Mizo Zirlai Pawl - MZP

UNDER GRADUATE 2026 GOLD MEDALIST CHAWIMAWINA NEI DAWN

MZP General Headquarters chuan naktuk ni 30 July, 2026 hian I&PR Auditorium-ah Under Graduate 2026 Gold Medalist chawimawina hun a nei dawn a, hemi rual hian Aizawl chhunga College Students' Union Top-10 a lang leh MZP chhungkua (MZP Executive Member, College SU, Students' Council, Students' Bar Council leh Hnampual hruaitu) zirnaa hlawhtlinna changte lawmpuina a hmang dawn a ni.

MZP LEH MBSE HOTUTE MTET EXAM TUR CHUNGCHANGAH INKAWM

Mizo Zirlai Pawl General Headquarters chuan vawiin July ni 24, 2026(Zirtawpni) chawhnu dar 2:00 khan Mizoram Teacher Eligibility Test (MTET) August ni 7, 2026(Zirtawpni) a exam neih tur chungchangah Mizoram Board of School Education (MBSE) hotute hmuin, Chairman Pu JH Zoremthanga hoin meeting hi neih a ni.

He hunah hian, MBSE in a MTET exam a buatsaih tura form fill-up 5000 chuang zinga application 884 reject an nih chhan leh thil awm dan sawiho a ni.

MBSE hotute chuan, MTET exam turah hian k*m dang zawng aia applicants an tam thu leh reject tam takte chu form an fill-up laia document thehluh kim loh avangte, B.A Certificate/ Marksheet turah HSSLC Certificate/ Marksheet an thil tel avang leh HSSLC a 45% hmuh ngai zat phalo tam takin form an fillup thu MZP hruaitute an lo hrilh a ni.

MZP hruaitute chuan, MBSE in a Mizoram Teacher Eligibility Test (MTET) exam k*m 1 chhunga vawikhat chiah a buatsaih thin avangin, reject list tar chhuah hnuah pawh siamthat lehna hun siam dan tur ngaihtuah sak tur leh k*m 1 chhunga exam vawi 2 tal buatsaih thin turin an ngen a. MBSE Online Portal pawh tih changtlun a nih theihna turin rawtna hrang hrang thlen a ni bawk.

Naktuk a Peaceful Protest neih turah, zirlai zawng zawngte lo tel vek turin kan in sawm e.

Mizo Zirlai Pawl(MZP) Executive meeting vawi 653-na chuan, NEET-UG 2026 exam question paper leak avanga harsatna tawk zirlaite thlavang hauhin hmalak nise tiin a rel a, he thil thleng avanga harsatna tawk zirlaite tan pen chhuak turin Mizoram mipuite a sawm nghal a ni.

MZP Sub-Headquarters, Sairang in Mizo Zirlai Titha Chawimawina an hmang

Ni 25 June, 2026 (Ningani) khan MZP Sub-Headquarters, Sairang buatsaihin Mizo Zirlai Titha Chawimawina hun Sairang YMA Hall-ah hman a ni.

Mizo Zirlai Titha chawimawina hunah hian Pu Sanghmingthanga, Vice President MZP Gen. Hqrs chu Uaptu niin, Pu Zosangliana, IPS, Aizawl SP chu Khuallian a ni a. Pu Lalhruaitluanga Chawngte, MZP Adviser chu Resource Person ah atang bawk.

He Chawimawina hunah hian Mizo Zirlai hlawhtlinna chang mi 69 hnenah chawimawina thuziak hlan a nih bakah zirlai titha zual pahnih te hnenah chawimawina thuziak leh pawisa fai hlan an ni bawk.

Vice President chuan thusawiin, Zirlai hlawhtlinna changte chu lawmpuina leh fuihna thu a sawi bakah, Zirlai kalkhawmte chu Social Media hmanna kawngah fimkhur tur leh Social Media kan thil hmuh tam tak chu thil tak nilo, nawm hmel thei ang bera thlalak post ve mai a nih thu te. Tin, Social media hman khawloh avanga Cyber Crime lama thubuai nei zirlai an awm nawk thu leh Sairang zirlaite chu chutiang laka fihlim tlat tur leh social media chu a tha zawnga, zirlai puitu atana hmang thiam turin a fuih a ni.

Sairang khua chu mikhual tam tak hmachhawn tu kan nita reng mai a, tunhmaa MZP ngaihdan ah chuan Rel lo lut turte hi kan duh lo em em thin a, mahse tunah chuan ka duh emaw duh lo emaw, kan kawt kai ah a lo thleng ta reng mai a,hnamdang tam tak an rawn luh mai bakah kan Ram leh Hnam himna atana sumdawnna kawngah leh hnamdang thawh hopuina kawngah te leh Nupui pasal neihna kawng thlenga fimkhur turin Zirlai kal khawmte leh nu leh pa te a chah bawk a ni.