AVI-Co GROUP

08/01/2024

Annatandan DHL fè travay pa l, .................

27/04/2023

Quoi de neuf?

17/04/2023

26/07/2022

JOURNEE INTERNATIONALE DE CONSERVATION DES MANGROVES

🛑 Non à la destruction des mangroves !

Depuis bon nombre d'années, en Haïti les mangroves font face à une situation des plus critiques. Les gens l'abattent pour faire des meubles, du charbon de bois, fonctionner les petites industries (blanchisseries et boulangeries). Une action qui se découle bien sûre du manque de connaissances, aussi de négligence de bon nombre citoyens.
Une telle plante qui est d'utilités multiples (environnemental, écologique, économique) ne doit pas continuer de disparaître dans notre millieu. Sur ce, voici quelques avantages de cette ressource...

☝️Les mangroves :

❖ Permettent la protection des zones côtières contre l'érosion;

❖ Servent d'habitat pour les espèces aquatiques;

❖ Protègent ceux et celles qui habitent des côtes contre les grosses vagues et vents au moment des cyclones, des ouragans;

❖ Quand elles sont nombreuses, les poissons et les crustacés se reproduisent en grande quantité, ainsi les pêcheurs génèrent plus d'argent;

❖ Permettent la reglémentation du cycle de carbone. Juste pour vous dire qu'ils sont des écosytèmes captant beaucoup de carbones.

👉 ‼️Si mangwòv yo pa t egziste, ou t ap chache lòt mwayen pou reponn ak bezwen w yo.‼️
Cessez de détruire les forêts des mangroves, car leur protection nous serait favorable d'une façon ou d'une autre.

L'ECONOMIE BLEUE POUR UNE MER PLUS BLEUE

Haïti Nature Environnement

06/02/2022

10 kritè ke w dwe metrize ki ka ede w le w pral achte yon kochon.

Siw pral achte Yon kochon pou w tiye, swa pou w manje, oubyen pou w vann vyann li, tèks sa pa konsene w men ou menm ki ap achte l pou w fè gadinaj, pran tan w, san w pou li, konprann ak metrize byen. Li Enpotan pou ou paske se kapital wap mete deyò nan sousi pou w fè plis lajan.

10 kritè ke w dwe metrize ki ka ede w le w pral achte yon kochon.

1. Chwazi yon tri manman li dou, li pa pran tan pou l t mizba, ki gen bon manmèl e ki bay anpil lèt, e ki okipe pitit li byen

2. Cheche konnen si manman l konn fè gwo pòte sa vle konn fe anpil pitit

3. Chwazi yon tri ki gen pou piti 12 tete byen devlope e ki gen menm espas ant chak

4. Chwazi yonn kite grandi vit e ki byen devlope

5. Chwazi sa ki pa malad

6. Fok ou asire w ke l pa gen kenn defomasyon tankou èni, janm fèb, bòbòt trò piti, yon sèl grenn nan pòch grenn nan oswa ki genbe anpil p**i.

7. Menn si se yon koure fok ou konnnen sil t grandi vit, sil t byen devlope menm jan ak tri a

8. Fok tou 2 grenn li menm gwosè, fok manman l ak papal pat mechan e li menm tou.

9. Si wap achte yon koure, li pa dwe soti nan menm fanmi ak tri w te genyen deja, parey si wap achte yon tri, sa ap evite sa ki rele problèm konsanginite ki k la koz avotman, defomasyon fizik ak anpil lot ankò.

10. Kò koure yo dwe laj. Pa tri yo dwe long men fok yo byen devlope.

Kontakte Avicogroup sou Whatsapp +50937601825
Pou w kapatisipe nan fomasyon nou yo, oubyen siw bezwen konsiltasyon nou.

Pa bliye Renmen paj la epi pataje l ak kek zanmi kew konnen sijè sa ap enterese. Mesi Anpil !!!

Agr.NOEL Pechelyn

05/02/2022

Trè enpotan

Gingembre en Poudre 👆
Ann konsome lokal ✅

05/02/2022

10 kritè ki ka ede w achte yon bon bèf nan palan.

Yon bèf siyifi anpil pou yon peyizan, se yon kapital ke li envesti, se plizyè mwa travay li li kole pou l arive achte l, sitou pou moman kounnye a, yon bèf evalye antre 2000 a 7000 dola ayisyen. Si wap depanse tout kob sa nan yon bèf li enpotan pou w kapab metrize tout kritè ki kapab pèmèt ou byen achte.

LÈ WAP ACHTE YON TORO OU YON GAZÈL CHWAZI YONN KI:
1. Gen bon konpotman
2. Gen bon janm e bon pye men sitou ki mache byen
3. Fok 2 grennn li yo menm gwosè si se yon toro. Si se yon gazèl,Fok li gen yon bèl manmèl byen devlope, e ki pa pandye.
4. Byen laj e wo, sa vle di byen grandi e byen devlope
5. Li pa dwe ni trò gra ni trò mèg, li dwe gen vyann sou li selman
6. Mande enfo sou ras li soti, fok ou konnen si son bon ras.
7. Li dwe gen bon dan,
8. li pa dwe gen defomasyon fizik(pye li pa dwe pliye ou koube, ou kole)
9. Fok li an sante, san kenn siy maladi
10. Si se yon Gazèl li dwe gen yon bèl vant ki gen kapasite poul manje anpil

Kontakte Avicogroup sou Whatsapp +50937601825
Pou w kapatisipe nan fomasyon nou yo, oubyen siw bezwen konsiltasyon nou.

Pa bliye Renmen paj la epi pataje l ak kek zanmi kew konnen sijè sa ap enterese. Mesi Anpil !!!

Agr.NOEL Pechelyn

04/02/2022

Men saw dwe konnen avan w komanse
YON ELVAJ POUL

si plizyè elvè ki deja eksperimante rive fè lajan e menm anpil lajan ak aktivite sa ,se pa menm bagay la ki rive yon debitan pou otan?.

Li senp e se pou sa li enpotan pou w kontinye li teks sa, nou pral eksplike w 10 komandman ki ap pèmèt ou reyisi yon elvaj poul. <

Pa bliye pataje l ak moun ou konnen ki enterese ak elvaj poul, renmen paj la pou w kab o kouran le nap pataje lòt teks. Deja mesi anpil !!!

Yon elvè poul dwe :

1e : aranje w pou yo pa janm gen pann manje ak dlo, epi evite poul yo gaspiye manje ak dlo a tou.
2e: fé anpil atansyon nan sa ki gen a wè ak netwayaj ak dezenfeksyon materyèl wap sevi ak yo nan poulaye a, egz: bòt, manjwa, abrevwa elatriye.

3e :cheche respekte lè wap ba yo manje ak dlo, defini yon lè byen detemine, lè sa yap abitye avèl epi sa ap pèmèt ou fè ekonomi manje pandan kel li pap menm deranje yo nan devlopman ak kwasans yo.

4e : ou dwe siveye konpotman yo chak jou, sa ap pèmèt ou reyaji a tan si yo ta trape yon maladi kelkonk.

5e : Pa janm bliye pouw pran poz nan mitan 2 s*k ke wap fè yonn apre lòt., poz sa dwe pou piti 15 jou.

6e : toujou elve poul ki nan menm laj, sa vle di, lew ap achte pousen yo cheche konnen konbyen jou yo gentan genyen, pa melanje pousen yon jou ak sa ki gen plis jou.

7e : ou dwe evite salte andedan ak nan zanviron poulaye a, evite gro bri,tròp chalè, trop fredi, dayè frèt la rann yo strese.

8e : entedi moun rantre nan poulaye a toutan, si ta gen obligasyon pou sa, egzije yo respekte swen sanitè yo. Evite tou lot bèt tankou chen chat eksetera rantre nan poulye .

9e : fé zanmi ak kek lòt elvè ki eksperimente deja pou yo kab baw konsey epi pataje egsperyans yo avèw .

10e : toujou respekte nòm dansite ke moun ki save yo deja defini tankou :

1è semèn: 40/m2

2e semèn : 30/m2

3è semèn: 20/m2

Mesi paske te pran tan w li, mw espere ke w pran kew konprann ew pwè pou al aplike yo

Agr. Noel pechelyn

04/02/2022

KOMAN W KA REYISI ELVAJ POUL

(POULÈ PONDEZ OUBYEN POULÈ DE CHÈ )

**AVANTAJ AK ENKONVENYAN PONDEZ AK POULÈ DE CHÈ**

Ou pa konnen ki kalite poul pou w elve nan poulaye w, pa vre?

Ebyen enstale w konfotableman, Avico group pral dekri pou ou tout avantaj ak enkonvenyan ki genyen lè wap fè elvaj poul ke se poulet de chè oswa poulè pondez.

Poun ekri teks sa nou baze non selman sou eskperyans pesonèl ke nou fè men nou baze tou sou teknik modènizasyon kew ka itilize pou w reyisi yon elvaj poul( pondez oubyen chè).

A- kisa poul pondez la ye, kisa poulè de chè a ye?

Si w se yon elvè volay, asireman ou kapab fè diferans la men si w se yon moun ki vle rantre nan elvaj volay li Enpotan anpil pou kapab fè diferans ant yo 2 a, sa ap pèmèt ou oryante w pi byen.

Kisa poulè de chè a ye?
Poulè de chè se lè elvè a fè prodiksyon an pou li vann poul la inikman nan lide pou yo kapab konsome vyann nan.
Nan prodiksyon sa jèn poul sa yo grandi rapidman kontrèman a poul pondez yo ou poul kreyol nou konn gade lakay nou yo,Sik prodiksyon sa dire ant 35 a 45 jou, nan ti tan sa poul yo rive nan matirite yo,li grandi e grosi a yon nivo de fwa menm mache li pa kapab mache. Rezilta sa posib gras a manje ak medikaman ki pote yon eksè enèji lakay poul ki pèmèt li grandi e devlopman osi rapid nan yon tan si kout.

Kisa pondez la ye?
Pondez yo bo kote pa yo se lè elvè a deside pwodwi poul nan lide poul kapab vann ze yo selman . Lè sa poul sa yo gen jèn ki oblije yo ponn souvan( mwen di souvan se pa chak jou paske gen moun ki fè nou kwè ke yo ponn chak jou, se pa vre). Pondez yo pa fasil gwosi paske nomalman manje yo konsome yo pa menm ak poulè de chè yo, sa yo manje yo pa kont ba yo kapasite pou yo ponn plis san yo grosi.

B--- Avantaj ak Dezavantaj

***Poulè de chè /pondez****

- li pi fasil pou w demare yon elvaj poulè de chè paske li mwen koute e li pran mwens tan pou w komanse fè benefis, nan titan sa ou gen plis chans pou maladi pa anvayi w. Kontrèman pou pondez la
- ou te mèt pa trop ekspè , depi w gen kek enfomasyon ou kapab pratike poulè de chè a.

- Pou demare yon elvaj pondez, ou bezwen gen yon konesans aprofondi, plis tan ak anpil lajan, men siw achte ti poul yo tou piti wap bezwen pran swen yo jiska ke yo rive nan peryòd pou yo komanse bay ze, e se nan peryod sa wap k pale de benefis.

- manje poulè de chè yo pi chè pase pondez yo, se normal paske poulè de chè yo bezwen plis enèji, plis pwoteyin pou yo ka pran pwa ak grandi rapid. Plis pousantaj pwoteyin ki nan manje a pi wo se konsa tou manje sa koute plis lajan.

- si pa egzanp ou ta fè yon pèt nan yon s*k, li pi fasil pou w rekomanse nan poulè de chè ke nan pondez paske pou poulè pondez la fok ou ta pran 1 an pou sa posib.

- ak 100 grenn poul nan poulè de chè a, wap kapab fè bn benefis tandike pou pondez la ou Bezwen yon gran kantite pou w pale de benefis.

Kontakte Avicogroup sou Whatsapp +50937601825
Pou w ka patisipe nan fomasyon nap fe sou ekvaj volay la.

Renmen paj la epi pataje l ak kek zanmi kew konnen sijè sa ap enterese. Mesi Anpil !!!

Agr.NOEL Pechelyn