https://renavikarshala.mespune.in/, https://mespune.in/

MES Renavikar School Savedi, Ahilyanagar, Savedi, Ahmednagar (2026)

15/09/2026

ज्ञानसंपदा आयोजित स्तोत्रपठण स्पर्धेत निनाद प्रसाद बर्वे या विद्यार्थ्याने अथर्वशीर्ष पठणात तिसरा क्रमांक प्राप्त केला आहे. प्रशालेतर्फे त्याचे खूप खूप अभिनंदन.

15/09/2026

गणेशोत्सव २०२६

15/09/2026

विद्यार्थी पालक उपक्रम ( गणपती मेकिंग कार्यशाळा )

म. ए. सो. पूर्व प्राथमिक शाळा, अहिल्यानगर शनिवार दिनांक 12/9/2026 रोजी बालवाडी विभागात गणपती मेकिंग कार्यशाळा उत्साहात पार पडली. या कार्यशाळेसाठी बालवाडीतील सर्व विद्यार्थी पालक व शिक्षक यांनी पर्यावरण पूरक असा शाडू मातीचा गणपती तयार करून तोच गणपती घरी बसवण्यात आला. सर्व विद्यार्थ्यांनी गणपती बाप्पा बनवण्याचा आनंद यावेळेस घेतला.

08/09/2026

म.ए.सो. कै. दा. रेणावीकर विद्या मंदिरात 'इको फ्रेंडली फॅशन शो' उत्साहात संपन्न

म.ए.सो. कै. दा. रेणावीकर विद्या मंदिर, सावेडी येथे आज इयत्ता पहिली ते चौथीच्या विद्यार्थ्यांसाठी ‘इको फ्रेंडली फॅशन शो’चे आयोजन करण्यात आले होते. मुख्याध्यापिका सौ. प्रतिभा गायकवाड यांच्या मार्गदर्शनाखाली आणि शिक्षकांच्या नवनवीन कल्पनांमधून हा अनोखा उपक्रम साकारण्यात आला.
या फॅशन शोमध्ये विद्यार्थ्यांनी टाकाऊ वस्तू, जुने कपडे, वर्तमानपत्रे, पुठ्ठे, झाडांची पाने, कापूस आणि विविध फुलांचा कल्पकतेने वापर करून आकर्षक वेशभूषा तयार केली होती. पर्यावरणातील प्राणी, पक्षी, झाडे, ढग आणि इंद्रधनुष्य अशा विविध घटकांचे रूप घेतलेल्या लहानग्या विद्यार्थ्यांनी अत्यंत आत्मविश्वासपूर्वक मंचावर सादरीकरण केले.
या कार्यक्रमासाठी पूर्व प्राथमिक विभागाच्या मुख्याध्यापिका सौ. मंजुषा कुलकर्णी आणि संगणक विभागाच्या शिक्षिका सौ. जैन मॅडम यांनी परीक्षक म्हणून काम पाहिले. याप्रसंगी सौ. जैन मॅडम यांनी विद्यार्थ्यांना पर्यावरणाचे महत्त्व पटवून देत सहभागी विद्यार्थ्यांचे व या नाविन्यपूर्ण उपक्रमाचे कौतुक केले.
कार्यक्रमाचे सूत्रसंचालन सौ. शकुंतला आहेरकर यांनी केले, तर श्री. सारसर यांनी उपस्थितांचे आभार मानले. हा कार्यक्रम यशस्वी करण्यासाठी सर्व शिक्षक, विद्यार्थी आणि पालकांनी विशेष मेहनत घेतली.

07/09/2026

🧑‍🏫🧑‍🏫 शिक्षक दिन सोहळा 👨‍🏫👨‍🏫

दि. 4 सप्टेंबर रोजी इयत्ता १० वी ‘अ’च्या विद्यार्थ्यांनी वर्गशिक्षिका सौ. अश्विनी कुलकर्णी यांच्या मार्गदर्शनाखाली शिक्षक दिन उत्साहपूर्ण व आगळ्यावेगळ्या पद्धतीने साजरा केला. प्रशालेचे संगीत अध्यापक श्री. कल्पेश अदवंत यांच्या मार्गदर्शनाखाली स्वागतगीताने कार्यक्रमाची सुरुवात झाली.कु. सेजल क्षीरसागर हिने अलंकारिक भाषेत सूत्रसंचालन करून रसिकांची मने जिंकली. साईराज शिंदे यांनी प्रास्ताविकातून शिक्षक दिनाचे उद्दिष्ट स्पष्ट केले. ईश्वरी म्हस्के यांनी प्रमुख अतिथींचा परिचय, तर सार्थक हजारे यांनी शिक्षक दिनाचे महत्त्व सांगितले. अभिरूप मुख्याध्यापिका अनन्या तुंगार हिने शिक्षकांच्या कार्याचे सुंदर वर्णन केले. शिक्षक सत्काराचे यादी वाचन कु. गायत्री पोटे हिने केले.
सौ. दीप्ती कुरमुडे यांनी शिक्षक मनोगत व्यक्त केले.

कु. आर्या मनवेलीकर हिने सुंदर नाट्यछटा सादर केली, तर इयत्ता आठवी व नववीच्या विद्यार्थ्यांनी मनमोहक नृत्य सादर करून कार्यक्रमाची रंगत वाढवली. तर कुमारी मृणाली नवले हिने तयार केलेल्या सेल्फी पॉइंट ने कार्यक्रमाची शान वाढवली. चि. रत्नेश पवार याने प्रशालेतील अध्यापकांच्या नावाचे सुंदर विश्लेषण करून पाट्या तयार केल्या.‘अशोका आर्ट फाउंडेशन’ व ‘श्री कला प्रतिष्ठान’चे संस्थापक-अध्यक्ष श्री. अशोक डोळसे सर यांनी विद्यार्थ्यांना अभ्यासासोबत कला जोपासण्याचे, आपल्या आवडीच्या क्षेत्रात करिअर करण्याचे व स्वावलंबी होण्याचे मार्गदर्शन केले. प्रशालेची माजी विद्यार्थिनी ऋचा कुलकर्णी हिने प्रवासाचे महत्त्व व जीवनातील अनुभवांविषयी विद्यार्थ्यांशी संवाद साधला.

विद्यार्थ्यांनी साकारलेले अभिरूप शिक्षक, त्यांचे अध्यापन व उत्कृष्ट कामगिरी करणाऱ्या विद्यार्थ्यांचा गौरव हे कार्यक्रमाचे विशेष आकर्षण ठरले. मुख्याध्यापकांनी आपल्या अध्यक्षीय मनोगतात कार्यक्रमाचे व सौ. अश्विनी कुलकर्णी यांच्या मार्गदर्शनाचे विशेष कौतुक केले.

सुंदर रांगोळी, आकर्षक सेल्फी पॉईंट, विद्यार्थ्यांनी हाताने तयार केलेल्या शिक्षकांच्या नावाच्या नेमप्लेट्स व गुलाबाची रोपे यामुळे कार्यक्रमाची सजावटही लक्षवेधी ठरली. सत्काराप्रित्यर्थ अध्यापकांना देण्यात आलेल्या विशेष भेटीत प्रत्येक शिक्षकाच्या प्रतिमेचे पेन्सिल स्केच विद्यार्थ्यांनी केले. संपूर्ण कार्यक्रम पर्यावरणपूरक, शिस्तबद्ध व शांततापूर्ण वातावरणात पार पडला. विद्यार्थ्यांच्या कल्पकता, कलागुण आणि मेहनतीचे दर्शन घडविणारा हा शिक्षक दिन सोहळा खऱ्या अर्थाने अविस्मरणीय ठरला. आभार प्रदर्शन शिवराज महांडुळे याने केले. चि. साहिल म्याना याने शिक्षक दिनानिमित्त विद्यार्थ्यांना प्रतिज्ञा दिली.

04/09/2026

श्रीकृष्ण जन्माष्टमी दहीहंडीचा कार्यक्रम
म. ए.सो . पूर्व प्राथमिक विभागात दहीहंडीचा कार्यक्रम साजरा करण्यात आला यावेळेस सर्व विद्यार्थ्यांनी श्रीकृष्ण व राधा बनून उपस्थित होते. दहीहंडी फोडून विद्यार्थ्यांनी छान डान्स ही केले श्रीकृष्ण जन्माष्टमीच्या आनंद घेतला. प्रशालेतील सर्व वातावरण कृष्णमय व भक्तीमय झाले होते.भजनी मंडळाच्या महिलांनी छान असे अभंग ,गवळण ,भारुड गायले. श्रावणी शुक्रवार निमित्त सर्व महिला पालकांना हळदीकुंकू ही देण्यात आले.

03/09/2026

म. ए. सो. रेणावीकर विद्या मंदिर शाळेत पर्यावरण पूरक दहीहंडी जल्लोषात साजरी
महाराष्ट्र एज्युकेशन सोसायटीच्या रेणावीकर विद्या मंदिर शाळेत दरवर्षीप्रमाणे नवीन समाजोपयोगी पायंडा पाडत पर्यावरण पूरक दहीहंडी साजरी केली गेली .मुख्याध्यापिका सौ. प्रतिभा गायकवाड यांच्या मार्गदर्शनाखाली आणि शिक्षकांच्या नवनवीन संकल्पना मधून विविध पर्यावरण पूरक उपक्रम घेतले गेले.
यामध्ये दहीहंडी म्हणून विविध वृक्षांच्या बियांच्या पोटल्या मटक्यामध्ये ठेवण्यात आल्या . तसेच वृक्षारोपण केले, कापडी पिशव्या बनविण्यात आल्या. तसेच घरातील व परिसरातील प्लास्टिक कमी करण्याच्या उद्देशाने प्रत्येक विद्यार्थ्याने प्लास्टिक ब्रिक्स बनवून आणल्या . जुन्या कपड्यांपासून खुर्च्यांवरच्या मॅट, टेबल मॅट, कव्हर बनवून विद्यार्थ्यांनी आपल्या कलात्मकतेचेही प्रदर्शन घडविले.
भगवान श्रीकृष्णाच्या गोपाळकाला या संकल्पनेचे सामाजिक महत्त्व सौ. रसिका देवचक्के यांनी उलगडून दाखविले. ज्येष्ठ अध्यापिका सौ. स्वाती गराडे यांनी पर्यावरण पूरक उपक्रमांचे महत्त्व आणि माहिती दिली. संगीत शिक्षक श्री कल्पेश अदवंत सर आणि सौ. शकुंतला आहेरकर यांनी विद्यार्थ्यांकडून गाणी म्हणून घेतली. त्यानंतर तीन थरांचे मानवी मनोरे रचून दहीहंडी पारंपारिकरित्या फोडून सर्व विद्यार्थ्यांना दही काल्याचा प्रसाद देऊन उपक्रमाची सांगता झाली. राधा आणि कृष्णाच्या वेशभूषेत काही विद्यार्थी आलेले होते. यामध्ये सर्व शिक्षकांचे महत्त्वपूर्ण योगदान लाभले तसेच शिक्षकेतर कर्मचारी आणि पालकांचे सहकार्य लाभले.
school

02/09/2026

दि. ३१/०८/२०२६ रोजी प्रशालेत संस्कृत दिन उत्साहपूर्ण वातावरणात साजरा करण्यात आला. इयत्ता आठवीच्या विद्यार्थ्यांनी संस्कृत विषयाची सुंदर प्रदर्शनी आयोजित केली होती. प्रदर्शनीमध्ये भारतातील विविध नृत्यप्रकार, संस्कृतमधील कवी-पंडित, वेद-उपनिषदे यांची माहिती देणारे चार्ट तसेच विविध धान्ये, भाज्या, मसाले, प्राणी व दैनंदिन वापरातील वस्तूंची संस्कृत नावे प्रदर्शित करण्यात आली.
यानंतर विद्यार्थ्यांनी संस्कृत श्लोक व अर्थ, कथा, प्रहेलिका, संस्कृत दिनाचे महत्त्व आणि संस्कृतमधील संवाद यांचे प्रभावी सादरीकरण केले. विद्यार्थ्यांचा उत्स्फूर्त सहभाग हे कार्यक्रमाचे विशेष आकर्षण ठरले.
कार्यक्रमासाठी प्रमुख पाहुण्या म्हणून सौ. रेणुका मुळे उपस्थित होत्या. त्या अनेक वर्षांपासून संस्कृतचे वर्ग घेत असून बी. एम. एस. महाविद्यालयात व्याख्याता म्हणून कार्यरत आहेत. तसेच ‘गुंजारव’ मासिकाच्या लेखन कार्यातही त्या सहभागी आहेत. त्यांनी विद्यार्थ्यांचे कौतुक करून संस्कृत भाषेचे महत्त्व सांगितले व मार्गदर्शन केले.
अशा प्रकारे संस्कृत भाषेची गोडी, तिचे महत्त्व व समृद्ध सांस्कृतिक वारसा विद्यार्थ्यांना समजून देणारा हा उपक्रम उत्साहात संपन्न झाला.

02/09/2026

• 🍀☘️💐💐 🍀पर्यावरण पूरक राखी बनविणे कार्यशाळा ☘️ 🍀💐💐🍀

#

01/09/2026

समूह गायन स्पर्धेत घवघवीत यश.

MES Renavikar School Savedi, Ahilyanagar

15/09/2026

15/09/2026

15/09/2026

08/09/2026

07/09/2026

04/09/2026

03/09/2026

02/09/2026

02/09/2026

01/09/2026

Address

Telephone

Website

Alerts

Contact The School

Shortcuts

Share

Category

Listing takedown request