香港中文大學資優計劃 (PGT, CUHK)

⚠️資優師傅提提你⚠️
2026 暑期資優課程甄選通知書已經發出啦（唔好淨係留意有冇收到報稅表🤣），大家記得check email 啦！如果收唔到，請儘快聯絡我地！

甄選日期: 16/5/2026 (星期六) 或 23/5/2026 (星期六)
時間：根據甄選通知書為準

甄選當日記得攜帶申請學生嘅身份證明文件 (正本或副本) 、文具（鉛筆及膠擦）及列印甄選通知書，並於甄選開始前十分鐘到達甄選地點💪🏻

期待當日見到大家🥰

【🚨 FINAL CALL 🚨 倒數4日，你報咗名未？】

2026暑期資優課程報名將會喺4日後2026年4月21日（星期二）截止啦⚠️！未報名嘅你快啲行動啦！

報咗名嘅都記得、記得、記得要交齊晒所有文件呀！✅曾經讀過我地課程嘅學員，記得每一次報名都要交最近期嘅成績表。

🔗 立即報名傳送門：https://www.fed.cuhk.edu.hk/pgt/Student/SUM2026_b.php

【「2026暑期資優課程」開始接受報名啦📣📣】

新鮮滾熱辣，2026暑期資優課程接受報名啦，截止報名日期為：2026年4月21日（星期二）❗
⚠️ 提提大家報名時，記得要check清楚自己有無交齊所需文件，唔好以為淨係交左報名表就代表成功報名呀，記得要check 清楚！如果唔係我地就處理唔到你嘅申請架啦！另外，本季度起我地只提供電子版本學校推薦表，請推薦人填寫完畢後以學校電郵交返比我地🙆🏻‍♀️

Checklist：
✅最近期成績表副本 (無論首次申請定舊生，每次報名都需要重新遞交)
✅學校推薦表 (截止遞交日期與報名截止日期相同)
✅相關文件副本 (如證書、資助證明副本等)

同場加映仲有線上「資優計劃」簡介會💻，費用全免。如果家長有興趣了解多啲我哋PGT嘅課程規劃同特色、報名程序、甄選同取錄準則等，就要喺2026年4月7日（星期二）或之前報名啦！（先到先得喔‼️）

另外，為咗支持環保，資優計劃唔會❌再郵寄紙本嘅「甄選通知書」同「取錄結果」。所以大家記得記得申請嘅時候必須✅提供一個有效嘅電郵地址，同埋要keep住定期check email，咁就唔怕miss左我地嘅通知啦😊

2026暑期資優課程：
https://www.fed.cuhk.edu.hk/pgt/Student/SUM2026_b.php

【📣新鮮滾熱辣，2026春季資優課取錄結果已經出爐啦！ 🥳】

提提大家「2026春季資優課程」取錄名單已經上載至本計劃網站，以及經電郵發送俾大家😁😁 申請人記得自行查閱焗爐（電郵）！唔好擺喺焗爐度焗燶呀！獲取錄嘅學員，無論修讀與否，都記得要喺2026年3月11日（星期三） 或之前跟番電郵內嘅指示回覆我哋呀！🙆🏻️

就算未能取錄都唔好灰心，我地好快又會推出新一期課程資料架啦！☺️

另外由於而家電話查詢量極大，線路比較繁忙🥹申請人請優先使用電郵同我地聯絡，資優計劃同事會儘快處理同回覆📧。

取錄名單：
https://www.fed.cuhk.edu.hk/pgt/Student/SPR2026_admission_list_b.php

是日年廿九，邀請咗同事嘅貓貓🐱同大家送上新年祝福。PGT仝人喺度祝大家除夕快樂🎉同屋企人團團圓圓，2026新一年馬年（唔係貓年🤪）大吉，身體健康，心想事成🥳🥳
（資優師傅都收爐啦～）

✨【想了解特殊學校同與智障學生交流？機會嚟啦！】✨

「資優計劃」除咗定期舉辦課程同講座，仲會以「展潛能．為社群」為主題，舉辦各種社會服務活動💪🏻

今次誠意邀請中三至中六學員參加 「同心同行」特殊學校義工服務！呢個活動會帶你走入特殊學校，與智障學生互動、交流，分享你嘅才能、興趣或專業。同時培養你嘅溝通技巧、同理心、耐性、領導能力，體驗共融意義 ❤️

活動詳情：
📅日期：2026年3月7日、3月14日及3月21日（星期六）
👤對象：中三至中六「資優計劃」學員
🔍名額：8人（僅限「資優計劃」學員）

活動共分為三節進行，參加者必須出席所有節數︰
第一節：義工服務培訓日
日期：2026年3月7日（星期六）
時間：上午9時至中午12時
地點：新界葵青區特殊學校（詳細地址將於確認電郵提供）
內容：參觀特殊學校、認識智障學生特質、學習相處技巧

第二節：義工服務日
日期：2026年3月14日（星期六）
時間：上午9時至中午12時
地點：新界葵青區特殊學校（詳細地址將於確認電郵提供）
工作：與智障學生互動、分享個人才能和興趣、反思與交流

第三節：總結分享會
日期：2026年3月21日（星期六）
時間：上午10時至上午10時45分
形式：線上會議
內容：分享及反思

📌報名方法：2026年2月22日（星期日） 或之前，掃描二維碼或瀏覽以下網址進行網上報名︰
https://forms.office.com/r/sfMks4tLVs
1）如報名人數超出限額，將以抽籤形式處理。
2）成功申請者將於2月24日（星期二）收到確認電郵。如沒有收到確認電郵，則視為未能成功申請，敬請留意。

有興趣嘅你快d 喺截止日期前報名啦🥳🥳 期待喺義工服務見到大家！

⚠️資優師傅提提你⚠️
2026春季資優課程甄選通知書已發出，大家記得check email 啦！如果收唔到，請儘快聯絡我地！

評估日期: 7/2/2026 (星期六) 或 14/2/2026 (星期六)
時間：根據甄選通知書為準

筆試當日記得攜帶申請學生嘅身份證明文件 (正本或副本) 、文具（鉛筆及膠擦）及列印甄選通知書，並於甄選開始前十分鐘到達甄選地點💪🏻

期待當日見到大家🥰

【🚨 FINAL CALL 🚨 倒數3日，你上咗車未？】

2026春季資優課程報名將會喺3日後2026年1月13日（星期二）截止啦⚠️！未上車嘅你快啲上車啦！千祈唔好去錯下一站「蘇州過後站」呀，到時真係無艇搭㗎啦！

報咗名嘅都記得、記得、記得要交齊晒所有文件呀！✅曾經讀過我地課程嘅學員，記得每一次報名都要交最近期嘅成績表。文件唔齊，真係可以唔比你上車㗎！

🔗 立即報名傳送門：https://www.fed.cuhk.edu.hk/pgt/Student/SPR2026_b.php

資優計劃早前舉辦嘅「三十周年」木製小夜燈設計工作坊經已圓滿結束，當日活動相片已上載至我哋網站啦！而各參加學員親手設計嘅小夜燈正密鑼緊鼓咁製作中，預計喺二月就會出嚟見大家！大家一齊集氣期待下啦！🤤

🔗 活動照片：https://www.fed.cuhk.edu.hk/pgt/News_Event/show_type_activities_photo_c.php?event=2025_NightLightWorkshop_1206

🎄 PGT 祝大家聖誕快樂！蜘豬師傅 x 豬優徒兒 粉墨登場！🎅

Ho Ho Ho! ❄️ 普天同慶嘅日子，我地嘅資優孖寶——蜘豬師傅 🕸️ 帶埋佢嘅得意門生豬優徒兒 🐷 嚟同大家報佳音啦！祝各位家長同小朋友聖誕快樂！🎁

🤔 眼利嘅你有無覺得... 呢隻豬豬好熟口面呢？

開估啦！✨ 其實佢就係我哋 2026 春季資優課程封面嗰隻豬豬嚟㗎！

佢換咗件聖誕老人衫，再次登場同大家見面！覺得佢哋可愛嘅你請比一個Like🥰