28/12/2025
વિદ્યાર્થીઓમાં પરીક્ષા પ્રત્યે સકારાત્મક અભિગમ વિકસે અને પરીક્ષાને ઉત્સવરૂપે સ્વીકારવાની મનોભૂમિકા તૈયાર થાય—એવા હેતુ સાથે કોચિંગ ક્લાસિસ એસોસિએશનના આમંત્રણને માન આપીને રાજકોટ ખાતે "સેલિબ્રેશન ઓફ એક્ઝામ” કાર્યક્રમમાં ઉપસ્થિત રહેવાની તક મળી.
આ કાર્યક્રમમાં વિદ્યાર્થીઓને સ્ટ્રેસ મેનેજમેન્ટ, સમય વ્યવસ્થાપન અને આત્મવિશ્વાસ સાથે પરીક્ષાનો સામનો કેવી રીતે કરવો તે અંગે સરળ, અસરકારક અને પ્રેરણાદાયી માર્ગદર્શન આપવામાં આવ્યું. પ્રમુખસ્વામી ઓડિટોરિયમ વિદ્યાર્થીઓના ઉત્સાહથી છલકાઈ ઉઠ્યું અને કાર્યક્રમની સફળતાનો સાક્ષી બન્યું.
કોચિંગ ક્લાસિસ એસોસિએશન રાજકોટના સર્વે પદાધિકારીઓની અથાગ મહેનતને કારણે આ કાર્યક્રમ ખૂબ સફળ રહ્યો.
આ અવસરે પ્રમુખ શ્રી પ્રતિકભાઈ મકવાણા, ઉપપ્રમુખ શ્રી ડેનિસભાઈ ભાલોડીયા, શ્રી દીપકભાઈ ટાંક, શ્રી વિશાલભાઈ જોશી તથા જનરલ સેક્રેટરી શ્રી મૌલિકભાઈ ટોળિયા સહિત તમામ પદાધિકારીઓને ફેડરેશન ઓફ એકેડેમિક એસોસિએશન તરફથી હાર્દિક અભિનંદન.
હેમાંગ મહિપતરામ રાવલ
પ્રમુખ
ફેડરેશન ઓફ અકેડેમિક એસોસિએશન - ગુજરાત
22/11/2025
09/07/2023