أصالة عمري - لحياة زوجيّة ووالديّة واعيَة

05/04/2026

في كل علاقة في دوائر خفيّة بتتكرر بنفس النمط وبتحرك العلاقة ، تعرفوا عليها، تعاملوا معها وعالجوها من الأساس ورح تكون اول خطوة نحو شراكة تربوية ناجحة...

26/02/2025

"لمة عيلة" 🤩
📢 بعد سنة وشهرين من الإصدار، أخيرًا "لمة عيلة" بتستاهل النشر والإعلان! 🎉

💡 كيف بدأت الفكرة؟
بعد صندوق "صرنا أهل"، وصلني طلبات كثيرة لإصدار مناسب للعيلة كلها وباللّغة العربيّة، يكون ممتع للأهل والأولاد سوا، وحتى لطلاب المدارس والأصحاب! وهكذا وُلدت "لمة عيلة" – لعبة تجمع العيلة بأسئلة وحوارات ممتعة وملهمة.

✨ ماذا تحتوي اللعبة؟ ✨
▪️ 54 قطعة خشبية (30 قطعة مع كتابة من الجهتين، 20 قطعة مع كتابة من جهة واحدة، 4 قطع فارغة) – يعني عندكم 80 جملة متنوعة بين أسئلة حوارية، جمل ملهمة، وتحديات لطيفة.
🛍 كيس قماش بشعار "لمة عيلة" لحفظ القطع بعد الاستعمال.
📜 بروشور تعليمات لتوضيح كيفية اللعب.

✨ متوفر حاليًا 30 نسخة فقط! ✨
📌 السعر: 200 شيكل بدل 220 بمناسبة الشهر الفضيل 🌙
🚚 توصيل متاح لجميع المناطق!
📩 للطلب: ابعتولي عالخاص
💛 رمضان مبارك! 🎁 خلّوا جلسات العيلة أحلى وأعمق مع "لمة عيلة"!

💡 لماذا الآن؟
"لمة عيلة" هو منتج يدوي تطلّب وقت وجهد في الإنتاج، لذلك كان متاح فقط بطلبات شخصية. لكن اليوم، صار الوقت ليأخذ حقه.

10/10/2024

15.10.2024

17/09/2024

لقاء "حقيبة مشاعري" للأمهات هو جلسة تهدف إلى تمكين الأمهات من التعرف على مشاعرهن وفهمها بشكل أعمق، مما يعزز وعيهن الذاتي ويدعمهن في التعامل مع الضغوط اليومية. الهدف الأساسي هو مساعدة الأمهات على تطوير مهارات عاطفية وإكسابهن أدوات فعّالة تساعدهن في إدارة التحديات بطريقة صحية وواعية. من خلال هذا اللقاء، تكتسب الأمهات استراتيجيات لتعزيز التواصل مع أطفالهن وفهم احتياجاتهم العاطفية، مما ينعكس إيجابيًا على العلاقة الأسرية ويجعل الأمهات أكثر توازنًا ومرونة في تقديم الدعم المناسب لأبنائهن.

17/07/2024

بمناسبة مرور سنة على انطلاق صندوق "صرنا أهل"
تخفيض 15% لمدة أربع أسابيع متتاليّة من 20.8 - 20.7 فقط!
استغلوا التخفيص واحجزوا الصندوق الي رح يعمل تغيير بنوعية علاقاتكم الزوجيّة والوالديّة.
الي بميّز صندوق "صرنا أهل" انه بناسب جميع مراحل الارتباط والعلاقات وممكن ينتقل معكم من فترة لأخرى وكل مره تكون التجربة وكأنها المرّة الأولى🤍
بالاضافة انه من أهم الأدوات الي بتقدر كمعالج او اخصائي تضيفها لسلة أدواتك وتساعدك تفتح حوار وتتعرف على معالجينك بعمق اكثر.

12/07/2024

وينتا كانت آخر مره تشاركتم فيها حوار عميق، كلماته وتفاصيله طالعه من القلب؟
بتشعروا بصعوبة بفتح الحديث؟! مش عارفين تطرحوا السؤال المناسب؟

الانسان بطبيعته متغيّر باستمرار...
بتتغيّر أفكاره، قناعاته، مواقفه، حتى اهتماماته ومشاعره مع كل تجربة بمُر فيها بالحياة، ومن أهم هالتجارب هو قرار الارتباط، الزواج والوالدية.

مجموعة "صرنا أهل" هي فرصة لتعزيز علاقتكم والروابط الي ما بينكم من خلال حوار عميق بتتشاركوا فيه أدق تفاصيل حياتكم، بتتأكدوا من مدى معرفتكم ببعض وبتصنعوا أجمل اللحظات سوا نحو حياة زوجيّة ووالديّة واعيّة ومتزنة أكثر.

📌المجموعة مناسبة ايضًا لكل شخص بشتغل في مجال الوالديّة والحياة الزوجيّة.

21/06/2024

12/06/2024

الموت هو جزء من الحياة وليس عكسها !

ليه منحكي عن كل المشاعر الّا الفقدان!؟
ليه منحكي عن كل المواضيع الّا الموت؟!

هل عنجد ما عنا الجرأة!؟

الصّعوبة هي في قدرتنا على مواجهة الحديث عن الموت والفقدان.

الصّعوبة هي في الخوف من المشاعر التي ممكن أن يثيرها الحديث.

الصّعوبة هي في عدم اليقين على قدرتنا لملمة شتاتنا بعد الحديث.

الصّعوبة هي في الخوف من خلع قناع القوّة والصلابة.

الصّعوبة هي في فقدان السيطرة على دموعنا.

مخاوفنا هي الدافع لحتى نتراجع كل مرّة عن الحديث، عن الهروب وعدم المواجهة.

المخاوف هي تراكمات بتنتقل معنا من جيل لجيل...
التغيير ببدا من عنا!
لما منعطي لحالنا، لولادنا وطلابنا الشرعيّة لمشاركة مشاعرهن وأفكارهن مهما كانت ونتقبلها!

التغيير ببدا لما منعترف انه احنا مش اقوياء دايمًا ومسموح دمعتنا تنزل ومسموح نبكي ومسموح نشتاق!

كلنا فاقدين!
كلنا فقدنا شخص عزيز وغالي!

"المشاعر المكتومة لا تموت ابدًا، انها مدفونه وهي على قيد الحياة، وستظهر في وقت لاحق!"

الحديث عن الفقدان قبل وبعد حدوثه هو الي بساهم بتعزيز الحصانة النفسيّة والعاطفيّة.

الله يرحم أمواتنا وأمواتكم جميعًا🙏

17/04/2024

"معلمتي، بتعرفي انه اكثر اشي بحبه لما حدا يعتمد عليي ويطلب مني أساعده"

"معلمتي، انا بعمل مشاكل مرات عشان انتِ توخذيني، مش انت المستشارة وبتقعدي مع الي بغلبو وانا بحب اقعد معك!"

"معلمتي، جبتي لعبة جديدة على غرفتك؟ خذيني نلعب سوا"

"معلمتي، بصراحة انا مرات بعمل مشاكل لانه بحب أكون مصدر اهتمام والكل ينشغل فيي"

"معلمتي، منيح عبرتيني واخذتيني مرة عندك! دايما بتختاري غيري"

"معلمتي، انتِ منيحه وانا بحبك لانك بتصيحيش!"

"معلمتي، اعمليلي دفتر للسلوك مثل....وجبيلي هدية اذا كنت منيح بالاخر!"

"معلمتي، انت حلوة لانك دايما بتضحكي معنا"

"معلمتي، بنفع اجيبلك دفتر يومياتي تشوفيه واشاركك شو كتبت؟"

"معلمتي، انت منيحة لانك بتصدقيني شو بحكي وبتقوليش كذابة مثل الباقي!"

معلمتي ومعلمتي وكثيير حكي بدور بغرفة الاستشارة، الغرفة الصغيرة الدافيّة...

كثير مرات المعلّم بفوت "راس براس" مع الطالب وبتشتعل حرب القوى وصراع السيطرة..والكل بطلع خسران!

كثير مرات المعلّم ببني أحكام مسبقة، بتحركه وبتسيطر على صورة الطالب بنظره وبتعميه عن محاولات التغيير!

كثير مرات المعلّم بشوف بس بعيونه!

بس الي بدي اقولو انه كثير مرات الحلّ جدًا سهل!

كثير مرات الطالب بقولنا شو حاجته،

كثير مرات الحاجة المشتركة عند الكل هي "شوفوني!"..ولكن بتختلف طرق التعبير للحصول عليها.

وكثير كثير مرات مطلوب منّا فقط نصغي، نحتوي ونعطي بحب، معلمين وأهالي كمان!

08/01/2024