Bon Speech Studio

好多家長都問：
「Miss Bon，我同佢講咗好多次個故事，點解佢都講唔返出嚟？」😔

其實，小朋友腦入面嘅故事，可能只係一堆 散沙。🏜️

一個故事，有好多點：
🦌 鹿、🦊 狐狸、🌳 蘋果樹、🍎 蘋果

但點同點之間，要有一條 線 連住先係一個故事：
你睇吓⋯⋯
✨ 鹿望住蘋果，係因為佢肚餓？
✨ 狐狸喺樹下面，係咪想幫手？
✨ 最後佢哋會一齊食，定係爭崩頭？

如果小朋友睇唔到條線，
佢聽到嘅只係 一堆字，而唔係一個 故事。📖❌

所以你叫佢複述，
佢只能夠 執起幾粒沙俾你睇——
🔁 replay 你最後講過嘅字
🧩 講啲零碎嘅嘢
🤷 或者直接話「唔知」

呢個時候，再講多幾次都冇用。
因為如果佢未理解個故事，
你叫佢複述，只係 測試緊佢嘅記憶，而唔係幫佢理解。🧠💭
下次你俾個新嘅故事佢，
佢一樣講唔到。

🏛️ 理解，係表達嘅地基。
如果地基係散沙，
你點樣砌，都砌唔起。

✨ 要做嘅係：
✅ 拆細問題，幫佢 focus 一粒沙
✅ 理清時序同因果，幫佢 睇到條線
✅ 俾多少少提示，等佢 有成功感先

💬 理解咗，先講得出。

#小一面試 #親子 #考小遊戲 #教育

多謝理工大學護理學院嘅邀請，令我有機會參與佢哋嘅STEM項目，同一班未來護士分享同交流，亦趁機介紹一下 Bon Speech Studio💬❤️

今次分享，對我嚟講特別有意義——因為佢令我想起自己喺HKU讀言語治療嗰陣，啱啱遇上COVID，好多嘢停擺，但亦因為咁，我開始試吓喺網上教小朋友講故事，由一個好小嘅起點慢慢摸索，發展成今日嘅Bon Speech。

之後好感恩，呢個小嘗試幫我拎到獎學金，俾我有機會出去探索世界、做研究，將唔同地方嘅觀察帶返香港，融入我嘅治療同創業入面。

聽完咁多位同學分享佢哋自己發起嘅STEM項目，我真係好感動，亦都覺得自己學咗好多嘢。每一個提議都好有創意、好有心——有同學想做長者科技，有同學想將人工智能融入護理教育——令我諗返起當年自己仲係言語治療學生的時候，都係抱住「想做啲嘢」嘅初心，慢慢摸索，最後創立咗Bon Speech💙

多謝每一位同學嘅真誠分享，令我再次記住：
無論行到幾遠，都要保持當初嗰份好奇同謙卑，都要記得當初嗰份由零開始嗰份初心🔥

#幼兒教育 #小一面試 #媽媽日常 #親子

📚 ZOOM 故事表達課程｜言語治療師教授
💡 如果你都想小朋友——
✅ 講出結構完整、內容豐富嘅故事
✅ 平時講嘢清晰有條理、言之有物
✅ 喺小一面試中，自信、淡定咁展現最好嘅一面
呢個 ZOOM 故事表達課程，就係為小朋友而設✨

課堂內容💯
🎮 語言小遊戲— 輕鬆學句式同詞語
📖 看圖說故事 — 學習故事結構、排卡講故事、扮演角色，仲可以自己創作結局
💬 評語回饋 — 每個小朋友都會收到評語，等佢哋自己知道點樣做得更好

課程特色 ✨
👨‍👩‍👧 小班教學（2-4人） — 確保每個小朋友都有充足機會練習同發言📲 課後跟進 — 24小時內收到錄音評語同教材，輕鬆掌握學習進度👩‍🏫 言語治療師教授 — 用專業知識設計適合小朋友嘅學習內容

📌 適合對象
K2-K3 準備升小、想打好語文基礎嘅小朋友

📚 實證教學成果
過去4年，我哋已經陪住 超過200個家庭 見證小朋友嘅成長，仲協助好多學生考入心儀小學，包括：
🏫男拔、女拔、聖保羅男女、蔡繼有、英華、德望、聖保羅書院、陳守仁、王錦輝、港同 等✨

🎓 導師資歷
🌟言語治療師
🌟拔萃女書院校友
�希望用專業知識，幫更多小朋友愛上表達，同時陪伴小朋友愉快成長🥳

名額有限，尚餘最後少量學位🔥
歡迎 DM「故事班」 查詢詳情💕
#故事班 #小一面試 #媽媽日常 #幼兒教育 #親子

🎉新年限定 Giveaway🎉
故事卡教材套❤️

新年快樂！🎉 踏入 2026 年，Miss Bon 想送份特別嘅小禮物畀大家🙌🏻

最近我迷上咗研究 AI 畫圖🤖✨，經過不斷嘗試，終於成功創作出呢個關於樹懶、小貓同馬騮嘅搞笑四格故事，想第一時間同大家開心share！

🎁 Giveaway 內容包括：
1. 四格圖卡
2. 參考故事講稿
3. 參考問題

📢 參加方法：
1. LIKE/FOLLOW BON SPEECH STUDIO FACEBOOK/INSTAGRAM ACCOUNT
2.在留言中標註 3 位好友，分享這個好消息
3. 分享此POST到現時動態

截止日期📅：2026年2月1日

完成後請 Cap 圖私訊 我，我就會將教材寄畀你喇！📩
希望呢份由 AI 創作嘅小禮物，可以陪伴小朋友喺新年邊聽故事邊快樂成長。✨

#故事班 #小一面試 #幼兒教育 #親子

【📣 Bon Speech Studio｜2026 故事表達課程 現正招生！優先名額已滿🔥】
🫶🏻 多謝大家熱烈支持！
Miss Bon 上年年尾預告重開故事班後，隨即收到大量舊生家長為弟妹及朋友查詢報名，部分班別已火速爆滿🔥
現正式開放 最後少量公開名額，有興趣嘅家長請即把握機會✨

💡 如果你都想小朋友——
✅ 講出結構完整、內容豐富嘅故事
✅ 日常對答清晰有條理、言之有物
✅ 思考靈活有創意，懂得分析同解決情境難題
✅ 喺小一面試中，自信、淡定咁展現最好嘅一面
… 咁呢個課程，就係為你同小朋友而設嘅🙌🏻🙌🏻

✨ 課程特色
▫️ 每堂課後 24小時內，提供評語及教材
▫️ 小班教學，Miss Bon 親自教授

📌 適合對象
K2 小朋友（適合希望提早打好表達基礎、準備升小面試嘅小朋友）

📚 實證教學成果
自 2020年 疫情期間開辦ZOOM故事班以來，累積學生人數已突破 200人，並成功協助眾多學生考入心儀小學，包括但不限於：
🏫 男拔、女拔、聖保羅男女、蔡繼有、英華、德望、聖保羅書院、陳守仁、王錦輝、港同 等

🎓 Miss Bon 專業資歷
▫️ 拔萃女書院畢業生
▫️ 香港大學言語治療學系一級榮譽畢業，曾於公立醫院工作，為兒童提供言語治療服務

⏳ 名額有限，先到先得
👉 歡迎 DM / 留言「2026故事班」 查詢餘下名額及課程詳情！

好多家長都問：「點解要專門學『講故事』？係咪淨係為咗面試？」🤔

其實，「講故事」係一項深深影響孩子未來嘅關鍵能力🌟。原來，早喺 4️⃣0️⃣ 年前，已經有大量研究發現📊：
�小朋友喺幼稚園階段嘅講故事能力，同佢哋日後嘅語文發展，甚至整體學業成績，有密切關係📈。研究指出，小朋友喺幼稚園時「複述故事」嘅表現，正係預測佢之後語言發展嘅最強指標（best predictor）。研究亦顯示，有讀寫或語言困難嘅小朋友，佢哋組織同講述故事嘅技巧通常會比較弱。

點解會咁呢？�因為講故事唔係「隨便講」，要講好一個故事，小朋友需要同時運用多種高階能力：�🧠 認知能力：要識得將觀察到嘅細節，按順序同因果關係「砌」成完整故事🧩。�🗣 語言能力：要運用恰當詞彙、句式同連接詞，去表達「邊件事發生先」（時序），同「點解會發生」（因果）🎤。

簡單嚟講，講故事就好似一個「大腦綜合鍛鍊」🧠💪🏻：�將想法有邏輯、有條理、有感染力地表達出嚟。呢種能力唔單止影響語文科，更關乎邏輯思維、解難同日常溝通🗣️。

所以我哋嘅課程，並唔止係「聽故事」或「講故事」，更會一步步引導小朋友建構自己嘅故事——從理解結構、運用語言，到自信表達，再到創作，幫佢哋打好學習同溝通嘅重要基礎💯。

而更重要嘅係，故事係人與人連結最自然嘅工具🛠️。
�人，天生就鍾意聽故事。�由細個聽爸爸媽媽講bedtime story，到大個睇戲、追劇，甚至你手上部 iPhone——背後都有一個引人入勝嘅故事。故事，係最好嘅溝通載體，可以連繫人心，可以令人記得住。

故事，係最自然、最有力嘅溝通工具❤️。�🔸 佢教小朋友 「有條理咁分享生活」�🔸 佢俾小朋友 「有感染力咁表達自己」�🔸 佢讓小朋友喺情境中，練習 「解難」與「同理」
我哋相信，學講故事——�唔單止為咗「應付小一面試」，呢個過程，其實係幫孩子裝備一種終身受用嘅能力，一份能夠帶住走嘅禮物💝。

等我地一齊進入故事世界，講出屬於自己嘅精彩篇章。📖✨

參考文獻：
Bishop, D. V. M., & Edmundson, A. (1987). Language-impaired 4-year-olds: Distinguishing transient from persistent impairment. Journal of Speech and Hearing Disorders, 52(2), 156–173.
de Hirsch, K., Jansky, J. J., & Langford, W. S. (1966). Predicting reading failure: A preliminary study. Harper & Row.
Dickinson, D. K., & McCabe, A. (1991). A social interactionist account of language and literacy development. In J. Kavanagh (Ed.), The language continuum: From infancy to literacy (pp. 1–40). York Press.
Liles, B. Z. (1985). Cohesion in the narratives of normal and language-disordered children. Journal of Speech and Hearing Research, 28(1), 123–133.
Weaver, P. A., & Dickinson, D. K. (1982). Scratching below the surface structure: Exploring the usefulness of story grammars. Discourse Processes, 5(3-4), 225–243.

【2025年近況update - Part 2】

畢業做咗言語治療師之後，我好幸運可以去公立醫院🏥工作一段時間。嗰度嘅 mentor 同同事都好好，俾我有機會接觸唔同範疇嘅工作——不論係教小朋友講嘢，定係幫中風嘅病人做復康；無論係喺病房做吞嚥評估，定係喺門診睇症，每一個case都令我學到好多嘢，真係好充實。👍🏻

呢段日子，亦令我更加認識自己。我發現，同做吞嚥評估相比，我真心更加鍾意「教人講嘢」。無論對方係小朋友定係中風嘅伯伯婆婆，每當見到佢哋講嘢順暢咗、表達有信心咗，我真係會開心到唔識形容🫶🏻。就算呢一年無開到故事班，我都成日諗返起同之前班小朋友相處嘅片段，有時喺門診見到幼稚園生，都會忍唔住諗：唔知 Bon Speech 嘅學生而家點呢？🥹 仲有好得意嘅係，到而家朋友見到我，都仲會提起以前故事班啲趣事；間中都會收到家長 message，問我可唔可以幫已經升咗小學嘅學生準備口試同朗誦，或者幫細佬妹報名上堂——我真係無諗過，大家仲會記得我哋！💗

喺醫院工作，亦令我親身感受到生命嘅無常。見過同我差唔多年紀嘅病人，亦見過家人喺病房喊到撕心裂肺嘅畫面🙏🏻🙏🏻🙏🏻。我深深明白，人生有太多事我哋控制唔到。正正因為咁，我好想趁後生，試多啲唔同嘅可能性，喺有限嘅時間裡面，做自己真正鍾意、又適合自己嘅事。🌟

就係咁，我完成咗喺醫院嘅旅程，準備去行下一段路。

今年十一月，我去咗美國華盛頓做學術報告，之後自己一個留低咗三個星期，去睇吓呢個世界🇺🇸。

我去咗自由神像、時代廣場、大峽谷、白宮；睇咗好多博物館、百老匯音樂劇，仲親眼見到梵高同畢加索嘅真跡，對藝術、文明同科技嘅發展有咗更深嘅感受。我仲同好多唔同背景嘅人傾偈：有因為戰亂流亡到美國嘅烏克蘭舊室友、喺 Space X 整緊火箭嘅女工程師、喺 Stanford 做研究嘅科學家，仲有好多好健談嘅 Uber 司機。每個人都有自己嘅世界觀同生活方式，令我眼界真係開咗好多👀👀。

好有趣嘅係，我喺 911 博物館裡面，對住一幅小朋友畫嘅畫睇咗好耐——唔知點解，幅畫令我諗返起以前故事班小朋友畫嘅圖畫。行經學校門口見到啲細路，我都會唔覺意笑咗出嚟🤣。

成個旅程我不斷喺度諗：我究竟適合點樣嘅生活同工作？我可以點樣為呢個世界帶來一啲好嘅影響？「講故事、復康、言語治療、科技、溝通」呢幾個詞，不停喺我個腦入面轉 🧠 。

而我咁想教人溝通，其實係因為，我真係覺得人類嘅語言同表達好神奇。我哋可以用聲音、文字、圖像、甚至手勢溝通，由單字到句子，再組成有感情、有思想嘅故事——呢種可以深入表達、無限創造嘅能力，真係好珍貴，亦係我哋彼此連結嘅基礎🙌🏻🙌🏻。

成日有人問我：Bonita，你以後到底想做大人定係細路？

其實對我來講，溝通嘅需要無分年紀。所以我嘅答案係：兩邊我都想試。

明年開始，我會用兼職言語治療師嘅身份，去幫助有特殊學習需要嘅小朋友。而剩返嘅時間，我會做返我最掛住、最開心嘅事——就係教故事班，陪更多小朋友喺故事世界裡面學表達、學思考👧🏻🧒🏻

同時間，我心裡面有個好想完成嘅 project —— 其實呢個係我哋嘅final year project ，係一個專為中風病人而設嘅 AI 復康 app。老實講，當初我哋都無諗過可以行到咁遠，最後竟然有機會飛去美國華盛頓做匯報，仲得到咗國際認可，對我哋嚟講真係好意外，亦好感動🥰

你可能會問，點解要同時做三樣嘢？
因為對我而言，無論係幫助 SEN 小朋友、教故事班，定係用科技幫助中風病人，呢三條路，其實都通向同一個終點：陪伴唔同嘅人，搵到屬於自己把聲音🗣️。

「每一把聲音，都值得被聽見；每一個故事，都擁有改變世界的力量。」

好開心呀💗💗
又多一個學生做到我師妹💙💙
仲要係細B，好叻女啊🥳🥳

知道今個禮拜會有DGJS結果
Miss Bon 上個星期特登係Mini Bazaar買多幾樣嘢
希望可以有機會可以將份禮物
親手送俾我嘅學生
好開心真係送得成💙💙

我哋仲喺公布結果嘅第二日
約咗一齊交換聖誕禮物🤣🤣

同呢位小師妹嘅故事有啲特別
佢由上年七月開始跟Miss Bon上堂👧🏻
嗰陣其實已經冇再開新嘅故事班啦
不過知道佢係舊生介紹
再加上覺得同小朋友有緣
所以就收咗佢做私人學生🫶🏻
都係今年唯一一個女學生👧🏻
中間都因為Miss Bon工作嘅緣故
暫停咗一段短嘅時間
都多謝家長嘅信任
唔介意肯繼續跟我上🥹🥹
11月中開始其實Miss Bon喺美國
因為要去華盛頓匯報🗣️ 🇺🇸
但好好彩
就到時間
喺2nd in前一日喺美國時間
朝早6am同小朋友做最後衝刺😮‍💨😮‍💨

本身小朋友都有拔萃女孩嘅特質
勤力、自律、主動學習，都喜歡學習
都對一直佢好有信心
Miss Bon做嘅嘢
只係幫手發揮佢本來嘅特質
同埋陪伴佢走過呢段考小旅程
結果真係得左💙💙💙

唔知道呢啲係咪緣份呢？🤣🤣

DGS 165th Anniversary & Homecoming Carnival 💙 🎄
上個星期Miss Bon 返左去母校
好開心見返好多舊同學同老師💗
仲有Bon Speech 故事班嘅舊生👧🏻
隔咗幾年面對面見到
覺得佢哋全部都大個咗🥹🥹
佢哋又係我學生又係我師妹
係一種好特別嘅緣份🥰
仲有驚人發現
原來有兩個舊生係同班同學
呢個世界真細小😂😂

【2025年Miss Bon近況update - Part 1】

Hello👋🏻 大家好嗎？

原來上次更新已經係2024 年既事！其實一路都有好多家長聯絡我，同我分享小朋友返學嘅情況👦🏻👧🏻真係好多謝大家仲咁記得同關心我❤️❤️我都想趁2025年完結之前，喺呢度同大家分享一下我嘅近況

卸下Miss Bon 既身分之後，我係Final Year專心讀書，同時享受校園生活 🏫

經過一番努力，我最終都順利以一級榮譽畢業🥳🥳過程辛苦得黎但好開心，好彩有班好好既同學，大家一路support 住大家！🔥

係教授既鼓勵下，我地將篇畢業論文投去美國言語及聽力協會（American Speech-Language Hearing Association - ASHA）🇺🇸🗣️，佢地不單只accept左我地篇文，仲揀左佢做百週年紀念專題匯報 （Centennial Session）！🤩🤩

所以我今年十一月就飛左去美國華盛頓匯報，有機會同唔同國家嘅言語治療師交流，同得到咗好多好寶貴嘅意見✨✨

想係到分享少少我個畢業論文project，佢係一個中風後失語症既AI App📱，幫中風病人練習講生字🗣️🗣️因為好多中風病人就係連好簡單既生字，例如水果名，動物名，甚至屋企人既名都講唔到😭

我哋今年都有幸今年去到香港🇭🇰同埋澳門🇲🇴病人嘅組織舉辦講座，同病人分享呢個app🥰

喺一年之間做到咁多嘢，我哋都覺得好神奇，成件事就好似發左場夢咁！要多謝好多人嘅幫手，呢件事先會成真🥹🥹有興趣知多啲可以話我知，我會再作分享！

下一個post我會講個畢業之後嘅工作同未來嘅去向，請大家留意下一個post 🫶🏻