Dana Lai Yoga

Dana Lai Yoga Yoga | Meditation | Pranayama | Hand Balance Training

身體被呼吸困住 -上集人人都會呼吸，但未必每一下呼吸，身體都有真正參與。有些人吸得進，卻呼不完整；胸廓停留喺吸氣嘅位置，肩頸便不知不覺接手，代替肋骨與橫膈膜完成本來嘅工作。於是，明明已經很累，身體卻很難真正放下來。我哋上堂做嘅，從來唔只係叫...
09/09/2026

身體被呼吸困住 -上集

人人都會呼吸，但未必每一下呼吸，身體都有真正參與。

有些人吸得進，卻呼不完整；
胸廓停留喺吸氣嘅位置，肩頸便不知不覺接手，
代替肋骨與橫膈膜完成本來嘅工作。
於是，明明已經很累，身體卻很難真正放下來。

我哋上堂做嘅，
從來唔只係叫你吸氣、呼氣，
或者用力吸一大口氣咁簡單。
因為呼吸，唔係一個可以單靠指令完成嘅動作。

一口氣能否自然流動，
從來都同身體有冇空間、肋骨有冇活動，
以及內在有冇一直催促自己有關。

所以，我哋會以動作作為入口，以呼吸作為方向，
再用專注力去感受身體正在發生甚麼，
讓身體慢慢找回一個更完整、更有空間嘅呼吸循環。

有些緊繃，未必只需要拉鬆。
有些疲憊，可能要先讓身體重新學會，好好呼完一口氣。

寫呢一篇文章時，我持續meditation 嘅習慣已經大概有10年。我係2016年第一次去Vipassana內觀的。當然之前就是斷斷續續的。每一年回頭望，我都覺得自己好似係剛剛入門。對冥想嘅理解、對自己嘅理解，一直都不斷咁變化，一直都不停咁...
07/09/2026

寫呢一篇文章時，

我持續meditation 嘅習慣已經大概有10年。
我係2016年第一次去Vipassana內觀的。
當然之前就是斷斷續續的。

每一年回頭望，我都覺得自己好似係剛剛入門。
對冥想嘅理解、對自己嘅理解，
一直都不斷咁變化，一直都不停咁深入。
所以我跟學生講：我哋其實都只係永遠喺度持續學習-ing。

真正嘅冥想，無論於動或靜，就係去 #保持覺知。

我哋並唔係腦袋裏面嘅念頭，亦唔係頭腦嘅本身。
念頭只係自動運轉嘅過程。
而當你見到過程運行嘅時候，你就唔會再受制於佢。

你我確實係看見到念頭嘅「 #覺知」。

方法工具幫你打開入口；但真正要行入去嘅，始終係靠你。
02/09/2026

方法工具幫你打開入口；
但真正要行入去嘅，始終係靠你。

若果真係用動作做得幾好，去判斷一個人喺瑜伽上嘅造詣，咁 Olympic 體操選手，豈唔係全部都係瑜伽大師？但我哋都知道，瑜伽唔只係身體做到啲乜。瑜伽其中一個重要嘅練習，係學習看見心智點樣不停變化：我幾時急住想做到？幾時因為做唔到而挫敗？幾時...
28/08/2026

若果真係用動作做得幾好，去判斷一個人喺瑜伽上嘅造詣，咁 Olympic 體操選手，豈唔係全部都係瑜伽大師？

但我哋都知道，瑜伽唔只係身體做到啲乜。

瑜伽其中一個重要嘅練習，係學習看見心智點樣不停變化：我幾時急住想做到？幾時因為做唔到而挫敗？幾時開始比較？幾時只係想被人讚、想證明自己？

要學習安定心智之前，首先要有能力察覺：
原來自己此刻正在被咩帶住走。

好多瑜伽學生練吓練吓，都會開始有參加 Teacher Training 嘅念頭。呢個念頭本身冇問題。有人想學得更有系統，有人真係想教學，有人只係想留一段時間，認真地投入瑜伽。

但所有修習瑜伽嘅人，或者都值得仔細問自己：
我而家真正需要嘅，係乜？

有時候，我哋以為自己想讀瑜伽培訓，係因為想學得更多。

但再誠實啲問落去，可能真正想要嘅，只係一個答案。

想知道自己係咪夠好。
想有人認可自己做得啱。
想有一張證明，令自己終於可以叫自己做「老師」；
又或者令自己覺得，自己終於比以前進步咗。

但瑜伽嘅深化，係發生於每日嘅生活當中，
而並非嗰短短嘅200個鐘呢。

好多我哋引以為傲嘅事，往往喺不知不覺間固化成自己嘅枷鎖。學識放過自己唔等於軟弱，只係比被壓抑嘅情緒一個喘息嘅出口。你嘅情緒，其實值得被好好安放。
26/08/2026

好多我哋引以為傲嘅事，
往往喺不知不覺間固化成自己嘅枷鎖。

學識放過自己唔等於軟弱，
只係比被壓抑嘅情緒一個喘息嘅出口。

你嘅情緒，其實值得被好好安放。

24/08/2026

「你知唔知道」同「你願唔願意面對」，
原來係兩件完全唔同嘅事。

17/08/2026

我哋唔只係眼耳口鼻身所接收到嘅一切；
感覺、念頭同情緒都會來去，
但我哋之內有一份能夠知道它們正在發生嘅 #覺知。

喺瑜伽哲學入面，
呢份不斷變、可以被觀察嘅身心經驗唔係我哋嘅全部；
我哋亦係嗰份純粹見證一切嘅覺知。

小朋友肚餓會喊，想被抱會伸手，唔舒服會扭計。
佢嘅反應好多時好直接：身體有需要，就用佢唯一識嘅方法叫人聽到。當然，小朋友唔係冇情緒、冇記憶、冇自我感。只不過，佢未必好似我哋大人咁，咁快將一次冇被回應，變成一整套 drama：「媽媽唔抱我，係...
16/08/2026

小朋友肚餓會喊，想被抱會伸手，唔舒服會扭計。

佢嘅反應好多時好直接：身體有需要，就用佢唯一識嘅方法叫人聽到。

當然，小朋友唔係冇情緒、冇記憶、冇自我感。
只不過，佢未必好似我哋大人咁，咁快將一次冇被回應，變成一整套 drama：
「媽媽唔抱我，係咪因為我唔值得被愛？」
「我喊係咪好麻煩？」
「我想要奶嘴，係咪會被人嫌棄？」

人一路大，就開始學識好多處理情緒嘅方法。
因為我哋要喺屋企、學校、關係同社會入面生存。

有人學到：唔開心就收埋，唔好麻煩人，唔好打擾人。
有人學到：只有發火，人哋先會聽。
有人學到：我一定要表現得冇事，先值得被留低。

呢啲反應未必係你嘅性格，亦未必代表你有問題。
好多時，佢哋只係你以前學返嚟、用嚟保護自己嘅方法。

只不過，當壓抑、討好、爆發、抽離，變成我哋唯一識得嘅方法，我哋好容易就慢慢再聽唔到自己真實嘅諗法。

呢個世界已經夠嘈、夠快、夠多嘢令人失去自己。
能夠喺情緒嚟到嘅時候，仲留意到自己正在做乜——
我係想收埋、想討好、想逃，定係想發火——
其實已經係一種令自己活得健康、清醒嘅能力。

有瑜伽嘅我哋係幸福嘅。

時間比你想像中過得快。我哋一直以為「仲有時間」，其實每一個「當下」過去咗都冇得回頭。
13/08/2026

時間比你想像中過得快。
我哋一直以為「仲有時間」，
其實每一個「當下」過去咗都冇得回頭。

能量係乜嘢？唔好諗得太過玄人人都有能量。佢未必係一種神秘、要由其他人幫你清理或調節嘅嘢。你所感受到嘅「能量」，好多時其實係你嘅生命力：你瞓得夠唔夠、呼吸係深定淺、身體有冇攰、心肺狀態如何、情緒有冇被壓住，以及你將注意力投放咗喺邊。冇人可以代...
12/08/2026

能量係乜嘢？唔好諗得太過玄

人人都有能量。
佢未必係一種神秘、要由其他人幫你清理或調節嘅嘢。

你所感受到嘅「能量」，好多時其實係你嘅生命力：
你瞓得夠唔夠、
呼吸係深定淺、
身體有冇攰、
心肺狀態如何、
情緒有冇被壓住，
以及你將注意力投放咗喺邊。

冇人可以代你呼吸，代你心跳，
或者代你決定將心力放喺乜嘢地方。

人可以陪伴、提醒、創造一個令你慢落嚟嘅空間；
但真正返到自己身體、照顧生活節奏、
學習安放注意力，始終係你自己嘅功課。

我係Dana SOW Yoga 🌱 Tai Hang 大坑 瑜伽 小舍

Address

Tai Hang

Website

Alerts

Be the first to know and let us send you an email when Dana Lai Yoga posts news and promotions. Your email address will not be used for any other purpose, and you can unsubscribe at any time.

Shortcuts

Share

Category