Vanlalngaia

Fanu duhawm tak min pek avangin Lalpa, kan lawm e.

Tui in bel, tui bel, tui in

Tui bel (tui in bel) leh Tui in Thu Dik, Thutak, Hla leh Thil Ṭangkai Dang

Game khelh nuam khelh, video hmuh nawm leh nuih tiza en vel, etc. atana hun khawh ral lovin, thil ṭangkai leh ṭha i ti ang u.

Haihawtte Tan

I phone khàn i tih turte chu a hun takah a remind thlap thlap thei che.

Damdawi ei hun te, zing thawh hun te, eng emaw tih tur te...

Alarm set sa ṭhin rawh.

Alarm set atana ṭhate:
Thawh hun.
Damdawi ei hun (ei mek nei tan)
Pawn mei tihthim hun.
Radio ngaihthlak hun.
Naupang sikul kal tur insiam hun.
Sikul kal / hna thawka kal - hun.
Zanin inkhawm zan. (inkhawm zan thlen dawnah).
Pawn mei chhit en hun.
Chhung inkhawm neih hun.

Cradle Roll Sabbath School Changvawn
1st Qtr, 2020.

1. A tirin Pathianin lei leh van A siam a. Genesis 1:1.

2. Engkim Amâ siam a ni. Johana 1:3.

3. Engkim mâwi takin A siam a. Thuhriltu 3:11.

4. Ani chuan tisa zawng zawng hnenah eitur A pe ṭhin. Sam 136:25.

5. Nangmahnin ei tur pe rawh u. Luka 9:13.

6. Ka beram bo kha ka hmu leh ta e, min lawmpui rawh u. Luka 15:6.

7. l nu leh i pa chawimawi rawh. Exodus 20:12.

8. He naupang dil hian ka ṭawngṭai a ni. 1 Samuela 1:27.

9. Naupangte u, in nu leh pate thu zawm rawh u. Efesi 6:1.

10. Nausen chu hmelṭha a ti em em a. Exodus 2:2.

11. I fate zawng zawng chu LALPA zirtîrin an awm ang. lsaia 54:13.

12. Naupang chu a kalna awm kawng zirtîr rawh u. Thufingte 22:6.

13. I inhmangaih tawn ṭheuh ang u. 1 Johana 4:7.

Bible-in "Chhandamna" a sawi hi chi thum emaw, a aia tamin emaw a ṭhen theih awm e:

CHHANDAMNA CHI THUM

(1) Hringfa zawng zawng chatuana boral tur kan nihna ata Isua ring (rinchhan) apiang chatuan nunna chang leh thei tura kros-a thihna hmanga "Isua rawn tlanna". (Isua Tlanna, Justification)

(2) Ni tin nuna Isua/Pathian kuta inhlan tharna, sual tih inchhirna leh simna, Pathian duh loh zawng a nih vanga pawi tihna leh ngaihdam dila Pathian hnena intuk luh lehna. (Piantharna, Sanctification)

(3) He khawvel tawp hun, Isua lo kal huna thihna, natna, lungngaihna, leh ṭahna awm tawh lohna hmuna kan taksa ngei tihdanglam a, a tak taka van ram kaina. (Chhandamna, Glorification)

SAWI FIAHNA

(1) Isua tlanna - keini mihringte dil leh ngen vang pawh ni lo, kan tihve tel hauh lo, Pathian thilthlawnpek liau liau a ni. Mahse, mihring zawng zawng tumah meidila tla awm lova van rama hruai vek (chhandamna pathumna) an la ni dawn tihna a ni kher lo. He tlannaah hian Isua kan va ring ve tih loh chu mihringin tih tur kan nei lo va; Isua tlanna kan ring lo a nih erawh chuan Isua tlanna hian keimahni bikah kan nakin hun atan awmzia tehchiam a nei dawn lo a ni. Mi zawng zawng hi tlan kan ni daih tawh a, he tlannaah hian tih ve tur eng mah kan nei lo. Tih ve tur nei lo mah ila, kan tana pawimawh hmasa ber leh hlu ber a nih avangin kan hriat chian a ṭul tlat si.

(2) Piantharna - Min siamtu leh min hmangaih em ema min tlantu Pathianin sual kan tih a duh lo, ṭha turin min duh a, chutih laiin kei hian a thu awih lovin ka lo sual (a thupekte ka lo zawm lo) tih inhriatna avanga pawi ti-a inchhira sual tih simna leh sual tih duh tawh lohna leh sual tih chak (thlema awm) pawha tih duh tawh lohna hi piantharna chu a ni. He chhandamna chhawng hnihna hi Isua kan rinna te pawh a tih theih awm e. Isua kan rin tawh hnuah - Thlarau Thianghlim ṭanpuina azara thisen chhuak khawp emaw thih thlenga rinawma awmna emaw hi piantharna/chhandama awmna chi khat chu a ni. Hei hi han chhuan tlak a ni chuang lo va, kan hrehawm nep tak tun mitkhap kar leka awm mai a ni a, a chhuang apiangin Isua chu chhuang rawh se a tih kha. He piantharna hi "Pathian ngaihdamna channa" pawh a tih theih bawk.

Amaherawhchu, he piantharna tel lo ("chauh" tihna a ni lo) hi chuan tumah Pathian ramah an thleng dawn si lo. Hei hi chhandamna pakhatna (Isua tlanna) kan "rinna" lo lanna "thiltih" chu a ni a, Thlarau Thianghlim puihna azar chauha thil ṭha kan tih ve theih te tete hi chhuan tur a nih loh avang leh chhuan tham a nih loh em avangin, "thiltih" lam hi chu sawi lang lovin "rinna" ti chauh pawhin an sawi ṭhin a; Bible ziaktu ṭhenkhat (Jakoba) erawh chuan "rinna" leh "thiltih" ti pawhin an sawi hrang tho bawk ṭhin.

Piantharna chu Isua rinna leh a duhzawnga nun inkawp hi a ni. He piantharna (Isua rin vanga Pathian duh dana thil ṭha tihna - thiltih) hi chhandamna pakhatna (Isua tlanna) kha lo awm lo ni ta sela chuan awmzia engmah a awm dawn chuang lo va, Isua rinna tel lova Pathian thupek zawmna ringawt hian chhandamna pathumna (van ram kaina) a thlen thei chuang hek lo. Isua ring duh lo Judaho leh Pharisaihote kha Isua rinna tel lo, thil ṭha tih (Pathian thu awih, a dan zawm ngawr ngawr) chauh sawi vul ṭhin an ni a, rinna tel lo thiltih chauh nei an ni.

Isua duh dana nun (thil ṭha tihna = thiltih) tel lo chuan Isua ring tih (rinna) hian awmzia a nei thui lem lo. Isua ka tan a thi a, min tlan tawh tih hriat vanga hlima lawmna chauh, a duh dana nung chuang si lo nih hi chhandamna chhawng thumna chan nan (van ram kai nan) a tawk lo. He chhandamna hi Isua pawhin a ngai pawimawh hle a, mi tupawh tuiah leh thlarauvah an pianthar loh chuan Pathian ramah an lut lo vang (chhandamna chhawng 3-na an chang lo vang) a lo ti hial a ni. Tuiah leh thlarauva piangthar tih hian Isua ring chunga a duh dana nung tih a k**k a, chuvangin "Piantharna" tih hi rinna leh thiltih inkawp tho kha a ni.

(3) Chhandamna - He chhandamna chhawng thumna hi chu thihna, natna, lungngaihna, ṭahna leh mittui tlakna awm tawh lohna hmun Pathian rama (van rama) luhna (hruai chhohna) chhandamna a ni a, khawvel tawp huna thleng tur a ni. Chhandamna pakhatna (Isua tlanna) avang leh Isua rinna (piantharna = rinna + thiltih) avanga Pathian ngaihdamna kan chan avanga chang/dawng thei tur kan ni chauh bawk. Van rama hruaina hi kan tih theih a ni lova, Isua tih tur liau liau bawk a ni.

KAN TIH VE TUR

Pathianin a tih tur lam a tih fel diam tawh avangin, keini ve thung tan hian, tuna kan dinhmunah - kan tih tur (leh tih loh tur) hi a pawimawh ber tawh a. Kan tih tur ni ve lo lam (Pathian thil tih) hi chu tun atan chuan kan sawi tam a ṭul ber lo ni te pawhin a lang (Isua tlanna chu kan hriain kan ring sa tawh tho va). Rinna kan tih pawh hi Pathianin ngaihtuah theihna rilru min pek/neihtir avanga kan rilru lama kan tih (hriatna leh pawmna) a ni a, rilru lama kan thiltih tho a ni.

Pathian leh a tlanna kan hriat tawh hnu hian - kan tih ve tur hmasa ber leh pawimawh ber chu "kan ngaihtuah leh thiltih" hi a ni a, tun huna kan dinhmun atan chuan. Hei hi kan inhrilh, infuih, inzirtir leh inzilh tam ber pawh a ni. Keini mihring tan chuan kan ngaihtuah leh thiltih hi thil pawimawh ber a ni tawh a.

Lal Solomon-a chuan Pathian ṭih leh a thupekte vawn hi mihring zawng zawng tih tur niin a sawi. Isua rin leh thil ṭha tih ti pawhin a sawi theih awm e.

Pathian hian tih ve tur min pe a, min phut bawk, chu chu kan tih hunin kan chhuang tur a ni lo va, chhuan tham lah a ni hek lo. Min phut ang kan tih duh tlat loh erawh chuan a khawngaihna chang tlak lo kan ni dawn a ni. Thil ṭha ti atana siam kan ni a. Thil ṭha tih tel lo rilru-a va rin veng vengna chauh hi chu bawih sual leh zawmthaw nihna a ni.

Isua pawhin, "'Lalpa, Lalpa' mi ti nazawng chu van ramah an lut lo vang a; ka Pa vana mi duhzawng titu erawh chu an lut ang," (Mt. 7:21) a ti. Chhandamna chhawng 3-na chang tur chuan Isua rin a, "Lalpa, Lalpa" tih dur dur ringawt kha a tawk lo va, Pathian duhzawng tih (a thupekte zawm) a ngai tih a chiang. A thupekte pawm si lovin "amah ka hria" kan tih chuan mi dawthei kan ni dawn a ni (1 Joh. 2:4).

“Amahah ka awm,” kan tih chuan ama awm ang bawk khan kan awm ve tur a ni (1 Joh. 2:6). Engtin nge a awm? Sabbath nî-ah a chawl a, a inkhawm ṭhin a, a inngaitlawm a, mite a hmangaih a, a ṭanpui a, a dawhthei a, mi sual a ngaidam ṭhin.

Delicious Lunch
Ropaiabawk, Chawlhhmun
Sunday 11:00 am to 4:00 pm
Eggroll, Chow, Rice, Pakora, Alu Papor, Alu Chop, etc.

Lalmanga nu lawm (hlawh) rawih ni -
A ni, June 21, hi chu kan hre tlangpui a. Mahse, nîin Hmar lam a pan nasat ber hun tak hi kan hre kher lo ang a. K*m 2019 hi chuan June ni 21, zing dar 10:24 am (India)-ah khian nî-in Hmar lam a pan nasat ber hun a ni dawn a ni (Sap chuan June Solstice an ti). Mizo chuan "Lalmanga nu lawm rawih ni" emaw "Lalmanga nu hlawh rawih ni" emaw kan ti ṭhin. Mi ṭhenkhat chuan an hna thawh tur, hlo thlawh tur emaw te hi mahni chauhva ni 4 ni 5 thawk lovin, mi pa 4 pa 5 an inlawm a, ni khatah mi pakhat lovah an thawk dual ṭhin a. Lalmanga nu chuan June 21-ah lawm a ruai a, (ni tlak hun hi hnathawh ban hun a ni tlangpui ṭhin a) he mi ni hi k*m khata ni rei ber ni a lo ni si a, an thawk hnemin an thawk rei an ti ngar ngar khawp mai a. Chu mi aṭang chuan k*m khata ni rei ber ni hi "Lalmanga nu lawm rawih ni" / "Lalmanga nu hlawh rawih ni" tiin an ko ta hial a ni.

History:

Lalmanga nu kha Chawnghawih lal a ni a (Lal a nih ngei a rinawm: a chhan pawh a fa hming koh hming hi hnamchawm hming ni lovin Lalmânga a ni tlat – hnamchawmin heti ang hming hi an chawi ve ngawt thiang lo). A thlalak pawh Mizoram State Museum-ah tàr a ni; thlangtlâk hma, 1604 AD niin an ziak. Lal hnena buh an chhûn thin hma chuan pipute khan chhungkaw tinin lal tan k*m khatah ni 2 emaw an thawk thin a, chu chu lal an nih hlawh a ni. Lalin lo an nei ve tho a, mahse rorel an ngaih avangin hna an thawk nasa thei lo, chhungkaw hrang hrang khan an pui thin. Lalmanga nu te lova an feh ni kha Lalmanga nuin hlawh a rawih ni, an lal hlawh a rawih ni a ni.

Site Rawn:

https://www.facebook.com/mizoencyclopeadia/posts/hei-hi-lo-chhiar-ve-ngei-tehlalmanga-nu-lawm-rawih-ni-nge-lalmanga-nu-hlawh-rawi/189395174553770/

https://mizoarchive.wordpress.com/2016/06/26/lalmanga-nu-lawm-rawih-ni-tih-leh-hlawh-rawih-ni/

https://hualngo.wordpress.com/tag/ralte/

*** On This Date ***

Wednesday, April 24, 2019

-----------------------------------------------
Country: Event
-----------------------------------------------
Armenia: Genocide Memorial Day
Israel: Pesach (fifth day)
Niger: National Day
USA: Admin. Professionals' Day
-----------------------------------------------