Miss Angel’s Phonics & Home Schooling

轉眼間已經嚟咗NZ一年（差唔多一年冇update個page😣)。Miss Angel已經由phonics 老師變咗做一日煮三餐& 做司機車接送放學既c9. 雖然今日剛剛係移民NZ一周年，但大家都仲適應緊，呢度冇工人，好多家務，時間好似永遠都唔夠用😣。
阿囡尋日朝早練習netball, 毛毛雨下有彩虹🌈

小朋友終於返學啦！🎉🎉🎉🌈

第一次參觀澳洲小學（個人覺得同NZ非常相似）係十幾年前，無諗過自己小朋友有機會入讀。兩個小朋友參觀完四間學校，都話要入呢間country school,唔駛著校服，無任何亞裔小朋友。今日陪妹妹上堂，其實老師都好嚴，但又好caring。小朋友坐定定安靜聽老師講，又好active 答問題，又會企出來分享，完全就係以前teaching practice 最ideal既學生。大家姐一入課室就有幾個小朋友帶佢周圍行，又介紹課室每個corner ，非常熱情。妹妹一向怕醜，要我倍佢上堂。有幾個大少少既同班同學，非常caring,當佢小妹妹不停圍住佢。但慢熱既妹妹完全唔理人，望都唔望人，好彩嚟度嘅小朋友好熱情，繼續照顧妹妹。希望兩姊妹開心，難得可以享受下NZ education style, no assignments, no tests, no exams. 👍🏻👍🏻👍🏻Have fun girls!

好耐冇見！Miss Angel一家五口已經離開香港去咗羊羊國開始新生活！多謝大家支持，有唔少家長之前聯絡過我上phonics，但好抱歉之前係香港一直好忙，希望settle之後可以再同大家分享更多學習phonics及育兒資訊。🥰

自從三小姐出生，Miss Angel已經暫停上門教小朋友。轉眼間已經八個月，Miss Angel好掛住所有學生🥹。雖然暫時未能上門教授，大家有phonics上既問題都可以message 我，大家分享一下😊。

應該揀咩英文書/中文書比小朋友睇？又想小朋友認字(太深又唔得），又想小朋友培養閱讀興趣（太少字每頁得1-3隻字邊有趣？）到底點揀好呢🤔？

好耐之前問過大家呢個問題, 今日就簡短分享一下！

無論中文或者英文，都可以分兩類嘅書（興趣行先的圖書 vs 作認字用途的故事書）！

任何書籍
要選擇小朋友有興趣嘅圖書，無論字數多少，只有圖畫沒有文字，只要小朋友有興趣，內容合適，家長可以陪小朋友一起看，或以講故事認識一起閱讀，培養小朋友閱讀興趣。

適當文字程度的書籍
若果要小朋友在閱讀時候認字，要選擇合適小朋友程度，不可太深，不可太淺。閱讀這類書籍目的是希望小朋友從閱讀中學習到文字內容。

所以兩款書籍都要有，培養小朋友閱讀興趣真係好漫長，大家努力！

#如何選擇圖書


#英文拼音


#親子教學



#伴讀

IPA(國際音標） vs phonics (自然拼音法）
為了更清楚，從網上找到兩個表跟大家分享 。IPA (International Phonetic Alphabet) 就是第一幅圖，英文所有發音就由這44個音標組成。曰常查字典會見到一個符號代表發音。只要學識44個音標，基本上就可以透過字典識讀晒全部英文字😍，跟字典音標讀仲一定冇錯。咁咪好抵？快過學英文拼音？但平時我哋讀書又會唔會個個字去查字典？😅所以小朋友學英文通常唔會由IPA學起，只學IPA唔可以幫助小朋友見字識讀。

Phonics 就是圖3，以Jolly Phonics為例（其實Jolly phonics, Letterland , RWI 只係大同小異，學的讀音是一樣，只係approach/先後次序唔同，所以各位家長唔使擔心。Phonics 就係令小朋友可以看英文字字面讀，唔需要每個字查字典睇音標。
不過大家要知道，有好多英文字係由唔同嘅語音引入，而phonics就好似歸納左一些rules，幫我們能看到字就讀到，而大部份英文字都適用，但都有約30%英文字唔跟呢個系統。所以小朋友學拼音之前都需要有呢個概念，如果唔係就會覺得點解咁多次都唔啱嘅，拼音又讀唔到。

我之前有post提過，phonics只係幫小朋友由看英文字串法spelling便知道讀音pronunciation,係一種工具/捷徑幫助小朋友學習英文，但絕對唔係必須（真正學英文一定係多聽、多講、多讀、多寫）。 所以有時好多家長執着點解呢個字唔係咁拼，好似當佢係數學題一定要拆解。Phonics只係學習英文其中一種方法，事實上真係有好多字係拼唔到。家長都可以話俾小朋友知，但小朋友唔使咁亂。

下次再同大家分享！歡迎大家inbox😊

😊



#英文拼音


#親子教學



#伴讀完

又開始漫長嘅zoom！Miss Angel屋企有三位公主，真係忙到癲🙈！一直未有時間update!今日心血來潮想update 一下。之前同阿女同學既家長傾開，發現好多家長對英文拼音(phonics) & 國際音標(IPA)有誤解。有時阿仔阿女出去學拼音唔明，自己又唔知點幫佢？

下個post就講下嚟幾個問題！

睇書應該睇圖畫先文字先？

今日一邊餵BB食奶，一路邊陪二家姐睇書。同大部份小朋友一樣，阿女一拎起本書就想讀文字，但係以佢嘅程度仲係甩甩咳咳！其實同小朋友睇圖書可以睇圖畫先，等佢知道大約圖畫嘅內容，問吓佢問題，讀文字時更加通順。小朋友點解要睇圖書，就係要先用圖畫幫助理解，再閱讀會事半功倍😊



#英文拼音


#親子教學



#伴讀

Miss Angel最近忙於迎接三小姐，所以少了時間update。希望三小姐乖乖，我就可以多些時間update🤗

segmenting game (spelling game)
呢間幼稚園真係唔錯，已經預備好教材，小朋友返屋企主動叫家長陪佢玩，媽媽我又可以偷懶唔使自己準備教材🙈

#英文默書




#英文拼音


#親子教學

✍️✍️📝🖋默書唔一定用白紙🖍✏️🖊
K2小朋友練習串字

#英文默書




#英文拼音


#親子教學

好多朋友、家長會問：應該揀咩英文書/中文書比小朋友睇？又想小朋友認字(太深又唔得），又想小朋友培養閱讀興趣（太少字每頁得1-3隻字邊有趣？）到底點揀好呢🤔？