STGSS Secrets

#1189
唔知有冇人睇呢 tdlr的話可以直接碌落最底睇個段 想講返訓導嗰單嘢 其實如果我係當時在場女同學 我一定會報狗告佢性騷擾 其實咁樣某程度上我覺得佢係一次過言語上性騷擾曬所有會着短褲的女同學 唔好同我講呢啲件根本就唔算係d咩 其實係一件好嚴重嘅事 性騷擾可以直接或間接地透過身體動作或語言去進行 唔係講吓笑就算 政府講錯嘢你就大大聲屌 ig話好嬲好過份 係吖喺出邊就做黃絲 學校講錯嘢 你又唔敢屌 覺得訓導一定冇錯 訓導佢哋先係受害者即係喺學校就做藍絲姐 不如順手永續埋個訓導主任啊？ 其實我唔係諗住分化 但你哋係咁share有咩用 成班唔敢出嚟屌柒佢 其實到底驚啲咩？沙官又冇催淚彈燻你 最多咪比佢屌兩句 又唔會被自殺 依家個情況就好似成條街都係文宣 但又冇人出黎做野 你覺得有咩作用？ 嬲之餘都要實際行動阿 其實1188個樓主話綠色環保袋呢件事 已經係大約2010年講緊嘅事 都十年前 冇出現好耐啦喎 fc左佢出現未？ 沙官以前係咁都話熱心街坊投訴熱心街坊乜乜乜 邊有街坊得閒理你班細路 如任何人作出不受歡迎並涉及性的行為，而這些行為具冒犯性、侮辱性及威嚇性的，便會構成性騷擾，當中包括作出不受歡而從性方面獲取好處的要求。 根據《性別歧視條例》第2(5)條和第2(8)條，任何人向一名男士或女士作出性騷擾行為，均屬違法，而有關性騷擾的條文亦適用於同性關係。 雖然嗰位同學可能個篇字言語上有誇張咗 但唔會無中生有 最少佢嘅意思大家都明 但我相信以我哋中學既訓導質素絕對有可能發生呢d事 再者我覺得學校基本上係要上報呢件事 其實教育局都有指引講明 https://www.edb.gov.hk/attachment/tc/sch-admin/admin/about-sch/sch-sexual-harassment-prevention/Q%20and%20A_TC%2013-11-2013.pdf 的確 受到打壓係一定要企出黎 今日你唔企出嚟啲師弟妹就會身受其害 雖然我知冇乜用 當年我有屌到趙仔仆街 同手足一樣屌到個政府仆街都係冇用 但最少你有反抗過 而唔係麻木接受 總之認為有錯有問題就可以出聲 千祈唔好啞忍 因為沙官訓導特色就係得寸進尺 係出面就敢set rb 學校就做港豬 連反抗兩下都唔敢？ 不過唔排除 #1188 樓主係藍絲 呵 by 舊生

www.edb.gov.hk

#1188

我唔知仲有無人睇，不過我都想借一借個位講下自己既睇法。 近排傳緊一遍關於訓導既事件，內容係關於一位老師失言既事。其實，作為一個經歷過比訓導洗禮既舊生，當然好快就覺得似曾相識，甚至乎好容易投入當年既熱血同憤怒，睇完遍野就代入左一個訓導萬惡既視覺。認為為人師表既訓導唔應該講嗰番言論，甚至覺得佢係變態，連女學生都想搞。我相信睇完篇野既人都好容易被引導到呢個諗法，假設左佢就係一個不折不扣既人渣。 我唔否認我一開頭都有呢個諗法，不過當我考慮應唔應該手動轉去唱衰自己呢間有些少回憶同感情既垃圾學校之前，我想去了解一下邊位老師作出相關言論。我好厚面皮咁問反好耐無聯絡，依然係沙官讀緊書既師弟妹，先發覺其實呢件事，未必係你地想像中咁。 首先，唔知你地仲記唔記得我地學校附近之前係有過綠色環保袋露體狂，而且學校既位置都算係幾偏下，所以訓導對女學生加以保護，係衣著上既作指點係好合理，大佬…你啲女仔興就咁著條真理褲又或者著緊身褲，你睇新聞都知依加除左街外人危險，維護正義既公僕都可以好危險。佢擔心學生出事，好出奇咩？學生出面瀨野佢保唔住…其實本身呢件事就係好小事，只係佢用既字眼比較敏感，加上表達既方式唔好，本質上如果你有簡單地換位思考下應該都無咩問題…不過我又好好奇，究竟有咩人會無啦啦jer住嗰一兩句黎屌？佢可唔可以將嗰位老師講過既野成篇打出黎等全部人一齊深入了解下？又或者呢位當時人老師/主任得罪左咩人？有咩人好想佢走要咁樣將佢放係一個道德戰場之上？講真，道德清白對男老師好重要，你一個唔該hastag metoo佢一世功名可以比你搞到功虧一簣水洗都唔清。 現任既呢位當時人我好好彩grad之前都已經係道，叫做對佢有啲了解。個人認為佢係算比較通情達理嗰派，亦唔多覺佢既人格會對班師妹有咩危險行為，當然你要話思想既我可能真係控制唔到佢點諗，不過行為上我相信一定係受約束亦唔會亂黎，你當沙官啲miss流架？況且，有咩問題其實內部都已經會講左啦，件事都由出面傳到反沙官入面，佢地教員室開會你覺得係傾計吹水無討論既？ 其次，老師為乜要專登去同學生交代解釋事件？佢除左有一兩句失言之外，有咩係需要佢以老師/主任呢個身分向學生交代？ 無，佢既身份只需要向佢上面既人交代。要佢交代清楚既人，其實你可以直接走入學校鏟上教員室或者係門口叫佢落黎同佢當面對質叫佢交代清楚，唔洗係道睇上篇後續之後作故仔寫信。如果佢無同你交代既，咁一係你同當時人唔係好fd，一係職位上你under當時人無呢個權，再唔係就你根本無機會接觸當時人。 仲有，你覺得一件事已經傳開左間學校可以做到咩野去打壓？學校除左跟足校規做野叫你返學時間唔好用電話/呼籲學生盡量唔好傳之外，係無可能打壓到學生私下既所有事，學生傳左佢又吹得佢漲咩？佢地用電話又吹得佢漲？佢死口唔合作大不了咪見家長...啲老師仲怕煩過班學生啦：你估家長咁好見既…而且班舊生都好積極手動轉啦… 再者，呢篇轉出黎既文章其實用字係好偏激，完全配合現時社會風氣，用政權，打壓，推卸責任呢類字眼，根本就係煽風點火，一下撻中舊生心入面為師弟妹平反既使命感同埋夾晒現時社會風氣嗰份不畏懼強權既倔強，令到班舊生好快就傳開晒。 但係我想問一樣既野係，當中手動轉又有幾多個好似我去問下先去睇清楚先？fact check 晒未？有無炒車？有無比有心人利用？雖然你grad左可能好討厭對左6年既呢一間學校, 但唔好成日諗到學校下下有政治目的，當年有單班衫比個姓趙既搞到咁大壇嘢 最後咪又係拆得掂？信下自己啲師弟妹佢地自己識諗同搞得掂先得架…因為無論你歸屬感幾強都好，你已經唔屬於嗰個地方。過左幾年學校人事已經可以變左, 有新老師黎有舊老師走，你又真係識得晒啲新黎架咩？你又真係摸得熟最新教員室既每一位老師個底？ 為自己認為正確既野爭一口氣係好，但面對大是大非或者關乎人地既事既時候應該要成熟少少，比多少少時間自己處理下d資料唔好咁心急。如果寧願有殺錯無放過，你冤枉錯人事就唔係咁好啦… 我知篇野可能係你既fd share，但個post一開始個出處係邊先？句野或者真係講左，但係個post你點知係咪有心人加鹽加醋放大件事jer死一兩句黎講？你係入面做咩？你知佢點處理點做咩？都係睇反黎架咋喎… 我都只係提反少少個人意見 唔岩聽既我係道講反一聲 唔好意思。 By 舊生

#1187
停課咁耐 verus咩都冇講過 乜都冇做過 我爭啲以為我哋學校冇學生會

#1186
留名睇admin出po要幾耐

#1185
另上，因為最近有F.4係ICT堂比校長查到玩online game, 所以電腦室同wifi嘅網速都被下調至低速，有見及此，公開密碼都無用，請各位櫃桶9自備數據。

#1184
如果我同你(睇緊secret嘅你)講話學校wifi破解咗，但係只有最近1，2年內嘅手機先連到，你會有乜反應？

#1183
點解中六年年都有痴線佬剃光頭...

#1182
其實點解二號會贏到🤨

#1181
Verus當選左之後連多謝都冇句....

#1180
恭喜護旗手當選

#1179
請支持4號候選內閣Repeat

#1178
由於香港經已爆發更嚴重的社會分裂和官民衝突，香港政府必定會收緊市民表達訴求的權利，同學們以後一定理性和冷靜地面對突如其來的政策改變和突發事件，小心出入，注意個人安全。

可以預料的敏感時期:

由於港共政權不能夠否定修訂逃犯條例的初衷，所以港共政權未必會一次性 引導陳同徍往台灣受審，所以當陳同佳於十月尾被釋放時，市民之間，警察之間，市民與警察之間，警察與各政府部門之間將出現更深層次的撕裂和衝突。

本人預期十月中旬美國國會會一致通過香港人權及民主法案，而英國亦會在脫歐後成立全球馬格尼茨基人權問責法，美英會先後實施制裁及要求中國盡快落實在香港的雙普選，中國在痛定思痛後是機會放棄在香港的「一國兩制」政策，所以屆時社會分裂和官民衝突有機會進一步升級。