18/08/2022
........
गर्जे मराठी ग्लोबल फाउंडेशन, कॅलीफोर्नियाशी न्यु आर्टस महाविद्यालयाचा सामंजस्य करार.
नगर तालुका, ता. १७ ः अमेरीका स्थित गर्जे मराठी ग्लोबल फाउंडेशन, कॅलीफोर्निया या स्वयंसेवी संस्थेच्या सहकार्याने विद्यार्थ्यांना, स्वयंरोजगार निर्मितीसाठी मार्गदर्शन व्हावे यासाठी, न्यु आर्टस महाविद्यालयाने सामंजस्य करार केला आहे. गर्जे मराठी ग्लोबल फाउंडेशन ही संस्था २० वर्षापुर्वी आनंद गानु यांच्या संकल्पनेतून स्थापना झाली. प्रत्येक मराठी माणसाला प्रेरीत करुन त्याला उद्यमशिल बनविणे हा या संस्थेच्या मुख्य उद्देश आहे. या संस्थेच्या माध्यमातून जगभरात दहा हजाराच्यावर वर उद्योजक, व्यवसायिक, विविध क्षेत्रातील तज्ञ जोडले गेले आहेत.
बुधवार ता. १७ आॅगष्टला ग्लोबल मराठीचे संस्थापक अध्यक्ष आनंद गानू व न्यु आर्टसचे प्राचार्य डॉ. बी. एच. झावरे यांच्यात सामंज्यस्य करार झाला. या वेळी गर्जे मराठी ग्लोबलचे माधव दाबके, संजिव ब्रम्हे, संसथेचे अध्यक्ष नंदकुमार झावरे पाटील, उपाध्यक्ष रामचंद्र दरे सचिव जी. डी. खानदेशे, खजीनदार ॲड. विश्वसराव आठरे,विश्वस्त डॉ. विवेक भापकर, जयंत वाघ, मुकेश मुळे, ॲड. दिपल्क्ष्मी म्हसे, कार्यक्रमाचे संयोजक प्रा.अरुण गांगर्डे उपस्थीत होते.
महाविद्यालयासाठी गर्जे मराठी ग्लोबल फाउंडेशन या संस्थेबरोबर सामंजस्य करार ही अभिमानास्पद गोष्ट आहे. या सामंजस्य कराराच्या माध्यमातून गर्जे मराठी ग्लोबल महाविद्यालयासाठी सेवाभावी वृत्तीने काम करणार आहे. व्यवसायाच्या जागतिक स्तरावरील संधी ओळखण्यासाठी मार्गदर्शन करणे, बाजारपेठेची माहिती देणे अशा कामे होणार आहे. भांडवल पुरवठा करणा-या संस्थांची माहितीदेणे आणि सहकार्य करणे यासाठी या संस्थेच्या अनुभवाचा फायदा या कराराच्या माध्यमातून विद्यार्थ्यांना होणार आहे.
उच्च आणि तंत्रज्ञान शिक्षणातील अनेक नामवंत शिक्षण तज्ञ, शास्त्रज्ञ या संस्थेशी जोडले गेले आहेत.
देशातील आणि राज्यातील नामवंत शिक्षण संस्थांबरोबर गर्जे मराठी ग्लोबल फाउंडेशन काम करीत आहे. महाविद्यालय सर्व स्तरावर काम करुन जागतिक दर्जाच्या पायाभुत सुविधा आणि संसाधने विद्यार्थ्यासाठी उपलब्ध करुण देण्यासाठी सतत प्रयत्नशिल असेल.
अहमदनगर जिल्हा मराठा विद्या प्रसारक समाज ही अहमदनगर जिल्ह्यातील एक नामांकीत शिक्षण संस्थेने शताब्दी महोत्सव साजरा केला आहे. अहमदनगर जिल्ह्यात प्राथमिक शाळा, आश्रम शाळा, माध्यमीक आणि उच्च माध्यमीक विद्यालये, महाविद्यालये आणि व्यवसायीक महाविद्यालयांच्या माध्यमातून संस्थेने ज्ञान दानाचे कार्य विस्तारले आहे.
संस्था संचलीत न्यू आर्टस्, कॉमर्स अॅण्ड सायन्स कॉलेज, अहमदनगर हे राज्यातील आणि देशातील एक नामवंत महाविद्यालय म्हणून ओळखले जाते. उच्च शिक्षणातील महाविद्यालयाने केलेली नेत्रदिपक प्रगती पाहुन विद्यापीठ अनुदान आयोग, नवी दिल्ली यांनी महाविद्यालयाच्या उत्तुंग क्षमताशिल महाविद्यालय दर्जा देऊन विशेष गौरव केला आहे. कला, ललीत कला, वांड:मय, नाट्यक्षेत्र, सिनेसृष्टी, माध्यम समुहामध्ये महाविद्यालयामधील विद्यार्थ्यांनी उत्कृष्ट काम केले आहे.
विज्ञान विद्याशाखेतील विद्यार्थ्यांमध्ये विशेष तांत्रिक कौशल्य विकसीत करणेसाठी सेंटर फॉर अॅडव्हांस स्टडीज इन अप्लाईड सायन्सेस या केंद्राची स्थापना केली आहे. या केद्राच्या माध्यमातून येत्या शैक्षणिक वर्षामध्ये नवीन पदवी अभ्यासक्रम आणि लंडनमधील इनोव्हेटीव्ह लॅब च्या सहकार्याने उच्च दर्जाचे अल्पमुदतीचे व्यवसायिक अभ्यासक्रम सुरु करण्यासाठी महाविद्यालय प्रयत्नशील असल्याच प्राचर्य डॉ. झावरे यांनी सांगितले.
