Réseau apprentissage sans frontières

Vous passez des entretiens, mais vous n’êtes jamais retenu(e) ?
Vous avez les compétences, mais vous ne savez pas comment les mettre en valeur ?

🎯 Le problème n’est pas toujours votre profil.
Souvent, c’est la manière dont vous vous présentez qui fait toute la différence.

Avec Réseau Apprentissage Sans Frontières, bénéficiez d’un accompagnement personnalisé pour :

✅ Améliorer votre CV
✅ Préparer vos entretiens d’embauche
✅ Renforcer votre confiance
✅ Mettre en place une stratégie efficace de recherche d’emploi

📱 Coaching personnalisé de 30 minutes sur WhatsApp
💰 Tarif : 750 gourdes
📞 WhatsApp : +509 4450 9368

🎁 Offre spéciale : les 5 premières personnes qui nous contactent reçoivent 10 minutes de conseils gratuits.

💡 Ne laissez pas votre avenir au hasard. Investissez en vous-même aujourd’hui pour ouvrir les portes de demain.

📩 Écrivez « CV » en message privé pour commencer.

💥 Move ekip kraze rèv. Bon ekip bati avni.
Pa kite premye eksperyans ou kòm lidè tounen yon erè.

📢 FÒMASYON AN LIGNE – GRATIS

🎯 Rekrite epi jere premye ekip ou san erè

Si w ap kòmanse :
✔️ Yon biznis
✔️ Yon pwojè
✔️ Yon ekip

👉 Fòmasyon sa a se BAZ ou bezwen an.

🗓️ 17 fevriye 2026
⏰ 5è 15 nan aprèmidi
📍 Google Meet
💻 100% GRATIS

⚠️ Pa tann aprann apre w fin fè erè.
📩 Ekri nou an prive oswa kite “Mwen la” an kòmantè.

🔥 Lidèchip se pa chans, se fòmasyon.
Réseau apprentissage sans frontières
Ferimicar-Ritz Laurent

💼 Kisa Jesyon Resous Imèn ye?

Jesyon Resous Imèn (JRH) se branch ki okipe tout sa ki gen rapò ak moun kap travay nan yon òganizasyon. Li chita sou devlopman, sipò ak mobilizasyon kapital imèn li la pou reyalize vizyon ak misyon òganizasyon an.

Li enkli:
▪️ Rekritman & entegrasyon
▪️ Planifikasyon karyè & fòmasyon
▪️ Evalyasyon pèfòmans
▪️ Jesyon konfli & motivasyon
▪️ Amelyorasyon klima travay

KI KONPETANS OU DWE GENYEN ?

Gen nèf (9) konpetans ki vrèman enpòtan

1. Kominikasyon efikas
— Pale ak ekri klèman, koute ak konprann lòt moun.

2. Jesyon konfli
— Rezoud dezakò ak negosye solisyon san pati pa santi yo pèdi.

3. Disrè ak etik
— Jere enfòmasyon pèsonèl ak delika avèk respè ak konfidansyalite.

4. Kapasite analiz
— Konprann done sou pèfòmans, absans, salè, elatriye.

5. Lidèchip
— Mennen chanjman, motive lòt yo, pran desizyon kòrèk.

6. Konpetans administratif
— Òganize dosye, swiv regleman travay, jere dokiman legal.

7. Adaptabilite
— Adapte ak nouvo teknoloji, chanjman nan lwa travay, oswa estrikti òganizasyon an.

8. Konesans sou lwa travay
— Konprann règleman lokal ak entènasyonal ki regle relasyon travay.

9. Anpatik ak sans imèn
— Senti lè yon anplwaye ap pase difikilte, epi bay bon sipò.

"Jesyon Resous Imèn pa sèlman jere moun ,se jere potansyèl, pasyon ak pèfòmans."

Pa bliye abòne ak paj la si w twouve sijè sa a enterese w .

Ferimicar-Ritz Laurent

Mwen souvan jwenn moun ki mande m kisa ki Jesyon resous imèn nan ? Demen m ap kontan fè yon ti pale nou de li , e poukisa m te chwazi l? 😊

KILÈ YON GRÈV LEGAL ?

Toudabò kisa yon grèv ye ?
Selon kòd travay la yon grèv se sitiyasyon kote plizyè anplwaye deside sispann travay nan objektif pou yo pouse anplwayè yo reponn ak revandikasyon yo .

Kounya kilè grèv la legal ?
Selon atik 204 la pou yon grèv legal fòk se yon gwoup travayè ki pou fèl e li dwe reprezante yon tyè (1/3 ) nan travayè yo li pa dwe pi piti ke senk moun .
E koz yo vle defann nan li pa dwe pèsonèl fok se yon enterè komen .

Kijan sa dwe fèt ?

Lalwa Ayisyen an konnen 4 kalite grèv diferan

1) grèv *Perlée* se kote anplwaye yo deside pa travay tout pandan yo rete nan pòs yo.

2) grèv *Avètisman*kote anplwaye yo deside kite pòs yo tout pandan yo nan lye travay la tankou rete nan lakou a .

3) grèv * Débrayage* kote anplwaye yo deside pa mete pye nan travay la

4) grèv *Solidarité*se lè yon gwoup travayè deside pa vini travay yon fason pou yo soutni yon lòt grèv kap fèt.

○Kondisyon pou yo legal.

Grèv *Perlée a pa dwe depase 24ètdan grèv *avètisman ak débrayage * la pa dwe depase 1èdtan e grèv *solidarite* a otorize si grèv yo pral soutni an legal nan ka kontrè yap konsidere sa komsi ou te chwazi pa respekte angajman w te pran an sa ka kòz ou tonbe anba sanksyon enstitisyon an oswa sanksyon lalwa.

Grèv la dwe selman rete nan sispann travay ou pa gendwa fè vyolans ni sou lòt moun , ni sou lokal antrepriz la.

Èske w te konnen se pa anplwaye yo selman ki gen dwa revandike, anplwayè yo tou gen dwa pou yo fè sa e se sa ki rele Lock-out la nan pwochen piblikasyon map ban nou plis detay sou sa .

Mèsi dèske w li piblikasyon an .

Pa bliye abòne pou lòt piblikasyon yo .

Siw gen Kesyon pa ezite poze yo nan espas kòmantè a se ap yon plezi pou mwen pou m reponn ou.

Ferimicar-Ritz Gestionnaire en Ressources Humaines.

KI SA LALWA AYISYEN AN DI SOU REVOKASYON NAN TRAVAY ?

PATI 1

Selon kòd travay Ayisyen an gen plizyè fason nou ka mete fen nan yon kontra men sa ki enterese nou se revokasyon .

Kounya se kilè nou ka pale de revokasyon ?

Revokasyon se ka kote patwon an deside mete fen nan yon kontra san konsantman anplwaye a, e gen (2) fason patwon an ka fè sa , premye fason an se san preyavi e dezyèm fason an ak preyavi .

SAN PREYAVI

San preyavi a se lè kontra a kanpe imedyatman patwon an enfòme anplwaye a sa, konsa patwon an pa kite tan ki te dwe koule nan kontra a pase . E gen divès rezon ki ka fè sa selon atik 42 a .

A) Lè anplwaye a komèt vyolans fizik oubyen vèbal swa kont patwon swa kont yon lòt anplwaye.

B)Lè anplwaye a komèt enfraksyon kont byen patwon an ,dega nan materyèl oswa mete an danje sekirite lòt travayè yo.

C)Lè salarye a pase plis ke 3 jou youn aprè lòt san li pa vinn travay oswa 4jou nan yon mwa san okenn motif valab, san otorizasyon patwon an.

D) Lè travayè a kontinye pa respekte prensip travay la malgre li jwenn avètisman pou sa.

E) Si patwon an dekouvri anvan 4 mwa anplwaye a te ba l manti sou konesans ak fòmasyon li te resevwa pandan li t ap siyen kontra a .

F) Lè anplwaye a pa respekte tout sa ki te di nan kontra travay li ak lè li pa respekte sa atik 30 kòd travay la mande .

Apa atik 42 a gen lòt rezon toujou ki ka fè sa
Tankou: Atik 36 la fè konnen konje maladi pa dwe depase 3 mwa aprè dat sa a patwon an ka kanpe kontra a , men lap gen poul peye konje maladi ak tout prestasyon legal lalwa prevwa yo.

Se nòmal pou yon anplwaye fè grèv lè l jije kondisyon travay li pa reponn ak atant li men kòd travay la bay kondisyon pou grèv la legal depi grèv la mal fèt kontra a ka kanpe san preyavi.

Kilè nou ka pale de revokasyon ak preyavi ?

Lòt semèn nap pale sou sa .

Ferimicar-Ritz Laurent Gestionnaire en Ressources Humaines

KÒMAN POU EKRI YON LÈT MOTIVASYON ?

Toudabò, ann wè kisa yon lèt motivasyon ye ?
Yon lèt motivasyon se yon dokiman ki la pou akonpanye yon CV objektif li se mete annavan konpetans w oswa valè w yon fason pou kapte atansyon rekritè a nan objektif pou dekwoche yon antretyen . Gen kèk enstitisyon li pa obligatwa men si w chwazi fèl ou deja gen yon avantaj sou lòt kandida yo.

Fason pou fè yon lèt motivasyon ka varye selon jòb la oswa selon antrepriz la men asire w ou pa mete plis ke 4 paragraf ladanl. gen yon metòd ki vrèman efikas ki se : Je, Vous,Nous.

kòman pou itilize l ?

1- Je : nan premye paragraf la ou dekri pwofil ou yon fason pratik tankou: mwen te reyalize... ,mwen te jere...,mwen te patisipe ....

2- Vous : nan dezyèm pati a pale sou atant antrepriz la sa antrepriz la bezwen montre w byen konprann.

3- Nous: nan pati sa a montre kòman prezans ou ap yon avantaj pou antrepriz la.

❌Erè pou pa fè: pa repete bagay ou te finn di nan CV a .
✅Itilize mo ou panse ou ta ka itilize nan yon antretyen .

NB: Mete nan tèt ou nenpòt ti erè gramè ka montre ke w manke motive . Anvan ou voye lèt la li l plizyè fwa ,toutotan sa posib bay moun nan antouraj ou li l pou ede w korije erè.

Ferimicar-Ritz Laurent Gestionnaire en Ressources Humaines.

Réseau apprentissage sans frontières

KISA LA LWA DI SOU YON ANPLWAYE KI SIYEN YON KONTRA MEN AKOZ PWOBLEM PEYI A TRAVAY LA KANPE MEN YO PA PEYE ANPLWAYE A?

Pou nou jwenn repons pou Kesyon sa a nou prale direkteman nan kòd travay la nan atik 32 a li pale konsènan sispansyon tanporè kontra travay la a .

Kisa yon sispansyon tanporè ye?

Yon sispansyon tanporè se kote anplwaye a ak patwon an deside pandan yon ti tan pa ranpli kondisyon esansyèl nan kontra a sa vle di anplwaye a pa al travay pou patwon an e patwon an pa peye anplwaye a.
Gen plizyè ka ki ka koz sa :

1- si pa gen materyèl pou travay la kontinye.

2 - ka fòs majè oswa ka enprevi ki lakòz travay la kanpe pou yon ti tan ,e ki pa depann de ni patwon an ,ni anplwaye a,
egzanp pwoblèm peyi a .

Lòt ka sispansyon tanporè san responsablite tou de pati yo:

-Prizon prevantif pou anplwaye a mwens pase 30 jou
-maladi ki sètifye avek yon sètifika medikal ki konfime anplwaye a pa ka travay pandan yon peryod ki pa depase 3 mwa .

Men gen lòt ka sispansyon kote patwon an dwe peye anplwaye a tankou : konje maladi, konje matènite.
Men ka ki enterese nou se ka fòs majè oswa ka enprevi nan ka sa patwon an ka pa peye anplwaye a selon lalwa men kou aktivite reprann anplwaye a dwe al travay e patwon an dwe peye anplwaye a korekteman e benefisye tout sa ki te di nan kontra a.

Nb: nan atik 33 a anplwaye a ka konsidere nenpòt sispansyon tanporè ki dire plis ke 30 jou kòm yon revokasyon sepandan si patwon an fè demann lan , direksyon travay la ka fè yon ankèt pou yon pwolongasyon ki pa dire pliske yon mwa, san depase limit sa a ,
nan ka kote ministè afè sosyal la otorize pwolongasyon sispansyon tanporè a, kontra travay la pa fini si aprè sispansyon tanporè a travay la pa rekòmanse , kontra travay la fini e patwon an dwe peye anplwaye a prestasyon legal yo.

Réseau apprentissage sans frontières
Laurent Ferimicar-Ritz Gestionnaire en Ressources Humaines.

KISA LALWA AYISYEN DI SOU KONTRA TRAVAY ?
- Pou kòmanse kisa yon kontra travay ye ?
Yon kontra travay se yon akò siyen kote moun lan deside lwe sèvis li bay yon moun ki sou tèt li, k ap kontwole l e anretou k ap peye l , li ka ekri oswa vèbal .
An Ayiti gen 3 fòm kontra
1- kontra endividyèl
2- kontra kolektif
3- kontra aprantisaj

Kontra sa yo, yo ka kontra ak dat finisman konsa tou li ka kontra san dat finisman .

-Kilè li kontra ak dat finisman ?

Kontra ak dat finisman se yon kontra kote yo deside alavans ki lè l ap fini.

-Kilè li kontra san dat finisman ?

Kontra san dat finisman se yon kontra kote yo pa deside davans ki lè l ap fini travayè a ka deside kanpe l jan l vle . Tout pandan l ap respekte sa lalwa di ki konsène revokasyon travay yo.

NB : yo konsidere tout kontra pwovizwa ki renouvle otomatikman kòm yon kontra san dat finisman .

-KONTRA ENDIVIDYÈL
Kontra endividyèl la kapab ekri oswa vèbal si l ekri li dwe an fransè , se 2 pou l ye chak pati yo dwe gen youn .

Kontra ekri a dwe gen enfòmasyon sa yo ladan l selon atik 22 kòd travay la :

1: Non , prenon, okipasyon, eta sivil .
2: Nimewo kat idantite tou de pati yo ak nimewo livrè travay la.
3: Endikasyon egzak sou rezidans anplwayè a .
4: Ki kalite travay ki dwe fèt la.
5: Ki kote travay la dwe fèt.
6: Orè ak longè jounen travay la
7 : Salè.
8: siyati tou 2 pati yo ak kilè, ki kote yo siyen kontra a .

-OBLIGASYON DE (2) PATI YO :
Atik 30 kòd travay la.

POU ANPLWAYE A
1- Anplwaye a dwe respekte Orè ak règleman konpayi a .

2- Li dwe pran san l pou l byen fè travay la.

3-Li dwe mete patwon an okouran de domaj nan zouti yo ki ka lakòz domaj pou konpayi a.

4-Demontre respè pou patwon an e pou kolèg li yo .

5-Obeyi lòd ak enstriksyon patwon an ak lòt moun ki responsab pou jere travay la .

6 -Pa mete sekrè konpayi a nan lari , pa aji an konkirans ak patwon an .

7- Dedomaje patwon an pou dega li ta lakoz nan batiman oswa nan zouti yo.

8-Ranpli tout lòt responsablite ki ta parèt nan kontra a .

Atik31 kòd travay la
POU PATWON AN
1-Presize kondisyon travay yo nan règleman entèn yo , epi mete anplwaye a okouran.

2- Mete lokal, materyèl disponib ak bon kondisyon tankou ijyèn, sekirite, pou bon fonksyonman konpayi a .

3- Peye anplwaye a a lè e ba li kantite ki prevwa pou kontra a .

4-Pa bay anplwaye a move tretman kit fizik , kit vèbal .

5 - Respekte tout lòt obligasyon ki te di nan kontra a.

Laurent Ferimicar-Ritz
Gestionnaire en Ressources Humaines.

KISA W DWE FÈ APRÈ YON ENTÈVYOU TRAVAY ?

Aprè yon Entèvyou gen moun ki konn toujou ap mande tèt yo èske yo dwe tann rekritè a rele yo oswa èske yo ka rele rekritè a.

jodi a ansanm nou pral wè kisa w dwe fè aprè w finn pase yon Entèvyou travay.

Premye bagay ou dwe konnen aprè yon Entèvyou ou nan yon faz ki rele faz datant kounya wap tann yon repons nan men rekritè a .

Li rekòmande nan 24 a 48 è aprè yon Entèvyou pou voye yon Email bay rekritè pou remèsye l pou Entèvyou a .

Aprè sa rekritè a konn kontakte w pou yon dezyèm Entèvyou sa ki se yon bon siy, men e si rekritè a pa kontakte w , si gen plis ke yon semèn pase ou pa pran okenn nouvèl nan ka sa a ou ka kontakte rekritè a pou konnen ki kote l ye nan pwosesis la oubyen èske yo konsidere kandidati w ou ka rele l dirèk sil te ba ou kowòdone l men pa fè sa sou Rezo sosyo tankou Facebook, Instagram ... fè sa pa apèl oswa pa e -mail ou dwe kenbe relasyon an pwofesyonèl sinon sa ka afekte kandidati w .

Nan kilè w dwe w fè sa ?

Ou dwe fè sa nan lè travay yo savledi lendi pou rive vendredi 8è nan maten pou rive 5è nan aprèmidi pa gen bagay rekritè yo rayi lè yon kandida rele l nan yon lè ki pa apwopriye .

E si rekritè a fè w konnen yo pa seleksyone w kisa w dwe fè nan ka sa a ?
Pa dekouraje, pa bay vag,mande rekritè a kèk kritè ki fè yo pa seleksyone w konsa wap ka aranje sa pou pwochen Entèvyou wap gen pou pase yo konsa ou ka menm re postile alavni nan antrepriz la si tout fwa ta vinn gen yon pòs vakan .
[ ] Chèche travay se yon pwosesis ki mande anpil enèji ak pèseverans .
Un deux perdu, dix de retrouvés!

Si w pa bay vag alavni ou pral jwenn yon antrepriz kap chèche moun ou ye a ak konpetans ke w genyen yo .

Siw twouve paj sa itil ou pa bliye abòne avèl pou ka jwenn notifikasyon pou lòt piblikasyon yo .

Ferimicar-Ritz Laurent Gestionnaire en Ressources Humaines.