Outward Bound Hong Kong - 香港外展訓練學校

Outward Bound Hong Kong - 香港外展訓練學校 香港外展訓練學校是於1970年成立的註冊慈善機構，是香港首屈一指的野外體驗式教育機構。旨在透過具挑戰性的野外訓練，裝備青年未來，建立更強香港。

❤️誠邀你 與我們一起 #裝備青年未來🌱香港外展訓練學校是於1970年成立的註冊慈善機構。透過野外體驗式教育，裝備青年未來，一起建立更強大的香港。感謝各界五十多年來的支持💕，我們己裝備超過30萬名青年人認識自我，發掘潛能，從而推己及人，關...
17/09/2026

❤️誠邀你 與我們一起 #裝備青年未來

🌱香港外展訓練學校是於1970年成立的註冊慈善機構。
透過野外體驗式教育，裝備青年未來，一起建立更強大的香港。
感謝各界五十多年來的支持💕，
我們己裝備超過30萬名青年人認識自我，發掘潛能，
從而推己及人，關心和幫助社會上其他有需要的人士。

🤝🏻每月只需 HK 100，
全年即足夠資助一位弱勢青年參加一日外展課程、支援安全裝備及獎學金。

研究報告顯示，每投放1元到外展課程，便可從參加者身上獲得9倍的社會效益回報。
立即了解更多：https://na2.hubs.ly/H07ThF80

💪🏻捐款安全可靠，可隨時暫停，並可作稅務扣減。

立即行動
https://na2.hubs.ly/H07ThDh0

【🔥維多利亞港親子獨木舟體驗，限時三日搶飛！🔥】喺海傍影維港就影得多，咁划艇出維港影相你又試過未？🤩今次機會嚟啦！喺嚟緊10月3號嘅「賽馬會逆風同行體育計劃」啟動禮暨心靈成長祭，外展將會舉辦維港親子獨木舟體驗。你同你嘅小朋友可以喺外展教練指...
17/09/2026

【🔥維多利亞港親子獨木舟體驗，限時三日搶飛！🔥】

喺海傍影維港就影得多，咁划艇出維港影相你又試過未？🤩

今次機會嚟啦！
喺嚟緊10月3號嘅「賽馬會逆風同行體育計劃」啟動禮暨心靈成長祭，外展將會舉辦維港親子獨木舟體驗。你同你嘅小朋友可以喺外展教練指導下從內港划出維港（不會在維港航道划艇），再由攝影師幫手影相。📷

🚣🏻‍♂️OBHK親子獨木舟體驗🚣🏻‍♂️
活動日期：2026年10月3日
活動地點：灣仔海濱水上運動及康樂主題區
活動時間：10:00-12:00, 13:00-17:00 （每節約1小時，當中包括裝備，熱身，划槳教授及水上划艇。）
對象：親子 （一位60歲以下家長及一位8-14歲兒童）
報名日期：9月21-23 日，每日2個時段，共18個名額

即刻留言"OBHK"獲取報名連結，喺指定時間搶飛啦！

活動名額有限，先到先得
活動受條款及細則約束，外展保留最終決定權

#香港賽馬會慈善信託基金 #賽馬會逆風同行體育計劃 #香港遊樂場協會 #香港外展訓練學校 #香港青年獎勵計劃

【Kendal Mountain Tour 圓滿落幕！👏🏻 】⛰️Kendal Mountain Tour 2026 上星期六（12日）喺中環大館JC Cube順利舉行！呢場由香港外展訓練學校主辦嘅獨家放映活動，一共吸引超過130人參與🤩。...
14/09/2026

【Kendal Mountain Tour 圓滿落幕！👏🏻 】

⛰️Kendal Mountain Tour 2026 上星期六（12日）喺中環大館JC Cube順利舉行！

呢場由香港外展訓練學校主辦嘅獨家放映活動，一共吸引超過130人參與🤩。觀眾觀賞 Kendal Mountain Tour 紀錄片主角點樣喺各種運動之中展現勇氣同堅毅，無懼極限、挑戰自我之餘，亦都聽到由Wild Hong Kong CEO Rory Mackay 分享自己喺世界各地探險嘅精彩歷程！ 🔥

今次活動得以順利舉行，要多謝以下單位及人士，包括：
Kendal Mountain Tour
大館 賽馬會立方
Bright Future Charitable Foundation
Mr Ka-kui Chan
Mr Rory Mackay

以及所有當日在場嘅工作人員與義工支持。我哋衷心期待觀眾喺放映會結束後，都可以搵到屬於自己嘅冒險故事，並喺Outward Bound未來嘅活動見到您！💪🏻

#裝備青年未來 #野外體驗式教育

08/09/2026

【有無發現，有時阻止自己成長嘅可能係你自己？😳】

人望高處，水向低流係定律。🌧️
每個人都會希望打倒昨日嘅自己，見到自己進步
但人生並唔係一帆風順，每當遇到挑戰時，
你會選擇向自己Say No 定係支持自己頂硬上呢？🤔

外展第106名畢業生 – 人稱「水哥」嘅張樹槐先生 Walter Cheung
完成咗超過140個馬拉松，但佢未選擇停下來，而係不斷挑戰自己去進步。🔥
喺職業生涯當中做過恒生銀行高層、亦都做過南華早報記者，
原來佢人生一路走嚟靠嘅都係馬拉松精神！🏃🏻‍♂️🏃🏻‍♂️🏃🏻‍♂️

想知Outward Bound點樣裝備水哥？
留言「🎧」獲取完整版本連結
立即收聽 ，同水哥一齊 超越自我，堅毅到底。

Youtube: https://na2.hubs.ly/H07GqY40
Spotify: https://na2.hubs.ly/H07GqY50

02/09/2026

【你有無勇氣，徹底否定以前嘅自己？】🌱✨

「當初我連家姐嘅結婚戒指、爸爸嘅手錶、媽咪嘅嫁妝都偷過……我真係好討厭以前嘅自己。」—— 嘉賓 Hosea

自我保護意識係人與生俱來嘅一種能力，所以有人喺錯誤發生嘅時候會選擇逃避、自我辯護。承認錯誤好難，但比承認錯誤更難嘅，係徹底同以前嘅自己決裂。

曾經嘅 Hosea身邊圍繞著無數「豬朋狗友」而誤入歧途，過程亦傷害過最親嘅家人好多次。直到有一日，家姐不離不棄嘅勸勉，令佢決定走入福音戒毒，重新洗牌自己嘅人生。同時佢亦做咗一個狠心嘅決定：斷絕過往所有嘅損友圈子，斬斷所有壞朋友嘅聯絡。 ❌📱

Hosea嘅改變唔係一瞬間嘅奇蹟，靠嘅係自己極大嘅勇氣同堅毅嘅意志。佢擁有唔完美嘅過去，但同時擁有選擇未來嘅勇氣。

不如你都聽吓Hosea同Outward Bound之間嘅故事，睇吓會唔會都啟發到你去改變自己？
Spotify:
https://na2.hubs.ly/H07zDWl0

Youtube:
https://na2.hubs.ly/H07zKgY0

你又有無改變自己嘅經歷呢？喺下面留言同我哋分享💪🏻💪🏻

❤️ 情深意重嘅愛，不如令佢細水長流。外展 x 遺善最樂 – 「平安三寶」講座圓滿結束。多謝各位參加者咁夜都抽空出席。🥰希望你哋了解外展嘅初衷，同埋睇到成效報告之後，可以繼續支持我哋 #裝備青年未來 嘅工作。非常多謝我哋嘅外展畢業生、「遺...
28/08/2026

❤️ 情深意重嘅愛，不如令佢細水長流。

外展 x 遺善最樂 – 「平安三寶」講座圓滿結束。多謝各位參加者咁夜都抽空出席。🥰
希望你哋了解外展嘅初衷，同埋睇到成效報告之後，可以繼續支持我哋 #裝備青年未來 嘅工作。

非常多謝我哋嘅外展畢業生、「遺善最樂」創辦人——Ryanne，同大家分享「平安三寶」同「遺產捐贈」嘅資訊。希望幫到大家了解更多，亦鼓勵大家讓愛繼續伸延，捐款支持，同我哋一齊裝備青年未來。🫶🏻

如果你錯過咗尋日嘅講座，但又想了解有關遺產捐贈嘅資訊，歡迎隨時 DM 我哋了解更多～💌

28/08/2026

【 🏃最後召集！外展「舟」山跑2026就嚟截止喇！】

距離外展「舟」山跑2026報名截止日期，仲有唔夠一個星期！
想同家人、好友一齊上山下海、挑戰自我？喺重溫舊年精彩片段嘅同時，就要把握最後機會，約埋隊友喺8月31日或之前報名參加呢項年度賽事！ 🔥

【 活動詳情 】
日期：2026 年 10 月 25 日（日）
時間：08:00 – 14:00
地點：西貢區（神秘路線✨）
路線*：標準路線（約 18km）/ 親子路線（約 8km）
挑戰內容（不分次序）：🛶️獨木舟 🗻跑山 🌐野外定向 ❓神秘路線及挑戰
對象：親子、青年、成人及企業跑手（啱哂一眾認真玩 /想上山下海 / 鍾意一邊挑戰自己同時為慈善出一分力嘅你！）
（註：👥只設隊際賽，無個人賽）

*路線及參賽組別要求詳情請參考活動網站
https://na2.hubs.ly/H07vRv60

快D同朋友／屋企人報名，10月25日同我地一齊玩！
截止報名：8 月31日（名額有限，先到先得）

報名連結：
https://na2.hubs.ly/H07vRBz0

擔心自己未ready？信我哋，唔驚！
我地今年照舊設有賽前訓練班，同你一齊認真玩！

【賽前訓練班*】
日期：2026年10月3日（六）
時間：08:30-12:30 / 13:30-17:00
地點：香港外展訓練學校大網仔基地（西貢大網仔路210號）

*更多詳情將於確認報名電郵發送予參加者

—

【 關於外展「舟」山跑慈善挑戰賽】
外展「舟」山跑慈善挑戰賽為香港外展訓練學校的年度籌款活動，可讓參加者上山下海、同時為青年未來籌款的賽事。賽事不只是一場遊戲，更重要是可以讓選手追求自我突破、與隊友合作建立默契，同時可以為我們籌款，使我們繼續為青年提供優質課程，讓更多本地青年有機會裝備自己，未來有能力回饋社會，建立更強香港。

*慈善挑戰賽所得善款將用於支持香港外展訓練學校裝備青年未來的工作，讓更多弱勢青年參與外展課程，成為堅毅青年。

#慈善機構 #裝備青年未來 #外展舟山跑

22/08/2026

【堅毅無比 挑戰極限 - Outward Bound 為您帶來熱血故事🔥】

😍由香港外展訓練學校榮幸呈獻：Kendal Mountain Tour 2026 電影放映會門票現正公開發售，先到先得，售完即止，快D撲飛啦！💨

🎫撲飛連結：
https://na2.hubs.ly/H07mCbS0

🎥今次舉行嘅獨家放映活動，為您精選7部獲獎紀錄影片，涵蓋獨木舟、單車、抱石、越野跑及單人探險等極限運動。觀眾除咗睇到故事主角嘅勇氣同堅毅，仲可以欣賞到極致壯麗嘅自然絕景✨

🫵🏻約定大家，到時見！

🎥Kendal Mountain Tour 2026 電影放映會
日期：9月12日
時間：下午3時至5時半
地點：中環大館JC Cube
級別：IIA 級
門票：設VIP門票、一般門票及學生門票。

🔗購票細則請參閱:
https://na2.hubs.ly/H07mBSp0

21/08/2026

外展充滿各式各樣嘅挑戰，完班嘅時候個個都話好正，
唔知佢哋係點克服當中嘅挑戰呢？💪🏼

面對未知嘅挑戰，每個人嘅反應都唔同：有啲人可能會選擇收埋自己，甚至想逃避😩。但我哋最驕傲嘅，係見到一班外展學生，憑住無比嘅決心同堅毅不屈嘅努力😤，選擇迎難而上！更重要嘅係，佢哋身邊有一班一齊同行、互相扶持嘅隊友🤝，喺背後做最堅實嘅後盾🛡️，一齊撐過去。

想知佢哋經歷咗啲乜？我哋特別訪問咗幾位啱啱完成課程嘅外展畢業生，睇吓佢哋遇到難題嘅時候，到底點樣關關難過關關過，用自己嘅方法去破解難關🧩

希望佢哋嘅故事同經歷，可以為你帶來一點啟發同靈感！無論喺學習定人生路上，當你面對看似不可能嘅挑戰時，都記得要咬緊牙關😤、相信身邊嘅夥伴。只要有堅毅精神，你都一樣可以向著目標不斷前進！🌊

你都有特別嘅克服挑戰技巧，唔好收埋！喺留言區話俾我哋聽啦🙌🫶

🏕️ #外展畢業生 講故事 | Qq（1987）我哋好開心同大家分享 #外展畢業生 Qq 嘅一段外展經歷——佢喺39年前參加咗 OBHK，帶住笑容同我哋重溫當年的點滴。佢仲一直保存住39年前嘅相簿，見到就知呢段經歷對Qq幾咁珍貴、幾咁深刻...
20/08/2026

🏕️ #外展畢業生 講故事 | Qq（1987）

我哋好開心同大家分享 #外展畢業生 Qq 嘅一段外展經歷——佢喺39年前參加咗 OBHK，帶住笑容同我哋重溫當年的點滴。佢仲一直保存住39年前嘅相簿，見到就知呢段經歷對Qq幾咁珍貴、幾咁深刻。🥰

「我係1987年10月（PL71）嘅舊生，由公司安排參加課程。除咗我同另一位同學之外，班上大多數同學都係申請政府資助參加。

最難忘嘅時刻：
🌊 跳碼頭—有位同學前前後後諗咗十到二十分鐘先鼓起勇氣跳落去。
🧗‍♀️ 夥拍隊友徒手越過14呎高牆，同埋攀石—有位同學卡喺高位幾次舉手想放棄，啱啱校長路過一齊鼓勵，佢終於成功登頂。
🌌 夜深人靜嘅 Solo，在星空下獨處。
🛶 用水桶紮成木筏，合力划返基地—一生難忘。

Qq 39年後嘅反思： 由學員帶隊嘅行山，教練有時特登揀另一條路，令我哋反思：人生路上總會遇到挑戰。你會點樣選擇、點樣回應？

你都有外展回憶？歡迎分享你嘅 Outward Bound 時刻，下個被選中分享嘅，可能就係你！
https://na2.hubs.ly/H07fN_N0

Address

210 Tai Mong Tsai Road
Sai Kung
852

Opening Hours

Monday 08:30 - 17:00
Tuesday 08:30 - 17:00
Wednesday 08:30 - 17:00
Thursday 08:30 - 17:00
Friday 08:30 - 17:00

Telephone

+85227924333

Website

Alerts

Be the first to know and let us send you an email when Outward Bound Hong Kong - 香港外展訓練學校 posts news and promotions. Your email address will not be used for any other purpose, and you can unsubscribe at any time.

Contact The School

Send a message to Outward Bound Hong Kong - 香港外展訓練學校:

Shortcuts

Share

Category