Sts. Tarkmanchatz Armenian School of Jerusalem

27/09/2026

Կիրակի Սեպտեմբեր
27-ին, ըստ հին տոմարի,Խաչվերացը, որ Ս. Խաչի նուիրուած գլխաւոր տօնակատարութիւնն է ու Հայ եկեղեցւոյ հինգ տաղաւարներու վերջինը, հանդիսաւորապէս նշուեցաւ Ս. Յակոբեանց մայր տաճարին մէջ։

Այս առթիւ Սրբոց Թարգմանչաց վարժարանի սաները՝ իրենց ուսուցչուհիներու ուղեկցութեամբ մասնակցեցան Ս. Պատարագին, հաղորդակից դառնալով Ս. Սեղանի անմահ խորհուրդին ու հայցելով Ս. Խաչի պաշտպանութիւնը։

21/09/2026

Մանկապարտէզի աշակերտները ձեռային աշխատանքներ կը պատրաստեն Հայաստանի Հանրապետութեան Անկախութեան 35-րդ ամեակին առթիւ։

21/09/2026

Ուրբաթ Սեպտեմբեր 18-ին Սրբոց Թարգմանբաց վարժարանի ուսուցչական կազմը եւ սաները նշեցին Հայաատանի Հանրապետութեան անկախութեան 35- րդ ամեակը։

Այս առթիւ տեղի ունեցան տարբեր զուարճալի գործունէութիւններ վարժարանիս աշակերտներուն համար:

Նախ 1-5 դասարանները պատրաստեցին ձեռային աշխատանքներ նուիրուած Հայաստանի անկախութեան առթիւ:
Տեղի ունեցաւ նաեւ «Ֆութպօլի» ,վոլիպօլի» մրցաշարքեր մասնակցութեամբ
6-12 դասարաններու աշակերտներուն:

Վարժարանիս տեսչութիւնը Հայաստանի
Հանրապետութեան Անկախութեան տօնին առթիւ իր շնորհաւորանքները կը փոխանցէ, մաղթելով հզօր Հայրենիք եւ փայլուն ապագայ։
Կը խոնարհինք Հայրենիքի պաշտպան մեր զոհուած զինուորնեու յիշատակին ։

16/09/2026

Երեքշաբթի, Սեպտեմբեր 15, 2026-ին, առաւօտեան ժամը 10:00-ին, Երուսաղէմի Նոր Դարպասի մօտ գտնուող Ֆրանչիսքան Միաբանութեան Սուրբ Փրկիչ եկեղեցւոյ մէջ տեղի ունեցաւ յատուկ ընդհանրական աղօթքի արարողութիւն մը 6-րդէն 12-րդ դասարաններու աշակերտներուն համար։

Արարողութիւնը կազմակերպուած էր Եկեղեցիներու Համաշխարհային Խորհուրդի (WCC) Երուսաղէմի գրասենեակին կողմէ՝ համագործակցութեամբ Երուսաղէմի Լատին Պատրիարքութեան եւ Սապիլ Կեդրոնին։

Սրբոց Թարգմանչաց վարժարանէն 6-րդ, 7-րդ եւ 8-րդ դասարաններու աշակերտներ մասնակցեցան այս ընդհանրական աղօթքի արարողութեան։ Աշակերտները ներկայ գտնուեցան դպրոցի տեսուչ՝ Տէր Սերովբէ Աբղ. Անդոնեանի առաջնորդութեամբ եւ Տիկին Անժելա Տիքպիքեանի հսկողութեամբ։

Արարողութիւնը աշակերտներուն համար գեղեցիկ առիթ մը հանդիսացաւ միասին աղօթելու եւ Երուսաղէմի տարբեր քրիստոնէական համայնքներու աշակերտներուն հետ հաղորդակցելու։

Սրբոց Թարգմանչաց վարժարանի աշակերտներուն մասնակցութիւնը իր կարեւոր ներդրումը ունեցաւ այս յատու ընդհանրական հաւաքին՝ շեշտելով աղօթքի, միութեան եւ եղբայրական հաղորդակցութեան կարեւորութիւնը։

08/09/2026

Վերամուտ
2026-2027
Մանկապարտէզի Բաժին

06/09/2026

Վերամուտ
2026-2027

02/09/2026

02/09/2026

Երկուշաբթի, Օգոստոս 31-ին, վերամուտի առիթով, վարժարանի տեսչութիւնը առաւօտեան ժամը 10:30-12:30 կազմակերպեց «Ընդունելութեան Օր» մը։
Օրը գեղեցիկ առիթ մը հանդիսացաւ, որպէսզի մեր աշակերտները հանդիպին իրենց դասընկերներուն եւ ուսուցիչներուն հետ, վերստին զգան դպրոցական հարազատ մթնոլորտը եւ նոր ուսումնական տարին սկսին բարձր տրամադրութեամբ։

Օրուան ընթացքին տեղի ունեցան նաեւ զանազան զուարճալի գործունէութիւններ եւ խաղեր, որոնք աւելի աշխոյժ եւ ուրախ դարձուցին աշակերտներուն օրը։

Սիրով բարի գալուստ կը մաղթենք մեր բոլոր աշակերտներուն եւ ուսուցիչներուն՝ 2026-2027 ուսումնական տարուան առիթով։

Կը մաղթենք, որ նոր ուսումնական տարին ըլլայ յաջող, արդիւնաւոր եւ ուրախ տարի մը, լեցուն նոր գիտելիքներով, գեղեցիկ յիշատակներով եւ ձեռքբերումներով։

Բարի վերամուտ եւ յաջող ուսումնական տարի բոլորին։ 🌟📚

27/07/2026

Սրբոց Թարգմանչաց Վարժարանի տեսչութիւնը խոր վշտով կը գուժէ նախկին ուսուցիչ Լիպարիտ Պետրոսեանի մահը, որ պատահեցաւ Միացեալ Նահանգներու մէջ։

Երկար տարիներ ծառայելով Սրբոց Թարգմանչաց Վարժարանին՝ հանգուցեալ Լիպարիտ Պետրոսեան իր նուիրումով, աշխատասիրութեամբ եւ մարդկային բարձր արժանիքներով անջնջելի հետք ձգած է բազմաթիւ սերունդներու կրթութեան ու դաստիարակութեան մէջ։ Իր ուսուցչական առաքելութիւնը ան կատարած է խղճմտանքով, սիրով եւ պատասխանատուութեան խոր զգացումով՝ իր աշակերտներուն փոխանցելով ոչ միայն գիտելիք, այլեւ ազգային, բարոյական եւ մարդկային մնայուն արժէքներ։

Իր համբերութիւնը, բարի նկարագիրը եւ կրթութեան հանդէպ անսակարկ նուիրուածութիւնը երախտագիտութեամբ պիտի յիշուին իր աշակերտներուն, գործընկերներուն եւ բոլոր անոնց կողմէ, որոնք պատիւ ունեցած են զինք ճանչնալու եւ անոր հետ աշխատելու։

Սրբոց Թարգմանչաց Վարժարանի տեսչութիւնը իր խորին ցաւակցութիւնները կը յայտնէ հանգուցեալի ընտանիքին, հարազատներուն եւ սիրելիներուն՝ աղօթելով, որ Ամենակալ Աստուած հանգստութիւն պարգեւէ անոր հոգիին եւ մխիթարէ բոլոր սգակիրները։

Յիշատակը օրհնութեամբ եղիցի։

17/06/2026

Կը շնորհաւորենք 2025-2026 ուսումնական տարեշրջանի շրջանաւարտները

Գայանէ Կէճէքուշեան
Kayaneh Gejekoushian
2
Թամար Ասի
Tamar Assi
3
Ֆրանսիս Պարաքաթ
Francis Barakat
4
Ովսաննա Տըլտըլեան
Ossanna Deldelian
5
Սիլինա Քրէյթմ
Celina Kreitem
6
Մարիամ Սինանյան
Mariam Sinanyan
7
Եասմին Աուատ
Yasmine Awad
8
Գարին Գահքէճեան
Karin Kahkejian
9
Յարութ Պալեան
Harout Balian