28/10/2023
യുവാക്കൾക്ക് പാഴാക്കാൻ നിമിഷങ്ങളില്ല. ഊണും ഉറക്കവും ഉപേക്ഷിച്ചു ആശിച്ചു മോഹിച്ചു നേടേണ്ട ജോലി നേടിയെടുത്തവരെ ഇങ്ങനെ നെഞ്ചോടു ചേർത്തുനിർത്തുമ്പോൾ ഒരു അദ്ധ്യാപകൻ എന്ന നിലയിൽ ഞാൻ അനുഭവിക്കുന്ന സന്തോഷം വളരെ വലുതാണ്. ഇത് അഭിജിത് മധു. ഒരു സാധാരണ പോലീസ് ഉദ്യോഗസ്ഥന്റെ മകൻ. അച്ഛന്റെ പാത പിന്തുടർന്ന് അവനും ഇനി പോലീസ് സേനയുടെ ഭാഗമാവുകയാണ്. യു കെ ഡി എന്ന വിദ്യാലയ മുറ്റത്തിന്റെ ചൂടും ചൂരുമറിഞ്ഞു എത്ര ദിനരാത്രങ്ങൾ ഈ മിടുക്കൻ പഠനത്തിനായി മാറ്റിവെച്ചുവെന്ന് എനിക്ക് തന്നെ പിടിയില്ല. അത്രമേൽ കഠിനാധ്വാനം ചെയ്ത് ഒടുവിൽ അവൻ നേടിയെടുത്ത കാക്കി കുപ്പായം നാടിന്റെ നന്മക്ക് ഉപകാരപ്രദമാകട്ടെ.അതോടൊപ്പം ഒരു നല്ല ഉദ്യോഗസ്ഥനായും ജനസേവകനായും മാറട്ടെയെന്നു ആത്മർത്ഥമായി പ്രാർത്ഥിക്കുന്നു.
സ്നേഹത്തോടെ
