06/08/2026
【 孩子的三指抓練習🧒🏻🤏🏼 X 蒙特梭利的觀察藝術👩🏻🏫👀 】
"𝑻𝒉𝒆 𝒕𝒆𝒂𝒄𝒉𝒆𝒓 𝒎𝒖𝒔𝒕 𝒍𝒆𝒂𝒓𝒏, 𝒏𝒐𝒕 𝒕𝒐 𝒕𝒆𝒂𝒄𝒉, 𝒃𝒖𝒕 𝒓𝒂𝒕𝒉𝒆𝒓 𝒕𝒐 𝒐𝒃𝒔𝒆𝒓𝒗𝒆." - 𝑴𝒂𝒓𝒊𝒂 𝑴𝒐𝒏𝒕𝒆𝒔𝒔𝒐𝒓𝒊
上個post講到，為咗畀小朋友可以 visualize到一條「時間線」🧵，我哋邀請佢哋將故事入面「岩石爺爺」遇見過嘅事件，用衣夾夾喺繩上，加深小朋友對「時間軸」(Timeline) 嘅印象🧠
設計呢個主題活動，除咗希望秉承蒙特梭利提倡嘅教學理念：「What the hand does🫳🏻, the mind remembers.🧠」之外；同時都係一個好好嘅機會等我哋可以觀察到每位參加者「手部精細動作」 (Fine Motor Skills) 嘅發展情況🤏🏼👀
唔好睇小呢個對成年人嚟講好似完全唔洗用腦嘅動作，但其實對於幼兒嚟講，呢個「將圖卡用衣夾夾喺繩上」嘅動作，已經能夠反映：幼兒嘅小手肌夠力未？呢個階段嘅佢係練習緊用手掌、二指，定三指爪握呢？小朋友嘅手腦協調能力如何？已經掌握到點樣將卡、夾、繩三件物件連繫喺一齊未呢？🧠🔄🤏🏼
作為一位善於觀察嘅引導者，我哋唔難發現邊位小朋友平時係較少接觸呢類型嘅動作練習，邊啲明顯係以往都有類似嘅經驗（例如有幫開屋企人晾襪嘅🧦）✨👀
一直以嚟，童然都偏向舉辦親子活動（instead of kid-only activity），其中一個原因係我哋希望家長們都可以喺參與我哋活動嘅過程中，透過觀察幼兒（唔單止係自己個小朋友，仲有其他小朋友）、導師、其他照顧者，仲有佢哋之間嘅互動等等，慢慢搵到更適合自己家庭嘅教養模式💗
#蒙特梭利 #親子共學 #親子活動 #幼兒活動 #自然活動
