KLE: Kreyòl Lang Espesyal

Fè moun yo jwenn sa pou mwen epi nou pwofite gade l tou konpatriyòt mwen yo.

Se annik kite yon espas apre pwonon an epi w bon. Paske pap=se gwo chèf legliz katolik la. Nap se sa k konn sou tab la. Li enpòtan pou n jere ti sa yo ! 💥✍🏾

Lizay tout moun !

Li fè premye avril nan tout rakwen peyi a, yo gentan voye plizyè moun kote m maten an la, veye w konpatriyòt ! 😄

Nou swete w pase yon bon mwa tou malgre nouvèl yo pa bon ditou.🫂🤝🏽💥

Bonjou , bon lajounen, bon finisman Mwa Mas la konpatriyòt yo !
Veye demen si Bondye vle pou yo pa mete w nan kouri, pwason an ap rantre demen wi ! 😄🐟

Pa konfonn sa w vle ye ak sa w ye zanmi m.
Ou se premye moun ki pou pa nan manti ak tèt ou , bay tèt ou verite..

Kiyès ou ye ? ak kiyès ou vle ye? gen gwo miray ki separe yo. ✍🏾

Aksepte sa w ye a jodi a, travay pou sa w vle ye a demen w a ban m nouvèl. 🤔

Grégory Bleu-Ciel enspire m ! M ale🚴🏾🤸✍🏾💥

Lizay konpatriyòt mwen yo !

Nou kontan apre 1e lanne egzistans KLE a jou ki sot Madi 04 Mas la, pou n pote pou ou non Kichòy sa w ap gade la nan foto a nan Kreyòl nou an san se pa tradiksyon Lang Kolon an.

Nou te gen chans poze kesyon sa nan Batbouch nou te òganize nan menm jounen fèt la jis pou n te ka onore yon moun ki te gen bon repons lan, malerezman nou te jwenn sèlman konferansye a k te gen repons lan .

Ebyen mesye sa n ap gade la l rele : VOUMTAK . Si w kwè se manti al ouvri sa w gen lakay ou a pou wè ki 2 son w ap tande.

Referans: Grann grann grann mwen ak diksyonè Vilsen. N ale ! ✍🏾😊💥🤝🏽

Koze k te gen aswè a, mwen pa kwè w ap janm tande koze sa yo ankò menm. W ap tande kèk, men tout non. Mande moun ki te la pou w wè. Antouka , Bon premye lanne egzistans ankò KLE, sitou tout fanatik fidèl yo ! Mwen swete nou wè anpil lòt ane ankò, epi se pou Kreyòl la rive kote n swete a. Lizay gwo fanatik yo ! 🤝🏽💥

Chaje telefòn yo , jere ti MB yo pou pita.
Paske m santi pral gen koze !

Sonje envite yon lòt tou..
🤝🏽🤝🏽🤝🏽🤝🏽

KLE: batbouch pou yon lanne l la.

Mwen swete w la pita, envite yon lòt vin tande pawòl lavi a tou. Se pi gwo kado w ka bay nou epi tèt ou tou kòm fanatik KLE .

Mardi 4 mars • 7:00 – 9:00 PM
Informations de connexion Google Meet
Lien de l'appel vidéo : https://meet.google.com/qjw-vbwz-aei

Sitiyasyon diglos*k Ayiti ap konnen depi digdantan an se youn nan pi gwo baryè ki kenbe kilti ak edikasyon ayisyen an an nan gòj.
Malgre kreyòl la se lang majorite popilasyon an pale, fransè kontinye domine espas ofisyèl yo, tankou lekòl, administrasyon, ak medya. Sa kreye yon gwo distans nan mitan mas pèp la ak elit ki kontwole aparèy leta ak resous kiltirèl yo. Rezilta sa kite n konprann kijan popilasyon an dekonekte ak pwòp kilti li, paske lang li pale chak jou a pa jwenn valè li merite. Sa lakòz anpil Ayisyen meprize ak wè lang kreyòl la tankou yon lang san enpotans oubyen lang moun sòt , menmsi se li ki soude yo ansanm pou kominike reyalite yo. Diglosi sa a pa sèlman anpeche moun jwenn aksè ak konesans, men li detwi tou jistis kiltirèl epi anpeche peyi a avanse sou baz idantite li.
Sou tout koze sa yo, KLE envite w vin batbouch ak li Mèkredi 4 mas la sou gougèl mit, nan lè 7è yo sou lyen sa a:https://meet.google.com/qjw-vbwz-aei
Envite yon lòt moun vin brase bouch ak nou.

Ayabonmbe konpatriyòt ! 🤝🏽🫂

Lizay fanmi m yo !

Mwen vle pran tan m pou m raple nou gwo jou sa k pral leve la demen si Bondye vle. Se pral yon jou kle pou KLE !
N ap antisipe pou n di nou tout mèsi:
Pou sipò tout fason yo .
San nou KLE pa t ap KLE !

Nou pa regrèt yon jou n te mete men nou nan pat la. Se vre gen anpil difikilte, gen sa n rankontre k pa fè n plezi, men n ap kontinye batay, paske nou swete Kreyòl la monte pi wo toujou. Bon premye lane KLE !

Sonje se demen fèt la, n ap tann ou pou w vin selebre ak nou, pataje eksperyans ou ak KLE, sa ap fè n plezi . Fèt la pral bèl !🤝🏽💥😄

Jodi a se 23 fevriye, se jounen entènasyonal Lang matènèl(manman).

Nan sans sa n pa bezwen di w lang manman w lan se "Kreyòl" . E pwovèb la di : Kreyòl pale, Kreyòl konprann. Nou pwofite moman sa pou n di w byen selebre jounen an. Pale kreyòl nètalkole pandan jounen an.
Pou n mete s*k sou Bonbon an , n ap envite w pran ti chèz ou talè konsa pou w vin pale Kreyòl ak gwo Kreyolis sa Ki se Konpatriyòt : Absalon FENELON. W ap jwenn anpil kichòy , byenvini, bon jounen lang Matènèl ! 💥🫂