Cambodian Student Association In Indonesia

18/08/2026

16/08/2026

ប្អូនៗដែលទើបប្រឡងទី១២ចប់ ជួយប្រាប់ក្រុមការងារបន្តិចបានទេ! តើប្អូនៗចង់ដឹងព័ត៌មានអំពីអាហារូបករណ៍ទៅសិក្សានៅប្រទេសណាខ្លះ? 🌏🎓👇

05/08/2026

ក្នុងឱកាសដ៏មហានក្ខត្តឫក្ស នៃខួបចម្រើនជន្មាយុគម្រប់ ៧៤ ឆ្នាំ ឈានចូលជន្មាយុ ៧៥ ឆ្នាំ របស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងជាប្រធានក្រុមឧត្ដមប្រឹក្សាផ្ទាល់ព្រះមហាក្សត្រ (៥ សីហា ១៩៥២ – ៥ សីហា ២០២៦) នេះ

ថ្នាក់ដឹកនាំ និងគណៈកម្មការប្រតិបត្តិនៃសហព័ន្ធនិស្សិតកម្ពុជានៅបរទេស ព្រមទាំងសមាគមជាសមាជិក យុវទូតសុឆន្ទៈ នាយកកម្មវិធី និងសិស្ស-និស្សិតកម្ពុជាដែលកំពុងសិក្សានៅបរទេសទាំងអស់ សូមគោរពបួងសួងដល់គុណបុណ្យព្រះរតនត្រ័យកែវទាំងបី និងវត្ថុស័ក្តិសិទ្ធិទាំងឡាយក្នុងលោក ព្រមទាំងទេវតាឆ្នាំថ្មី សូមមេត្តាប្រោះព្រំប្រសិទ្ធពរជ័យ បវរសួស្តី សិរីមង្គល វិបុលសុខ ជូនដល់ សម្ដេចតេជោ សម្ដេចកិត្តិព្រឹទ្ធបណ្ឌិត បុត្រា បុត្រី ចៅប្រុស ចៅស្រី និងក្រុមគ្រួសារ សូមប្រកបដោយសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ ចៀសផុតពីជំងឺតម្កាត់ទាំងពួង និងសម្រេចបានជោគជ័យគ្រប់ភារកិច្ច ក្នុងបេសកកម្មដ៏ឧត្ដុង្គឧត្ដម ដើម្បីបន្តដឹកនាំ និងរួមចំណែកអភិវឌ្ឍព្រះរាជាណាចក្រកម្ពុជា ឱ្យកាន់តែរីកចម្រើន ប្រកបដោយសុខសន្តិភាព វឌ្ឍនភាព និងវិបុលភាពជានិរន្តរ៍។

ក្នុងឱកាសដ៏ប្រសើរនេះផងដែរ សហព័ន្ធនិស្សិតកម្ពុជានៅបរទេស សូមគោរពថ្លែងអំណរគុណដ៏ជ្រាលជ្រៅជូនចំពោះ សម្ដេចតេជោ និងក្រុមគ្រួសារ ដែលបានលះបង់កម្លាំងកាយ ចិត្ត និងប្រាជ្ញា ក្នុងការបម្រើជាតិមាតុភូមិ ជាពិសេសការថែរក្សាសុខសន្តិភាព ស្ថិរភាពនយោបាយ ការអភិវឌ្ឍប្រទេស និងការយកចិត្តទុកដាក់លើការអភិវឌ្ឍធនធានមនុស្ស តាមរយៈការផ្ដល់ឱកាសដល់យុវជន និងនិស្សិតកម្ពុជាឱ្យទទួលបានការអប់រំ និងអាហារូបករណ៍សិក្សាទាំងក្នុង និងក្រៅប្រទេស ដែលបានរួមចំណែកយ៉ាងសំខាន់ក្នុងការកសាងធនធានមនុស្សប្រកបដោយគុណភាព សម្រាប់ការអភិវឌ្ឍប្រទេសជាតិប្រកបដោយចីរភាព។

សូមគោរពជូនពរ សម្ដេចតេជោ សម្ដេចកិត្តិព្រឹទ្ធបណ្ឌិត និងក្រុមគ្រួសារ សូមទទួលបាននូវពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

01/08/2026

29/07/2026

27/07/2026

25/07/2026

🇰🇭❤️ សកម្មភាពជួបជុំទស្សនាការប្រកួតរួមគ្នា របស់សមាគមនិស្សិតកម្ពុជាប្រចាំប្រទេសឥណ្ឌូនេស៊ី ដើម្បីគាំទ្រក្រុមជម្រើសជាតិកម្ពុជាក្នុងការប្រកួត SEA V.CUP លើកទី៦ ឆ្នាំ២០២៦ វគ្គពាក់កណ្តាលផ្តាច់ព្រ័ត្រ។

🏐 កម្ពុជា 🇰🇭 🆚 🇹🇭 ថៃ
📍 Jakarta International Velodrome, Indonesia
📅 ថ្ងៃទី២៥ ខែកក្កដា ឆ្នាំ២០២៦

សូមអរគុណបងប្អូននិស្សិត និងសហគមន៍ខ្មែរនៅឥណ្ឌូនេស៊ីដែលបានចូលរួមទស្សនា និងផ្តល់កម្លាំងចិត្តយ៉ាងកក់ក្តៅដល់ក្រុមជម្រើសជាតិរបស់យើង។ ទោះនៅឆ្ងាយពីមាតុភូមិ ក៏បេះដូងរបស់យើងនៅតែរួមគ្នាគាំទ្រកម្ពុជា។ ❤️🇰🇭

រួមគ្នាលើកទឹកចិត្ត និងជំរុញកីឡាបាល់ទះកម្ពុជាឱ្យល្បីរន្ទឺលើឆាកអន្តរជាតិ! 💙

🇰🇭