本土養殖 Hong Kong Aquaculture

04/09/2026

21/08/2026

向「劣幣驅良幣」Say No!! 🙅🏽🚫
👋🏾✋🏾☺️ 大家好~ 大家等咗好耐嘅意大利有機蒜頭✨🇮🇹🧄✨終於等到佢哋收成喇~!!
意大利嘅飲食文化係絕對奉行✨不時不食✨（甚至受法律保護），佢哋直頭嚴謹到「唔當造、唔肯賣」俾我哋 😰👉🏾👈🏾…. 所以先至會搞到上年收咗大家嘅頂一直要延遲交貨 🙏🏾😅🙈🙇🏽 真係唔好意思!!
上一批次嘅蒜頭我係搵咗意大利最好生產根部植物區域嘅「白蒜頭」俾大家，而今批次嘅蒜頭、我係揀咗同一產區但係生產自更高海拔農場⛰️🧑🏼‍🌾 出產嘅「紅蒜頭」!! 而且呢個紅蒜頭嘅品種、絕對係蒜頭界嘅明星💫佢叫做：蘇爾莫納紅鷹（Aglio Russo ） ✨❤️🧄✨
👏🏾👏🏾😱🙏🏾😭🥰🙇🏽🙇🏽
呢個✨蘇爾莫納紅鷹✨（係咪聽個名都覺得勁呢~?🤭）係妹夫一直同嗰個產區嘅農夫長時間聯絡、經歷咗好多、先至有機會聯絡得上呢個「高山農場」，因為無論水源、氣候、泥土入邊嘅酸鹼同埋礦物質嘅豐富程度，真係放入口就感受得到 😌😋👍🏾
我成日都分享「自身感應係冇得呃嘅」，剝開🧄外衣、你哋就會見到飽滿嘅蒜肉 🥰 同內層一浸好靚嘅紫紅衣 🤩😍 再聞一聞 紅蒜頭 嘅香氣，….真係絕對唔可以同市面上香港買到嘅山東蒜頭相提並論 🙈🤭😅🤐
雖然品質比上年大升級，但之前已經落單、等咗啲蒜頭嘅朋友 🙏🏾🥰🥹🙇🏽 衷心多謝你哋嘅信任!! 冇退款、冇吹到我哋爆炸 🙏🏾🙇🏽 為咗答謝你哋，我會維持白蒜頭舊價、張紅蒜頭盡快出貨俾大家 🙏🏾☺️😘😘
今次依500kg嘅紅蒜頭，一到步呢幾日我同團隊仲人手拆咗十幾袋大蒜頭皮，唔好睇小呢個損耗，唔計人工、淨係重量都少咗10%，千真萬確!! 目的、只係希望確保大家到手嘅每一粒都係最靚、最實惠嘅!! 💪🏾💪🏾🥹🥰👍🏾
蒜頭除咗調味，好多人都知道佢仲係一個最天然嘅殺菌劑同抗生素，對身體絕對有益!!

購買連結：
https://www.hkfish.co/products/italy-redgarlic

#本土養殖 #意大利高山紅蒜 #蘇爾莫納紅鷹 #良心品質 #共濟

05/08/2026

用最傳統嘅方法📙🧐 用有信心保證嘅食材🌾🍎💧
用手工💪🏾 用心機🥰 用時間⏳ 造出健康好食物!!
💪🏾💪🏾😉🥰👍🏾 #本土養殖 #米醋 #健康好食物

27/07/2026

✨父愛如山✨ 呢個標題形容Wallace 十分十分貼切
內文Link：https://bit.ly/4bbi4Sn

Wallace嘅父愛唔只限喺對「己出」嘅 恩齊 一個、而係Wallace將自己✨最貼地✨、✨最有效✨嘅✨愛✨同✨幫助✨宣揚出去，希望令到一眾SEN家長都有正確方案、用有效嘅方法陪伴自己嘅S E N子女成長同埋規劃生涯。👏🏾👏🏾🫡🙏🏾🥰🙇🏽

唔經唔覺同Wallace合作已經五年，而且我哋嘅合作唔係普通嘅Hi、Bye合作，係常溝通嘅合作，加上我一直都係抱住跟隨Wallace學習嘅心態，所以我都夠膽講我算係了解Wallace行事方法嘅一個人，對Wallace我絕對敬重 🫡 甚至乎而家喺生活上遇到有啲咩難題自己猶豫不決、我都會去問Wallace嘅意見。

今次非常多謝《東周刊 eastweek.com.hk》嘅採訪，說實話，我哋真係好需要媒體訪問，令到更加多人知道我哋嘅理念、知道我哋做緊乜嘢，咁樣先至可以幫得到我哋宣揚：「以生命感染生命、以行動感動生命」嘅理念，我哋做緊嘅事實在非常非常之貼地、亦都非常非常之重要，希望大家花啲時間睇吓我哋所有嘅採訪，亦都俾少少時間喺個腦入邊細味一吓採訪嘅內容、我哋嘅理念，消化到、絕對營養豐富!!
🙏🏾🥰🙇🏽🙇🏽 Love’s All Around!!

【父愛如山】

早前我們「自閉兒生命建立發展社」（下簡稱「發展社」）創辦人 Wallace（恩齊爸）接受了《東周刊 eastweek.com.hk》的「焦點人物」專訪，報導已出街了，大家可到相關連結閱覽︰ https://bit.ly/4bbi4Sn 。

#因為一家人一齊行
對好多 SEN 家長同路人來說，當接到兒女的「評估報告」和確診是有 SEN 特質時，的確是不容易接受。Wallace 和太太都曾經歷過一段十分艱難的日子，唯有夫妻互相扶持，正視問題才可幫恩齊走出困局，但要行的路卻是十分漫長......

#因著不同階段的需要
每個 SEN 孩子都是獨有的，每一個階段都有不同需要，當 15 歲以上的（大仔）面臨從特殊學校畢業轉銜時，支援便少之有少了。這亦是觸發 Wallace 在 2019 年創立「發展社」的主因，感恩得到太太的支持，這七年間「發展社」已為超過 120 個孩子提供跟「生涯規劃」和「職涯規劃」的服務，包括體驗、試工、兼職及長工等......

#這幾年的重要項目
感謝「本土養殖 Hong Kong Aquaculture」和「共濟食品製造工場」創辦人 Alex 的支持，開放魚排和工場讓多個 SEN 年青人在當中接受訓練和工作，從而回饋社會，拉近和社區的距離；達成了 Wallace 多年來的心願！
隨著計劃越來越落實，受惠的孩子亦越來越多。值得感恩！♥️

#專訪 #東週刊 焦點人物 父愛如山 自閉兒生命建立發展 劉國威 恩齊爸

24/07/2026

最近 3-4年，「本土養殖」同「 自閉兒生命建立發展社」 Wallace 默默堅持做緊一件好重要嘅事，就係幫一班自閉青年人，喺漁業同食品製作入面搵到屬於佢哋嘅天地，提供職前培訓同就業機會。
好感恩今年獲得 星展基金會（DBS Foundation） 嘅贊助，正式展開為期 24 個月嘅「展亮星光——漁排及食品製作工場實習計劃」!! 🫡🙏🏾🥰🙇🏽🙇🏽
我哋唔單止喺海魚養殖場提供培訓，仲結合咗我哋嘅「共濟食品工場」，提供 64 小時嘅有薪實習！由餵魚、刮鱗、包裝、入凍櫃、將自己養嘅魚變成食物、親手調配食物、處理發酵食品等，手把手教佢哋技能、建立責任感。
好多家長同我講過一句好心酸嘅話：「我哋兩夫婦一定比子女先走……」 我唔想見到呢班咁有潛質嘅青年，將來只能被迫喺庇護工場過下半生。
我哋嘅目標，係要為佢哋打造一個自給自足、融入社區嘅小社區！
喺今次體驗日入面，我地不斷鼓勵家長要學會「放手」。結果證明，只要比空間同信任，呢班青年展現出嚟嘅專注同進步，真係連我都好感動!! 👏🏾👏🏾🥹🥰👍🏾👍🏾 Love’s All Arounds!!
📺 【最新影片上架】
今次 全球使者部落 Sam （一位特殊學校畢業嘅過來人）特別嚟拍攝咗呢條精采影片，記錄咗我哋計劃嘅理念、體驗日嘅真實感人點滴，仲有家長們嘅心聲！
👉 即刻睇片，了解更多我哋嘅故事：https://youtu.be/gtYR5Vgo5vo

如果你身邊有 16 歲以上嘅自閉青年想試吓，或者想支持我哋嘅共融理念，可以聯絡我地/發展社！
最後最後！記得睇完片幫手 Share 出去！

#本土養殖 #自閉兒生命建立發展社 #共融職場

12/06/2026

【本週六見面！📢 6月13號 Alex 喺銅鑼灣 city’super 等你！】

上個禮拜第一場分享會見到咁多好朋友，真係好高興！✨
錯過咗或者想聽更多健康秘訣嘅朋友，最後機會嚟啦！
呢個星期六（6月13號）下晝 4:00 至 5:00，Alex 會繼續喺銅鑼灣時代廣場嘅city’super 30周年品味嘉年華*同大家見面！
今次係第二場，亦係壓軸一場分享會，Alex 會同大家帶嚟完全唔同嘅全新內容，深入分享點樣用優質、天然嘅食材幫身體做最天然嘅養生同調理。🌱🐟
現場仲會分享酵素、意大利橄欖油同埋糭俾大家試食。
約定你啦
🗓️ 日期：6 月 13 日（本週六）
⏰ 時間：下午 4:00 - 5:00
📍 地點：銅鑼灣時代廣場 city’super

#本土養殖 #品味嘉年華 健康養生 本地生產 支持本土

08/06/2026

🙏🏾🥰☺️ 節目出咗街、睇咗，非常正面、非常有能量，非常多謝ViuTV同埋佢哋嘅團隊，靚女主持Kathy仔，大家都好用心，當然亦都要多謝Wallace、我哋嘅SEN團隊、我嘅同事們 🙏🏾🥰🙇🏽🙇🏽 我一個人做唔到咁多，冇Wallace嘅帶領、我更有能力亦都唔識點樣入手、點樣可以「貼地」 ✨真。幫手✨、✨真。照顧✨ 🙏🏾🥰🥹🙇🏽🙇🏽

成段片最感動我嘅係喺「漁農嘉年華」嘅片段，嗰三日我實在太忙，好多事都走馬看花，睇返片段，大家都好忙、好努力 🙏🏾🥹🥰👍🏾👍🏾 2025年嘅嘉年華，SEN們真係成熟咗好多、進步咗好多 👏🏾👏🏾🥰😘😘👍🏾 十個✨叻✨!!

✨✨免費重溫✨✨
若大家錯過咗依一集《養魚育人》嘅話，可以去依條Link重溫… 或者翻睇200次!! 🤣😂🤣😂👍🏾👍🏾
https://viu.tv/encore/treasure-of-the-sea-in-hong-kong/treasure-of-the-sea-in-hong-konge4yeung-yue-yuk-yan
（ 注意：免費重溫有時間限制，過後需會員登入!! ）

【香港海有寶．養魚育人】

早前我們一班在「本土養殖」工作的 SEN 孩子和漁排老闆 Alex 接受了 ViuTV 的訪問，特輯已在 2026 年 6 月 6 日（星期六）於節目《香港海有寶》出街了。
劏魚都有獨門秘方？不單指呀！其他養魚的環節都有呢！訪問中都好願意和大家分享。

#初心與理念
Alex 由化妝造型師到養魚達人﹐當中有什麼得著？
從這一集《養魚育人》中，我們除了可以從 Alex 身上見到他設立「本土養殖 Hong Kong Aquaculture」的初心，亦可見到幾位 SEN 孩子在漁排工作的實況。他們都是完成了之前「自閉青年水產養殖培訓計劃」後留下來繼續工作的學員。
在這裡，孩子們找到了自己能發揮的崗位，而工作亦使他們跟社區有更緊密聯繫，提升自信；這亦是計劃理念延伸出來的果效。

#免費重溫
若大家錯過了收看這一集《養魚育人》的話，可以到相關連結重溫︰ https://viu.tv/encore/treasure-of-the-sea-in-hong-kong/treasure-of-the-sea-in-hong-konge4yeung-yue-yuk-yan 。（注意：免費重溫有時間限制，過後需會員登入）

#展亮星光計劃推介
我們現在正推行「《展亮星光》64 小時有薪培訓學員」招募，都是一個提供給自閉症年青人在魚排及食品製造工場訓練的計劃。計劃反應十分理想，80 個名額已接近 60 個滿了。
大家可到相關連結了解和登記︰ https://forms.gle/4DnGBKtCcQop2uBQ6 。

#誠邀大家支持
若大家想支持孩子們在「本土養殖」生產的魚或其他產品的話，歡迎到網站選購︰ https://www.hkfish.co/zh-hant/products ， 感謝大家支持。🙇🏻‍♂️

#專訪 ViuTV 香港海有寶 養魚育人 本土養殖 自閉兒生命建立發展社 SEN 自閉症 關注SEN人士工作 展亮星光 自閉青年水產養殖培訓計劃

03/06/2026

【📢 Alex 現場同你分享健康養生之道 🐟✨】

city’super 30 周年慶祝活動「品味嘉年華」
我哋 本土養殖 好榮幸可以參與一份，今次我會親身現身銅鑼灣時代廣場店，同大家見面交流！

今次唔單止係慶祝，我仲特別準備咗兩場內容完全唔同嘅分享會，由深層次嘅養生智慧到日常飲食健康，保證大家聽完都有收穫：
📍 地點：銅鑼灣時代廣場 city’super
🗓️ 第一場：6 月 6 日（星期六）
⏰ 時間：12:00 PM - 1:00 PM
💡 重點：天然養生之道

🗓️ 第二場：6 月 13 日（星期六）
⏰ 時間：4:00 PM - 5:00 PM
💡 重點：天然養生食療

無論你係一直支持我哋嘅老友記，定係想開始注重養生嘅新朋友，我哋都好期待喺現場見到你！過嚟打個招呼、傾吓偈，一齊支持本地高品質養殖！💪

#本土養殖 #品味嘉年華 健康養生 本地生產 支持本土 時代廣場 養生分享會 TimesSquare

06/05/2026

🙏🏾🥹🥰🙇🏽👍🏾👍🏾 反應熱烈 一至四組已經爆滿，剩低嘅已經同一眾院舍、特殊學校夾緊時間同埋流程，如果一切順利、基本上已經係十組都 🈵 👏🏾👏🏾🥰🙇🏽🙇🏽

須然計劃順利、亦都受歡迎，亦都受一眾市民關注，但係我哋喺開心之餘亦都要反向思考一吓，其實一眾SEN仔SEN女真係好需要大家扶助…. 正式講、應該係：好需要大家俾機會佢哋…. 🙏🏾☺️🙇🏽
今年海水唔好、天氣唔穩定，我已經決定會養少啲魚，我希望可以騰出時間俾大家有機會接觸多啲我同Wallace嘅SEN團隊，其實佢哋好叻，真心佢哋只係爭一啲機會，大家一齊嚟認識吓佢哋嘅特性，之後你哋都會發現其實佢哋好叻、好坦誠、好有熱心，佢哋只係同我哋用緊唔同嘅溝通方法。
我哋同頻嘅人一齊一步一步學習走向共融!! 將共融放入生活、變成習慣，之後廢除咗共融兩個字佢!!(聽落冇可能，但係只要肯行，一定做到!!) 💪🏾💪🏾😉☺️😘😘

好似Wallace成日講：能夠做到 就做好佢 💪🏾🥰

【《展亮星光》64 小時有薪培訓學員招募及資料更新】

從 2026 年 4 月 28 日推出「《展亮星光》64 小時有薪培訓學員招募」到昨天為止，已接獲 47 個登記，反應十分熱烈。第一至四組（2026 年 5 月至 2027 年 1 月）已滿額，新登記朋友只能選擇第五至十組（2027 年 2 月至 12 月）。

#每個自閉兒都可展亮星光
自閉兒好多時被形容為「星星的孩子」或「星兒」，因為在社交互動、語言溝通及情感表達上存在障礙，彷彿生活在另一個遙遠的星球。但我們相信....，縱使在黑暗中獨自閃爍，每一顆星星都是獨一無二的。
只要我們願意抬頭欣賞並給予足夠的包容與引導，自閉兒也能在不同的範疇發揮潛能，展現屬於自己的耀目光芒 - 展亮星光。
是次計劃名為《展亮星光》，是「星展基金會 DBS Foundation」贊助項目，對象主要為 16 歲或以上自閉症年青人。學員需要完成 64 小時有薪培訓，包括海魚養殖場（魚排）及食品製造工場運作。成功完成課程及達標的學員除可獲 HK$4,480 津貼外，更有機會獲僱用成為我們一份子。

#對象及名額
對象︰ASD 自閉症特質年青人（輕度智障或以上）
名額︰80 位（ASD 自閉症特質年青人）
年齡︰16 歲或以上（參加者必須是 ASD 人士）
組別︰整個計劃共分 10 個組別（時段）進行，每組別（時段）預設 8 名學員參與

#申請者優先安排
參加者若符合以下條件將會優先考慮︰-
- 自閉症人士；
- 智力為輕度智障或以上（智力為中度智障而有若干自理能力會按情況考慮）；
- 不論有沒有工作經驗；有若干自理能力、安全意識、聽從指示及願意執行；
- 準時、良好情緒、合群；
- 獲學校或機構相關負責人、老師、社工推薦；
- 能自行安排交通及午膳

#津貼及實習地點
津貼︰每小時 HK$70（完成 64 小時後可獲 HK$4,480 津貼）
地點︰「本土養殖」海魚養殖場（西貢榕樹凹海魚養殖區）及「共濟食品製造工場」（火炭工業區）

#組別時段
每參加者需要參接受為期 64 小時（8 天）有薪培訓，首 5 天在海魚養殖場（魚排），餘下 3 天在食品製造工場。參加者可從以下 10 個組別（時段）中選出自己最可能參與到的 3 個志願組別（10 選 3），主辦方會儘量配合大家的意向安排︰-
- 第五組︰2027 年 2 月 24（三）、26 日（五）及 3 月 3（三）、5（五）、17（三）、19（五）、24（三）、31 日（五）
- 第六組︰2027 年 4 月 14（三）、16（五）、21（三）、23 日（五）及 5 月 5（三）、7（五）、12（三）、14 日（五）
- 第七組︰2027 年 6 月 2（三）、4（五）、11（五）、16（三）、30 日（三）及 7 月 2（五）、7（三）、9 日（五）
- 第八組︰2027 年 8 月 11（三）、13（五）、18（三）、20（五）、25（三）、27 日（五）及 9 月 15（三）、17 日（五）
- 第九組︰2027 年 10 月 6（三）、13（三）、15（五）、20（三）、22（五）、27（三）、29 日（五）及 11 月 3 日（三）
- 第十組︰2027 年 11 月 17（三）、19（五）、24（三）、26 日（五）及 12 月 1（三）、3（五）、8（三）、10 日（五）

#報名及截止日期
1. 因名額有限，先報先得。建議有興趣的朋友儘快報名，及早參與培訓；
2. 參加者可掃瞄海報二維碼或到連結登記︰ https://forms.gle/4DnGBKtCcQop2uBQ6
3. 由現在開始到以下截止報名日期均接受申請︰-
3.1. 第一至四組︰已額滿截止；
3.2. 第五至七組︰2026 年 12 月 4 日（星期五）或額滿；
3.3. 第八至十組︰2027 年 7 月 2 日（星期五）或額滿。

成功申請者將在開組（開班）前兩星期或之前獲確認通知。若未有收到主辦方的確認通知，則代表未能成功報名。
如有任何查詢，歡迎 WhatsApp 致 6897 2743 留言︰「《展亮星光》64 小時有薪培訓學員招募查詢。」

＊＊＊
主辦單位︰本土養殖 Hong Kong Aquaculture、自閉兒生命建立發展社
項目贊助︰DBS Foundation 星展基金會

#星展基金會 #本土養殖 #自閉兒生命建立發展社 #自閉症 #展亮星光