Contact information, map and directions, contact form, opening hours, services, ratings, photos, videos and announcements from Mom & Baby Care Center مركز الأم والطفل, Childcare service, נצרת, Nazareth.
خصوصًا مع الرضاعة، هرمون البرولاكتين بيكون مرتفع، والإستروجين بيكون منخفض… ومع قلة النوم، الإرهاق، التغيّر النفسي والجسدي بعد الولادة، ممكن الرغبة الجنسية تنخفض بشكل واضح. فإذا بعد الولادة حسيتي إن رغبتك اختفت… لا تلومي حالك، ولا تفسريها فورًا إنك ما عدتي بتحبي زوجك. جسمك مرّ بتغيير كبير، والرغبة الجنسية مش زر بنكبسه وبترجع #ولادة #الرغبةالجنسية #رضاعة #امومة
وبعدين بستغربوا… ليش صار عندها اكتئاب بعد الولادة؟ 💔
طول الحمل:
«كيف البيبي؟»
بعد الولادة:
«كيف البيبي؟ بيرضع؟ بينام؟ زاد وزنه؟»
بس قليل جدًا اللي سألها:
«إنتِ كيفك؟ نمتي؟ أكلتي؟ تعبانة؟ محتاجة حدا يساعدك؟»
الأم مش آلة بتولد وبتكمل حياتها عادي.
هي كمان مرّت بتغيّرات جسدية ونفسية كبيرة، وبتحتاج احتواء ودعم حقيقي.
فـ قبل ما نحكم عليها ونقول:
«ليش مكتئبة؟ عندها بيبي حلو!»
اسألوها أولًا:
«شو ممكن أعمل عشان أخفف عنك؟» 🤍
#نفاسية #الأمومة بعد_الولادة دعم_الأم
!
إذا كنتِ بتقضي وقت طويل واقفة بالبيت، حاولي تغيّري وضعيتك من فترة لفترة، وإذا الطابة مريحة وآمنة إلك، ممكن تقعدي عليها بدل الوقوف المستمر.
الفكرة مش إن «الطابة تعالج وجع الظهر»
لكن إنك تغيّري وضعية جسمك، تقللي الوقوف المتواصل، وتسمحي لعضلات ظهرك ترتاح.
وخاصة بالحمل… جسمك عم يتغيّر كل يوم، فلا تنتظري الألم حتى تعطيه راحة ❤️
احفظي الريل وابعتِيه لكل حامل بتضل واقفة طول اليوم #أرضية الحوض #حمل #رياضةحوامل #ولادة
التصاقات البطن مش دايمًا بتكون “حظ سيئ”.
في عوامل بتبدأ من غرفة العمليات نفسها:
✔️ خبرة الجرّاح.
✔️ طريقة التعامل مع الأنسجة.
✔️ تقليل الالتهاب والنزيف أثناء العملية.
وبعد العملية كمان في عوامل بتفرق:
✔️ الحركة التدريجية.
✔️ العناية بالندبة.
✔️ تدليك البطن والسوبادا بشكل مهني ومدروس.
لما الأنسجة تفقد حركتها الطبيعية، ممكن يظهر شد، ألم، انتفاخ، أو إحساس إن البطن “مشدود” من الداخل.
عشان هيك التعافي ما بينتهي بخروجك من المستشفى… التعافي الحقيقي بيكمل بالأيام والأسابيع اللي بعدها.
احفظي هاد الريل وابعتيه لأي وحدة عاملة عملية بطن أو فيصرية❤️ #التصاقات #قيصرية
الولادة ما بتأثر بس على شكل البطن… بتأثر كمان على العضلات، اللفافة، والأنسجة اللي اشتغلت 9 أشهر حتى تحمل طفلك. 💛
لهيك كثير من الأمهات بحسّوا بضعف، بروز بالبطن، أو شد وعدم راحة حتى بعد الولادة.
التدليك العلاجي بعد الولادة ممكن يساعد على:
* تحسين الدورة الدموية.
* تخفيف الشد والالتصاقات بالأنسجة.
* تقليل الإحساس بالتيبس.
* تحضير الجسم لمرحلة التأهيل والتمارين المناسبة.
التعافي الحقيقي بيحتاج تقييم للحالة، وتدليك إذا كان مناسب، مع تمارين موجهة حسب احتياج كل أم.
#سوبادا
“ليش تعبانة؟” “ليش بطنك صغير؟” “ليش بطنك كبير؟” “قدي زدتي؟” “أكيد ولد؟” “أكيد بنت؟”
ولما تولدي:
“ليش ولدتي هيك؟” “ليش بترضعي هيك؟” “ليش ابنك هيك؟”
الناس… مش راحمة حدا.
لا اللي لسا بتحاول تحمل،
ولا اللي حامل،
ولا اللي صارت أم.
في أسئلة ما إلها مكان بحياة الناس.
مش كل إشي لازم تعرفوه، ومش كل سؤال لازم ينسأل.
إذا ما عندك كلمة بتخفف عن الشخص… احتفظ بفضولك إلك.
#الحمل #الأمومة #حمل أم تدخل وعي