Al-Mustafa Academy

المصطفیٰ اکیڈمی، شہر پریاگ راج (الہ آباد) میں واقع اپنی طرح کا ایک منفرد ادارہ ہے جسے "کلید ایجوکیشنل اینڈ ویلفیئر ٹرسٹ" کے زیر اہتمام سنہ 2023 میں شروع کیا گیا ہے۔ اس ادارے کے قیام کا بنیادی مقصد ملت کے نونہالوں کو دین اور دنیا دونوں کی معیاری تعلیم فراہم کرنا اور ان کی تربیت کرنا ہے۔
الحمد للہ! اپنے قیام کے اول روز ہی سے ادارہ تعلیم و تربیت کا کام بڑی ذمہ داری سے ادا کر رہا ہے اور صرف دو سال کی مختصر مدت میں تمام نا مساعد حالات کے با وجود اس کی تعلیمی پیش رفت قابل رشک ہے۔
ہم اہل خیر حضرات سے گزارش کرتے ہیں کہ رمضان المبارک کے مہینے میں اپنی زکوٰۃ، صدقات اور عطیات کی ادائیگی کے وقت المصطفیٰ اکیڈمی کو ضرور یاد رکھیں اور اس کے تعلیمی منصوبوں کی تکمیل میں "کلید ایجوکیشنل اینڈ ویلفیئر ٹرسٹ" کا بھر پور تعاون کریں!
اللہ پاک ہم سب کو ماہ رمضان کی سعادتیں اور برکتیں عطا فرمائے اور فلاح دارین سے ہم سب کو مالا مال فرمائے! آمین یا رب العالمین بجاہ النبی الامین صلی اللہ علیہ وسلم!

*----Qurbani Karna Wajib Hai----*

🌹 *Hazrat-e-Abu Huraira radhi allaho anho bayan karte hain ki:*
*Huzur sallallahu alaihi wa sallam ne farmaya ki: Jis ke paas Qurbani karne ki taaqat ho aur woh Qurbani nahi kare to hamare Eid-Gaah ke qareeb bhi na aae.*

📕 *Ibn-e-Maajah,Hadees No. 3123.*

*Mas’ala 1*:
*Is hadees sharif se maloom hua ki har musalman mard aur aurat jo aaqil aur baalig hon aur Qurbani karne ki taaqat rakhte hon un par Qurbani karna zaruri hai.*

*Mas’ala 2*:
*Agar ek ghar me kai log Qurbani karne ki haisiyat rakhte hon to sirf guardian ki taraf se kar dene se baaqi logo ki taraf se ada nahi hoga. Balki har ek ko alag alag karna padega.*

*Mas’ala 3*:
*Nabaalig par Qurbani karna zaruri nahi hai. Aur nahi uski taraf se uske maa baap par zaruri hai. Haan!Agar koi shakhs karna chaahe to kar sakta hai.*

*Mas’ala 4*:
*Haisiyat wale logo par har saal Qurbani karna wajib hai. Agar kisi saal sirf is khayal se chhod diya ki is saal ham Bakra to khareed sakte hain lekin puri gaae nahi to woh gunahgaar hoga.*

*Mas’ala 5*:
*Musaafir par qurbani karna zaruri nahi hai lekin karega to sawab milega.*

*Mas’ala 6*:
*Mayyat ki taraf se Qurbani karna zaruri nahi hai. Lekin agar koi shakhs un ki taraf se kare to kar sakta hai kyunki aisa karna bilkul jaaiz hai.*

*Mas’ala 7*:
*Mayyat ne wasiyat ki thi ki meri taraf se qurbani kar dena, Is liye un ki taraf se Qurbani ki gaee to is surat me kul gosht sadqa kar dena zaruri hai us me se kuchh bhi khud istemaal karna jaaiz nahi hai.*

*Mas’ala 8*:
*Aur agar mayyat ne wasiyat nahi ki thi balki ghar ke logo ne apni khushi se un ke isaale sawab ke liye kiya to uska gosht sab log khaa sakte hain aur khud ghar ke log bhi istemaal kar sakte hain is me koi harj nahi hai.*

*Please follow our WhatsApp channel*

whatsapp.com

عید سعید کی ڈھیروں مبارکباد!!
اللہ تعالیٰ آپ کو اور ہمیں ان لوگوں میں شامل فرماۓ جن کی نیکیاں مقبول ہوئیں، جنھیں رحمت الٰہی سے حصۂ وافر ملا، جن کے سیئات مٹا دیے گئے اور جن کی گردنیں نار دوزخ سے آزاد کر دی گئیں۔

ہمارے تعلیمی شعبہ جات

1:- حفظ قرآن+ میٹرک ( 5 سالہ کورس)
2:- جماعت رابعہ+ میٹرک ( درس نظامی کے درجۂ مولویت اور مساوی اسکولی تعلیم، ہائ اسکول کا 5 سالہ کورس)
3:- شعبۂ پرائمری ( دینیات، پانچویں درجہ تک اسکولی تعلیم کے ساتھ)
4:- حفظ قرآن خصوصی ( اسکول جانے والے بچوں کے لیے)
5:- دینیات خصوصی ( اسکول جانے والے بچوں کے لیے)

المصطفی اکیڈمی: تعارف، ضرورت اور ایک اپیل

"المصطفی اکیڈمی"، شہر پریاگ راج ( الہ آباد) میں واقع اور "کلید ایجوکیشنل اینڈ ویلفیئر ٹرسٹ" کے زیر اہتمام، اپنی طرح کا ایک منفرد ادارہ ہے جس کے قیام کا بنیادی مقصد ملت کے نونہالوں کو دینی اور عصری دونوں علوم سے آراستہ کرنا اور ملک، ملت، قوم اور معاشرہ کے لیے ایسے افراد تیار کرنا ہے جو دینی شعور سے بہرہ ور، عصری مزاج سے ہم آہنگ اور عالمی منظر نامے سے واقف ہوں اور جو ملک کے لیے نافع، ملت کے لیے قیمتی اثاثہ، قوم کے لیے پر عزم قائد اور معاشرے کا ایک صالح اور مفید فرد بننے کی صلاحیتوں سے مالا مال ہوں۔

موجودہ دور پوری انسانیت کے لیے بالعموم اور قوم مسلم کے لیے بالخصوص متنوع آزمائشوں اور مختلف فتنوں سے بھرا ہوا ہے۔ انفرادی اور اجتماعی ہر سطح پر فساد و بگاڑ نے اپنے پاؤں پسار لیے ہیں۔ مادیت، اخلاقی پس ماندگی، فکری الحاد، ذہنی عیاشی، مفاد پرستی، لوٹ کھسوٹ اور ظلم و زیادتی نے اپنے پر پھیلا لیے ہیں۔ ایسا لگتا ہے کہ حسن نیت اور اخلاص عمل جیسی صفات دیس نکالا دی جا چکی ہیں اور شعور انسانیت اپنی آخری سانسیں گن رہا ہے۔ ایسے پر آشوب دور میں انسانیت اور ملت کی سب سے بڑی خدمت یہ ہے کہ نسل نو کی تہذیب اور تعلیم و تربیت کا کام بدلتے ماحول، عہد جدید کے تقاضوں اور تغیر پذیر ترجیحات کو ملحوظ رکھتے ہوئے کیا جائے۔

اس حقیقت کو محسوس کرتے ہوۓ شہر پریاگ راج (الہ آباد) کے چند با شعور، با حوصلہ، تعلیم یافتہ، ہوش مند، جہاں دیدہ، پر عزم اور مخیر حضرات نے " کلید ایجوکیشنل اینڈ ویلفیئر ٹرسٹ" کا قیام کیا اور اسی ٹرسٹ کے زیر انتظام و انصرام، 2 جون سنہ 2023 کو " المصطفی اکیڈمی" کا آغاز کیا۔

بحمدہ تعالیٰ کچھ ہی مہینوں کی مدت میں اکیڈمی میں 35 طلبہ ( 12 بیرونی اور 23 علاقائی ) اور 3 اساتذہ پر مشتمل کاروان علم و ادب سوۓ منزل گام زن ہے اور ذمہ داران اکیڈمی نئے تعلیمی سال 25-2024 میں بیرونی طلبہ کی تعداد 30 تک اور اساتذہ کی تعداد 5 تک کرنے کو لے کر پر عزم ہیں۔ خدا کرے نئے مسافروں کی آمد ہوتی رہے اور یہ کاروان بڑھتا رہے۔۔

ہم‌ اہل خیر حضرات سے گزارش کرتے ہیں کہ وہ رمضان المبارک کے اس پر بہار موقع پر " المصطفی اکیڈمی" کو ضرور یاد رکھیں اور " کلید ایجوکیشنل اینڈ ویلفیئر ٹرسٹ" کے دست و بازو بن کر اس کے کاروان علم و ادب کے لیے زاد راہ کی فراہمی میں اپنا بھرپور حصہ ڈالیں اور اپنے لیے توشۂ آخرت کے بطور محفوظ کر لیں!
اللہ پاک آپ کا حامی و ناصر ہو!!

عرض گزار:- محمد مجاہد حسین رضوی مصباحی
مینیجنگ ٹرسٹی:- کلید ایجوکیشنل اینڈ ویلفیئر ٹرسٹ

آج بتاریخ ٨ نومبر ٢٠٢٣ عیسوی دن بدھ کو،
" المصطفی اکیڈمی" میں، استاذی الکریم، استاذ العلماء و الاساتذہ،سابق شیخ الحدیث الجامعۃ الاشرفیہ، محدثِ جلیل حضرت علامہ و مولانا عبد الشکور مصباحی علیہ الرحمۃ و الرضوان کی بارگاہ میں ایصال ثواب کے لیے ایک تعزیتی اور دعائیہ محفل منعقد ہوئی جس میں "المصطفی اکیڈمی" کے طلبہ، اساتذہ اور مجلس منتظمہ میں سے احتشام بھائی سی اے، افضال بھائی سی اے اور معین بھائی نے شرکت کی۔