11/08/2025
🌸 ورشة "رجعة إليّ" – عكا 🌸
أمس، كان لقاؤنا جميل ومميز مع "النساء الرياديات" في عكا.
ورشة بالشراكة مع سلطة الأمن الجماهيري والسيدة كرم بغدادي، ورشة مخصصة إلنا، إحنا نساء جيل الخبرة، التطور، والبداية الجديدة… بعد سنين طويلة من العطاء للبيت، للشغل، وللناس.
باللقاء، وقفنا لحظة صغيرة تنرجع فيها لحالنا. لأننا اليوم بمكان منقدر فيه نختار، نسمع، ونسأل: "مين أنا؟ بعد كل هالسنين؟ وشو بعد بدي؟"
الورشة كانت نافذة نسائية صادقة، تحاورنا فيها، ضحكنا، وشاركنا قصصنا وأحلامنا.
تحدثنا عن أهدافنا المستقبليه عن الموارد عن الشغف وعن الخطوات الاولى للسير على الطريق.
💬 كلمات بعض المشاركات لخصت روح اللقاء:
• "اليوم حسّيت إني أقدر أبدأ من جديد"
• "الورشة أعطتني دافع أخطط للمستقبل"
• "تذكرت إني ما لازم أوقف عن الحلم".
• "انا طالعه من اللقاء وبدي ابدا بالخطوه الاولى على طول".
• "حبيت المساحه يلي اتاحتها الورشه كان في مين يسمعنا.. وشاركنا بأمور ما حكيناها لحدا".
الهدف من الورشة كان إنك تطلعي من اللقاء ومعك كلمة، فكرة، أو خطوة ترجعك لإلك… تشبهك.
💚 شكر لكل امرأة حضرت، ولكل كلمة صدرت من القلب. ومعًا… نستمر بالأمل بالحلم بالتخطيط والتحقيق.
#مستقبل
#عكا
