮐﮧ ﺳﺎﺩﮔﯽ ﮐﮯ ﺍﺱ ﭘﯿﮑﺮﻣﯿﮟ ﺫﮨﺎﻧﺖ ﻭﺫﮐﺎﻭﺕ ، ﺍﺳﺘﺤﻀﺎﺭﻭﻗﻮﺕ ﺣﻔﻆ ﺍﻭﺭﻋﻠﻢ ﻭﻣﻌﻠﻮﻣﺎﺕ ﮐﺎ ﯾﮧ ﺍﯾﮏ ﮔﻨﺠﯿﻨﮧ ﮨﯿﮟ ۔ﻣﯿﮟ ﺑﮧ ﻧﯿﺖ ﺍﺳﺘﻔﺎﺩﮦ ﺍﻥ ﮐﯽ ﮔﻔﺘﮕﻮﺳﻨﺘﺎﺍﻭﺭﻋﻠﻢ ﻣﯿﮟ ﺍﺿﺎﻓﮧ ﮨﻮﺗﺎ ، ﺍﻥ ﮐﯽ ﮔﻔﺘﮕﻮﺳﮯ ﺍﻧﺪﺍﺯﮦ ﮨﻮﺍ ﮐﮧ ﺍﻥ ﮐﺎ ﻣﻄﺎﻟﻌﮧ ﻭﺳﯿﻊ ﺑﮭﯽ ﮨﮯ ﺍﻭﺭﻋﻤﯿﻖ ﺑﮭﯽ !ﻟﯿﮑﻦ ﺍﺱ ﻭﺳﻌﺖ ﮐﮯ ﺩﺍﺋﺮﮮ ﻣﯿﮟ ﮐﻮﺋﯽ ﮐﺘﺎﺏ ﺗﯿﺴﺮﮮ ﺩﺭﺟﮧ ﮐﯽ ﻧﮩﯿﮟ ،ﻭﮦ ﮨﻤﯿﺸﮧ ﻣﻌﺘﺒﺮ ﺍﻭﺭﺑﻠﻨﺪ ﭘﺎﯾﮧ ﺍﺻﺤﺎﺏ ﺗﺼﻨﯿﻒ ﮐﯽ ﮐﺘﺎﺑﯿﮞﺎﭘﻨﮯ ﻣﻄﺎﻟﻌﮧ ﻣﯿﮟ ﺭﮐﮭﺘﮯ ،ﺩﻭﺳﺮﮮ ﺩﺭﺟﮧ ﮐﯽ ﺑﮭﯽ ﺷﺎﺫ ﻭﻧﺎﺩﺭﮨﯽ ﮐﻮﺋﯽ ﮐﺘﺎﺏ ﺍﻥ ﮐﮯ ﺣﺮﯾﻢ ﻣﻄﺎﻟﻌﮧ ﻣﯿﮟ ﺑﺎﺭ ﭘﺎﺗﯽ ﮨﮯ ﺍﻭﺭﮔﮩﺮﺍﺋﯽ ﮐﺎﯾﮧ ﺣﺎﻝ ﺗﮭﺎ ﮐﮧ ﮨﺮ ﺑﺎﺕ ﮐﯽ ﺗﮧ ﻣﯿﮟ ﺍﺗﺮ ﺟﺎﺗﮯ ﺍﻭﺭﺍﺱ ﮨﺮ ﺗﮧ ﮐﮯ ﺁﺛﺎﺭﺭﻣﻀﻤﺮﺍﺕ ﮐﻮ ﺍﭘﻨﯽ ﮔﺮﻓﺖ ﻣﯿﮟ ﻟﮯ ﻟﯿﺘﮯ ،ﺍﺱ ﻟﺌﮯ ﺍﻥ ﮐﯽ ﮨﻠﮑﯽ ﭘﮭﻠﮑﯽ ﮔﻔﺘﮕﻮﺑﮭﯽ ﻋﺎﻟﻤﺎﻧﮧ ﮨﻮﺗﯽ ،ﭘﮭﺮ ﻣﯿﮟ ﺩﯾﺮ ﺩﯾﺮ ﺗﮏ ﺍﻥ ﮐﯽ ﺧﺪﻣﺖ ﻣﯽ ﺑﯿﭩﮭﻨﮯ ﻟﮕﺎ ۔ﺍﻭﺭﻭﮦ ﺍﭘﻨﮯ ﻧﻄﻖ ﻭﺗﮑﻠﻢ ﺳﮯ ﻣﻌﻠﻮﻣﺎﺕ ﻣﯿﮟ ﺍﺿﺎﻓﮧ ﺍﻭﺭﺩﻝ ﻣﯿﮟ ﺟﻼ ﭘﯿﺪﺍ ﮐﺮﺗﮯ ﺭﮨﺘﮯ
ﺟﺎﺭﯼ
ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺍﻟﮧ ﺁﺑﺎﺩﯼ
ﻣﻮﻻﻧﺎﺍﻋﺠﺎﺯ ﺍﺣﻤﺪﺍﻋﻈﻤﯽ
2
ﻣﯿﮟ ﺍﻥ ﮐﮯ ﺳﺎﻣﻨﮯ ﻃﻔﻞ ﻣﮑﺘﺐ ﺗﮭﺎ ،ﻋﻠﻢ ﻭ ﺫﮨﺎﻧﺖ ﺳﮯ ﻧﮧ ﺍﺱ ﻭﻗﺖ ﺑﮩﺮﮦ ﻭﺭ ﺗﮭﺎ ﺍﻭﺭﻧﮧ ﺍﺏ ﺗﮏ ﺍﺱ ﮐﯽ ﺑﻮﭘﺎﺳﮑﺎ ﮨﻮﮞ، ﻟﯿﮑﻦ ﮔﻔﺘﮕﻮﻣﯿﮟ ﮐﺒﮭﯽ ﺍﻥ ﺳﮯ ﺍﺧﺘﻼﻑ ﺑﮭﯽ ﮐﺮ ﻟﯿﺘﺎ ،ﺑﮍﮮ ﻏﻀﺐ ﮐﺎ ﺣﻮﺻﻠﮧ ﺗﮭﺎ ﺍﻥ ﮐﺎ ! ﺑﮩﺖ ﻏﻮﺭﺳﮯ ﺍﺧﺘﻼﻑ ﮐﻮ ﺳﻨﺘﮯ ، ﭘﻮﺭﮮ ﺍﻃﻤﯿﻨﺎﻥ ﺳﮯ ﺍﺱ ﮐﻮ ﺳﻤﺠﮭﺘﮯ ،ﺍﮔﺮ ﺍﺱ ﻣﯿﮟ ﻭﺍﻗﻌﯿﺖ ﮨﻮﺗﯽ ،ﺗﻮ ﺑﮯ ﺗﮑﻠﻒ ﻗﺒﻮﻝ ﮐﺮﺗﮯ ،ﺍﻥ ﮐﮯ ﻣﺮﺗﺒﮧ ﮐﯽ ﺑﻠﻨﺪﯼ ﻗﺒﻮﻝ ﺣﻖ ﺳﮯ ﮐﺒﮭﯽ ﻣﺎﻧﻊ ﻧﮧ ﮨﻮﺗﯽ ﺍﻭﺭﺍﮔﺮ ﻭﮦ ﻣﺤﺴﻮﺱ ﮐﺮﺗﮯ ﮐﮧ ﺍﺧﺘﻼﻑ ﮐﺮﻧﮯ ﻭﺍﻟﮯ ﮐﯽ ﻓﮩﻢ ﮐﺎ ﻗﺼﻮﺭﮨﮯ ﺗﻮ ﺑﮍﮮ ﺍﭼﮭﮯ ﺍﻧﺪﺍﺯﻣﯿﮟ ﺳﻤﺠﮭﺎﺗﮯ ﺍﯾﺴﺎ ﺍﻧﺪﺍﺯﺟﺲ ﻣﯿﮟ ﻧﮧ ﻣﺨﺎﻃﺐ ﮐﯽ ﺗﺤﻘﯿﺮ ﮨﻮﺗﯽ ،ﻧﮧ ﺍﺱ ﮐﯽ ﺑﺪ ﻓﮩﻤﯽ ﯾﺎ ﻗﺼﻮﺭﻓﮩﻢ ﮐﯽ ﺷﮑﺎﯾﺖ ﮨﻮﺗﯽ ﻧﮧ ﺍﺱ ﻣﯿﮟ ﺟﻮﺵ ﻭﺍﺷﺘﻐﺎﻝ ﮨﻮﺗﺎﻧﮧ ﺍﻟﺰﺍﻣﯽ ﺟﻮﺍﺏ ﮐﯽ ﺿﺮﺏ ﮨﻮﺗﯽ ،ﮨﻠﮑﮯ ﮨﻠﮑﮯ ﺑﻮﻟﺘﮯ ﺍﻭﺭﺩﻻﺋﻞ ﮐﮯ ﻣﻮﺗﯽ ﺑﮑﮭﯿﺮﺗﮯ ﺍﻭﺭﺑﺎﻵﺧﺮﻣﺨﺎﻃﺐ ﮐﻮ ﻣﻄﻤﺌﻦ ﮐﺮﺩﯾﺘﮯ ۔
ﻣﻮﻻﻧﺎ ﮐﺎ ﺷﻤﺎﺭﺍﻥ ﻋﻠﻤﺎﺋﮯ ﺭﺍﺳﺨﯿﻦ ﻓﯽ ﺍﻟﻌﻠﻢ ﻣﯿﮟ ﮨﮯ ﺟﻮ ﮐﮭﺮﮮ ﮐﮭﻮﭨﮯ ﮐﯽ ﭘﺮﮐﮫ ﺑﺨﻮﺑﯽ ﺭﮐﮭﺘﮯ ﮨﯿﮟ ﺟﻮ ﮐﺴﯽ ﻧﻈﺮﺋﮯ ﯾﺎ ﮐﺴﯽ ﺷﺨﺺ ﮐﯽ ﺷﮩﺮﺕ ﻋﺎﻡ ﺳﮯ ﻣﺘﺎﺛﺮﻧﮩﯿﮟ ﮨﻮﺗﮯ ﺟﺐ ﺗﮏ ﮐﮧ ﺗﺎﺛﺮ ﮐﯿﻠﺌﮯ ﺩﻟﯿﻞ ﻭﺑﺮﮨﺎﻥ ﮐﯽ ﺭﻭﺷﻨﯽ ﻧﮧ ﮨﻮ ﻧﮧ ﮐﺴﯽ ﺣﺐ ﻣﺎﻝ ﻭﺟﺎﮦ ﮐﮯ ﺩﺑﺎﺅﻣﯿﮞﻮﮦ ﻏﻠﻂ ﮐﻮ ﺻﺤﯿﺢ ﮐﮩﮧ ﺳﮑﺘﮯ ﺗﮭﮯ ﻧﮧ ﮐﺴﯽ ﻋﻤﻞ ﮐﯽ ﺻﺮﻑ ﻇﺎﮨﺮﯼ ﺍﻓﺎﺩﯾﺖ ﮐﻮ ﺩﯾﮑﮫ ﮐﺮ ﯾﺎ ﺍﺱ ﻟﺌﮯ ﮐﮧ ﺑﮩﺖ ﺳﮯ ﻟﻮﮒ ﺍﺱ ﻣﯿﮞﺸﺎﻣﻞ ﮨﯿﮟ ﺍﺳﮯ ﻗﺒﻮﻝ ﮐﺮﺗﮯ ﺑﻠﮑﮧ ﻭﮦ ﯾﮧ ﺩﯾﮑﮭﺘﮯ ﺗﮭﮯ ﮐﮧ ﻗﺮﺁﻥ ﻭﺳﻨﺖ ﺳﮯ ﯾﺎ ﻗﺮﺁﻥ ﺳﮯ ﻣﺴﺘﻨﺒﻂ ﺍﺻﻮﻝ ﻭﻗﻮﺍﻋﺪﺻﺤﯿﺤﮧ ﺳﮯ ﯾﺎ ﺍﺋﻤﮧ ﻭﻓﻘﮩﺎﺀ ﮐﯽ ﺗﺼﺮﯾﺤﺎﺕ ﺳﮯ ﺍﺱ ﮐﺎ ﺛﺒﻮﺕ ﻣﻠﺘﺎ ﮨﮯ ﯾﺎ ﻧﮩﯿﮟ ﺍﻭﺭﺍﮔﺮ ﻣﻠﺘﺎ ﮨﮯ ﺗﻮ ﺍﺱ ﻋﻤﻞ ﮐﺎ ﮐﯿﺎﺩﺭﺟﮧ ﮨﮯ ؟ ﺍﻥ ﺳﺐ ﺑﺎﺗﻮﮞ ﭘﺮﻭﮦ ﺑﮩﺖ ﮔﮩﺮﯼ ﻧﻈﺮ ﺭﮐﮭﺘﮯ ﺗﮭﮯ ﺍﺳﯽ ﻟﺌﮯ ﮨﻤﺎﺭﮮ ﺩﻭﺭ ﻣﯿﮟ ﺟﻮ ﺩﯾﻦ ﻭﺷﺮﯾﻌﺖ ﮐﮯ ﻧﺎﻡ ﭘﺮ ﺑﮭﺎﻧﺖ ﺑﮭﺎﻧﺖ ﮐﯽ ﭨﻮﻟﯿﺎﮞﺒﻦ ﺭﮨﯽ ﮨﯿﮟ ،ﻣﺨﺘﻠﻒ ﻧﻈﺮﺋﮯ ﺍﯾﺠﺎﺩ ﮨﻮﺭﮨﮯ ﮨﯿﮞﺎﻭﺭﮨﺮ ﭨﻮﻟﯽ ﺍﻭﺭﮨﺮ ﻧﻈﺮﯾﮧ ﺍﭘﻨﯽ ﭘﺸﺖ ﭘﺮ ﻭﻗﺖ ﮐﯽ ﻣﺼﻠﺤﺘﻮﮞ ﺍﻭﺭ ﺯﻣﺎﻧﮯ ﮐﮯ ﺗﻘﺎﺿﻮﮞ ﮐﺎ ﺍﯾﮏ ﺍﻧﺒﺎﺭﺭﮐﮭﺘﺎﮨﮯ ،ﻇﺎﮨﺮﯼ ﻧﻈﺮﻭﺍﻟﮯ ﺍﺱ ﺳﮯ ﻣﺘﺎﺛﺮﺑﮭﯽ ﮨﻮﺗﮯ ﮨﯿﮞﻤﮕﺮ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﺍﻥ ﮐﻮ ﺷﺮﯾﻌﺖ ﺍﻭﺭﺍﺻﻮﻝ ﺷﺮﯾﻌﺖ ﮐﯽ ﻣﻌﯿﺎﺭ ﭘﺮ ﭘﺮﮐﮭﺘﮯ ﺗﮭﮯ ﺍﮔﺮ ﺍﺱ ﭘﺮ ﮐﻮﺋﯽ ﻧﻈﺮﯾﮧ ﻭﻋﻤﻞ ﭘﻮﺭﺍ ﺍُﺗﺮﺗﺎﺗﻮ ﺍﻋﺘﺮﺍﻑ ﻣﯿﮟ ﺑﺨﻞ ﻧﮩﯿﮟ ﮐﺮﺗﮯ ﺗﮭﮯ ﺍﻭﺭﺍﮔﺮ ﭘﻮﺭ ﺍ ﻧﮩﯿﮟ ﺍﺗﺮﺗﺎ ﺗﻮ ﺍﺱ ﮐﺎ ﺷﺮﻋﯽ ﺣﮑﻢ ﺑﻼ ﺧﻮﻑ ﻣﻼﻣﺖ ﮔﺮﺍﮞﻈﺎﮨﺮ ﮐﺮﺩﯾﺘﮯ ﺗﮭﮯ ،ﺍﺱ ﺳﻠﺴﻠﮯ ﻣﯿﮟ ﺑﻌﺾ ﺍﻭﻗﺎﺕ ﺍﻧﮩﯿﮞﺒﮩﺖ ﺳﯽ ﻣﺸﮑﻼﺕ ﮐﺎ ﺑﮭﯽ ﺳﺎﻣﻨﺎ ﮐﺮﻧﺎ ﭘﮍﺗﺎ ﻣﮕﺮ ﺟﻮ ﮐﭽﮫ ﺍﻧﮩﻮﮞ ﻧﮯ ﺣﻖ ﺟﺎﻧﺎ ﺍﺱ ﮐﮯ ﺍﻇﮩﺎﺭ ﻣﯿﮟ ﮐﺴﯽ ﻓﺮﺩ ﯾﺎ ﮐﺴﯽ ﺟﻤﺎﻋﺖ ﮐﺎ ﺧﻮﻑ ﻧﮩﯿﮟ ﮐﮭﺎﯾﺎ ۔
ﺗﺒﻠﯿﻐﯽ ﺟﻤﺎﻋﺖ ﮐﮯ ﻣﺘﻌﻠﻖ ﺍﯾﮏ ﺍﺳﺘﻔﺘﺎﺀ ﮐﮯ ﺟﻮﺍﺏ ﻣﯿﮟ ﺍﻧﮩﻮﮞ ﻧﮯ ﻣﻔﺼﻞ ﮔﻔﺘﮕﻮﮐﯽ ﺍﻭﺭﺟﻮ ﮐﭽﮫ ﺍﻥ ﮐﯽ ﻧﮕﺎﮦ ﻣﯿﮟ ﺣﻖ ﺗﮭﺎﺍﺳﮯ ﻭﺍﺿﺢ ﮐﺮﺩﯾﺎ ، ﮔﻮ ﮐﮧ ﺍﺱ ﮐﮯ ﺑﺎﻋﺚ ﻭﮦ ﺑﮩﺖ ﺳﮯ ﻋﻮﺍﻡ ﻭﺧﻮﺍﺹ ﮐﺎ ﻧﺸﺎﻧﮧٔ ﻣﻼﻣﺖ ﺑﻨﮯ ،ﻣﮕﺮ ﮐﻮﺋﯽ ﺍﻧﺪﯾﺸﮧ ﻭﮦ ﺧﺎﻃﺮﻣﯿﮟ ﻧﮧ ﻻﺋﮯ ،ﺍﻓﺴﻮﺱ ﮐﮧ ﻋﻠﻤﺎﺀ ﻧﮯ ﺍﻥ ﮐﮯ ﺍﺱ ﻓﺘﻮﯼ ﭘﺮ ﺍﺛﺒﺎﺗﺎًﯾﺎ ﻣﻨﻔﯿﺎًﮐﻮﺋﯽ ﺗﻮﺟﮧ ﻧﮧ ﺩﯼ ﺍﮔﺮ ﺍﻥ ﮐﯽ ﮔﻔﺘﮕﻮﺣﻖ ﮨﮯ ﺗﻮ ﺍﺳﮯ ﻗﺒﻮﻝ ﮐﺮﻧﺎ ﭼﺎﮨﺌﮯ ﺍﻭﺭﺍﮔﺮ ﺍﺱ ﻣﯿﮞﻐﻠﻄﯽ ﮨﮯ ﺗﻮ ﺍﺳﮯ ﻭﺍﺿﺢ ﮐﺮﻧﺎ ﭼﺎﮨﯿﮯ ،ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﺑﮩﺖ ﻭﺳﯿﻊ ﺍﻟﻘﻠﺐ ﺍﻧﺴﺎﻥ ﺗﮭﮯ ﺍﮔﺮ ﺩﻻﺋﻞ ﺳﮯ ﺍﻥ ﮐﯽ ﻏﻠﻄﯽ ﻭﺍﺿﺢ ﮐﯽ ﺟﺎﺗﯽ ﺗﻮ ﺍﺳﮯ ﻭﮦ ﺑﮯ ﺗﮑﻠﻒ ﻗﺒﻮﻝ ﮐﺮﻟﯿﺘﮯ ﺑﻠﮑﮧ ﻭﮦ ﺍﺱ ﮐﮯ ﻣﻨﺘﻈﺮﺭﮨﺎ ﮐﺮﺗﮯ ﺗﮭﮯ ﺑﺎﺕ ﮐﯽ ﭘﭻ ﻭﮦ ﺟﺎﻧﺘﮯ ﮨﯽ ﺗﮭﮯ ﺍﻥ ﮐﺎﻭﮦ ﻓﺘﻮﯼٰ ﺁﺝ ﺑﮭﯽ ﺍﮨﻞ ﻋﻠﻢ ﮐﮯ ﻟﺌﮯ ﻟﻤﺤﮧ ٔ ﻓﮑﺮﯾﮧ ﮨﮯ ۔
ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﻧﮯ 1365 ﮪ؁ ﻣﯿﮟ ﺟﺎﻣﻌﮧ ﻣﻈﺎﮨﺮ ﻋﻠﻮﻡ ﺳﮩﺎﺭﻧﭙﻮﺭﻣﯿﮟ ﺗﻌﻠﯿﻢ ﮐﯽ ﺗﮑﻤﯿﻞ ﮐﯽ ﺗﮭﯽ ،ﺍﺑﺘﺪﺍﺋﯽ ﺍﻭﺭﻣﺘﻮﺳﻄﺎﺕ ﺗﮏ ﮐﯽ ﺗﻌﻠﯿﻢ ﺍﻟﮧ ﺁﺑﺎﺩﻣﯿﮟ ﺣﺎﺻﻞ ﮐﯽ ﺗﮭﯽ ،ﺣﮑﯿﻢ ﺍﻻﻣﺖ ﺣﻀﺮﺕ ﺗﮭﺎﻧﻮﯼ ﮐﮯ ﺧﺎﺹ ﻣﻌﺘﻘﺪ ﺗﮭﮯ ،ﻃﺎﻟﺐ ﻋﻠﻤﯽ ﮐﮯ ﺯﻣﺎﻧﮯ ﻣﯿﮟ ﺗﮭﺎﻧﮧ ﺑﮭﻮﻥ ﺣﻀﺮﺕ ﮐﯽ ﺧﺪﻣﺖ ﻣﯿﮟ ﺣﺎﺿﺮﯼ ﺑﮭﯽ ﺩﯼ ﺗﮭﯽ ،ﻓﺮﺍﻏﺖ ﮐﮯ ﺑﻌﺪ ﺣﻀﺮﺕ ﺗﮭﺎﻧﻮﯼ ﮐﮯ ﺧﻠﯿﻔﮧ ﺍﻭﻝ ﺣﻀﺮﺕ ﺗﮭﺎﻧﻮﯼ ﮐﮯ ﺧﻠﯿﻔﮧ ﺍﻭﻝ ﺣﻀﺮﺕ ﻣﻮﻻﻧﺎ ﻣﺤﻤﺪ ﻋﯿﺴﯽٰ ﺻﺎﺣﺐ ﺍﻟﮧ ﺁﺑﺎﺩﯼ ﻋﻠﯿﮧ ﺍﻟﺮﺣﻤﮧ ﮐﺎ ﺩﺍﻣﻦ ﺗﮭﺎﻣﺎ ﭘﮭﺮ ﺍﻥ ﮐﮯ ﻭﺻﺎﻝ ﮐﮯ ﺑﻌﺪ ﮐﺴﯽ ﺷﯿﺦ ﮐﺎﻣﻞ ﮐﯽ ﺗﻼﺵ ﮨﻮﺋﯽ ﺗﻮ ﻃﻠﺐ ﻭﺟﺴﺘﺠﻮﻧﮯ ﻣﺼﻠﺢ ﺍﻻﻣﺖ ﺣﻀﺮﺕ ﻣﻮﻻﻧﺎ ﺷﺎﮦ ﻭﺻﯽ ﺍﻟﻠﮧ ﺻﺎﺣﺐ ﻋﻠﯿﮧ ﺍﻟﺮﺣﻤﮧ ﮐﯽ ﺧﺪﻣﺖ ﻣﯿﮟ ﻓﺘﺢ ﭘﻮﺭﭘﮩﻨﭽﺎﯾﺎ،ﯾﮩﺎﮞ ﺍﭘﻨﯽ ﺳﻼﻣﺖ ﻃﺒﻊ،ﺍﻋﺘﻘﺎﺩ ﮐﺎﻣﻞ ﺍﻭﺭﺫﮨﺎﻧﺖ ﻭ ﻋﻘﻞ ﮐﯽ ﻭﺟﮧ ﺳﮯ ﺑﮩﺖ ﺟﻠﺪ ﺣﻀﺮﺕ ﮐﯽ ﺧﺪﻣﺖ ﻣﯿﮞﺮﺳﻮﺥ ﺣﺎﺻﻞ ﮐﺮﻟﯿﺎ ،ﺣﻀﺮﺕ ﮐﻮ ﺍﻥ ﭘﺮ ﺑﮩﺖ ﺍﻋﺘﻤﺎﺩ ﮨﻮﮔﯿﺎ ﺗﮭﺎ ،ﺍﮨﻢ ﺍﻣﻮﺭﻣﯿﮟ ﺣﻀﺮﺕ ﺍﻥ ﺳﮯ ﻣﺸﻮﺭﮦ ﺑﮭﯽ ﻟﯿﺘﮯ ﺗﮭﮯ ﻭﮦ ﺣﻀﺮﺕ ﮐﮯ ﻣﺰﺍﺝ ﺷﻨﺎﺱ ﺗﮭﮯ ،ﺣﻀﺮﺕ ﮐﯽ ﻣﻨﺸﺎ ﭘﮩﭽﺎﻥ ﮐﺮ ﺍﻥ ﮐﮯ ﻣﻄﺎﺑﻖ ﮐﺎﻡ ﮐﺮﺗﮯ ﺗﮭﮯ ۔
‏( ﺟﺎﺭﯼ ‏)
ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺍﻟﮧ ﺁﺑﺎﺩﯼ
ﻣﻮﻻﻧﺎﺍﻋﺠﺎﺯ ﺍﺣﻤﺪﺍﻋﻈﻤﯽ
3
ﺣﻀﺮﺕ ﻣﻮﻻﻧﺎ ﻋﺒﺪ ﺍﻟﺮﺣﻤﻦ ﺻﺎﺣﺐ ﺟﺎﻣﯽ ﻋﻠﯿﮧ ﺍﻟﺮﺣﻤﮧ ﺟﻮ ﺣﻀﺮﺕ ﻣﺼﻠﺢ ﺍﻻﻣﺖ ﮐﮯ ﮐﺎﺗﺐ ﺧﺎﺹ ﺗﮭﮯ ﺍﻭﺭﺣﻀﺮﺕ ﮐﮯ ﻋﻠﻮﻡ ﻭﻣﻌﺎﺭﻑ ﮐﮯ ﺍﻣﯿﻦ ﺍﻭﺭﺍﻥ ﮐﮯ ﻣﺮﺗﺐ ﺍﻭﺭﺷﺎﺭﺡ ﻭﺗﺮﺟﻤﺎﻥ ﺗﮭﮯ ،ﺳﻨﺎﺗﮯ ﮨﯿﮟ ﮐﮧ ﺣﻀﺮﺕ ﺗﮭﺎﻧﻮﯼ ﻋﻠﯿﮧ ﺍﻟﺮﺣﻤﮧ ﮐﯽ ﻭﻓﺎﺕ ﮐﮯ ﺑﻌﺪ ﺟﻮ ﺻﺎﺣﺐ ﺧﺎﻧﻘﺎﮦ ﺗﮭﺎﻧﮧ ﺑﮭﻮﻥ ﻣﯿﮟ ﺗﻌﻠﯿﻢ ﻭﻏﯿﺮﮦ ﮐﮯ ﺫﻣﮧ ﺩﺍﺭ ﺗﮭﮯ ﺍﻥ ﮐﯽ ﻣﻮﺟﻮﺩ ﮔﯽ ﻣﯿﮟ ﮐﭽﮫ ﺍﻧﺘﺸﺎﺭﮐﯽ ﮐﯿﻔﯿﺖ ﻭﮨﺎﮞ ﮨﻮﺋﯽ ﺍﻭﺭﺍﻧﮩﯿﮟ ﻭﮨﺎﮞ ﺳﮯ ﻋﻠﯿﺤﺪﮦ ﮨﻮﻧﺎ ﭘﮍﺍ ﺗﻮ ﺣﻀﺮﺕ ﮐﮯ ﺑﮭﺘﯿﺠﮯ ﻣﻮﻻﻧﺎ ﺷﺒﯿﺮ ﻋﻠﯽ ﺻﺎﺣﺐ ﺟﻮ ﺣﻀﺮﺕ ﮐﯽ ﺣﯿﺎﺕ ﻣﯿﮟ ﻣﺪﺭﺳﮧ ﺍﻭﺭﺧﺎﻧﻘﺎﮦ ﮐﮯ ﻣﻨﺘﻈﻢ ﺭﮦ ﭼﮑﮯ ﺗﮭﮯ ﺍﻭﺭﺍﺏ ﮐﺮﺍﭼﯽ ﻣﻨﺘﻘﻞ ﮨﻮﮔﺌﮯ ﺗﮭﮯ ،ﺍﻧﮩﻮﮞ ﻧﮯ ﻟﮑﮭﺎ ’’ ﮐﮧ ﮐﺴﯽ ﻣﻌﺘﻤﺪﺍﻭﺭﻣﻨﺎﺳﺐ ﺁﺩﻣﯽ ﮐﻮ ﻭﮨﺎﮞ ﻣﻘﺮﺭ ﮐﯿﺎ ﺟﺎﺋﮯ ‘‘ ﺑﮩﺖ ﺳﮯ ﻟﻮﮔﻮﮞ ﮐﯽ ﻧﮕﺎﮦ ﺣﻀﺮﺕ ﻣﺼﻠﺢ ﺍﻻﻣﺖ ﭘﺮ ﭘﮍﯼ ﺍﻭﺭﺍﻥ ﺳﮯ ﻭﮦ ﺟﮕﮧ ﺳﻨﺒﮭﺎﻟﻨﮯ ﮐﯽ ﺩﺭﺧﻮﺍﺳﺖ ﮐﯽ ﺣﻀﺮﺕ ﻧﮯ ﺗﻮﻣﻌﺬﺭﺕ ﮐﺮﺩﯼ ﺍﻟﺒﺘﮧ ﻟﻮﮔﻮﮞ ﮐﯽ ﻓﺮﻣﺎﺋﺶ ﭘﺮ ﺍﭘﻨﮯ ﻣﻌﺘﻤﺪ ﺧﺎﺹ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﮐﻮ ﺗﮭﺎﻧﮧ ﺑﮭﻮﻥ ﺑﮭﯿﺞ ﺩﯾﺎ،ﺑﮭﯿﺠﺘﮯ ﻭﻗﺖ ﺍﻥ ﺳﮯ ﻓﺮﻣﺎﯾﺎﮐﮧ
’’ ﺗﻢ ﮐﻮ ﺩﻭ ﻧﺼﯿﺤﺘﯿﮟ ﮐﺮﺗﺎ ﮨﻮﮞ ﺍﻥ ﮐﺎ ﺑﺮﺍﺑﺮ ﺧﯿﺎﻝ ﺭﮐﮭﻨﺎ ﺍﯾﮏ ﺗﻮﯾﮧ ﮐﮧ ﻭﮦ ﮨﻤﺎﺭﮮ ﺷﯿﺦ ﮐﯽ ﺟﮕﮧ ﮨﮯ ﻭﮨﺎﮞﺎﺩﺏ ﮐﯽ ﺳﺎﺗﮫ ﺭﮨﻨﺎ ﻭﮦ ﺟﮕﮧ ﭘﻠﮑﻮﮞ ﺳﮯ ﺟﮭﺎﮌﻭ ﺩﯾﻨﮯ ﮐﯽ ﮨﮯ ،ﺩﻭ ﺳﺮﮮ ﯾﮧ ﮐﮧ ﻭﮨﺎﮞ ﮐﺴﯽ ﺳﮯ ﻧﺰﺍﻉ ﻣﺖ ﮐﺮﻧﺎ ﺍﻭﺭ ﺍﺧﺘﻼﻑ ﻧﮧ ﮐﺮﻧﺎ ،ﻟﻮﮒ ﻣﻮﺍﻓﻖ ﺭﮨﯿﮟ ﺗﻮ ﺍﺧﻼﻕ ﮐﮯ ﺳﺎﺗﮫ ﺭﮨﻨﺎ ﺍﻭﺭﮐﺴﯽ ﺭﻭﯾﮧ ﺳﮯ ﻣﺨﺎﻟﻔﺖ ﮐﺎ ﺍﻧﺪﺍﺯﮦ ﮨﻮﺗﻮ ﺧﺎﻣﻮﺷﯽ ﺳﮯ ﭼﻠﮯ ﺁﻧﺎ ‘‘ ۔
ﭼﻨﺎﻧﭽﮧ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﺍﺳﯽ ﻃﺮﯾﻘﮧٔ ﮐﺎﺭ ﭘﺮ ﺛﺎﺑﺖ ﻗﺪﻡ ﺭﮨﮯ ﺍﻭﺭﺑﮍﯼ ﻣﻘﺒﻮﻟﯿﺖ ﺣﺎﺻﻞ ﮐﯽ ﻣﮕﺮ ﮐﭽﮫ ﺩﻧﻮﮞ ﮐﮯ ﺑﻌﺪ ﺍﻧﮩﯿﮞﺎﻧﺪﺍﺯﮦ ﮨﻮﺍ ﮐﮧ ﺑﺎﺕ ﮐﭽﮫ ﺑﮕﮍﻧﮯ ﮐﺎ ﺍﻧﺪﯾﺸﮧ ﮨﮯ ﺗﻮ ﺧﺎﻣﻮﺷﯽ ﺳﮯ ﭼﻠﮯ ﺁﺋﮯ ﺍﻭﺭﺣﻀﺮﺕ ﺳﮯ ﭘﻮﺭﯼ ﺻﻮﺭﺕ ﺣﺎﻝ ﺫﮐﺮ ﮐﺮﺩﯼ ﺣﻀﺮﺕ ﻧﮯ ﺍﺳﮯ ﭘﺴﻨﺪ ﮐﯿﺎ۔
ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﮐﻮ ﺍﭘﻨﮯ ﺗﻼﻣﺬﮦ ﺍﻭﺭﻣﺘﻌﻠﻘﯿﻦ ﮐﯽ ﺗﺮﺑﯿﺖ ﮐﺎ ﺑﮍﺍﻣﻠﮑﮧ ﺗﮭﺎ ﻭﮦ ﺑﮩﺖ ﺷﻔﯿﻖ ﻭﻣﮩﺮﺑﺎﻥ ﺗﮭﮯ ﺍﻥ ﮐﮯ ﻃﻠﺒﮧ ﺍﻥ ﮐﯽ ﻣﺤﺒﺖ ﻣﯿﮟ ﺍﻭﺭﺍﻥ ﮐﮯ ﺭﻧﮓ ﻣﯿﮟ ﺍﺗﻨﮯ ﭘﺨﺘﮧ ﮨﻮﺗﮯ ﮨﯿﮟ ﮐﮧ ﺍﺱ ﮐﯽ ﻣﺜﺎﻝ ﻣﻠﻨﯽ ﻣﺸﮑﻞ ﮨﮯ ،ﺍﭘﻨﮯ ﻋﻼﻗﮧ ﺍﻭﺭﮔﺎﺅﮞ ﻣﯿﮟ ﺭﮦ ﮐﺮ ﺍﻧﮩﻮﮞ ﻧﮯ ﺟﺲ ﻣﺤﺒﺖ ﺍﻭﺭﺩﻝ ﺳﻮﺯﯼ ﺳﮯ ﻟﻮﮔﻮﮞ ﮐﯽ ﺗﺮﺑﯿﺖ ﮐﯽ ﮨﮯ ﺍﺱ ﮐﺎ ﺍﺛﺮ ﯾﮧ ﮨﮯ ﮐﮧ ﺍﺗﺮﺍﺅﮞ ﮐﮯ ﻟﻮﮒ ﻧﮩﺎﯾﺖ ﻣﮩﺬﺏ ﺍﻭﺭﺷﺎﺋﺴﺘﮧ ﮨﯿﮟ ،ﻋﻠﻤﺎﺀ ﮐﮯ ﺑﮍﮮ ﻗﺪﺭ ﺩﺍﻥ ،ﺍﻥ ﮐﮯ ﺳﺎﻣﻨﮯ ﺍﺩﺏ ﻭﺗﻮﺍﺿﻊ ﮐﺎ ﺑﮩﺘﺮﯾﻦ ﻣﻠﮑﮧ ﺭﮐﮭﺘﮯ ﮨﯿﮟ ﻣﻮﻻﻧﺎ ﻋﺒﺪ ﺍﻟﺮﺣﻤﻦ ﺻﺎﺣﺐ ﺟﺎﻣﯽؒ ﮐﯽ ﺷﮩﺎﺩﺕ ﯾﮩﺎﮞ ﻧﻘﻞ ﮐﺮﺗﺎ ﭼﻠﻮﮞ،ﺣﻀﺮﺕ ﻣﺼﻠﺢ ﺍﻻﻣﺖ ؒ ﮐﮯ ﺣﺎﻻﺕ ﮐﮯ ﺿﻤﻦ ﻣﯿﮟ ﻟﮑﮭﺘﮯ ﮨﯿﮟ ﮐﮧ ’’ ﺣﻀﺮﺕ ﻭﺍﻻ ﺳﮯ ﺗﻌﻠﻖ ﺳﮯ ﮨﯽ ﻋﻤﻮﻣﺎً ﺍﻭﺭﺑﺎﻟﺨﺼﻮﺹ ﺣﻀﺮﺕ ﺍﻗﺪﺱ ﮐﮯ ﺍﻟﮧ ﺁﺑﺎﺩ ﻣﯿﮟ ﻗﯿﺎﻡ ﻓﺮﻣﺎﻧﮯ ﮐﮯ ﺑﻌﺪﺳﮯ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﮐﺎﺟﺬﺑﮧٔ ﺍﺧﻼﺹ ﺑﮭﯽ ﺗﺮﻗﯽ ﮐﺮﺗﺎ ﺭﮨﺎ ﺍﻭﺭﺍﺳﯽ ﮐﮯ ﺑﻌﺪﺣﻀﺮﺕ ﺍﻗﺪﺱ ﮐﮯ ﺳﺎﺗﮫ ﺍﻥ ﮐﺎ ﺗﻌﻠﻖ ﺑﮭﯽ ﺑﮍﮬﺘﺎ ﮔﯿﺎ ،ﭼﻨﺎﻧﭽﮧ ﺣﻀﺮﺕ ﻭﺍﻻ ﮐﺒﮭﯽ ﮐﺒﮭﯽ ﻣﻮﻟﻮﯼ ﻣﺤﻤﺪ ﻓﺎﺭﻭﻕ ﺻﺎﺣﺐ ﮐﮯ ﺗﻌﻠﻖ ﮐﮯ ﻟﺤﺎﻅ ﺳﮯ ﺍﺗﺮﺍﺅﮞ ﺑﮭﯽ ﺗﺸﺮﯾﻒ ﻟﮯ ﺟﺎﻧﮯ ﻟﮕﮯ ،ﮐﺒﮭﯽ ﺧﻮﺩ ﻣﻮﻟﻮﯼ ﻣﺤﻤﺪ ﻓﺎﺭﻭﻕ ﺻﺎﺣﺐ ﺑﮭﯽ ﺩﺭﺧﻮﺍﺳﺖ ﮐﺮﺗﮯ ﺍﻭﺭﮨﻤﺮﺍﮦ ﮨﻮﺟﺎﺗﮯ ، ﮐﺒﮭﯽ ﺍﯾﺴﺎ ﺑﮭﯽ ﮨﻮﺗﺎ ﮐﮧ ﺣﻀﺮﺕ ﺍﭨﮭﺘﮯ ﺍﻭﺭﻣﻮﻟﻮﯼ ﻋﺒﺪ ﺍﻟﻤﺠﯿﺪ ﺻﺎﺣﺐ ﮐﺎ ﯾﺎ ﮐﺴﯽ ﺍﻭﺭﮐﺎ ﮨﺎﺗﮫ ﭘﮑﮍﺗﮯ ﺍﻭﺭﻓﺮﻣﺎﺗﮯ ﭼﻠﻮ ﺍﺗﺮﺍﺅﮞ ﭼﻠﯿﮟ،ﻏﺮﺽ ﺣﻀﺮﺕ ﺍﻗﺪﺱ ﮐﮯ ﺍﺱ ﻃﺮﺡ ﺍﭼﺎﻧﮏ ﭘﮩﻮﻧﭻ ﺟﺎﻧﮯ ﺳﮯ ﻭﮨﺎﮞ ﻋﯿﺪ ﮨﻮﺟﺎﻧﮯ ﮐﺎ ﻣﻨﻈﺮ ﻣﻮﻟﻮﯼ ﺻﺎﺣﺐ ﺍﮐﺜﺮ ﺑﯿﺎﻥ ﮐﺮﺗﮯ ﺗﮭﮯ ﭼﻮﻧﮑﮧ ﯾﮩﺎﮞ ﮐﮯ ﻋﻮﺍﻡ ﺑﮭﯽ ﻣﻮﻟﻮﯼ ﺻﺎﺣﺐ ﮐﮯ ﺗﺮﺑﯿﺖ ﯾﺎﻓﺘﮧ ﺗﮭﮯ ﺍﻭﺭﻃﻠﺒﮧ ﺗﻮ ﻣﺎﺷﺎﺀ ﺍﻟﻠﮧ ﺑﮩﺖ ﮨﯽ ﻣﮩﺬﺏ ﺍﻭﺭﻓﮩﯿﻢ ﺗﮭﮯ ﺍﺱ ﻟﺌﮯ ﺣﻀﺮﺕ ﮐﻮ ﯾﮩﺎﮞ ﺑﮩﺖ ﺁﺭﺍﻡ ﻣﻠﺘﺎ ﭘﮭﺮ ﻣﺎ ﺷﺎﺀ ﺍﻟﻠﮧ ﺍﻥ ﺳﺐ ﭘﺮ ﻣﻮﻟﻮﯼ ﺻﺎﺣﺐ ﮐﺎ ﺣﺴﻦ ﺍﻧﺘﻈﺎﻡ ﺟﺴﮯ ﻣﻮﻟﻮﯼ ﺻﺎﺣﺐ ﻣﻮﺻﻮﻑ ﻧﮯ ﺣﻀﺮﺕ ﺗﮭﺎﻧﻮﯼ ﮐﮯ ﺣﺎﻻﺕ ﻭﻣﻠﻔﻮﻇﺎﺕ ﺍﻭﺭﺧﻮﺩ ﺍﭘﻨﮯ ﺣﻀﺮﺕ ﮐﯽ ﺗﺮﺑﯿﺖ ﺳﮯ ﺳﯿﮑﮭﺎ ﺗﮭﺎ ﯾﮧ ﺍﻭﺭﺣﻀﺮﺕ ﮐﮯ ﻟﺌﮯ ﺭﺍﺣﺖ ﺭﺳﺎﮞ ﺛﺎﺑﺖ ﮨﻮﺗﮯ ،ﭼﻨﺎﻧﭽﮧ ﺟﺎﻧﮯ ﮐﻮ ﺗﻮ ﺣﻀﺮﺕ ﻣﺘﻌﺪﺩ ﺟﮕﮧ ﺗﺸﺮﯾﻒ ﻟﮯ ﮔﺌﮯ ﻟﯿﮑﻦ ﺍﻟﮧ ﺁﺑﺎﺩ ﺳﮯ ﮐﮩﯿﮟ ﺑﺎﮨﺮ ﺟﺎﻧﮯ ﮐﺎ ﻣﻘﺼﺪ ﯾﮩﯿﮟ ﺣﺎﺻﻞ ﮨﻮﺗﺎ ﺗﮭﺎ ﺍﺳﯽ ﺑﻨﺎﺀ ﭘﺮ ﮐﺒﮭﯽ ﮐﺒﮭﯽ ﯾﮧ ﻓﺮﻣﺎﺩﯾﺎ ﮐﺮﺗﮯ ﺗﮭﮯ ﮐﮧ ’’ ﻣﻮﻟﻮﯼ ﻣﺤﻤﺪ !ﻣﯿﮟ ﻧﮯ ﺍﻟﮧ ﺁﺑﺎﺩ ﻣﯿﮟ ﮔﮭﺮﻟﮯ ﻟﯿﺎ ﮨﮯ ﺍﮔﺮ ﮐﮩﯿﮟ ﺩﯾﮩﺎﺕ ﻣﯿﮟ ﺭﮨﻨﮯ ﮐﺎ ﺍﺭﺍﺩﮦ ﮨﻮ ﺍ ﺗﻮ ﯾﮩﯿﮟ ﺍﺗﺮﺍﺅﮞ ﻣﯿﮟ ﮔﮭﺮ ﺑﻨﻮﺍﺅﮞ ﮔﺎ ۔
ﻏﺮﺽ ﯾﮩﺎﮞ ﺩﯾﮩﺎﺕ ﮐﮯ ﺳﮑﻮﻥ ﮐﮯ ﻋﻼﻭﮦ ﻃﻠﺒﮧ ﮐﺎ ﻣﺠﻤﻊ ﺍﻭﺭﻣﺘﺸﺮﻉ ﺻﻮﺭﺕ ﺍﻧﺴﺎﻧﻮ ﮞ ﮐﺎ ﺍﺟﺘﻤﺎﮞ ،ﻣﻮﻟﻮﯼ ﻣﺤﻤﺪ ﻓﺎﺭﻭﻕ ﺻﺎﺣﺐ ﮐﺎ ﺣﺴﻦ ﻧﻈﻢ ،ﻟﻮﮔﻮﮞ ﮐﺎ ﺍﯾﺜﺎﺭ،ﺍﻥ ﺳﺎﺭﯼ ﭼﯿﺰﻭﮞﻨﮯ ﺍﺱ ﺑﺴﺘﯽ ﮐﮯ ﻗﯿﺎﻡ ﮐﻮ ﻣﻮﺯﻭﮞﻮﺭﺍﺣﺖ ﺭﺳﺎﮞ ﺑﻨﺎﺩﯾﺎ ﺗﮭﺎ ۔
ﺣﺎﻻﺕ ﻣﺼﻠﺢ ﺍﻻﻣﺖ ﺝ۔۲،ﺹ۲۷۲ ‏)
‏( ﺟﺎﺭﯼ ‏)
ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺍﻟﮧ ﺁﺑﺎﺩﯼ
ﻣﻮﻻﻧﺎﺍﻋﺠﺎﺯ ﺍﺣﻤﺪﺍﻋﻈﻤﯽ
4
ﺍﯾﮏ ﺑﺎﺭ ﺩﺍﺭﺍﻟﻌﻠﻮﻡ ﺩﯾﻮﺑﻨﺪ ﮐﮯ ﻣﮩﺘﻤﻢ ﺣﮑﯿﻢ ﺍﻻﺳﻼﻡ ﻣﻮﻻﻧﺎ ﻗﺎﺭﯼ ﻣﺤﻤﺪ ﻃﯿﺐ ﺻﺎﺣﺐ ﻧﻮﺭﺍﻟﻠﮧ ﻣﺮﻗﺪﮦ ﻧﮯ ﺣﻀﺮﺕ ﻣﺼﻠﺢ ﺍﻻﻣﺖ ﻗﺪﺱ ﺳﺮﮦ ﺳﮯ ﻣﻼﻗﺎﺕ ﮐﺮﻧﯽ ﭼﺎﮨﯽ ﺗﻮ ﺣﻀﺮﺕ ﻧﮯ ﻣﻼﻗﺎﺕ ﮐﺎ ﺍﻧﺘﻈﺎﻡ ﺍﺗﺮﺍﺅﮞ ﻣﯿﮟ ﮐﯿﺎ ،ﺗﺎﮐﮧ ﺍﻟﮧ ﺁﺑﺎﺩ ﮐﯽ ﺑﮭﯿﮍ ﺑﮭﺎﮌﺳﮯ ﺍﻟﮓ ﯾﮑﺴﻮﺋﯽ ﺳﮯ ﻣﻼﻗﺎﺕ ﮨﻮﺳﮑﮯ ،ﭼﻨﺎﻧﭽﮧ ﻣﻮﻻﻧﺎﻣﺤﻤﺪ ﻓﺎﺭﻭﻕ ﺻﺎﺣﺐ ﻋﻠﯿﮧ ﺍﻟﺮﺣﻤﮧ ﮐﮯ ﯾﮩﺎﮞ ﻭﮦ ﺗﺸﺮﯾﻒ ﻻﺋﮯ ﺍﻭﺭﻭﮨﺎﮞ ﮐﮯ ﺣﺴﻦِ ﺍﻧﺘﻈﺎﻡ ﺳﮯ ﺑﮩﺖ ﻣﺘﺎﺛﺮﮨﻮﺋﮯ ۔
ﺍﺗﺮﺍﺅﮞ ﺍﻭﺭﺍﺱ ﮐﮯ ﺁﺱ ﭘﺎﺱ ﮐﯽ ﺁﺑﺎﺩﯾﺎﮞ ﺯﯾﺎﺩﮦ ﺗﺮ ﺍﮨﻞ ﺑﺪﻋﺖ ﭘﺮ ﻣﺸﺘﻤﻞ ﮨﯿﮟ،ﻭﮦ ﺑﮍﮮ ﺳﺨﺖ ﻗﺴﻢ ﮐﮯ ﺍﮨﻞ ﺑﺪﻋﺖ ﺗﮭﮯ ،ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﻧﮯ ﺍﻧﮩﯿﮟ ﮐﮯ ﺩﺭﻣﯿﺎﻥ ﺭﮦ ﮐﺮ ﮐﺎﻡ ﮐﯿﺎ،ﻣﻨﺎﻇﺮﮮ ﮐﺌﮯ ،ﺗﺒﻠﯿﻐﯽ ﺩﻭﺭﮮ ﮐﺌﮯ ، ﻭﻋﻆ ﻭﺗﻘﺮﯾﺮﮐﮯ ﺫﺭﯾﻌﮯ ﻟﻮﮔﻮﮞ ﮐﻮ ﺑﯿﺪﺍ ﺭ ﮐﯿﺎ ،ﺑﺪﻋﺖ ﺳﮯ ﺩﻭﺭﺍﻭﺭﺳﻨﺖ ﮐﮯ ﻗﺮﯾﺐ ﮐﺮﻧﮯ ﮐﯽ ﺍﻧﺘﮭﮏ ﺟﺪﻭﺟﮩﺪﮐﯽ ﺍﻭﺭﺑﺤﻤﺪ ﺍﻟﻠﮧ ﺍﺱ ﻣﯿﮟ ﮐﺎﻣﯿﺎﺏ ﺭﮨﮯ ،ﻭﮦ ﺍﺱ ﻋﻼﻗﮧ ﮐﮯ ﻣﻌﺘﻤﺪﻋﻠﯿﮧ ﻋﺎﻟﻢ ﺗﮭﮯ ﺍﻧﮩﻮﮞ ﻧﮯ ﺍﭘﻨﮯ ﺩﺍﺋﺮﮦ ﮐﻮ ﺯﯾﺎﺩﮦ ﻭﺳﯿﻊ ﻧﮩﯿﮟ ﮐﯿﺎ ،ﺍﯾﮏ ﺣﻠﻘﮯ ﻣﯿﮟ ﺭﮦ ﮐﺮ ﮐﺎﻡ ﮐﯿﺎ ﺍﻭﺭﭘﺨﺘﮧ ﮐﺎﻡ ﮐﯿﺎ ۔
ﺍﻟﮧ ﺁﺑﺎﺩ ﻣﯿﮟ ﺳﻨﺎ ﮐﺮﺗﮯ ﺗﮭﮯ ﮐﮧ ﺳﯿﺪ ﺁﺑﺎﺩ ﺍﺳﭩﯿﺸﻦ ﭘﺮ ﮔﺮ ﮐﻮﺋﯽ ﻣﻮﻟﻮﯼ ﯾﺎ ﻣﻮﻟﻮﯼ ﺻﻮﺭﺕ ﺁﺩﻣﯽ ﭨﺮﯾﻦ ﺳﮯ ﺍﺗﺮﺗﺎ ﮨﮯ ﺗﻮ ﻓﻮﺭﺍًﮐﺌﯽ ﺁﺩﻣﯽ ﻟﭙﮑﮯ ﮨﻮﺋﮯ ﺁﺗﮯ ﮨﯿﮟ ﺍﺱ ﮐﺎ ﺍﺳﺘﻘﺒﺎﻝ ﮐﺮﺗﮯ ﮨﯿﮟ ﺍﮔﺮ ﺍﺳﮯ ﺍﺗﺮﺍﺅﮞ ﺟﺎﻧﺎ ﮨﻮﺗﺎ ﮨﮯ ﺗﻮ ﺍﺱ ﮐﺎ ﺍﻧﺘﻈﺎﻡ ﮐﺮﺗﮯ ﮨﯿﮟ ﯾﺎ ﺍﻭﺭﮐﮩﯿﮟ ﺟﺎﻧﺎ ﮨﻮ ﺗﻮﺍﺱ ﮐﯽ ﻣﺪﺩ ﮐﺮﺗﮯ ﮨﯿﮟ ﺍﯾﮏ ﻣﺮﺗﺒﮧ ﺧﺎﻧﻘﺎﮦ ﻭﺻﯽ ﺍﻟﻠٰﮩﯽ ﮐﮯ ﮐﺌﯽ ﺍﻓﺮﺍﺩﻧﮯ ﺟﻦ ﻣﯿﮟ ﺣﻘﯿﺮﺑﮭﯽ ﺷﺎﻣﻞ ﺗﮭﺎ ﺍﻭﺭﺳﺎﻻﺭ ﻗﺎﻓﻠﮧ ﻣﻮﻻﻧﺎ ﻋﺒﺪ ﺍﻟﺮﺣﻤﻦ ﺟﺎﻣﯽ ﺗﮭﮯ ،ﺍﭼﺎﻧﮏ ﺍﺗﺮﺍﺅﮞ ﭼﻠﻨﮯ ﮐﺎ ﭘﺮﻭﮔﺮﺍﻡ ﺑﻨﺎﯾﺎ،ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﮐﻮ ﺋﯽ ﺫﺭﯾﻌﮧ ﻧﮧ ﮨﻮﻧﮯ ﮐﯽ ﻭﺟﮧ ﺳﮯ ﺍﻃﻼﻉ ﻧﮧ ﮐﺮﺳﮑﮯ ،ﺍﻟﮧ ﺁﺑﺎﺩ ﺳﮯ ﭨﺮﯾﻦ ﭘﺮ ﺳﻮﺍﺭ ﮨﻮﺋﮯ ﺍﻭﺭﺟﻮﻧﮩﯽ ﺳﯿﺪ ﺁﺑﺎﺩﺍﺳﭩﯿﺸﻦ ﭘﺮ ﭨﺮﯾﻦ ﺭُﮐﯽ ، ﮨﻢ ﻟﻮﮒ ﺍﺑﮭﯽ ﭘﻠﯿﭧ ﻓﺎﺭﻡ ﭘﺮ ﻗﺪﻡ ﺭﮐﮫ ﮨﯽ ﺭﮨﮯ ﺗﮭﮯ ﮐﮧ ﮐﺌﯽ ﻟﻮﮔﻮﮞ ﻧﮯ ﺁﮐﺮﮔﮭﯿﺮ ﻟﯿﺎ،ﺳﺎﻣﺎﻥ ﮨﺎﺗﮭﻮﮞ ﺳﮯ ﻟﮯ ﻟﯿﺎ ،ﺟﺎﻣﯽ ﺻﺎﺣﺐ ﮐﻮ ﺗﻮ ﯾﮧ ﻟﻮﮒ ﭘﮩﭽﺎﻧﺘﮯ ﺗﮭﮯ ،ﺑﺎﻗﯽ ﺍﻭﺭﮐﺴﯽ ﺳﮯ ﺷﻨﺎﺳﺎﺋﯽ ﻧﮧ ﺗﮭﯽ ،ﻭﺿﻊ ﻗﻄﻊ ﭘﺮ ﺩﯾﻨﺪﺍﺭﯼ ﮐﮯ ﺁﺛﺎﺭﺑﮭﯽ ﻧﮧ ﺗﮭﮯ ،ﻣﮕﺮ ﺍﺱ ﻃﺮﺡ ﺑﭽﮭﮯ ﺟﺎﺗﮯ ﺗﮭﮯ ﺟﯿﺴﮯ ﺍﻧﮩﯿﮟ ﮐﻮﺋﯽ ﻧﻌﻤﺖ ﻏﯿﺮ ﻣﺘﺮﻗﺒﮧ ﮨﺎﺗﮫ ﺁﮔﺌﯽ ﮨﻮ ،ﺍﯾﮏ ﺷﯿﮉ ﮐﯽ ﭼﮭﺖ ﻭﺍﻟﯽ ﻋﻤﺎﺭﺕ ﻣﯿﮟ ﭨﮭﮩﺮﺍﯾﺎﺟﺲ ﻣﯿﮟ ﺳﺎﺋﮑﻠﯿﮟ ﺭﮐﮭﯽ ﮨﻮﺋﯽ ﺗﮭﯿﮟ،ﮔﺮﻣﯽ ﮐﺎ ﻣﻮﺳﻢ ﺗﮭﺎ ،ﭼﻨﺪ ﺍﯾﮏ ﻧﮯ ﭘﻨﮑﮭﮯ ﺟﮭﯿﻠﻨﮯ ﺷﺮﻭﻉ ﮐﺌﮯ ،ﭘﯿﺎﺱ ﻟﮕﯽ ﺗﮭﯽ ﭘﺎﻧﯽ ﭘﻼﯾﺎ،ﻣﻌﻠﻮﻡ ﮨﻮﺍ ﮐﮧ ﯾﮧ ﻟﻮﮒ ﺍﺗﺮﺍﺅﮞ ﮨﯽ ﮐﮯ ﮨﯿﮟ،ﺍﺳﭩﯿﺸﻦ ﭘﺮ ﺳﺎﺋﯿﮑﻞ ﺍﺳﭩﯿﻨﮉﺑﻨﺎﺋﮯ ﮨﻮﺋﮯ ﮨﯿﮟ ،ﺍﻃﺮﺍﻑ ﺳﮯ ﻟﻮﮒ ﺍﺳﭩﯿﺸﻦ ﭘﺮ ﺳﺎﺋﯿﮑﻠﻮﮞ ﺳﮯ ﺁﺗﮯ ﮨﯿﮟ ﺍﻭﺭﺳﺎﺋﯿﮑﻞ ﺟﻤﻊ ﮐﺮﺩﯾﺘﮯ ﮨﯿﮟ ﭘﮭﺮ ﭨﺮﯾﻦ ﺳﮯ ﯾﺎ ﺑﺲ ﺳﮯ ﺟﮩﺎﮞ ﺟﺎﻧﺎ ﮨﻮﺗﺎ ﮨﮯ ﭼﻠﮯ ﺟﺎﺗﮯ ﮨﯿﮟ ،ﭘﮭﺮ ﻟﻮﭨﺘﮯ ﻭﻗﺖ ﻭﺍﭘﺲ ﻟﮯ ﻟﯿﺘﮯ ﮨﯿﮟ ﺍﻭﺭﮐﭽﮫ ﺭﻗﻢ ﮐﺮﺍﺋﮯ ﮐﯽ ﺍﺩﺍ ﮐﺮﺗﮯ ﮨﯿﮟ ﺍﻧﮩﻮﮞ ﻧﮯ ﮨﻢ ﻟﻮﮔﻮﮞ ﮐﮯ ﻟﺌﮯ ﯾﮑﮧ ﮐﺎ ﺍﻧﺘﻈﺎﻡ ﮐﯿﺎ ﺍﻭﺭﮨﻢ ﻟﻮﮒ ﺁﺭﺍﻡ ﺳﮯ ﺍﺗﺮﺍﺅﮞ ﭘﮩﻮﻧﭻ ﮔﺌﮯ ،ﻭﮨﺎﮞ ﻟﻮﮔﻮﮞ ﮐﮯ ﻣﻠﻨﮯ ﮐﺎ ﺍﻧﺪﺍﺯﺳﺮﺍﭘﺎﺍﺩﺏ ﻭﺗﻮﺍﺿﻊ ﮐﺎ ﺗﮭﺎ ،ﻣﮩﻤﺎﻥ ﮐﯽ ﺭﺍﺣﺖ ﮐﺎ ﮨﺮ ﺍﻧﺘﻈﺎ ﻡ ﺗﮭﺎ ،ﻣﮩﻤﺎﻥ ﮐﯽ ﻣﺮﺿﯽ ﺍﻭﺭﺭﺍﺣﺖ ﮐﮯ ﻣﻄﺎﺑﻖ ﻭﮦ ﺧﻮﺩﮐﻮ ﮈﮬﺎﻟﺘﮯ ،ﻣﮩﻤﺎﻥ ﮐﻮ ﺍﭘﻨﯽ ﻣﺮﺿﯽ ﭘﺮ ﺑﺎﻟﮑﻞ ﻧﮧ ﭼﻼﺗﮯ ،ﺑﮩﺖ ﺟﯽ ﻟﮕﺎ ﻭﮨﺎﮞ ﭘﺮ !
ﺍﻥ ﮐﯽ ﻣﺤﻨﺖ ﺍﻭﺭﮐﺎﻡ ﮐﯽ ﺑﺮﮐﺖ ﮐﺎ ﺍﻧﺪﺍﺯﮦ ﮐﺮﻧﺎ ﮨﻮ ﺗﻮ ﻣﻮﻻﻧﺎ ﻋﺒﺪ ﺍﻟﺮﺣﻤﻦ ﺻﺎﺣﺐ ﺟﺎﻣﯽ ﺭﺣﻤۃ ﺍﻟﻠﮧ ﻋﻠﯿﮧ ﮐﺎ ﺑﯿﺎﻥ ﭘﮍﮬﺌﮯ ، ﺟﺴﮯ ﺍﻧﮩﻮﮞ ﻧﮯ ﺣﺎﻻﺕ ﻣﺼﻠﺢ ﺍﻻﻣﺖ ﮐﯽ ﺗﯿﺴﺮﯼ ﺟﻠﺪ ﻣﯿﮟ ﺹ۔۷ ﭘﺮ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﮐﮯ ﮨﯽ ﺣﻮﺍﻟﮯ ﺳﮯ ﺗﺤﺮﯾﺮ ﻓﺮﻣﺎﯾﺎ ﮨﮯ ﯾﮧ ﺍﺱ ﻭﻗﺖ ﮐﯽ ﺑﺎﺕ ﮨﮯ ﺟﺐ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﺗﮭﺎﻧﮧ ﺑﮭﻮﻥ ﺳﮯ ﻭﺍﭘﺲ ﺁﭼﮑﮯ ﺗﮭﮯ ﺍﻭﺭﺍﺏ ﻭﮨﺎﮞ ﺟﺎﻧﮯ ﮐﺎ ﺍﺭﺍﺩﮦ ﻧﮧ ﺗﮭﺎ،ﻣﻮﻻﻧﺎ ﺟﺎﻣﯽ ﺻﺎﺣﺐ ﻟﮑﮭﺘﮯ ﮨﯿﮞﮑﮧ
ﻣﮑﺮﻣﯽ ﻣﻮﻟﻮﯼ ﻣﺤﻤﺪ ﻓﺎﺭﻭﻕ ﺻﺎﺣﺐ ﺑﯿﺎﻥ ﮐﺮﺗﮯ ﺗﮭﮯ ﮐﮧ ﺩﻭﺳﺮﯼ ﺑﺎﺭ ﺟﺐ ﻣﯿﮟ ﺗﮭﺎﻧﮧ ﺑﮭﻮﻥ ﺳﮯ ﻭﺍﭘﺲ ﺁﯾﺎ ﺍﻭﺭﭘﮭﺮ ﺣﻀﺮﺕ ﮐﮯ ﭘﺎﺱ ﻓﺘﺢ ﭘﻮﺭﺣﺎﺿﺮ ﮨﻮﺍ ﺗﻮ ﺣﺴﻦ ﺍﺗﻔﺎﻕ ﺳﮯ ﺍﻧﮩﯿﮟ ﺩﻧﻮﮞ ﻣﻮﻻﻧﺎ ﺳﯿﺪ ﻇﮩﻮﺭﺍﻟﺤﺴﻦ ﺻﺎﺣﺐ ﮐﺴﻮﻟﻮﯼ ‏( ﺣﻀﺮﺕ ﺗﮭﺎﻧﻮﯼ ﻋﻠﯿﮧ ﺍﻟﺮﺣﻤﮧ ﮐﮯ ﻣﺮﯾﺪﻭﺣﻀﺮﺕ ﻣﺼﻠﺢ ﺍﻻﻣﺖ ﮐﮯ ﺧﻠﯿﻔﮧ ﺍﻭﺭﺧﺎﻧﻘﺎﮦ ﺍﺷﺮﻓﯿﮧ ﺗﮭﺎﻧﮧ ﺑﮭﻮﻥ ﮐﮯ ﻣﮩﺘﻤﻢ ‏) ﺑﮭﯽ ﺗﺸﺮﯾﻒ ﻻﺋﮯ ﺗﮭﮯ ﺍﻧﮩﻮﮞ ﻧﮯ ﻣﯿﺮﮮ ﻣﺘﻌﻠﻖ ﺣﻀﺮﺕ ﺳﮯ ﮐﭽﮫ ﮐﮩﺎ ﮨﻮﮔﺎ ﺍﻭﺭﺷﺎﯾﺪ ﯾﮧ ﺑﮭﯽ ﺧﻮﺍﮨﺶ ﻇﺎﮨﺮ ﻓﺮﻣﺎﺋﯽ ﮨﻮ ﮐﮧ ﻓﺎﺭﻭﻕ ﮐﯽ ﻭﮨﺎﮞ ﺿﺮﻭﺭﺕ ﮨﮯ ﺍﻥ ﺳﮯ ﻭﮨﺎﮞ ﮐﮯ ﻟﻮﮒ ﺧﻮﺵ ﺍﻭﺭﻣﻄﻤﺌﻦ ﮨﯿﮟ ﻟﻮﮔﻮﮞ ﮐﻮ ﻧﻔﻊ ﮨﻮﺭﮨﺎ ﺗﮭﺎ ﯾﮧ ﺗﻮ ﻣﻌﻠﻮﻡ ﻧﮩﯿﮟ ﮐﮧ ﺣﻀﺮﺕ ﻭﺍﻻ ﻧﮯ ﺍﻥ ﮐﻮ ﮐﯿﺎ ﺟﻮﺍﺏ ﺩﯾﺎﺑﮩﺮﺣﺎﻝ ﻣﯿﺮﺍ ﻋﻨﺪﯾﮧ ﭼﻮﻧﮑﮧ ﺣﻀﺮﺕ ﮐﻮ ﻣﻌﻠﻮﻡ ﮨﻮﭼﮑﺎ ﺗﮭﺎ ﺍﺱ ﻟﺌﮯ ﺣﻀﺮﺕ ﻧﮯ ﺍﭘﻨﯽ ﺧﺪﺍﺩﺍﺩﺑﺼﯿﺮﺕ ﺳﮯ ﯾﮧ ﺳﻮﭼﺎﮐﮧ ﺍﯾﺴﯽ ﮐﻮﺋﯽ ﺻﻮﺭﺕ ﭘﯿﺪﺍ ﮨﻮﺟﺎﺋﮯ ﮐﮧ ﻣﺠﮭﮯ ﺍﻧﮑﺎﺭ ﻧﮧ ﮐﺮﻧﺎ ﭘﮍﮮ ،ﺑﻠﮑﮧ ﻣﻮﻟﻮﯼ ﻇﮩﻮﺭﺍﻟﺤﺴﻦ ﺻﺎﺣﺐ ﺧﻮﺩﮨﯽ ﻣﻮﻟﻮﯼ ﻣﺤﻤﺪ ﻓﺎﺭﻭﻕ ﮐﻮﻭﮨﺎﮞ ﻟﯿﺠﺎﻧﺎ ﻣﻨﺎﺳﺐ ﻧﮧ ﺳﻤﺠﮭﯿﮟ ﺗﻮ ﺑﮩﺘﺮ ﮨﮯ ،ﭼﻨﺎﻧﭽﮧ ﻣﻮﻟﻮﯼ ﻓﺎﺭﻭﻕ ﺻﺎﺣﺐ ﮐﻮ ﺗﻨﮩﺎﺑﻼﮐﺮ ﺍﻥ ﺳﮯ ﯾﮧ ﻓﺮﻣﺎﯾﺎ ﮐﮧ ﺗﻢ ﻣﮑﺎﻥ ﻭﺍﭘﺲ ﺟﺎﺭﮨﮯ ﮨﻮ۔ ﻣﻮﻟﻮﯼ ﻇﮩﻮﺭﺻﺎﺣﺐ ﮐﻮ ﺑﮭﯽ ﺍﭘﻨﮯ ﻭﻃﻦ ﺍﻟﮧ ﺁﺑﺎﺩ ﻟﮯ ﺟﺎﺅ۔ﭘﮭﺮ ﻭﮦ ﺍﺩﮬﺮ ﺳﮯ ﺗﮭﺎﻧﮧ ﺑﮭﻮﻥ ﭼﻠﮯ ﺟﺎﺋﯿﮟ ﮔﮯ ،ﻣﯿﮟ ﻧﮯ ﺍﺱ ﻭﻗﺖ ﺣﻀﺮﺕ ﻭﺍﻻ ﮐﮯ ﻣﻨﺸﺎ ﮐﻮ ﻗﻄﻌﯽ ﻧﮩﯿﮟ ﺳﻤﺠﮭﺎ ﻟﯿﮑﻦ ﺣﮑﻢ ﺗﮭﺎ ﻣﻨﻈﻮﺭﮐﺮﻟﯿﺎ ﺍﻭﺭﻣﻮﻟﻮﯼ ﺻﺎﺣﺐ ﻣﻮﺻﻮﻑ ﺳﮯ ﺍﭘﻨﯽ ﺟﺎﻧﺐ ﺳﮯ ﻋﺮﺽ ﮐﯿﺎ ﮐﮧ ﻭﺍﭘﺴﯽ ﭘﺮ ﻏﺮﯾﺐ ﺧﺎﻧﮧ ﺍﻟﮧ ﺁﺑﺎﺩ ﺗﺸﺮﯾﻒ ﻟﮯ ﭼﻠﯿﮟ ﺗﻮ ﺁﭖ ﮐﯽ ﻋﻨﺎﯾﺖ ﮨﻮﮔﯽ ﺍﺳﯽ ﻃﺮﻑ ﺳﮯ ﺗﮭﺎﻧﮧ ﺑﮭﻮﻥ ﭼﻠﮯ ﺟﺎﺋﯿﮯ ﮔﺎ ،ﺍﻧﮩﻮﮞ ﻧﮯ ﺳﻨﺘﮯ ﮨﯽ ﮐﺎﻥ ﭘﺮﮨﺎﺗﮫ ﺩﮬﺮﺍﺍﺭﮮ ﺗﻮﺑﮧ ﺗﻮﺑﮧ ﺣﻀﺮﺕ ﮐﮯ ﯾﮩﺎﮞ ﺳﮯ ﭘﺘﮧ ﮐﭩﻮﺍﺅﮔﮯ ﮐﯿﺎ ؟ﺣﻀﺮﺕ ﮐﯿﺎ ﺧﯿﺎﻝ ﻓﺮﻣﺎﺋﯿﮟ ﮔﮯ ﮐﮧ ﺍﺱ ﻃﺮﻑ ﻟﻮﮒ ﺳﯿﺮ ﮐﺮﻧﮯ ﺁﺗﮯ ﮨﯿﮟ ﺍﮔﺮ ﻓﺮﺻﺖ ﺗﮭﯽ ﺗﻮ ﻭﮦ ﺍﯾﺎﻡ ﯾﮩﯿﮟ ﮐﯿﻮﮞ ﻧﮩﯿﮟ ﮔﺰﺍﺭﮮ ؟ﻣﻮﻟﻮﯼ ﺻﺎﺣﺐ ﻧﮯ ﮐﮩﺎ ﮐﮧ ﺣﻀﺮﺕ ﻭﺍﻻ ﺳﮯ ﺍﺟﺎﺯﺕ ﻟﯿﻨﺎ ﮨﻤﺎﺭﮮ ﺫﻣﮧ ﮨﮯ ﺑﺲ ﺁﭖ ﭼﻠﻨﮯ ﮐﮯ ﻟﺌﮯ ﺗﯿﺎﺭ ﮨﻮﺟﺎﺋﯿﮯ …… ﭼﻨﺎﻧﭽﮧ ﻣﻮﻻﻧﺎ ﻇﮩﻮﺭ ﺻﺎﺣﺐ ﮐﻮ ﺍﭘﻨﮯ ﮨﻤﺮﺍﮦ ﺍﺗﺮﺍﺅﮞ ﻟﮯ ﮔﯿﺎ، ﻗﺮﺏ ﻭﺟﻮﺍﺭﻣﯿﮟ ﺍﻃﻼﻉ ﮐﺮﺍﺩﯼ ﺑﮩﺖ ﺳﮯ ﻟﻮﮒ ﻣﻠﻨﮯ ﮐﮯ ﻟﺌﮯ ﺁﺋﮯ ،ﻣﯿﮟ ﻭﻋﻆ ﮐﯽ ﻓﺮﻣﺎﺋﺶ ﮐﯽ ﻓﺮﻣﺎﯾﺎ ﺍﺭﮮ ﻣﯿﮟ ﻭﻋﻆ ﮐﮩﺎﮞ ﮐﮩﺘﺎ ﮨﻮﮞ ﻣﯿﮟ ﻧﮯ ﮐﮩﺎﺩﻭ ﭼﺎﺭ ﻣﻨﭧ ﮐﭽﮫ ﻓﺮﻣﺎﺩﯾﺠﺌﮯ ،ﺑﺎﻗﯽ ﻭﻗﺖ ﻣﯿﮟ ﮐﮩﮧ ﺩﻭﮞ ﮔﺎ ،ﭼﻨﺎﻧﭽﮧ ﻣﻮﻻﻧﺎ ﻧﮯ ﻭﻋﻆ ﻓﺮﻣﺎﯾﺎ ﺍﻭﺭﺍﭼﮭﺎ ﻭﻋﻆ ﮐﮩﺎ ﺍﻭﺭﻣﺠﮫ ﺳﮯ ﻓﺮﻣﺎﯾﺎ ﻣﺎﺷﺎﺀ ﺍﻟﻠﮧ ﯾﮩﺎﮞ ﺗﻮ ﺁﭖ ﻧﮯ ﺑﮍﺍ ﮨﯽ ﺍﭼﮭﺎ ﻣﺎﺣﻮﻝ ﭘﯿﺪﺍ ﮐﺮﺭﮐﮭﺎ ﮨﮯ ﭘﮩﻠﮯ ﻣﯿﺮﺍ ﺑﮭﯽ ﺧﯿﺎﻝ ﺗﮭﺎ ﮐﮧ ﺑﺎﺻﺮﺍﺭ ﺁﭖ ﮐﻮ ﺗﮭﺎﻧﮧ ﺑﮭﻮﻥ ﺑﻼﺅﮞ ﮔﺎﻟﯿﮑﻦ ﯾﮩﺎﮞ ﮐﺎﮐﺎﻡ ﺩﯾﮑﮫ ﮐﺮ ﺍﺏ ﺁ ﭖ ﮐﻮ ﻭﮨﺎ ﮞ ﺗﮑﻠﯿﻒ ﺩﯾﻨﺎ ﻇﻠﻢ ﮨﮯ ﺍﻭﺭ ﺍﯾﮏ ﺟﮕﮧ ﺍﺟﺎﮌﮐﺮﺩﻭﺳﺮﯼ ﺟﮕﮧ ﮐﻮ ﺁﺑﺎﺩ ﮐﺮﻧﮯ ﮐﮯ ﻣﺮﺍﺩﻑ ﮨﮯ ﺑﺎﻟﮑﻞ ﻧﮩﯿﮟ،ﺁﭖ ﮐﻮ ﯾﮩﯿﮟ ﮐﺎﻡ ﮐﺮﻧﺎ ﭼﺎﮨﯿﮯ ﺍﻭﺭﺍﺗﻨﺎ ﮐﺎﻡ ﺟﻮ ﯾﮩﺎﮞ ﺩﯾﮑﮫ ﺭﮨﺎ ﮨﻮﮞ ﺷﺎﯾﺪ ﻭﮨﺎﮞ ﺑﺮﺳﻮﮞ ﮐﮯ ﺑﻌﺪ ﺑﮭﯽ ﻧﮧ ﮨﻮﺳﮑﮯ -
‏( ﺟﺎﺭﯼ ‏)
ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺍﻟﮧ ﺁﺑﺎﺩﯼ
ﻣﻮﻻﻧﺎﺍﻋﺠﺎﺯ ﺍﺣﻤﺪﺍﻋﻈﻤﯽ
5
ﺍﺱ ﻭﻗﺖ ﻣﯿﺮﯼ ﺳﻤﺠﮫ ﻣﯿﮟ ﺁﯾﺎ ﮐﮧ ﺣﻀﺮﺕ ﺍﻗﺪﺱ ﻧﮯ ﮐﯿﻮﮞ ﻣﻮﻟﻮﯼ ﺻﺎﺣﺐ ﻣﻮﺻﻮﻑ ﮐﻮ ﺍﺗﺮﺍﺅﮞ ﺟﺎﻧﮯ ﮐﯿﻠﺌﮯ ﻓﺮﻣﺎﯾﺎ ﺗﮭﺎ ،ﺍﺱ ﻭﺍﻗﻌﮧ ﺳﮯ ﻧﺎﻇﺮﯾﻦ ﮐﻮ ﺍﻧﺪﺍﺯﮦ ﮨﻮﮔﯿﺎ ﮨﻮﮔﺎﮐﮧ ﺣﻀﺮﺕ ﮐﻮ ﮐﺲ ﺩﺭﺟﮧ ﻣﻮﻟﻮﯼ ﻣﺤﻤﺪ ﻓﺎﺭﻭﻕ ﺻﺎﺣﺐ ﭘﺮ ﺍﻋﺘﻤﺎﺩ ﺗﮭﺎ ﺍﻭﺭﺣﻀﺮﺕ ﺍﻥ ﺳﮯ ﮐﺲ ﻗﺪﺭ ﻣﻄﻤﺌﻦ ﺗﮭﮯ ۔ ‏( ﺣﺎﻻﺕ ﻣﺼﻠﺢ ﺍﻻﻣﺖ ﺝ۔۳ﺹ۔۷ ‏)
ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﻋﻠﻢ ﻭﻣﻄﺎﻟﻌﮧ ﮐﮯ ﺑﮍﮮ ﺷﯿﺪﺍﺋﯽ ﺗﮭﮯ ﺟﻮﺑﮭﯽ ﺍﭼﮭﯽ ﺍﻭﺭﻣﻌﯿﺎﺭﯼ ﮐﺘﺎﺏ ﻣﻠﺘﯽ ﺍﺳﮯ ﺍﺯﺍﻭﻝ ﺗﺎ ﺁﺧﺮﻏﻮﺭﺳﮯ ﭘﮍﮬﺘﮯ ،ﺍﺱ ﺳﻠﺴﻠﮧ ﻣﯿﮟ ﺍﻧﮩﯿﮟ ﻗﺪﯾﻢ ﻣﺤﻘﻘﯿﻦ ﮐﯽ ﮐﺘﺎﺑﻮﮞﺴﮯ ﺯﯾﺎﺩﮦ ﻟﮕﺎﺅﺗﮭﺎ ،ﻣﺎﻟﯽ ﺣﺎﻟﺖ ﺑﮩﺖ ﺑﮩﺘﺮ ﻧﮧ ﺗﮭﯽ ﺍﺱ ﻟﺌﮯ ﺑﯿﺶ ﻗﯿﻤﺖ ﮐﺘﺎﺑﯿﮟ ﺧﺮﯾﺪ ﻧﮩﯿﮟ ﺳﮑﺘﮯ ﺗﮭﮯ ﺗﻮ ﺍﺱ ﮐﺎ ﺣﻞ ﺍﻧﮩﻮﮞ ﻧﮯ ﯾﮧ ﻧﮑﺎﻻﮐﮧ ﺟﻦ ﮐﺘﺎﺑﻮﮞ ﮐﺎ ﮨﻮﻧﺎ ﺍﭘﻨﮯ ﭘﺎﺱ ﻭﮦ ﺿﺮﻭﺭﯼ ﺳﻤﺠﮭﺘﮯ ﺗﮭﮯ ﺍﻧﮩﯿﮞﻤﺤﻨﺖ ﮐﺮﮐﮯ ﭘﻮﺭﯼ ﻧﻘﻞ ﮐﺮﻟﯿﺘﮯ ﺗﮭﮯ ،ﺍﻣﺎﻡ ﺷﺎﻃﺒﯽ ؒ ﮐﯽ ’’ ﺍﻻﻋﺘﺼﺎﻡ ‘‘ ﮐﯽ ﺍﻧﮩﯿﮟ ﺑﮍﯼ ﺿﺮﻭﺭﺕ ﺗﮭﯽ ،ﺍﺱ ﻭﻗﺖ ﯾﮧ ﮐﺘﺎﺏ ﻋﺎﻡ ﻧﮩﯿﮟ ﮨﻮﺋﯽ ﺗﮭﯽ ﺍﺱ ﮐﯽ ﺩﻭ ﺟﻠﺪ ﯾﮟ ﮨﯿﮟ ﺍﻭﺭﮨﺮ ﺟﻠﺪ ﻣﺘﻮﺳﻂ ﺿﺨﺎﻣﺖ ﮐﯽ ﮨﮯ ،ﺍﯾﮏ ﺻﺎﺣﺐ ﮐﮯ ﯾﮩﺎﮞ ﺳﮯ ﻣﻄﺎﻟﻌﮧ ﮐﮯ ﻟﺌﮯ ﻋﺎﺭﯾۃً ﻣﺎﻧﮓ ﮐﺮ ﻻﺋﮯ ﺍﻭﺭﻭﻗﺖ ﮐﭽﮫ ﺯﯾﺎﺩﮦ ﻣﺘﻌﯿﻦ ﮐﺮﺍﻟﯿﺎ ﺍﻭﺭﺍﺳﯽ ﻓﺮﺻﺖ ﻣﯿﮟ ﺍﻭﻝ ﺳﮯ ﺁﺧﺮﺗﮏ ﭘﻮﺭﯼ ﮐﺘﺎﺏ ﻧﻘﻞ ﮐﺮﻟﯽ ،ﻣﻮﻻﻧﺎ ﮐﺎ ﺧﻂ ﺑﮍﺍ ﭘﺎﮐﯿﺰﮦ ﺗﮭﺎ ﺍﻭﺭﺑﮍﺍ ﮐﻤﺎﻝ ﯾﮧ ﺗﮭﺎ ﮐﮧ ﺍﻥ ﺳﮯ ﮐﺘﺎﺑﺖ ﮐﯽ ﻏﻠﻄﯽ ﺑﺎﻟﮑﻞ ﻧﮩﯿﮟ ﮨﻮﺗﯽ ﺗﮭﯽ ،ﮐﺴﯽ ﻣﺸﻐﻮﻟﯿﺖ ﻣﯿﮟ ﮨﻮﮞ ،ﺣﺎﻻﺕ ﭼﺎﮨﮯ ﮐﺘﻨﺎ ﮨﯽ ﺧﯿﺎﻝ ﻭﺩﻣﺎﻍ ﮐﻮ ﻣﻨﺘﺸﺮﮐﺮﺭﮨﮯ ﮨﻮﮞ ﻣﮕﺮ ﺟﺐ ﻗﻠﻢ ﮨﺎﺗﮫ ﻣﯿﮟ ﻟﮯ ﻟﯿﺘﮯ ﺗﻮ ﺑﺎﻟﮑﻞ ﯾﮑﺴﻮﺋﯽ ﮨﻮﺟﺎﺗﯽ ﺍﻭﺭﺑﮯ ﺗﮑﻠﻒ ﻟﮑﮭﺘﮯ ﺟﺎﺗﮯ ،ﻣﯿﮟ ﻧﮯ ﮐﺌﯽ ﺿﺨﯿﻢ ﮐﺘﺎﺑﯿﮟ ﺍﻥ ﮐﮯ ﮨﺎﺗﮫ ﮐﯽ ﻟﮑﮭﯽ ﮨﻮﺋﯽ ﺩﯾﮑﮭﯽ ﮨﯿﮟ ،ﺑﮩﺖ ﺻﺤﯿﺢ ﺍﻭﺭﺻﺎﻑ ﺗﺤﺮﯾﺮﺩﯾﮑﮫ ﮐﺮ ﺣﯿﺮﺕ ﮨﻮﺗﯽ ﮨﮯ ،ﻃﺎﺵ ﮐﺒﺮﯼٰ ﺯﺍﺩﮦ ﮐﯽ ﺿﺨﯿﻢ ﮐﺘﺎﺏ ﺟﻮ ﮐﺌﯽ ﺟﻠﺪﻭﮞ ﻣﯿﮟ ﮨﮯ ’’ ﻣﻔﺘﺎﺡ ﺩﺍﺭﺍﻟﺴﻌﺎﺩۃ ‘‘ ﺍﺱ ﮐﺎ ﻣﮑﻤﻞ ﺗﺮﺟﻤﮧ ﮐﺮﮐﮯ ﺧﻮﺵ ﺧﻂ ﻟﮑﮫ ﺭﮐﮭﺎ ﮨﮯ ۔
ﺍﻥ ﮐﯽ ﻣﺤﻨﺖ ﺍﻭﺭﺍﺳﺘﻘﺎﻣﺖ ﻗﺎﺑﻞ ﺭﺷﮏ ﮨﮯ ﺍﻭﺭﺣﺎﻓﻈﮧ ﮐﯽ ﻗﻮﺕ ﮐﺎ ﯾﮧ ﺣﺎﻝ ﺗﮭﺎ ﮐﮧ ﮐﺘﺎﺑﻮﮞ ﮐﯽ ﻋﺒﺎﺭﺗﻮﮞ ﮐﯽ ﻋﺒﺎﺭﺗﯿﮞﺎﺯﺑﺮﺗﮭﯿﮟ ﺍﻭﺭﺍﺱ ﻃﺮﺡ ﺑﮯ ﺗﮑﺎﻥ ﺳﻨﺎﺗﮯ ﮐﮧ ﮐﮩﯿﮟ ﺗﺸﺎﺑﮧ ﺍﻭﺭﺍﻟﺘﺒﺎﺱ ﮐﯽ ﻧﻮﺑﺖ ﻧﮧ ﺁﺗﯽ ،ﺍﻟﮧ ﺁﺑﺎﺩﻣﯿﮟ ﺍﯾﮏ ﺻﺎﺣﺐ ﺑﮩﺖ ﻋﻠﻢ ﺩﻭﺳﺖ ﺗﮭﮯ ،ﮈﺍﮐﭩﺮ ﺍﺷﺘﯿﺎﻕ ﺍﺣﻤﺪ ﺻﺎﺣﺐ ﻣﺮﺣﻮﻡ ﺍﻥ ﮐﮯ ﯾﮩﺎﮞ ﺟﻤﻌﮧ ﮐﮯ ﺭﻭﺯ ﺷﮩﺮ ﮐﮯ ﺑﻌﺾ ﺍﮨﻞ ﻋﻠﻢ ﺣﻀﺮﺍﺕ ﺟﻤﻊ ﮨﻮﺗﮯ ﺗﮭﮯ ﺍﻭﺭﮐﺴﯽ ﻋﻠﻤﯽ ﻣﻮﺿﻮﻉ ﭘﺮ ﮔﻔﺘﮕﻮﮨﻮﺗﯽ ﺗﮭﯽ ،ﯾﮧ ﺑﻨﺪﮦ ﺑﮭﯽ ﺍﺱ ﻣﯿﮟ ﺷﺮﮐﺖ ﮐﺮﺗﺎ ﺗﮭﺎ ،ﻣﻮﻻﻧﺎﺍﻟﮧ ﺁﺑﺎﺩ ﺗﺸﺮﯾﻒ ﻻﺗﮯ ﺍﻭﺭﺟﻤﻌﮧ ﮐﺎ ﺩﻥ ﮨﻮ ﺗﺎ ﺗﻮ ﮈﺍﮐﭩﺮ ﺻﺎﺣﺐ ﺍﻥ ﮐﻮ ﺑﮭﯽ ﺩﻋﻮﺕ ﺩﯾﺘﮯ ،ﺍﯾﺴﮯ ﮨﯽ ﺍﯾﮏ ﺟﻤﻌﮧ ﮐﻮ ﮐﺴﯽ ﻣﻮﺿﻮﻉ ﭘﺮ ﺑﺎﺕ ﮨﻮﺭﮨﯽ ﺗﮭﯽ ،ﻣﻮﻻﻧﺎﻧﮯ ﺍﭘﻨﯽ ﮔﻔﺘﮕﻮﮐﮯ ﻟﺌﮯ ﺍﻣﺎﻡ ﻏﺰﺍﻟﯽؒ ﮐﯽ ’’ ﺍﺣﯿﺎﺀ ﻋﻠﻮﻡ ﺍﻟﺪﯾﻦ ‘‘ ﮐﺎ ﺣﻮﺍﻟﮧ ﺩﯾﺎ ﺍﻭﺭﺳﺎﺗﮫ ﺍﺱ ﮐﯽ ﻋﺒﺎﺭﺕ ﭘﮍﮬﻨﯽ ﺷﺮﻭﻉ ﮐﯽ ﺍﻭﺭ ﭘﮍﮬﺘﮯ ﭼﻠﮯ ﮔﺌﮯ ،ﻣﯿﺮﺍ ﺍﻧﺪﺍﺯﮦ ﮨﮯ ﮐﮧ ﮐﻢ ﻭﺑﯿﺶ ﺍﯾﮏ ﺻﻔﺤﮧ ﮐﯽ ﻋﺒﺎﺭﺕ ﭘﮍﮬﯽ ﺍﻭﺭ ﭘﮭﺮ ﺍﺱ ﮐﯽ ﺗﻮﺿﯿﺢ ﻭﺗﺸﺮﯾﺢ ﮐﺮﻧﮯ ﻟﮕﮯ ،ﻣﯿﮟ ﺍﻥ ﮐﮯ ﺣﺎﻓﻈﮧ ﮐﯽ ﻗﻮﺕ ﭘﺮ ﺳﺨﺖ ﺣﯿﺮﺕ ﺯﺩﮦ ﮨﻮﺍ ۔
1908 ﺉ؁ ﻣﯿﮟ ﻣﺮﺍﺩﺁﺑﺎﺩ ،ﻣﯿﺮﭨﮫ ،ﻋﻠﯽ ﮔﮉﮪ ﺍﻭﺭﺍﻟﮧ ﺁﺑﺎﺩﻣﯿﮟ ﺑﮭﯿﺎﻧﮏ ﻓﺴﺎﺩ ﮨﻮﺍ ،ﺍﻟﮧ ﺁﺑﺎﺩﮐﯽ ﺧﺎﻧﻘﺎﮦ ﺑﮭﯽ ﺍﺱ ﺳﮯ ﻣﺘﺎﺛﺮ ﮨﻮﺋﯽ ،ﺟﺐ ﺫﺭﺍ ﺳﮑﻮﻥ ﮨﻮﺍ ﺍﻭﺭﺣﺎﻻﺕ ﺩﺭﺳﺖ ﮨﻮﺋﮯ ﺗﻮ ﮔﻮ ﮐﮧ ﺍﻣﻦ ﮨﻮﮔﯿﺎ ﺗﮭﺎ ﻣﮕﺮ ﻃﺒﯿﻌﺘﯿﮟ ﺑﮩﺖ ﺍﻓﺴﺮﺩﮦ ﺍﻭﺭﺷﮑﺴﺘﮧ ﺗﮭﯿﮟ ، ﻣﺴﻠﻤﺎﻧﻮﮞ ﭘﺮ ﺍﯾﮏ ﻃﺮﺡ ﮐﺎ ﮨﺮ ﺍﺱ ﭼﮭﺎﯾﺎ ﮨﻮﺍ ﺗﮭﺎ ،ﺍﻧﮩﯿﮟ ﺩﻧﻮﮞ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﺧﺎﻧﻘﺎﮦ ﻣﯿﮟ ﺗﺸﺮﯾﻒ ﻻﺋﮯ ، ﺣﻀﺮﺕ ﻣﻮﻻﻧﺎﻗﺎﺭﯼ ﺷﺎﮦ ﻣﺤﻤﺪﻣﺒﯿﻦ ﺻﺎﺣﺐ ﮐﯽ ﻣﺠﻠﺲ ﮨﻮﺭﮨﯽ ﺗﮭﯽ ،ﻣﺠﻠﺲ ﺧﺘﻢ ﮨﻮﺋﯽ ﺗﻮ ﻗﺎﺭﯼ ﺻﺎﺣﺐ ﻧﮯ ﻣﻮﻻﻧﺎ ﺳﮯ ﻓﺮﻣﺎﯾﺎﮐﮧ ﮐﭽﮫ ﺑﯿﺎﻥ ﻓﺮﻣﺎﺩﯾﺠﺌﮯ ،ﻣﻮﻻﻧﺎ ﻧﮯ ﺳﻮﺭﮦٔ ﻗﺼﺺ ﮐﺎ ﭘﮩﻼ ﺭﮐﻮﻉ ﭘﮍﮬﺎ ﺟﺲ ﻣﯿﮟ ﺣﻀﺮﺕ ﻣﻮﺳﯽٰ ﻋﻠﯿﮧ ﺍﻟﺴﻼﻡ ﮐﯽ ﻭﻻﺩﺕ ﺍﻭﺭﻓﺮﻋﻮﻥ ﮐﮯ ﻣﻈﺎﻟﻢ ﺍﻭﺭﭘﮭﺮ ﻣﻮﺳﯽٰ ﻋﻠﯿﮧ ﺍﻟﺴﻼﻡ ﮐﯽ ﮐﯽ ﺍﺳﯽ ﮐﮯ ﻣﺤﻞ ﻣﯿﮟ ﭘﺮﻭﺭﺵ ﮐﺎ ﺗﺬﮐﺮﮦ ﮨﮯ ﭘﮭﺮ ﺍﺱ ﮐﯽ ﺗﺸﺮﯾﺢ ﮐﺮﻧﮯ ﻟﮕﮯ ،ﺗﺴﻠﯽ ﺍﻭﺭﺗﻘﻮﯾﺖ ﮐﺎ ﻣﻀﻤﻮﻥ ﺑﯿﺎﻥ ﻓﺮﻣﺎﺭﮨﮯ ﺗﮭﮯ ﺍﺳﯽ ﺩﻭﺭﺍﻥ ﺍﻧﮩﻮﮞ ﻧﮯ ﻣﺜﻨﻮﯼ ﻣﻮﻻﻧﺎﺭﻭﻡ ﮐﺎ ﮐﻮﺋﯽ ﺷﻌﺮ ﭘﮍﮬﺎﺍﯾﮏ ﺷﻌﺮﭘﮍﮬﻨﺎ ﺗﮭﺎ ﮐﮧ ﺍﻥ ﮐﮯ ﺳﺎﻣﻨﮯ ﮔﻮﯾﺎ ﻣﺜﻨﻮﯼ ﺷﺮﯾﻒ ﮐﮯ ﺗﻤﺎﻡ ﺩﻓﺘﺮ ﮐﮭﻞ ﮔﺌﮯ ﭘﮭﺮ ﺍﺳﯽ ﻣﻀﻤﻮﻥ ﮐﮯ ﺍﺗﻨﮯ ﺍﺷﻌﺎﺭﺍﻧﮩﻮ ﮞ ﻧﮯ ﭘﮍﮬﮯ ﺍﻭﺭﺍﻥ ﮐﯽ ﺗﺸﺮﯾﺢ ﮐﯽ ﮐﮧ ﺳﺎﺭﺍ ﻣﺠﻤﻊ ﺷﺸﺪﺭﺭﮦ ﮔﯿﺎ ﺍﻭﺭﺩﻟﻮﮞ ﻣﯿﮟ ﺍﯾﻤﺎﻥ ﺗﺎﺯﮦ ﮨﻮﮔﯿﺎ ۔
ﻗﺎﺭﯼ ﺻﺎﺣﺐ ﻧﮯ ﺍﺱ ﺗﻘﺮﯾﺮﮐﮯ ﺧﺎﺗﻤﮧ ﭘﺮ ﻓﺮﻣﺎﯾﺎ ﮐﮧ ﮐﯿﺎ ﻣﻌﻠﻮﻡ ﺗﮭﺎ ﮐﮧ ﺁﺝ ﻣﻮﻻﻧﺎﺭﻭﻡ ﺗﺸﺮﯾﻒ ﻻﺋﮯ ﮨﯿﮟ ﻭﺭﻧﮧ ﭨﯿﭗ ﺭﯾﮑﺎﺭﮈﻟﮕﺎﺩﯾﺎﮔﯿﺎ ﮨﻮﺗﺎ ﺍﺏ ﺩﺭﻣﯿﺎﻥ ﻣﺠﻠﺲ ﻣﯿﮟ ﺍﺱ ﮐﺎ ﻣﻮﻗﻊ ﻧﮧ ﺗﮭﺎ ۔
ﺍﺱ ﻋﻠﻤﯽ ﺑﻠﻨﺪﯼ ﺍﻭﺭﮐﻤﺎﻝ ﮐﮯ ﺑﺎﻭﺟﻮﺩﻣﻼﺣﻈﮧ ﻓﺮﻣﺎﺋﯿﮯ ﮐﮧ ﺍﻧﮩﻮﮞ ﻧﮯ ﮐﺒﮭﯽ ﺍﯾﮏ ﻣﻨﭧ ﮐﮯ ﻟﺌﮯ ﺑﮍﺍﺋﯽ ﺍﻭﺭﺷﮩﺮﺕ ﮐﯽ ﻃﻠﺐ ﻧﮩﯿﮟ ﮐﯽ ،ﺯﻧﺪﮔﯽ ﺍﺗﺮﺍﺅﮞ ﺟﯿﺴﮯ ﮔﺎﺅﮞ ﻣﯿﮟ ﮔﺰﺍﺭﺩﯼ ﻣﮕﺮﻣﺎﺷﺎﺀ ﺍﻟﻠﮧ ﺑﮩﺖ ﮐﺎﻡ ﮐﺮﮔﺌﮯ ،ﻭﮦ ﻧﮩﺎﺕ ﻣﺘﻮﺍﺿﻊ ﺗﮭﮯ ،ﺍﻧﮩﻮﮞ ﻧﮯ ﮐﺒﮭﯽ ﺍﭘﻨﯽ ﮐﻮﺋﯽ ﺣﯿﺜﯿﺖ ﻧﮩﯿﮟ ﺳﻤﺠﮭﯽ ،ﮐﻮﺋﯽ ﻋﻠﻤﯽ ﺑﺎﺕ ﺍﭘﻨﮯ ﮐﺴﯽ ﺑﮩﺖ ﭼﮭﻮﭨﮯ ﺳﮯ ﺑﮭﯽ ﺳﻨﺘﮯ ،ﺗﻮ ﺍﺱ ﻃﺮﺡ ﺳﻨﺘﮯ ﺟﯿﺴﮯ ﯾﮧ ﺍﻥ ﮐﻮ ﻣﻌﻠﻮﻡ ﻧﮧ ﺭﮨﯽ ﮨﻮﺍﻭﺭﺁﺝ ﺍﻥ ﮐﯽ ﻣﻌﻠﻮﻣﺎﺕ ﻣﯿﮟ ﺍﺿﺎﻓﮧ ﮨﻮﺭﮨﺎ ﮨﮯ ۔
ﻟﯿﮑﻦ ﺗﻮﺍﺿﻊ ﺍﻭﺭﺧﺎﮐﺴﺎﺭﯼ ﮐﮯ ﺳﺎﺗﮫ ﻏﯿﺮﺕ ﺣﻖ ﮐﺎﻣﺎﺩﮦ ﺑﮭﯽ ﺍﻥ ﻣﯿﮟ ﺧﻮﺏ ﺗﮭﺎ ،ﮐﻮﺋﯽ ﺍﯾﺴﺎ ﻃﺮﯾﻘﮧ ﮐﻮﺋﯽ ﺍﯾﺴﺎ ﻓﺮﻗﮧ ﮐﻮﺋﯽ ﺍﯾﺴﺎ ﻧﻈﺮﯾﮧ ﺟﻮ ﺷﺮﯾﻌﺖ ﺣﻘﮧ ﺳﮯ ﭨﮑﺮﺍﺗﺎ ﮨﻮﯾﺎ ﺷﺮﯾﻌﺖ ﮐﯽ ﮐﺴﯽ ﺗﻌﻠﯿﻢ ﮐﻮ ﻣﺴﺦ ﮐﺮﺗﺎ ﮨﻮ،ﯾﺎ ﺍﺱ ﺳﮯ ﺷﺮﯾﻌﺖ ﮐﮯ ﺗﺤﻔﻆ ﻣﯿﮟ ﻓﺮﻕ ﭘﮍﺗﺎ ﺍﺳﮯ ﺍﻥ ﮐﯽ ﻏﯿﺮﺕ ﮐﯽ ﮔﻮﺍﺭ ﺍ ﻧﮩﯿﮟ ﮐﺮﺳﮑﺘﯽ ﺗﮭﯽ ،ﺍﺱ ﺑﺎﺏ ﻣﯿﮟ ﻭﮦ ﮐﺴﯽ ﻣﺪﺍﮨﻨﺖ ﺍﻭﺭﻧﺮﻣﯽ ﮐﮯ ﺭﻭﺍﺩﺍﺭ ﻧﮧ ﺗﮭﮯ ،ﺑﺮﯾﻠﻮﯾﺖ ﺍﻭﺭ ﺭﺍﻓﻀﯿﺖ ﺳﮯ ﺗﻮ ﺍﻥ ﮐﺎ ﺑﺮﺍﮦ ﺭﺍﺳﺖ ﻣﻘﺎﺑﻠﮧ ﺗﮭﺎ ،ﺍﺱ ﻣﻮﺿﻮﻉ ﭘﺮ ﺍﻥ ﮐﺎﻣﻄﺎﻟﻌﮧ ﺑﮩﺖ ﻭﺳﯿﻊ ﺗﮭﺎ ،ﺍﻥ ﮐﺎ ﺫﮨﻦ ﺑﮩﺖ ﻣﺮﺗﺐ ﺗﮭﺎ ﻭﮦ ﺩﻻﺋﻞ ﮐﻮ ﺑﮩﺖ ﺳﻠﯿﻘﮯ ﺳﮯ ﻣﻨﻄﻘﯽ ﺍﻧﺪﺍﺯ ﭘﺮ ﻣﺮﺗﺐ ﮐﺮﺗﮯ ﺗﮭﮯ ﺍﻭﺭﺍﭘﻨﮯ ﻣﺨﺎﻃﺐ ﺳﮯ ﺑﮭﯽ ﺍﺳﯽ ﮐﺎ ﻣﻄﺎﻟﺒﮧ ﮐﺮﺗﮯ ﺗﮭﮯ ﻭﮦ ﺩﻻﺋﻞ ﻭﺷﻮﺍﮨﺪ،ﺁﺛﺎﺭﻭﻧﻈﺎﺋﺮﮐﮯ ﻓﺮﻕ ﮐﻮ ﺍﭼﮭﯽ ﻃﺮﺡ ﺳﻤﺠﮭﺘﮯ ﺗﮭﮯ ﺍﺱ ﻟﺌﮯ ﮐﻮﺋﯽ ﭼﻠﺘﯽ ﮨﻮﺋﯽ ﺑﺎﺕ ﮐﮩﮧ ﮐﺮﺍﻥ ﮐﮯ ﺳﺎﻣﻨﮯ ﭘﯿﺶ ﻧﮩﯿﮟ ﭘﺎﺳﮑﺘﺎ ۔
ﻣﻮﻻﻧﺎﺍﭘﻨﮯ ﺷﯿﺦ ﮐﮯ ﺍﻭﺭﺍﻥ ﮐﮯ ﺣﮑﻢ ﮐﮯ ﺑﮩﺖ ﻭﻓﺎﺩﺍﺭ ﺗﮭﮯ ،ﺷﯿﺦ ﺳﮯ ﻭﻓﺎﺩﺍﺭﯼ ﺗﻮ ﮐﻮﺋﯽ ﺧﺎﺹ ﻣﺸﮑﻞ ﮐﺎﻡ ﻧﮩﯿﮟ ﮨﮯ ﺍﮔﺮﻣﻨﺎﺳﺒﺖ ﺍﻭﺭﻋﻘﯿﺪﺕ ﮨﮯ ﺗﻮ ﻭﮦ ﺧﻮﺩ ﺁﺩﺍﺏ ﻭﻓﺎﺩﺍﺭﯼ ﮐﺎ ﭘﺎﺑﻨﺪ ﺭﮐﮭﺘﯽ ﮨﮯ ﻟﯿﮑﻦ ﺷﯿﺦ ﮐﯽ ﻭﻓﺎﺕ ﮐﮯ ﺑﻌﺪ ﺷﯿﺦ ﮐﮯ ﻣﺘﻌﻠﻘﯿﻦ ﺍﻥ ﮐﯽ ﻭﻻﺩ ﮐﮯ ﺳﺎﺗﮫ ﺑﮭﯽ ﻭﻓﺎﺩﺍﺭﯼ ﮐﻮ ﻧﺒﺎﮦ ﺩﯾﻨﺎ ﺍﯾﮏ ﺍﮨﻢ ﻣﺴﺌﻠﮧ ﮨﮯ ،ﺷﯿﺦ ﺍﻭﺭﺍﺳﺘﺎﺩ ﮐﯽ ﺍﻭﻻﺩ ﻭﮞ ﺍﻭﺭﺍﻥ ﮐﮯ ﻣﺘﻌﻠﻘﯿﻦ ﻭﻣﻨﺘﺴﺒﯿﻦ ﺳﮯ ﭼﻮﻧﮑﮧ ﻣﻌﺎﺻﺮﺕ ﮐﺎ ﺗﻌﻠﻖ ﮨﻮﺗﺎ ﮨﮯ ﺍﻭﺭﻣﻌﺎﺻﺮﺕ ﮐﮯ ﻧﺸﯿﺐ ﻭﻓﺮﺍﺯ ﻇﺎﮨﺮ ﮨﮯ ﮐﮧ ﺁﺩﻣﯽ ﮐﯽ ﺭﻓﺘﺎﺭﮐﻮ ﺍﻋﺘﺪﺍﻝ ﭘﺮ ﺭﮨﻨﮯ ﻧﮩﯿﮟ ﺩﯾﺘﮯ ﺍﯾﺴﮯ ﻭﻗﺖ ﻣﯿﮟ ﺍﭘﻨﮯ ﺗﻮﺍﺯﻥ ﺍﻭﺭ ﺍﻋﺘﺪﺍﻝ ﮐﻮ ﺑﺎﻗﯽ ﺭﮐﮭﻨﺎ ﺍﯾﮏ ﺩﺷﻮﺍﺭ ﮐﺎ ﮨﮯ ﺑﮑﺜﺮﺕ ﺩﯾﮑﮭﺎ ﮔﯿﺎ ﮨﮯ ﮐﮧ ﮐﺴﯽ ﺑﮍﮮ ﮐﮯ ﺩﻧﯿﺎ ﺳﮯ ﮔﺰﺭﺟﺎﻧﮯ ﮐﮯ ﺑﻌﺪ ﺍﻧﮩﯿﮟ ﺳﮯ ﺗﻌﻠﻖ ﺭﮐﮭﻨﮯ ﻭﺍﻟﮯ ﮐﺘﻨﮯ ﻟﻮﮒ ﮐﺴﯽ ﻋﻨﻮﺍﻥ ﺳﮯ ﺍﻭﺭﮐﺴﯽ ﻏﺮﺽ ﮐﻮ ﻟﮯ ﮐﺮ ﯾﺎ ﺑﺠﺎﻃﻮﺭﭘﺮﮨﯽ ﺳﮩﯽ ﺍﻥ ﮐﮯ ﺧﺎﻧﺪﺍﻥ ﺳﮯ ﺩﻭﺭﯼ ﺍﻭﺭﺍﻧﺤﺮﺍﻑ ﺍﺧﺘﯿﺎﺭ ﮐﺮﻟﯿﺘﮯ
ﮨﯿﮟ۔
‏( ﺟﺎﺭﯼ ‏)
ﺣﻀﺮﺕ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺍﻟﮧ ﺁﺑﺎﺩﯼ
ﻣﻮﻻﻧﺎﺍﻋﺠﺎﺯ ﺍﺣﻤﺪﺍﻋﻈﻤﯽ
6
ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﻧﮯ ﺍﭘﻨﮯ ﺷﯿﺦ ﻭﻣﺮﺷﺪﮐﮯ ﮨﺮ ﺣﮑﻢ ﺑﻠﮑﮧ ﮨﺮ ﻣﻨﺸﺎﺀ ﮐﯽ ﺗﻌﻤﯿﻞ ﺍﻥ ﮐﯽ ﺯﻧﺪﮔﯽ ﻣﯿﮟ ﺑﮭﯽ ﮐﯽ ﺍﻭﺭﺍﻥ ﮐﯽ ﻭﻓﺎﺕ ﮐﮯ ﺑﻌﺪ ﺑﮭﯽ ! ﺣﻀﺮﺕ ﻣﺼﻠﺢ ﺍﻻﻣﺖ ﮐﮯ ﺑﻌﺪ ﺍﻥ ﮐﯽ ﺧﺎﻧﻘﺎﮦ ﺍﻭﺭﻣﺪﺭﺳﮧ ﮐﺎ ﺍﻧﺘﻈﺎﻡ ﻭﺍﻧﺼﺮﺍﻡ ﺍﻥ ﮐﮯ ﺧﻠﯿﻔﮧ ﺍﻭﺭﺩﺍﻣﺎﺩﺣﻀﺮﺕ ﻣﻮﻻﻧﺎﻗﺎﺭﯼ ﻣﺒﯿﻦ ﺻﺎﺣﺐ ﺩﺍﻣﺖ ﺑﺮﮐﺎﺗﮩﻢ ﮐﮯ ﺫﻣﮧ ﺁﯾﺎ ،ﺟﮩﺎﮞ ﺗﮏ ﻣﺠﮭﮯ ﻣﻌﻠﻮﻡ ﮨﮯ ﺣﻀﺮﺕ ﻧﮯ ﺍﭘﻨﯽ ﺯﻧﺪﮔﯽ ﻣﯿﮟ ﯾﮧ ﺍﻧﺘﻈﺎﻡ ﻓﺮﻣﺎﺩﯾﺎ ﺗﮭﺎ ﺍﻭﺭﺍﭘﻨﮯ ﺧﺎﺹ ﺧﺎﺹ ﻟﻮﮔﻮﮞ ﮐﻮ ﺍﺱ ﮐﯽ ﺍﻃﻼﻉ ﺑﮭﯽ ﮐﺮﺩﯼ ﺗﮭﯽ ﺍﻭﺭﺍﻥ ﮐﻮ ﮨﺪﺍﯾﺖ ﺑﮭﯽ ﺩﯼ ﺗﮭﯽ ﮐﮧ ﻗﺎﺭﯼ ﺻﺎﺣﺐ ﮐﯽ ﻣﻮﺍﻓﻘﺖ ﮐﺮﯾﮟ ﮔﮯ ۔
ﺣﻀﺮﺕ ﮐﯽ ﻭﻓﺎﺕ ﮐﮯ ﺑﻌﺪ ﺟﯿﺴﺎ ﮐﮧ ﻋﺎﻡ ﺩﺳﺘﻮﺭ ﮨﮯ ﮐﮧ ﺑﮍﮮ ﻟﻮﮔﻮﮞﮑﮯ ﮔﺰﺭﺟﺎﻧﮯ ﮐﮯ ﺑﻌﺪ ﺍﻥ ﮐﮯ ﭘﺴﻤﺎﻧﺪﮔﺎﻥ ﮐﮯ ﺩﺭﻣﯿﺎﻥ ﺷﯿﻄﺎﻥ ﮐﺒﮭﯽ ﻧﺰﺍﻉ ﮈﺍﻝ ﺩﯾﺘﺎ ﮨﮯ ،ﯾﮩﺎﮞ ﺑﮭﯽ ﮐﭽﮫ ﺩﺭﺍﮌﭘﮍﯼ ﺍﻭﺭﻣﺘﻌﺪﺩﺣﻀﺮﺍﺕ ﻗﺎﺭﯼ ﺻﺎﺣﺐ ﺳﮯ ﺍﻟﮓ ﮨﻮﮔﺌﮯ ﺍﻭﺭﺍﻧﮩﻮﮞ ﻧﮯ ﺍﭘﻨﯽ ﻣﺴﺘﻘﻞ ﺣﯿﺜﯿﺖ ﺑﻨﺎﻟﯽ ﻟﯿﮑﻦ ﺣﻀﺮﺕ ﮐﮯ ﺗﺮﺑﯿﺖ ﯾﺎﻓﺘﮧ ﺑﮑﺜﺮﺕ ﺣﻀﺮﺍﺕ ﻗﺎﺭﯼ ﺻﺎﺣﺐ ﻭﮨﯽ ﺗﻌﻠﻖ ﺭﮐﮭﺘﮯ ﺭﮨﮯ ﺟﻮ ﺣﻀﺮﺕ ﮐﯽ ﻣﻨﺸﺎ ﺗﮭﯽ ﺍﻥ ﻣﯿﮟ ﺑﮩﺖ ﻧﻤﺎﯾﺎﮞﭽﻨﺪﺣﻀﺮﺍﺕ ﺗﮭﮯ ،ﺧﺎﺹ ﻃﻮﺭﺳﮯ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﻧﮯ ﺍﺳﮯ ﺧﻮﺏ ﻧﺒﮭﺎﯾﺎ،ﭘﻮﺭﯼ ﺯﻧﺪﮔﯽ ﺍﭘﻨﯽ ﮐﻮﺋﯽ ﻣﺴﺘﻘﻞ ﺣﯿﺜﯿﺖ ﻧﮩﯿﮟ ﺑﻨﺎﺋﯽ ،ﻗﺎﺭﯼ ﺻﺎﺣﺐ ﮐﮯ ﺩﺍﻣﻦ ﻓﯿﺾ ﺳﮯ ﻭﺍﺑﺴﺘﮧ ﺭﮨﮯ ، ﺍﭘﻨﮯ ﻃﺎﻟﺐ ﻋﻠﻤﻮﮞ ﮐﻮ ﺗﻌﻠﯿﻢ ﮐﮯ ﻟﺌﮯ ﻗﺎﺭﯼ ﺻﺎﺣﺐ ﮐﮯ ﻣﺪﺭﺳﮧ ﻣﯿﮟ ﺑﮭﯿﺠﺘﮯ ،ﮐﻮﺋﯽ ﺑﯿﻌﺖ ﻭﺍﺭﺍﺩﺕ ﮐﯽ ﺩﺭﺧﻮﺍﺳﺖ ﮐﺮﺗﺎ ﺗﻮ ﺍﺳﮯ ﺣﻀﺮﺕ ﻗﺎﺭﯼ ﺻﺎﺣﺐ ﮐﯽ ﺧﺪﻣﺖ ﻣﯿﮞﺒﮭﯿﺞ ﺩﯾﺘﮯ ،ﻧﺮﻡ ﻭﮔﺮﻡ ﺍﻭﻗﺎﺕ ﺁﺗﮯ ﺭﮨﮯ ،ﻣﺨﺎﻟﻒ ﮨﻮﺍﺋﯿﮟ ﭼﻠﺘﯽ ﺭﮨﯿﮟ ﻟﻮﮒ ﭨﻮﭨﺘﮯ ﺭﮨﮯ ،ﻣﮕﺮ ﻣﻮﻻﻧﺎ ﻣﺤﻤﺪ ﻓﺎﺭﻭﻕ ﺻﺎﺣﺐ ﻧﮯ ﻭﻓﺎﺩﺍﺭﯼ ﮐﯽ ﺟﺲ ﺯﻣﯿﻦ ﭘﺮ ﻗﺪﻡ ﺟﻤﺎﯾﺎ ﺗﮭﺎ ﮐﻮﺋﯽ ﺁﻧﺪﮬﯽ ﺍﻧﮩﯿﮟ ﮨﻼﻧﮧ ﺳﮑﯽ ،ﻏﻠﻄﯽ ﮐﺲ ﺳﮯ ﻧﮩﯿﮟ ﮨﺘﻮﯼ ﺍﻭﺭﮐﺲ ﺳﮯ ﻧﮩﯿﮟ ﮨﻮﺳﮑﺘﯽ ،ﺍﭘﻨﮯ ﺷﯿﺦ ﮐﮯ ﺍﮨﻞ ﺗﻌﻠﻖ ﺳﮯ ﺑﮭﯽ ﮨﻮﺳﮑﺘﯽ ﮨﮯ ﺍﻭﺭﮨﻮﺗﯽ ﺭﮨﺘﯽ ﮨﮯ ﻟﯿﮑﻦ ﺍﺱ ﮐﺎ ﯾﮧ ﻣﻄﻠﺐ ﺗﻮ ﻧﮩﯿﮞﮑﮧ ﺷﯿﺦ ﮐﮯ ﻭﺍﺳﻄﮯ ﺳﮯ ﺟﻮ ﻣﺤﺒﺖ ﺍﻥ ﺳﮯ ﺍﺳﺘﻮﺍﺭ ﮨﻮﺋﯽ ﺗﮭﯽ ﻭﮦ ﺧﺘﻢ ﮨﻮﺟﺎﺋﮯ ،ﺁﺧﺮ ﺷﯿﺦ ﮐﯽ ﻣﺤﺒﺖ ﺗﻮ ﺍﺏ ﺑﮭﯽ ﺑﺎﻗﯽ ﮨﮯ ﭘﮭﺮ ﺍﺳﯽ ﻣﺤﺒﺖ ﮐﯽ ﺳﺮﺯﻣﯿﻦ ﭘﺮ ﻣﺤﺒﺘﻮﮞﮑﮯ ﺍﻭﺭﺟﻮ ﭘﻮﺩﮮ ﺍُﮔﮯ ﺗﮭﮯ ﻭﮦ ﺳﻮﮐﮫ ﮐﯿﻮﮞ ﺟﺎﺋﯿﮟ ﻣﺤﺒﺖ ﮐﯽ ﻭﮦ ﺯﻣﯿﻦ ﺗﻮ ﺍﺏ ﻣﻮﺟﻮﺩ ﮨﮯ ﺍﭘﻨﯽ ﺍﻭﺭﺍﻭﻻﺩ ﮐﯽ ﻏﻠﻄﯽ ﻗﺎﺑﻞ ﺩﺭﮔﺰﺭﮨﻮﺳﮑﺘﯽ ﮨﮯ ﺗﻮ ﮐﯿﺎ ﺍﭘﻨﮯ ﻣﺮﮐﺰﻣﺤﺒﺖ ﮐﯽ ﺷﺎﺧﻮﮞﻤﯿﮟ ﮐﭽﮫ ﻏﻠﻄﯽ ﺍﮔﺮﻭﺍﻗﻌﯽ ﺑﮭﯽ ﺩﮐﮭﺎﺋﯽ ﺩﮮ ﺗﻮ ﻭﮦ ﻻﺋﻖ ﻋﻔﻮﻭﺩﺭﮔﺰﺭﻧﮧ ﮨﻮﮔﯽ ۔
ﯾﮧ ﻧﮑﺘﮧ ﻧﻈﺮﻭﮞ ﺳﮯ ﺍﻭﺟﮭﻞ ﮨﻮﺟﺎﺗﺎ ﮨﮯ ﺗﻮ ﺁﺩﻣﯽ ﺍﻋﺘﺪﺍﻝ ﺳﮯ ﮨﭧ ﮐﺮ ﺍﻓﺮﺍﻁ ﻭﺗﻔﺮﯾﻂ ﻣﯿﮟ ﭘﮍﺟﺎﺗﺎ ﮨﮯ ، ﻣﻮﻻﻧﺎﻣﺤﻤﺪ ﻓﺎﺭﻭﻕ ﺻﺎﺣﺐ ﺍﻥ ﻧﮑﺘﻮﮞﺴﮯ ﺧﻮﺏ ﻭﺍﻗﻒ ﺗﮭﮯ ﺍﻭﺭﺻﺮﻑ ﻭﺍﻗﻒ ﮨﯽ ﻧﮧ ﺗﮭﮯ ،ﺍﻧﮩﯿﮟ ﺑﺮﺗﻨﺎ ﺑﮭﯽ ﺧﻮﺏ ﺟﺎﻧﺘﮯ ﺗﮭﮯ ، ﺍﻥ ﺷﺎﺀ ﺍﻟﻠﮧ ﻭﮦ ﺍﭘﻨﮯ ﺷﯿﺦ ﮐﮯ ﺣﻀﻮﺭﺳﺮﺧﺮﻭﮨﻮﮞ ﮔﮯ ﺍﻭﺭﺍﻥ ﮐﮯ ﺍﺧﻼﺹ ﺍﻭﺭﺣﺴﻦ ﻣﻌﺮﻓﺖ ﮐﺎ ﺻﻠﮧ ﺑﺎﺭﮔﺎﮦ ﺍﻟٰﮩﯽ ﺳﮯ ﻣﻠﮯ ﮔﺎ ۔
ﻣﻮﻻﻧﺎ ﮐﯽ ﺻﺤﺖ ﮨﻤﯿﺸﮧ ﺍﭼﮭﯽ ﺭﮨﯽ ،ﺁﺧﺮ ﻣﯿﮟ ﺷﻮﮔﺮ ﮐﮯ ﻣﺮﯾﺾ ﮨﻮﮔﺌﮯ ﺗﮭﮯ ﻣﮕﺮ ﻣﺎ ﺷﺎﺀ ﺍﻟﻠﮧ ﻣﺸﺎﻏﻞ ﻭﻣﻌﻤﻮﻻﺕ ﻣﯿﮟ ﮐﻮﺋﯽ ﻓﺮﻕ ﻧﮧ ﺗﮭﺎ ﺍﻟﺒﺘﮧ ﺟﺴﻢ ﺳﮯ ﺍﺿﻤﺤﻼﻝ ﻣﺤﺴﻮﺱ ﮨﻮﺗﺎ ﺗﮭﺎ ،ﻭﻓﺎﺕ ﺳﮯ ﺩﻭ ﭼﺎﺭﺭﻭﺯ ﭘﮩﻠﮯ ﺳﮯ ﺑﺨﺎﺭ ﺭﮨﻨﮯ ﻟﮕﺎ ﺗﮭﺎ ﻣﮕﺮ ﺑﻈﺎﮨﺮ ﺗﺸﻮﯾﺶ ﮐﯽ ﮐﻮﺋﯽ ﺑﺎﺕ ﻧﮧ ﺗﮭﯽ ۔۴۱ﺻﻔﺮ۱۲۴۱ﮪ؁ ﮐﻮ ﺷﺐ ﻣﯿﮟ ﻣﯿﮟ ﺳﺎﮌﮬﮯ ﺑﺎﺭﮦ ﺑﺠﮯ ﺟﺎﻥ ﺟﺎﻥِ ﺁﻓﺮﯾﮞﮑﮯ ﺳﭙﺮﺩ ﮐﯽ ، ﺯﻧﺪﮔﯽ ﮐﯽ ﺍﻧﮩﯽ ﻣﻨﺰﻟﻮﮞﮑﻮﯾﮧ ﺑﻮﮌﮬﺎﻣﺴﺎﻓﺮﻃﮯ ﮐﺮﭼﮑﺎ ﺗﮭﺎ ﺍﺏ ﺗﮭﮏ ﮔﯿﺎ ﺗﮭﺎ ﺍﺳﮯ ﻧﯿﻨﺪ ﺁﮔﺌﯽ ،ﺍﺳﮯ ﺧﺎﮐﺴﺎﺭﯼ ﭘﺴﻨﺪ ﺗﮭﯽ ، ﺯﻧﺪﮔﯽ ﺑﮭﺮ ﺍﺳﯽ ﮐﯽ ﻣﺸﻖ ﮐﯽ ﺗﮭﯽ ،ﻣﭩﯽ ﮐﺎ ﭼﮭﻮﭨﺎ ﺳﺎ ﻣﮑﺎﻥ ﺑﻨﺎ ،ﻣﭩﯽ ﮐﺎ ﺑﺴﺘﺮ ﺑﭽﮭﺎ ،ﻣﭩﯽ ﮐﯽ ﭼﺎﺩﺭ ﺍﻭﮌﮬﯽ ﺍﻭﺭﻗﯿﺎﻣﺖ ﮐﯽ ﻧﯿﻨﺪ ﺳﻮﮔﯿﺎ ۔ ﺍﻟﻠﮧ ﺗﻌﺎﻟﯽٰ ﺍﺱ ﺧﺎﮐﯽ ﻣﮑﺎﻥ ﭘﺮ ﺍﻭﺭﺍﺱ ﮐﮯ ﺧﺎﮐﺴﺎﺭﻣﮑﯿﻦ ﭘﺮ ﺍﭘﻨﯽ ﺭﺣﻤﺖ ﮐﺎ ﺳﺎﯾﮧ ﮐﺮﮮ ﺍﺱ ﮐﯽ ﻣﻐﻔﺮﺕ ﮐﺮﮮ ﺍﺱ ﮐﮯ ﺩﺭﺟﺎﺕ ﮐﻮ ﺑﻠﻨﺪ ﻓﺮﻣﺎﺋﮯ ۔ﺁﻣﯿﻦ
[​IMG]
مزید معلومات کیلئے
اس لنک کو کلک کریں

یکے از خدام بارگاہِ فاروقی