Lalmati jatiya vidyalaya

২০২৫-২৬ ইং শিক্ষা বৰ্ষৰ জাতীয় বিদ্যালয় ৰাজ্যিক বৃত্তি পৰীক্ষাত আমাৰ বিদ্যালয়ৰ মুঠ ৭ গৰাকী শিক্ষাৰ্থীয়ে কৃতিত্বৰে বৃত্তি লাভ কৰি বিদ্যালয়খনলৈ গৌৰৱ আৰু সুনাম কঢ়িয়াই আনিছে। এই সাফল্যই বিদ্যালয় পৰিয়ালক গৌৰৱান্বিত কৰিছে। অনাগত দিনত আটাইকেইগৰাকী ছাত্ৰ-ছাত্ৰীৰ উজ্জ্বল ভৱিষ্যত, অধিক সফলতা আৰু সুন্দৰ জীৱনৰ বাবে বিদ্যালয়ৰ ফালৰ পৰা আন্তৰিক শুভকামনা জ্ঞাপন কৰিলোঁ।

আটাইলৈকে ৰঙালী বিহুৰ আন্তৰিক ওলগ জনালোঁ।
যোৱা ১৩/৪/২০২৬ তাৰিখে লালমাটি জাতীয় বিদ্যালয় আৰু লালমাটি মডেল ইংলিছ স্কুলৰ বাকৰিত প্ৰাক ৰঙালী বিহু উদযাপন অনুষ্ঠানটি আনন্দ–উল্লাসৰ মাজেৰে অনুষ্ঠিত কৰা হয়। এই অনুষ্ঠানত সদ্য ঘোষিত হাইস্কুল শিক্ষান্ত পৰীক্ষাত উত্তীৰ্ণ হোৱা ছাত্ৰ-ছাত্ৰীসকলক সম্বৰ্ধনা জনোৱা হয়। বিদ্যালয়ৰ শিক্ষক-শিক্ষয়িত্ৰী আৰু উপস্থিত অতিথিসকলেও তেওঁলোকক উজ্জ্বল ভৱিষ্যতৰ বাবে আশীৰ্বাদ আৰু শুভেচ্ছা জনোৱা হয়।অনুষ্ঠানখনত ছাত্ৰ-ছাত্ৰীসকলে বিহু গীতৰ লগতে বিহু নৃত্য
প্ৰদৰ্শন কৰি সকলোকে আনন্দিত কৰে।
ৰঙালীৰ ৰঙেৰে ৰঙীন এই অনুষ্ঠানটোৱে বিদ্যালয়খনত এক আনন্দময় আৰু উৎসৱমুখৰ পৰিৱেশ সৃষ্টি কৰে।

অসম জাতীয় বিদ্যালয় শিক্ষা সংসদৰ অন্তৰ্গত। কৰ্ম মোৰ সংস্কৃতিৰে অনুপ্ৰাণিত মাতৃভাষা মাধ্যমৰ লগতে উন্নত শৈক্ষিক মানদণ্ডৰে শিক্ষা প্ৰদান কৰা লালমাটি জাতীয় বিদ্যালয়ৰ সাফল্যৰ বিংশতিতম বৰ্ষৰ নামভৰ্তি চলি আছে।

লালমাটি জাতীয় বিদ্যালয় আৰু লালমাটি মডেল ইংলিছ স্কুলৰ ২০২৫-২৬ ইং শিক্ষা বৰ্ষৰ বাৰ্ষিক খেল-ধেমালীৰ বঁটা বিতৰণী অনুষ্ঠানখন আনন্দময় পৰিবেশত অনুষ্ঠিত হয়। খেল-ধেমালীত কৃতিত্ব অৰ্জন কৰা ছাত্ৰ-ছাত্ৰীসকলক বঁটা, পদক আৰু প্ৰশংসাপত্ৰ প্ৰদান কৰা হয়। অনুষ্ঠানত ছাত্ৰ-ছাত্ৰীসকলে মনোমোহা নৃত্য আৰু গীত পৰিবেশন কৰি উপস্থিত সকলোকে মুগ্ধ কৰে। বিশিষ্ট অতিথি হিচাপে উপস্থিত থাকে কবি তথা আবৃত্তিকাৰ ৰাধিকা মোহন দাস। তেওঁৰ আবৃত্তি আৰু অনুপ্ৰেৰণামূলক বক্তব্যই অনুষ্ঠানখন অধিক সজীৱ কৰি তোলে। এই অনুষ্ঠানখনে শিক্ষাৰ্থীসকলৰ মাজত ক্ৰীড়া চেতনা, সৃষ্টিশীলতা আৰু আত্মবিশ্বাস বৃদ্ধি কৰে।

বিগত বৰ্ষৰ দৰে এইবেলিও লালমাটি জাতীয় বিদ্যালয় আৰু লালমাটি মডেল ইংলিছ স্কুলৰ বাকৰিত বিদ্যাৰ অধিষ্ঠাত্ৰী দেৱী আই সৰস্বতী পূজা অনুষ্ঠিত হয়। বিদ্যালয়ৰ বাকৰিত ৰঙীন ফুল আৰু আলোকসজ্জাৰে সুসজ্জিত পৰিবেশত পূজাৰ্চনা, আৰতি আৰু পুষ্পাঞ্জলি অনুষ্ঠিত হয়, য’ত ছাত্ৰ-ছাত্ৰীয়ে ভক্তিভাৱে অংশগ্ৰহণ কৰে। শিক্ষক-শিক্ষয়িত্ৰী আৰু অভিভাৱকসকলেও উপস্থিত থাকি অনুষ্ঠানটো সাফল্যমণ্ডিত কৰে।

২০২৫-২৬ইং শিক্ষা বৰ্ষৰ হাইস্কুল শিক্ষান্ত পৰীক্ষাত অৱতীৰ্ণ হ'বলৈ ওলোৱা আমাৰ বিদ্যালয়ৰ ছাত্ৰ ছাত্ৰী সকলক আজি আনুষ্ঠানিকভাৱে শুভেচ্ছা তথা বিদায় জনোৱা হয়।

২০২৫-২৬ ইং শিক্ষা বৰ্ষৰ বিদ্যালয় সপ্তাহৰ সাংস্কৃতিক কাৰ্যসূচীৰ অসমীয়া গীতৰ আধাৰত একক নৃত্য প্ৰতিযোগিতাৰ কিছু অংশ আপোনালোকলৈ আগবঢ়ালোঁ।

ক্ষেত্ৰ অধ্যয়ন (Field Study) মানে হৈছে পাঠ্যপুথিৰ বাহিৰত, বাস্তৱ জগতত গৈ কোনো বিষয় সম্পৰ্কে পোনপটীয়াকৈ তথ্য সংগ্ৰহ কৰা আৰু পৰ্যবেক্ষণ কৰা, য'ত শিক্ষাৰ্থীসকলে নিজ চকুৰে দেখা, অনুভৱ কৰা আৰু প্ৰত্যক্ষ অভিজ্ঞতাৰে জ্ঞান আহৰণ কৰে।
এই উদ্দেশ্যৰে লক্ষ্মীনাথ বেজবৰুৱা একাডেমী আৰু লালমাটি জাতীয় বিদ্যালয়ৰ নৱম আৰু দশম শ্ৰেণীৰ ছাত্ৰ ছাত্ৰী সকলক লৈ যোৱা হয় চিৰাং জিলাৰ নিজলাগুৰিলৈ।