小果子成長天地 Fruity Garden

今日有兩款餅仔食
轉個頭班小朋友已經發揮佢地嘅創意

班寶寶真係好可愛♥️

其實要遠離電子產品唔係真係咁難
只要用心就可以了🙂

【旅遊居家必備】A4 紙 X 5 個有趣玩法 | ohmykids.org 玩極唔厭遊戲大全續集！由細路推介 5 個 A4 紙遊戲。只要有創意，一張紙都可以玩足一日！

人哋唔知嘅可能以為我哋小果子收咗廣告錢賣書包廣告🤣🤣🤣🙈🙈🙈

好文章分享😊

【你會讓孩子踏著不完美的石頭過河嗎？】

在親子做手工環節，突然聽到明仔媽媽語帶激動地說：「唔係咁剪呀！你畀我剪啦！」

明仔把手向後縮，肯定地說：「我自己剪呀！」我趨前看看，原來明仔在剪一個大桔圖案，準備貼在揮春上。

「你做乜係都要剪爛個桔呀？」明仔一臉無奈，欲剪又止。

「明仔媽媽，阿囝唔係要剪爛個桔，佢係想剪走白色嘅部份，不過因為佢隻手仔未控制到去剪圓邊，所以咪一條直線咁剪落去囉。無問題㗎！畀佢試吓啦！」明仔媽媽苦笑了一下，忍著沒有「出手」。

明仔帶點迷惘地望著我，我告訴他：「明仔，啱喇！繼續剪啦！你剪完之後，再請媽媽幫手，好唔好？」明仔輕聲說好，然後繼續剪了幾下，最後剪出了一個長方形的桔（已經由大桔變成小桔了）。

明仔拿著自己親手剪出來的長方形小桔，很興奮和滿足，然後對媽媽說：「媽咪，你幫我剪靚啲吖！」媽媽隨即接過小桔來修剪，而明仔則努力地在揮春上貼上他喜歡的貼紙，還把「大」字用貼紙遮了一半...

成年人總是希望能夠把事情做得完善、圓滿，甚至是完美。有時我們會忘記了自己也是從各樣不完善和錯誤中學習與成長的。這些經驗尤如河床上的石頭，讓我們一步一步踏過去，由此岸走到彼岸。縱或每塊石頭都有瑕疵，縱或每走一步都會沾濕雙腳，這些石頭仍然是孩子成長的踏腳石。爸媽們，你會讓孩子踏著不完美的石頭過河嗎？

#親職教育

Kitty姐姐收集左小朋友嘅畫
整左條藝術隧道
如果大家嚟到可以細心欣賞一下
寶寶們會好樂意為你介紹佢地嘅傑作！

積極考慮開畫班中
令小果子變成更彩色繽紛嘅地方！🎊

水壺事件之後續：

今日寶寶收到朋友仔俾佢嘅道歉信
包得好好，入面仲有小禮物

好可愛啊
勇於認錯嘅小朋友最抵讚♥️

小朋友嘅世界真係好單純

去接小朋友放學
有位寶寶一見到我就挨係我身邊
好似想喊咁

原來佢最心愛嘅水壺俾同學仔整爛左
整個午息都係到喊
佢話呢個水壺係爸爸送俾佢
全世界得一個

咁我就問
「你會唔會想要一個新水壺啊？」
寶寶：「我媽媽冇咩錢㗎，同埋嚟緊要搬屋，邊度有咁多錢喎⋯⋯ 我唔想媽媽用咁多錢，Kitty姐姐你有冇膠水啊？不如你幫我痴番啦😣」

見到佢咁為媽媽着想
真係心到融埋
即刻去附近嘅文具舖買返一支
之後細心咁幫佢痴番好
盡量唔令膠水接觸到佢飲嘅地方
之後再用啲靚靚貼紙痴喺裂痕嘅地方

之後寶寶就好開心咁拎住話
「辛苦晒你啦Kitty姐姐♥️好開心呀！」

呢個寶寶真係好懂事
我都將呢番說話話返俾媽媽聽
媽媽即刻攬住寶寶話佢好乖♥️so sweet

PS. 呢個媽媽次次接放學都會話：「點啊寶貝今日幾好嘛？」
真係一個好好嘅媽媽😊

新春託管預告

黎過暑假託管嘅家長都反映返
小朋友係託管後都有好大進步
無論情緒控制同埋表達能力都好左

所以家長都好想Kitty姐姐再開託管
一來可以減輕家長嘅壓力
二來好想小朋友可以係放假嘅時間都進步一下

託管內容包括：
1. 情緒表達訓練
2. 專注力訓練
3. 繪本遊樂時間
4. Messy Play
5. 自主玩樂時間 （呢個時間反而最能夠學習表達，因要同朋輩好好溝通同相處）
6. 溫習時間

歡迎小一至小四嘅小朋友黎參加
如有特殊學習需要請註明
有意請pm

又有好活動呢

好好❤️自己～《我們都是繪本分享會》
身為家長，我們都要做不同的角色，負起不同的責任。
我們很盡力地照顧子女，為他們精心打算，勞心勞力！
子女已經成為了生活的中心⋯⋯
可有想過停一停，給自己一點空間，
閱讀自己的狀態和需要，與自己心靈親和！

查詢及報名，歡迎WhatsApp / PM我們 🙂

網上睇到呢幅圖覺得幾有意思
平時見到小朋友喊
好多時我哋就會即刻講：「好喇收聲喇，唔好再喊喇」
但係好多時候佢哋會越喊越勁
原來有d說話可以令佢地將眼淚變成一d語言
更可以令小朋友學識點樣表達自己嘅感受

1. 其實我哋係可以唔開心架
2. 嗯⋯我知道對你黎講真係有d困難啊
3. 我會喺度陪住你
4. 不如你同我分享一下丫
5. 我聽到你嘅唔開心
6. 我知道真係會令人覺得好驚/好唔開心
7. 我會幫你手一齊解決
8. 我聽緊你講架
9. 我感覺到你需要一d空間，我會坐喺度預備，當你準備好嘅時候就可以即刻搵到我
10. 真係唔係幾公平啵

都知道呢d說話唔容易講
但希望大家都有咁嘅心態
慢慢去改變自己
嘗試感受小朋友嗰刻嘅唔開心

另外如果係小朋友做錯
等佢冷靜返之後你都可以表達你嘅唔開心
讓佢都感受一下人哋嘅感受
知道原來自己咁樣做係會影響到人
自然就會慢慢學識去做返好
而大家嘅關係就會變得越嚟越好😊

進階版：
當小朋友感受到被愛被關心被了解
其實佢哋都會用呢d說話去安慰返平日咁辛苦嘅你😇
係真架，因為Kitty姐姐都被小朋友安慰過
其實有時候大人都可以表達自己嘅唔開心同埋掛心
縱使佢哋唔明白，但係佢哋都會好想表達佢哋嘅關心♥️

今日kitty 姐姐係社區二手店見到有棵20蚊嘅聖誕樹
又新又乾淨，真係好抵！
即刻抬返去小果子
小朋友放學之後見到開心到飛起
因為佢地恨左聖誕裝飾好耐

之後係休息時間一齊裝飾棵樹
雖然簡單，但係充滿特色！
佢地仲話會自製d星星貼上去🌟
（兩個雪人其實係原子筆黎🤣）

社區二手店有時真係能夠搵到寶物
又環保又可以得到心頭好
大家都支持一下啦！

社區二手店

掛起小朋友嘅畫
整個世界都變得好靚♥️

等緊你啊🙂
一齊進入小朋友嘅純真世界