木蒔導賞 Leafy Hour Docent

歲月留痕，手雕麻雀的堅持與傳承

踏入今次拍攝場地「別來無恙」，牆上閃爍嘅霓虹燈字眼，宛如向這門逐漸式微嘅傳統手藝發出嘅一聲溫柔問候。

昔日威靈頓街、油麻地同廣東道一帶，麻雀牌店林立。如今隨著機製牌普及，手雕麻雀嘅輝煌時代已過，堅守落嚟嘅店舖寥寥無幾，主要靠翻新修補、辦工作坊、做客製化產品同旅遊紀念品，喺時代嘅夾縫中掙扎求存。

傳承三代嘅「標記麻雀」張順景師傅坦言，雖然手雕麻雀獨一無二，深受收藏家同遊客喜愛，但自己並冇計劃尋找「接班人」，因為唔想徒弟學成之後，要面對潮流退去、難以為生嘅困境。張師傅只希望，這門傳統技藝可以透過影像、紀錄傳承落去，成為大家心中永不磨滅嘅集體記憶。

歲月會流逝，但這些凝聚咗幾代人智慧嘅香港故事，值得我哋繼續用心記錄同細味。

#香港集體回憶 #文化傳承 #本土文化 #手雕麻雀 #香港故事

———
Photography: Hei Nam | 香港攝影師🇭🇰
Makeup Artist: 𝐋𝐨𝐮𝐢𝐬𝐞 𝐂𝐡𝐞𝐧𝐠
Models: Bobo Lai ₍ᐢ •͈ ༝ •͈ ᐢ₎ ♡ 𝐻𝑒𝑖𝑑𝑖🦋 🥬
Florist: 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article written by: 木蒔導賞 Leafy Hour Docent
Venue: SoleFete別來無恙🔸 葵涌·港式復古風主題 PARTYROOM / 懷舊影樓
Mahjong: 日暮 YAT MO Vintage

快、狠、準
144隻麻雀牌背後，刀尖上的匠人精神

由一塊膠料到可以「攻打四方」嘅一副麻雀（一共144隻牌），背後需要經歷【截牌】、【磨牌】、【雕刻】同【上色】四個繁複工序，每一步都極考師傅功！

昔日喺手雕麻雀嘅師徒制下，學徒要一步步由淺入深咁練起：
- 筒子：先學最基本，利用上下拉動橫軸嘅「鑽咀」，配上唔同刀片鑽出大小不一嘅同心圓。
- 索子 & 白板：用「索刮」拉出雛型，再用雕刻刀加深線條。
- 萬子、紅中 & 花：掌握好基本功後，先開始用雕刻刀一筆一劃刻出流暢有力嘅楷書字體。

雕刻過程必須做到「快、狠、準」，只要稍微分神「雕壞」咗一隻，成副牌就前功盡廢！刻完之後，要在牌面塗上滑石粉，用毛筆細緻地掃上紅、藍、綠三色，小心鏟走多餘顏料，最後放進燈箱烘乾。一副手雕麻雀，往往要耗費三至五天嘅極致專注先可以完成。

機器造嘅牌隻隻一樣，但手雕麻雀嘅每一刀，都帶住師傅嘅體溫同靈魂。

#手雕麻雀工藝 #匠人精神 #香港手藝 #非遺傳承 #工藝之美

———
Photography: Hei Nam | 香港攝影師🇭🇰
Makeup Artist: 𝐋𝐨𝐮𝐢𝐬𝐞 𝐂𝐡𝐞𝐧𝐠
Models: Bobo Lai ₍ᐢ •͈ ༝ •͈ ᐢ₎ ♡ 𝐻𝑒𝑖𝑑𝑖🦋 🥬
Florist: 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article written by: 木蒔導賞 Leafy Hour Docent
Venue: SoleFete別來無恙🔸 葵涌·港式復古風主題 PARTYROOM / 懷舊影樓
Mahjong: 日暮 YAT MO Vintage

BTS - 麻雀檯上的「竹」與花

「碰！」、「吃！」 對好多香港人嚟講，打麻雀唔單止係一種娛樂，更加係一家人、三五知己圍坐一堂嘅溫馨時光。

香港人常稱麻雀館為「竹館」，其實係有跡可尋㗎！喺二十世紀中期，早期的麻雀牌係喺木塊或者竹片上面，以「刮竹」嘅方式一刀刀雕刻出嚟。後來雖然演變到用亞加力膠物料，但這份巧奪天工嘅手藝，依然被列入香港非物質文化遺產（134個傳統手工藝類別之一）。

今次我哋特別用上「竹筒」作為花器，將竹嘅剛硬與花藝嘅柔美結合，擺上呢張充滿歲月痕跡嘅麻雀檯。當優雅嘅花藝遇上傳統手雕麻雀，線條與色彩相互映襯，摸一摸牌面上嘅凹凸感，那唔單止係手感，更加係幾代香港人沉澱落嚟嘅集體回憶。

#手雕麻雀 #香港非物質文化遺產 #香港傳統文化 #老香港 懷舊風 #本土文化

———
Makeup Artist: 𝐋𝐨𝐮𝐢𝐬𝐞 𝐂𝐡𝐞𝐧𝐠
Models: Bobo Lai ₍ᐢ •͈ ༝ •͈ ᐢ₎ ♡ 𝐻𝑒𝑖𝑑𝑖🦋 🥬
Florist: 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article written by: 木蒔導賞 Leafy Hour Docent
Venue: SoleFete別來無恙🔸 葵涌·港式復古風主題 PARTYROOM / 懷舊影樓
Mahjong: 日暮 YAT MO Vintage

#木蒔職人訪問系列 #木蒔職場獵人

爬蟲美容師 老虎茶樓 Tiger Teahouse

「爬蟲美容師」Ricky於三年前放下足以糊口的設計工作，全身投入烏龜、蛇、蜥蜴，以至蟑螂等爬蟲等動物的「護理」工作，並在朋友戲稱的「爬蟲師」加上「美容」兩字，以強調「護理」的重要性。

自小喜愛動物的Ricky，開始接觸爬蟲動物是爺爺送贈的巴西龜。當時只是單純的飼養者，覺得烏龜有趣，但對其生活習性全不了解。直至移居加拿大升學，醫治別人留下，卻在龜殼上長出「白點」的4隻巴西龜，才由原先的飼養者逐漸變為探索者，開始探研烏龜的「學問」。

Ricky坦言：「照顧4隻生病的烏龜，才發現這些不會發笑，愛獨行和曬太陽，不會主動接觸飼主，生活習性與愛親近人類的哺乳類動物完全不同的生物充滿神秘感」。這種神秘感亦吸引不少爬蟲動物愛好者，又或化身為「創造者」，為爬蟲動物打造大自然生態缸。

完成學業的Ricky，帶同4隻「烏龜」從加拿大回流香港，並從事多媒體設計師。然而朝10晚10和千篇一律的工作，讓Ricky決定在三年前離職，將護理動物的興趣，轉化為個人事業的發展，開始飼養烏龜、球蠎、樹棲蛇、大蜥蜴、毛蛛和馬島蟑螂等爬蟲動物。

烏龜和球蠎是較常見的物種，毛蛛和馬島蟑螂則被標籤為危險和不潔的生物。殊不知體型巨大，長滿粗毛，有毒但毒性很低的「毛蛛」卻有「新世界」和「舊世界」品種之分，其中「新世界」的毛蛛在危險時會用後腳將腹毛射出來而令敵人感到痕癢而已。至於蟑螂，尤其是馬島蟑螂，在大自然中均是愛潔的清道夫，而其他不同品種的蟑螂，還有天藍、翠綠，或金銅等鮮色華彩，可供觀賞。

「飼養」雖非主要職務，但從照顧和喂食的過程中，卻是美容師的經驗累積。對這些不言不笑的「受護者」，只需透過牠們的一舉手，一投足，便能「望聞」而得知其需要。例如烏龜「磨嘴」和「修甲」，並非貪美，而是為了健康。磨嘴可改善人工飼料令喙部過長變得難以進食的問題，而修甲則可減低因指甲過長而導致邊緣較薄的皮膚破損出血的情況。此外，美容師亦要以技巧和耐心協助「手忙腳亂」的飼主「喂藥打針」，或面對「愛寵如子」的飼主予以開解安慰。

蜥蜴「Happy」是Ricky的好幫手，也是爬蟲教育工作的好老師。因朋友遷居而交託照顧，一直陪同Ricky到訪不同學校或機構展示其真實的一面，深受學生和市民歡迎，直至11歲終老離世才由「橙皮」接替。面對蜥蜴會在新舊皮的夾層滲出油質以便「脫皮」的需要，將表皮經過浸水軟化程序後將更易清理。此外，生活在水中的烏龜亦會「脫皮」，將龜殼上六角形殼甲，逐片脫下再換上新的，反而陸龜只是將殼甲向外擴展而已。

「橙皮」與「Happy」是同一蜥蜴品種，在其兇惡，貌似微型恐龍的外表下，性格卻是十分溫馴的草食性動物，日常以蔬菜和生果為食糧，亦喜曬太陽。由於「橙皮」身長已超過一米，現與貓兒同在客廳自由活動，但所有物件都必須加固，以防「橙皮」爬高爬低時弄跌。

另一方面，美容師在教育講座上總要為爬蟲動物的誤解而耐心解釋，強調牠們並非「熒幕上」那些滿是危險，不衛生，甚至有毒的物種。

對任何動物而言，最終都離不開「生老病死」的大自然定律。由於爬蟲動物擅於隱藏病情，病發至離世的時間極短，此時飼主必須放下。至於有部分人或質疑利用活體喂食是否恰當。事實上，喂食是飼主的必然責任，除選擇合適的食材外，也可透過喂食過程，領悟到生老病死的大自然循環。採用昆蟲作為飼料，有時候是難以避免，但若是蛇類，則可將冷藏衛生的「全隻冰鮮鼠」解凍後才喂食，與街市販售肉食，超市出售動物罐頭糧一樣，背後也代表生命的終結，轉化為另一生命的延續。Ricky笑言，每當別人家中出現一條「蟲」，便會不期然問到，這是用來飼養，還是用來喂給其他動物食用。

在各式各樣的爬蟲美容師工具中，如彎曲鉗等自製種類相對較少，其他則有修甲鉗、開口器、電磨機、止血粉和消毒劑等都是常用的工具消。較為特別的莫過於前方彎曲和斜邊的萬用指甲鉗，主要用作修剪烏龜嘴部邊緣。

Ricky十分重視爬蟲動物的教育工作，在學校提出邀請時，總會帶同「橙皮」和「圓圓」到校園舉行教育講座，分享護理經驗，同時讓學生親身體驗，減少誤解，然而營運收支一直捉襟見肘，故只能自己「一個人」兼顧行政、聯絡、出差、護理、教育、講座等各項工作，並在時間安排上以「動物」為先，減少朋友間的約期和出外旅行的安排。

總結來說，Ricky寄語年青人，絕不能因看到「有趣」，而在不了解爬蟲動物的生活習性情況下，衝動地為買而買，在發現問題後便棄養，尤以近年不少人飼養具攻擊性和破壞自然生態環境的鱷龜等，棄養的破壞力較「經濟支出」嚴重得多。

此外，Ricky將繼續開班，傳承和教授爬蟲動物修甲、磨嘴等技巧，並鼓勵學員以興趣成為「美容師」，繼續鑽研相關的知識。日後或利用自己在設計方面的專長，在一些別人甚少推動的環節上，例如網絡世界，開拓更多爬蟲動物的教育和相關服務工作，又或安排合影活動，讓小朋友有更多機會接觸爬蟲動物，提升他們對爬蟲動物的認知。

#爬蟲 #爬蟲美容 #香港職人

【8月場次正式公佈】北角電車導賞行 🚃

一連三個月舉辦的「北角電車導賞行」8月場次現已正式開放報名，想以電車視角探索港島百年歷史的朋友，千萬不要錯過！

🚃 關於行程

下午2時在石塘咀電車總站集合，參加者將以一般乘客（非包車）形式登車就座。沿途由專業導賞員透過耳機，分享西環至北角逾百年的歷史點滴、電車路上的故事，以及社區的最新面貌。

經過約一小時車程抵達北角電車總站後，將徒步體驗春秧街街市。電車緊貼市集而行，有如泰國美功鐵道市集「極速收攤」的獨特場景。隨後到近年落成的東岸板道（北角段）欣賞維港全景，最後前往二級歷史建築、前香港皇家遊艇會會所的油街實現。

參加者更可順道參觀兩大藝術展覽（此部分不設導賞解說，參加者可自由參觀）：
1️⃣藝術家陳惠立在玻璃屋舉行的「左旋門浴場」（展期至8月30日）
2️⃣「油街焦點」鄭靖的藝術之道（展期至10月11日）

📋 活動詳情

日期： 2026年8月22日（星期六）
時間： 14:00 – 17:00
集合地點： 石塘咀電車總站
費用： 港幣80元
名額： 20人或以下

📝 報名方式

Google Form 報名連結：(IG Profile)
https://forms.gle/7bxndmPJ42WQzMYG6

名額有限，成功報名將以 WhatsApp 確認，並於活動前建立專屬通訊群組。

⚠️ 注意事項

•⁠ 活動收費並不包括電車票價，參加者下車時需以「乘客」身份繳付港幣3.3元的車票。
•⁠ 是次活動並非「包車」形式，參加者除須遵守電車公司的《乘車守則》外，亦不保證提供座位安排。
•⁠ 為免影響其他乘客，參加人數限定20人或以下。若報名後因事要求改期，木蒔將視乎報名情況決定，並收取港幣20元作為行政費。

名額有限，立即報名，與我們一起搭上叮叮，漫遊港島的百年時光 🚃✨

踏入七月，第三輪及第四輪一連兩天的木蒔電車北角導賞，在酷熱天氣順利完成，有賴一眾參加者的鼎力支持，多謝大家！

是次電車導賞，行程沿用六月份的路線，由石塘咀電車總站出發，沿1904年電車啟用後的東行路線，經四環九約的西環、上環、中環和下環(灣仔)，到「維多利亞城」外的鄉郊地區，即今日的天后、炮台山到北角電車總站，車程約一小時多。

在7月12日的行程中，有幸邀得香港導賞員學會資深導賞員Joey，為參加者講述昔日四環以外的「鄉郊地區」，由位處「銅鑼」形狀，海灣東角的大片土地，如何發展成為渣甸洋行王國和現時的人氣旺盛的商業和百貨業地區，以及炮台山和北角英皇道之名的由來，當然還有因「飛拱」而獲保留的皇都戲院「抛物線型桁架」。

別過「人先車後」的春秧街街市、旅議會推廣的春秧街特色電車軌和旁邊的僑冠大廈，隨即踏上東岸板道，看看板道上的轉盤橋和開合橋外，還有對岸九龍半島的四山，以及大家都十分期待的東維港灣區，並在參觀油街實現兩個展覽後結束行程。

推薦文章：(下文是6月14日參加者的行程回憶，謝謝Niels的用心)
[電車導賞之西環至北角段電車與東岸板道]
https://www.threads.com//post/Dar38qKESG-

香港非物質文化遺產
大澳漁網編織技藝

上文講完六代棚屋演變同「棚屋建築技術」，今次講吓另一個同大澳漁民息息相關嘅非物質文化遺產：「漁網編織技藝」（傳統手工藝類別清單編號5.90）🧵

過去漁民「浮家泛宅」，由船居搬上棚屋之後，雖然唔再隨水漂流，但生活始終離不開「水」。一家人在棚頭食飯、棚尾曬物、棚身瞓覺、棚下小艇出入，就連「紅白」二事，都係喺棚屋入面搞掂。

但隨住漁業式微，今日住喺大澳棚屋嘅漁民，好多早已變身做「陸上人」。

我哋今次嘅受訪者「大勝哥」，細個嗰陣成日跟父親出海捕魚，日曬雨淋，汗流浹背，可惜黃花魚、鰦魚等漁穫越嚟越少，養活自己都勉強，最後只好「上岸」去玩具廠打工。

轉眼數十年，大勝哥冇再踏足捕漁船，只係間中揸住自家小艇去近岸「撒網」，用底部繫住鉛錘嘅圓錐形網具，重溫細個嗰陣嘅「捕魚」之樂。漁網穿咗都唔怕，佢由細到大都識得修補漁網。

受訪期間，大勝哥仲即場示範呢門香港非物質文化遺產：「漁網編織技藝」。

棚頭，就係編織漁網嘅理想地點。只見大勝哥好似後生仔咁悠然坐喺地板，筆直伸出右腳，將漁網一角扣喺拇指，有如第三隻手穩穩揸住，然後右手揸住枕子（梳），左手穿針引線，一邊繞過漁網嘅破孔，一邊打結，最後張口「咬」一下，搞掂。

「三隻手，一張嘴，一個木枕一個棋；坐下來，張開網，指公朝天手持枕；腿伸直，套網線，編織結繩動不停；左穿穿；右拉拉，張口一咬復舊觀。」

幾句說話，就道盡呢門手藝嘅精髓。

大勝哥示範嘅係「單層網」，輕身又細張。另一邊嘅三層網雖然差唔多大小，但重得多。當然，仲遠遠不及漁船上嘅「大網」。

喺用麻樹根莖織網嘅年代，大澳漁民編織漁網係全家總動員。織好雛形之後，仲要用鴨蛋蛋白蒸煮三次再曬乾，先至可以加強防水性。後來機械生產嘅漁網出現，先至減輕咗工作量。但為咗慳成本，漁民到今時今日仍然要經常保養同修補漁網，亦因為咁，呢門編織技藝先得以一代一代傳承落嚟。

「編網」最重要嘅工序，就係喺網眼上「打結」。對大勝哥嚟講，打結好似食飯咁簡單，左穿右拉，舉手投足間就完成。但對我哋呢啲「外行人」嚟講，淨係分清楚平衡網眼四邊嘅「左右結」、同穩固網眼嘅「八字結」，已經有啲「雞手鴨腳」。

「明月當空照，汪洋萬里秋，織織復織織，不聞機杼聲，漁夫可所思，漁夫可所憶？期盼千斤魚，艇存萬擔穫，楊侯驅邪魅，天后保平安。」

漁民手中嘅小梭子、一團密麻嘅細線，承載住大澳漁民嘅生活智慧，亦係香港非物質文化遺產嘅一部分。

——
Model erikaaa
Makeup Artist Kiki Cheung | HK Makeup Artist |新娘化妝師
Floral Installation 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article Written by 木蒔導賞 Leafy Hour Docent

香港非物質文化遺產「棚屋建築技術」
（傳統手工藝類別清單編號5.85）🧵

大澳棚屋，有「東方威尼斯」之稱，每年吸引無數遊客山長水遠入嚟，企喺大涌橋上，影返張背靠棚屋、面向漁村嘅經典打卡相📸

但好多人未必知，呢排棚屋背後，藏住百年智慧同行先。

大澳由漁村起家，全盛時期有超過500艘漁船、30幾間漁商。好多來自珠江口同大灣區嘅蜑家漁民，由最初「浮家泛宅」嘅船居生活，慢慢搬上泥灘，住喺用木柱撐高嘅棚屋入面。

百幾年嚟，棚屋由第一代簡陋嘅圓頂簷蓬，演變到今日第六代，「有頭、有身、有尾」，甚至兩層高有露台。每一代嘅轉變，都係大澳漁民面對風浪、適應環境嘅見證🌊

可惜嘅係，2000年嗰場四級大火，燒毀咗好多極具歷史價值嘅木構棚屋。災後用杉木同鋅鐵重建嘅第六代棚屋，雖然保留咗「棚頭」（平台）、「棚身」（廳房）同「棚尾」（曬場），但部分傳統工藝已經隨火而逝。

講到非遺清單下嘅「棚屋建築技術」，共通點係建材以木質為主，鋅鐵為輔，而且一定要架高，先避到漲潮同颱風大潮嘅水浸。起棚過程一啲都唔簡單：先要「掂樑」設定大小，然後挖洞、落木柱、加三合土柱躉，再固定掂樑橫樑、釘杉板、鋪防水布同鋅鐵——搞足一個月先起到一間棚屋出嚟🔨

但講到最無奈嘅，都係水上人一直以嚟嘅困局。

大澳漁民一向被視為流動人口，棚屋區喺法律上係非認可鄉村。1982年嘅全港寮屋登記，更加將棚屋劃為寮屋。居民雖然要交棚牌費，但直到今日，棚屋依然冇正式業權，居民亦冇「原居民」身份。

冇原居民身份，意味着水上人嘅後代，就算喺棚屋出世、長大，都唔會有其他鄉村原居民嘅合法權益。棚屋唔可以轉讓、唔可以繼承（只限直系親屬），更加唔可以喺上面做生意。隨住老一輩水上人逐漸老去，後生仔因為冇誘因而選擇離開，棚屋就一間一間咁「自然流失」。

呢個就係大澳棚屋嘅另一面：遊客眼中嘅水鄉風情，背後係百年工藝嘅傳承，同埋一代水上人面對嘅身份困境同制度枷鎖。

而我哋木蒔今次用漁網同花藝走入大澳，就係希望用行動去記錄呢度嘅故事。即使漁網未必可以再撒，都唔好好似鮮花咁稍縱即逝。

-
Photography MOMENTOstory｜HK Photographer｜情侶攝影｜婚紗攝影｜家庭攝影｜紀實拍攝
Makeup Artist Kiki Cheung | HK Makeup Artist |新娘化妝師
Model erikaaa
Floral Design 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕 Leafy Hour Floral Art
Article Written by 木蒔導賞 Leafy Hour Docent

#大澳棚屋 #東方威尼斯 #大澳 #棚屋傳承 #香港非物質文化遺產

BTS of 大澳棚屋Floral x HK Project

不知不覺，木蒔導賞已經一年了🌱

發現咁耐以嚟都冇好好介紹過小編我。其實除咗劉爸同其他大家熟悉嘅導賞員之外，仲有一個小編一直以嚟都 run 緊呢個 page 㗎！

記得「一萬步生活圈」參加我哋嘅導賞團時問過：「木蒔唔係應該係一間花店嚟㗎咩？」

係呀，木蒔嘅根，正正就係一間花店 𝙰𝚛𝚒𝚗𝚚𝚞𝚎. 𝚏𝚕𝚘𝚛𝚊𝚕

小編我大學讀嘅係社會學，一個可以令你用唔同 perspective 睇世界嘅學科。但好現實嘅係，除咗繼續鑽研學術，出到嚟做得嘅選擇真係好少。所以畢業之後，我都係同好多人一樣，做 admin、做秘書，日復日做啲沉悶又重複嘅行政工作。

後來疫情期間，機緣巧合之下，小編去咗一間有機農場做動植物護理員（小編屋企都有兩貓一狗！），就係咁接觸到花藝，仲去考埋專業嘅荷蘭花藝師牌照，之後就創立咗 Arinque：以 Artistic, Ingenuity & Unique 三個字命名呢間花店。

初頭幾年都係以副業weekend 花店嘅形式經營，直到上年確認獲得 HKU Part-time Master of Social Work 嘅錄取，先正式設立咗木蒔，包含文化導賞、花藝、農地改造木蒔 Leafy Hour （係呀我哋喺大埔有塊田㗎！依家努力改造中 🌾）

讀緊 MSW 嘅 Community Development （CD）嗰陣，認識咗好多本地文化，我就不停喺度諗：點樣可以將自己嘅專業同文化結合呢？

然後我哋嘅project 就由大澳棚屋開始。

好多人知道大澳係香港水鄉、香港威尼斯，都知佢好鬼遠，但又有幾多人知道，大澳嘅水上棚屋其實冇正式業權？居民只係靠每年續期嘅政府土地牌照有限度咁使用，牌照唔可以轉讓、唔可以繼承。仲唔可以喺棚屋上面經營任何生意。如果換轉係你，作為棚屋嘅後人，已經喺城市安居樂業，你會唔會返去大澳，去維護同傳承呢份水上人嘅根？

呢個問題，一直喺我腦海入面。

後來我哋入咗大澳，多得大勝哥願意借出場地，仲親身講解棚屋嘅情況，教我哋水上人點樣織網。但講到棚屋嘅未來後繼乏力，大勝哥都不勝唏噓。其實大澳棚屋，呢個屬於香港嘅威尼斯，真係好值得我哋保育同傳承。

所以嗰日我哋用漁網同花藝喺大勝哥嘅棚屋做咗個 installation art，希望用行動去支持，亦都希望大家透過呢度，多一個渠道去認識同埋保育香港嘅威尼斯。

即使漁網未必可以再撒，都唔好好似鮮花咁稍縱即逝。

願呢份手藝同記憶，可以繼續一代傳一代，等香港嘅每一代都仲睇到。

由花店走到導賞，由 admin 走到社區，由一束花走到一個棚屋嘅 installation，呢條路唔易行，甚至投入咗好多無回報嘅成本、金錢，但係，我哋嘅靈魂好滿足。

—

Model: erikaaa
Makeup Artist: Kiki Cheung | HK Makeup Artist |新娘化妝師

#大澳棚屋 #香港文化 #社區發展 #導賞 #香港故事

非遺之大澳蝦膏蝦醬

曾有人說，大澳最著名的是棚屋，第二就是蝦膏蝦醬了。今次就講述讓人流涎的大澳傳統美食，早已納入「非遺」手工藝類別清單編號5.8的「蝦膏蝦醬製作技藝」。

製作蝦膏蝦醬的原材料為蝦皮，即俗稱銀蝦仔的梅蝦。昔日大澳盛產梅蝦，最佳捕捉季節分別是農曆四月初八日至八月，以及農曆十一月開始，漁夫會在日間利用撐梅蝦，或夜間盪梅蝦的近岸拖網方式，以網孔細密，稱為「蝦籮」的漁網捕撈。

捕穫的梅蝦有「好壞」之分，其中濕度適中的「靚鮮」銀蝦(梅蝦)，是於凌晨至半夜三時捕得的浮水蝦其他如日間的沉底蝦帶有泥味、清晨捕獲的則水份較多，而最早捕獲的第一和第二批，亦因存放時間較長而令蝦身變乾，都會影響製作蝦醬的效果。

過去大澳的蝦膏蝦醬製作以家庭式作業為主，漁民自身捕撈梅蝦後，需先運往棚屋，在大筲箕上用水沖洗，去除雜物和小魚後再放入「蝦醬桶」內備用，或售予製作蝦膏蝦醬的店家。當時的「行規」說明，「秤陀落地要捭錢」，代表進行梅蝦交易時均需即時結帳。

製作蝦膏，一擔(即一百斤)梅蝦加入五斤鹽，而蝦醬因含水量較高，需放入十斤鹽以防變壞。昔日梅蝦桶內的蝦醬會用腳「踩碎」以待發酵。幸而現在在講求衛生的環境下，製作工序已轉用攪拌機。

梅蝦在桶內存放一星期後需每日攪拌，並由底翻至面並不斷重覆，讓蝦醬的發酵過程更為均混。由於需經常在夏季猛烈陽光下攤曬和翻動，因此製作蝦膏蝦醬的體力要求甚大。

持續攪伴晾曬約兩星期後，梅蝦由原來的白色轉為紅色的蝦醬。然而新鮮的蝦醬味淡，需重新放進桶內「回香」，透過約一個月的「焗」，讓人聞之起「舞」的「香蝦氣味」才會湧現，亦是入樽出售的時間。由於蝦醬內水份較多，故10斤梅蝦可製出約6斤的蝦醬。

但若是製作蝦膏，則需要將蝦醬倒進窩籃，做成薄薄的一層再切件，然後以「上蒸下流」的方法，分別將水份流走，以及在太陽下蒸曬。視乎天氣的濕度，特別是秋冬的乾燥環境下尤佳，待蝦膏的一面乾透後再反轉另一面，約一星期時間，原先的十斤梅蝦，可轉化為約三斤重的蝦膏。

蝦膏「成型」後並不能即時包裝，而是用製麵機器打成條狀，再用力樁至結實，並打成半圓形，然後暫存在竹籮中，或以透明膠紙封存。直至銷售時再分切成件狀，置入膠袋後再以機器封口。

不論是鹹魚、蝦膏或蝦醬，三者都是高鹽份的加工食品，在醫學層面認為對身體健康不利。然而份量不多的「品嚐」，一方面體會到中國傳統「青菜鹹魚」的簡樸生活，同時也可認識手工藝背後的根源與發展，讓「非遺」文化得以傳承下去，何樂而不為。