MaiRwbam

Shout out to my newest followers! Excited to have you onboard! Kripasindu Debbarma, Sachlang Debvarman

LAIBUMA KOK SAO
___________

Habani samung chongwi

Sapung-Hopung ongkhorkha

Bumul swlaina sirisitini

Kubuino kothoma swnam phiui

Mungno mungbai kholobwi

Koton riui bwskango bachajak

Tabuk Habalam botok botok

Thumbaikha-rapbaikha

Nukya Siniya halokni bothop

Gatilam botok lekhabaiya khorok

Hatio mwnwio halok kwrwi mang

Hatini toksate toksate

Aichuk kwrao nokholao bacha phaikha

Sandai swnamjadi sanwi

Muktrwi athang kuthango

Khamplai bedogwi Lamsokkha

Logio Khurisa-khopsa bedok.

Halokni mai khopsa chaui

Pokkha Halokni yarwng

Tabuk,

Haba yachakjak samung swnambwi

Salburum ongkhorphikha

Siristini mwkhangno lepana-huina

Noksingo Hapma Yapri Choliya

Khutruo naisonjak

Khatijak Laibumano khokna.

Aphuru Laibuma sao mwnwi

O salno naharwino

Khatikha ano Dangaima-Dangaipha

Huwibo kakya, Tanwibo kwraiya

Ang oro Yarwng surjak

Thwiphwlaiya laibuma wngwi.
_____________

Espan Debbarma
MaiRwbam

"Rajaba kaio Osani mwtai, Kangal Mamita rio" o kokthai kokbwtang chwngno pokriya, pokriui manya.

9th November-2025 "MAMITA TER"
Hohom-dodomkhe palaijakmani nukjakha Aguli Nandanagar thaio. O Terno Luwajinai wngkha SAIDRA CO-ORDINATION COMMITTEE (NGO).

Kwdwkma jora bisi romwi Tiprasa lukubosongo Mamita Ter khwlaijago, mwsajago hwnwi khwnai phaiphano tabukni jorao o Terno palailaimani nukjakya. Abono teisa Roboksarwi tei Hukumuno rotomsarina bagwino Taklai bisini simi kwtalkhe wansokmung chabwi o Mamita Ter khwlaijakmani jottoni mokol bwskango.

Kok Thaisabai Sana thangkhe Mamita Terno Mai kwtal chamano hinjago. Hukni mai kumun raui tisaui kami chokdirino khobwi Bisini mai kwtal chalaio tei rwchap mwsalaimani abo Tiprasa Lukubosongo kusung kusung jorani simi twilaiwi phailaimani laibuma tongo.

O Mamita Terni pandao borom gwnangrok Swikwrwng, Wansokwrwng, Taknai lupnai kwrwngno khobwibo teibo lukurokno phaiwi manjakphaibaikha. Tei pandano rwksauino Rwchap-mwsabo khwlaijakha. Phainai salo mohaikheno teibo naithok nukthokhe nugui manlainai hwnwi kha khwlaio.
__________

MaiRwbam

Sal thango Bisi laio baksa baksani langma kothoma chapjakya laiwi thangbaio. Phiya Jorale sabo saboni langmao bwswk tangkha, khatikha mukumu khotolo thebwi tonio.

Abohaino, Taklai Phil Bwrwi(4th) TRIPURA PUBLISHERS GUILD- 2025 bisini Bijap Terni sokat yapharmungo tabuk jorao siklarokni bising Kokborok kokrwbaini motomkhorokhoro khe sinijagwi tongnai Kokthai kholkwrwng, Koklop swi kwrwng takhuk Runit Debbarmano "SANTISUDHA SAHITYA SANMAN" Sokat yapharjakha.

Kokborok kokrwbaio bini swimung khwimung belaino rotomsai tongmani bai jottoni mokolo chwngsajak. Bini wansokmung, swimung Kokborokni achukthai teibo warsao, chuksao tei khorok tisana phan mantwi swkangwi thangnani bagwi jaijor swnamwi tongo.
____________
MaiRwbam
Jorani Khorang Adivasi Lives Matter Runit Debbarma
Raman Debbarma

Swngmung_
1. Haripada Debbarma bai swijak puila Kokthoma Bwsani mung wngkha-

a. Bolongni Khum
b. Jalai Tokpupu
c. Elemni bibi
d. Sakani thaisa phanoya

Swngmung_
2. Binoy Debbarma bai swijak 'Sonet Koktangrok' Kokborokni puila sonet bijap bo bisio swiwi karijakha?

a. 1989
b. 1987
c. 1988
d. Sakani thaisa phanoya

Swngmung_
1. 'Ang bai kwkhwrang Twini khorang'(1986) koklop bijapno swinai sabo?

a. Snehamoy ray chowdhury
b. Sachlang Tripura
c. Chandra Kanta Murasingh
d. Sakani thaisa phanoya

Kokborok Kokrwbaio-

Santimoy Chakraborty Wanjwi dophani borokphano Kokborok hamjaknai tei Kokborok kok, kokrwbaino dumsaui thangjanai khoroksa. Bobai swijak mokol kaijaknai Kokborok bijaprokno philwi naiphikhe chwng nugwi mano-

1. BHARATNI PANCHALI (Koktang)-1960
2. RAMAYAN KOCHORJAK-1962
3. KOKBOROKNI KERANG KOTHOMA- 1980
4. KOKTANG KOKLOP BWTANG- 1983
5. PHIROGWI PHAIDI (BANGLA) -1986
6. MUKTWI (Koklop)- 1989
7. NIJE NIJE KOKBOROK SIKHUN- 2000

Abono karwi bini jotoni swlai Kokborok kokrwbaini laibumano uphilwi naichomjak bijap kangsa swiwi kariphikha a bijapni mung- KOKBOROKER UTSHA SANDHANE- 2000.
_________________

"As we mark our King's birthday, we reflect on his contributions and the memories he left behind."

Chinibo tongu bubagra, tongu Yaphang, yarwng, Bosong.
Obono sinimung obono surimung.

Khulumkha 🙏 Kwplaisa Bubagrano tei Nini achaima kwthar salno muitu khwlaiwi nini bwsarok moklaijak, kha khamlaijak.

Raman Debbarma

World River's Day

O topicno twiwi sabo kok sana muchung saphai mano. interested hwnkhe dakti contact khwlaidi, 20 Septemberni swkang.
_____________
Kok masanai- 10min
Akashvani Agartala (AIR)

Siklarokni bisingo Kokborok Thungnuk/Drama swinai eba swijak saboni tong? tongkhe kwrwngphaidi. Akashvani Agartala(AIR) norokni bagwi dugarlam jephurubo phiyokjakno tongnai.
Saimanba bagwi kwrwngdi_
Hambai.

Tini Hayung Mani Kok Sal...

Kok wngkha borok munuisurok khoroksa bai tei khoroksa kwrwnglaimani, Halok bolaimani, manjulaimani kaisa mari. Kok kwrwikhe chwng borokrok bwskang swkangwi manlainani phan kwrwisukno hwnwi mano.
Bisi brumno 21 February Salmari phaikhe Hayung Mani kok salno palaijagwi phaio.

Hayungo Juda juda borok dopha tongmabai baksano Juda juda dophani kokbo tongo.
Achaiphuruni simi khwnai phaima, saui phaima koknono chwng Mani kok hwno. Baithangni Mani kokno borom rina, bolaina tei mwthangwi toninano kitingwino tini hai salo Hayung Mani kok Sal hayung gwnangwi palaijago.