Cleo’s

27/12/2025

Double-decker bus တို့ Trams တို့ဆိုတာ ကြားပဲကြားဖူးခဲ့ပြီး Hong Kong ရောက်မှပဲ စစီးဖူးတာ။ Hong Kong မှာ Trams တွေကို "Ding Ding" (叮叮) လို့လည်းခေါ်ကြတယ်။ Tram စီးပြီး မြို့ထဲ ပတ်ကြည့်ရတဲ့ အရသာ အရမ်းမိုက်။🥰❣️Hong Kongရဲ့ bustling city vibe ကြည့်ဖို့ဆို Trams နဲ့ City Bus လို့ခေါ်တဲ့ အမိုးဖွင့် နှစ်ထပ်ကားတွေစီးပြီး လှည့်ပတ်ကြည့်တာ အကောင်းဆုံးပါ။✨

04/08/2025

ကိုယ်သင်တဲ့ အတန်းတိုင်းကို သင်တန်းကာလ အလယ်လောက်ရောက်ရင် mid-term evaluation form ဆိုပြီး တစ်ခါ၊ သင်တန်းပြီးရင် တစ်ခါ ကျောင်းသားတွေရဲ့ progress, difficulties နဲ့ suggestions တွေကို confidentially အနေနဲ့ survey အမြဲ ကောက်ပါတယ်။

ပုံမှန်ဆို honest feedback တွေကို စာသင်တဲ့Page မှာ တင်နေကြဆိုပေမဲ့ ပုံလှလှလေးရဖို့ Graphic designer ဆီ ပုံအပ်ရတာကြာလို့ ဒီမှာပဲ တင်လိုက်ပါတယ်။😁

“Practise English with Confidence” ဆိုတာ ကျောင်းသားတွေရဲ့ အင်္ဂလိပ်စာလေ့လာမှု အခက်အခဲ၊ လိုအပ်ချက်တွေကို ဖြည့်ဆည်း သင်ကြားပေးနိုင်အောင်ကြိုးစားနေတဲ့ သင်တန်းဆိုလဲမမှားပါဘူး။

ကိုယ်သင်ရတဲ့အတန်းရော၊ ကိုယ်မသင်ရတဲ့ အတန်းတွေပါ အသေးစိတ်လိုက်ကြည့်ပြီး လိုအပ်တာမှန်သမျှ တာဝန်ယူမှုအပြည့်နဲ့ သင်ပေးနေပါတယ်။

အခုလို honest feedback မျိုးတွေ ကျောင်းသားဆီက ရတဲ့အခါ ဘာပြောမလဲ။ ကိုယ်ပင်ပန်းခဲ့သမျှ ပင်ပန်းရကျိုးနပ်တယ်ပေါ့နော်။🥰

နောက်ဆုံးကြေညာစရာအနေနဲ့ “Practise English with Confidence” page မှာ Grammar & Writing သင်ပေးနိုင်မဲ့ Part-time teachers တွေ ခေါ်နေပါတယ်။ Professional ကျကျ လုပ်နိုင်တယ်၊ စာသင်တာပါ အဆင်ပြေတယ်ဆို Salary ကောင်းကောင်းပေးပါတယ်။ Job description ကိုတော့ Page မှာ ကြည့်နိုင်ပါတယ်။ 👇🏻
https://www.facebook.com/share/p/1CBXuRhURf/?

ကျောင်းသားတွေအပေါ်ဘဲ ဂရုတစိုက်ကြည့်တာမဟုတ်ဘဲ “Practise English with Confidence” နဲ့ လက်တွဲတဲ့ Teachers တိုင်းကိုလည်း Career development အပိုင်းမှာပါ ပိုတော်၊ပိုကောင်းလာအောင် လုပ်ပေးတာမို့ ဖိတ်ခေါ်ပါတယ်ရှင့်။🥰❣️

01/08/2025

01/08/2025

ဒီတစ်ပတ် Sunday နော် 🥰

“ညနေက ဘတ်စ်ကားစီးနေတုန်း ဖုန်းခိုးခံလိုက်ရတယ်”။ ဒါကို English လို ပြန်ရေးတဲ့အခါ ဘယ်tenses တွေ သုံးပြီး ရေးလို့ရမလဲ။🤔

✅“While I was taking the bus this evening, my phone was stolen.”

ဒီsentence မှာ သုံးသွားတဲ့ Past continuous tense နဲ့ Past simple tense တွေကို သေချာသုံးတတ်ပြီလား။

သေချာမသုံးတတ်သေးဘူးဆိုရင် ဒီတစ်ပတ် Weekly Grammar Circle မှာ “Past Continuous Vs Past Simple” ကို အသေးစိတ်သင်ပေးမှာဖြစ်လို့ Join ဖို့ မမေ့နဲ့နော်။

100% free ဖြစ်လို့ Telegram Channel ကို join ထားရုံနဲ့ အပတ်စဉ် Sunday တိုင်း အခမဲ့ Grammar lessons တွေကို သင်ယူလို့ရပါပြီ။💕
JOIN our telegram channel first to get the Zoom meeting.👇🏻
https://t.me/practiseengwithconfidence27921

Date : August 3 (Sunday)
Time : 8:30 PM

August လတွင် ဖွင့်လှစ်မည့် English Speaking အတန်းများ
(Elementary level)
https://www.facebook.com/share/p/1RpcAdZYkE/?

(Pre-intermediate level)
https://www.facebook.com/share/p/19hxEcHgKF/?

01/07/2025

Cleo တုန်းကလဲ အခုလို Webinar တွေ Join ပြီး application form တင်ခဲ့တာ အရမ်းအကျိုးရှိခဲ့ပါတယ်။
အခုတစ်ခါ ကိုယ်တိုင် Speaker အနေနဲ့ ပြောပြခွင့်ရတဲ့အတွက် ရခဲ့တဲ့ Experience တွေအကုန်လုံး ပြောပြပေးသွားမှာပါ။
Program ဘက်ကလည်း 2026 အတွက် မြန်မာနိုင်ငံက လူငယ်တွေ လျှောက်ထားနိုင်ကြောင်း စာပို့လာတဲ့အတွက် ဒီ Webinar လေးကနေ alumni တွေအကုန်လုံးက ဝေမျှပေးသွားမှာပါ။🥰💕

19/06/2025

ကိုယ့်နိုင်ငံအတွင်းမှာတောင် လေယာဉ်တစ်ခါမှ မစီးဖူးတဲ့ ကောင်မလေး တစ်ယောက် ပထမဆုံး သွားရတဲ့ နိုင်ငံခြားခရီးစဉ်မှာ လေယာဉ်(၁၁)ကြိမ်တောင် စီးခဲ့ရတဲ့ အတွေ့ကြုံရဲ့ ဂယက်ပေါင်း သောင်းခြောက်ထောင်နဲ့ ဘယ်လိုတွေ ဖြတ်သန်းခဲ့ရလဲဆိုတာ ပြောပြဦးမယ်။😁💕

▶️YGN to BKK အသွားတုန်းကတော့ ချောချောမွေ့မွေ့နဲ့ BKK(Suvarnabhumi Airport)ကို ညပိုင်းရောက်သွားခဲ့ပါတယ်။ Thai immigration မှာ ဘယ်သွားမှာလဲ၊ transit လား ဘာညာမေးတော့ ကောင်းကောင်းမွန်မွန်ပဲ US သွားမှာလို့ဖြေတော့ “visa တွေ ကြပ်တယ်နော် visa ဘယ်လိုရခဲ့လဲ”မေးလို့ မေးတဲ့ အဒေါ်ကြီးနဲ့ တော်ကီဖုတ်ခဲ့ရသေး။

ဂယက်က အခုမှ စတာ။🥹🥹
Immigration ဖြတ် ၊ Baggage claim လုပ်ပြီး Grand BS Hotel က လာကြိုမဲ့ ကားကို စောင့်နေရင်း နောက်တစ်နေ့ မနက်စီးမဲ့ BKK to ICN (အင်ချွန်း) Delta airlines က delayed ဖြစ်ပါတယ်လို့ email ရတော့ ဘာလုပ်လို့ ဘာကိုင်ရမလဲ မသိ။ အခုမှ international flight စစီးပါတယ်ဆို airline ပြောင်းဖို့ကလဲ ဘယ်လိုပြောင်းရမလဲ မသိတော့ Program ဘက်ကိုပဲ inform အရင်လုပ်လိုက်တယ်။ Hotel ရောက်တော့ ညသန်းခေါင်ကျော်ဖြစ်နေပြီ။ မနက်စီးရမဲ့ လေယာဉ်က ဘာမှန်းမသိလို့ အိပ်မပျော်တာနဲ့ လုပ်စရာရှိတာ လုပ်နေရင်း Program ဘက်က Thai airways ကို ပြောင်းပေးတာနဲ့ နဂိုစီးရမဲ့ မူလအချိန်ထက် ၁နာရီကျော် စောပြီး စီးရမယ်ဆိုတော့ Hotelကနေ လေဆိပ်ကို ၃နာရီကြိုပြီး စောထွက်ခဲ့ရတာ Hotel မှာ (၂)နာရီလောက်ပဲ အိပ်ခဲ့ရပါတယ်။🥴

ဒါနဲ့ Suvarnabhumi ကို ရောက်၊ Hotel က ထည့်ပေးလိုက်တဲ့ မနက်စာစားရင်း Check-in counter ဖွင့်မဲ့ အချိန်စောင့်နေတာ။

ဒုတိယဂယက် ▶️BKK to ICN
Program က flight ticket စီစဉ်ပေးတာဆိုတော့ ကိုယ်တွေလဲ Thai airways counter မှာ ticket ပြတော့ “မင်းticketက canceled ခံလိုက်ရပါပြီ” လို့ staff က ပြောတော့ ခေါင်းမီးတောက်ရော🔥
ကိုယ်တွေကလဲ Delta Airlines ကနေ Thai Airways ကိုပြောင်းထားကြောင်းရယ်၊ Ticket အဟောင်းနဲ့ အသစ်ကို သူတို့ကို ပြလိုက်တော့ Ticket office ဆီ သွားပေးပါဆိုလို့ Thai airways ticket office ဆီသွား အဲ့မှာ BKK to ICN flight ticket နဲ့ ICN to Honolulu ticket နှစ်စောင်ပါတဲ့ A4 စာရွက်ကြီး ပြန်ထုတ်ပေးလို့ ခုနာ Check-in counter ပြန်သွား boarding pass ထုတ် Luggage အပ်ပြီးမှ သက်ပြင်းချနိုင်တော့တယ်။

Boarding pass ကိုလဲ airline မတူလို့ BKK to ICN ကိုသွားတဲ့ BP ပဲ ရခဲ့တော့ အင်ချွန်းလေဆိပ်မှာ နောက်ထပ်ဂယက်တစ်ခု ထရပြန်ရော🥹

▶️ICN to HNL
အင်ချွန်းလေဆိပ်ရောက်တော့ Transit အချိန်က ၄နာရီလောက်စောင့်ရမှာဆိုတော့ Terminal 1 ကနေ Terminal 2 ကို သွား၊ ဗိုက်ဆာလို့ မုန့်ဝယ်စားမယ်လုပ်တော့ $100 တန်ရွက်တွေပဲ ပါသွားလို့ ဆိုင်က လက်မခံ။ (ဝယ်တော့ $7 ထဲကို $100 သွားပေးတာ လက်မခံတာ မဆန်းပါဘူး🥹) အဲ့ကြောင့် အခုဆို လေဆိပ်တွေမှာ သုံးဖို့ Thai baht ၁၀၀တန်တွေလဲ စုထား၊ $10/$20 တန်တွေလဲ သိမ်းထားတတ်နေပြီ။

Boarding gate မဖွင့်ခင် ၁နာရီ အလိုမှာ gate ရှေ့စောင့်နေရင်း ဖိလစ်ပိုင်က fellows တွေနဲ့ တီမောက fellow တစ်ယောက်တွေ့တော့ သူတို့က ICN to HNL boarding pass က ရနေပြီ။ ကိုယ်တွေက မရသေးတော့ စိတ်ထပ်ပူသွား။ အဲ့မှာ ထိုင်း fellow တစ်ယောက်က ကူညီပြီး Transfer desk တူတူလိုက်ရှာပြီး Boarding pass ထုတ်ခဲ့ရတာ(အင်ချွန်းလေဆိပ်Terminal 2ရဲ့ တောင်ဘက်နဲ့ မြောက်ဘက်ကို ပြေးလိုက်ရတာ အမှတ်တရ🥹)အဲ့နေ့က ခြေလှမ်းပေါင်း သောင်းကျော်လောက်တယ်။👣👣
ICN to HNL က Delta Airlines ဆိုတော့ boarding pass ထုတ်ပေးတဲ့ Transfer deskက အာဂျီးမား အရမ်းအပေါက်ဆိုးလို့ စိတ်ပါတိုခဲ့ရသေး။

ဒီတစ်ခါကြ American domestic flights တွေ စစီးရပြီ။ Honolulu, Hawaii ကနေ Santa Fe, New Mexico ကို သွားရမှာပါ။
United Airlines နဲ့ပဲ သွားရပြီး ကိုယ်မကြိုက်ဆုံး airlines ပါပဲ။

▶️HNL to SFO (Honolulu to San Francisco)
▶️SFO to ABQ (San Francisco to Albuquerque)

တတိယဂယက်က United Airlines ကောင်းမှုကြောင့် Albuquerque လေဆိပ်မှာ Baggage claim လုပ်တော့ Checked Baggage ရဲ့ ဘီးလုံးတစ်ဖက် ပြုတ်ထွက်လာပါတယ်။🙂 ချက်ချင်းသတိမထားမိဖြစ်သွားတော့ ဘာအလျော်မှမရဘဲ Santa Fe မှာ Luggage ဝယ်ခဲ့ရပါတယ်။

Santa fe မှာ ၄ ရက်နေပြီး Washington, D.C ကို သွားရပါပြီ။ United Airlines နဲ့ပါပဲ။
▶️SAF to DEN (Santa Fe to Denver)
▶️DEN to DCA (Denver to Washington, D.C)

DCA ရောက်တော့ baggage claim လုပ်ရပါပြီ။ Santa Fe မှာ ဝယ်လာတဲ့ ပန်းရောင်Luggageအသစ် လေးကို မဲသဲနေအောင် သယ်လာပေးလို့ ကျေးဇူးပါယူနိုက်တက်ရေလို့ ဩချလောက်တဲ့ထိ ဖြစ်မိပါတယ်။
(Luggage cover ကလဲ ရှာမတွေ့တာနဲ့ မဝယ်ခဲ့မိတာပါ။) ကိုယ့် Luggage တင်မဟုတ်၊ သူများ luggage တွေလဲ အမဲတွေပေလာလို့ သူတို့လဲ ယူနိုက်တက်ကို ကျိန်ဆဲနေပါပြီ။

Washington, D.C မှာ ၅ရက်နေပြီး ပြန်ပါပြီ။
ကိုယ်စီးရမဲ့ flight က မနက်၇နာရီ ဆိုပေမဲ့ airport သွားမဲ့ bus က အစောဆုံး မနက်၂နာရီ ထွက်တာဆိုလို့ တစ်ရေးမှ မအိပ်လိုက်ရဘဲ လေဆိပ်ကို ရောက်သွားပါတယ်။🥹🥹

▶️DCA to SEA (Washington, D.C to Seattle)
▶️SEA to ICN (Seattle to Incheon)

(၄)ကြိမ်မြောက် ဂယက်
▶️ICN to BKK
စထွက်လာကတည်းက တရေးမှ မအိပ်ရဘဲ လေယာဉ်ပေါ်မှာပဲ အိပ်လာခဲ့ရတာ ပင်ပန်းပါတယ်ဆို BKK(Suvarnabhumi လေဆိပ်)ရောက်တော့ ကိုယ့်ရဲ့ လက်ဆွဲအိတ်က baggage claim စက်ပေါ် တော်တော်နဲ့ ရောက်မလာလို့ information center မှာ သွားပြော၊ လေဆိပ်ကဝန်ထမ်းတွေလဲ ကူရှာပေးကြတာပေါ့။
ကိုယ့်မှာ ပျောက်ပြီလားဆိုပြီး ခေါင်းတွေပါကြိမ်း🥹
အိတ်က BKK လေဆိပ်ထိပါလာတယ်၊တစ်ယောက်ယောက်မှားယူသွားတာ ဖြစ်မယ်ဆိုလို့ လေဆိပ်က CCTV ကြည့်ဖို့ သွားတော့မလို့ လုပ်နေချိန် ကိုယ့်အိတ်ကြီးက Baggage claim စက်ပေါ် ပေါ်လာလို့ That’s mine. That’s my bag. ဆိုပြီး ဝမ်းသာအားရပြေးယူ၊ ကူညီပေးတဲ့ ဝန်ထမ်းတွေကိုလည်း ကျေးဇူးတင်ပြီး ပြန်ထွက်လာရတယ်။ မိနစ်၂၀ အတွင်းမှာ ကမ္ဘာလောကကြီးခဏ ရပ်တန့်သွားသလိုပဲ 😫

▶️BKK to YGN
အပြန်လဲ အသွားနဲ့တူတူပါပဲ။ Programက hotel စီစဉ်ပေးလို့သာ တည်းရတာ ကောင်းကောင်းမအိပ်ခဲ့ရပါဘူး။ ၃နာရီလောက်ပဲ အိပ်ပြီး လေဆိပ်ကို ပြန်သွား။

ဒီတစ်ခါ အဆင်ပြေပြေလေးသွားရမယ်ထင်တာ နောက်ဆုံး Surprise က တော်ရုံလူဆို ငိုပစ်ချင်စိတ်ပါပေါက်မယ်။ ကိုယ်က အရှေ့မှာ ခံလာရတာတွေများတော့ အရေထူနေတဲ့ သဘော။☺️

Check-in counter ဆီသွား၊ အဲ့မှာ ကိုယ့် Flight ticket ကြမှ baggage allowance ဘာkg မှ ပါမလာဘူးဆိုလို့ တိုင်တွေ ဒပလယ်၊ ထွစ်ပလယ် ပတ်ကုန်တာ။

Thai airways နဲ့ တအား အကျိုးပေးချက်က အဲ့လို။
Program ဘက်က corporate traveler ဆီကိုလည်း ဖုန်းဆက်မရ၊ airlines ကလဲ E-skills အကျွတ်ဆိုတော့ ဘားးမှ အကူညီမရတာနဲ့ “ငါဘာလုပ်ရမလဲ ပြော……” ဆိုမှ ဘတ်၇၀၀၀ ကျော် ဖိုး Ticket office မှာ သွားသွင်းပေးပါတဲ့။ ပါလာတာ dollars တွေချည်းပဲ💸💸 ငွေရေးကြေးရေး ခြေသလုံးမွှေးဆိုပြီး 🤧Program stipends ကျန်တာထဲက $300 ကို ရေစက်ချပြီး currency exchange counter မှာ မတန်လဲ Baht လဲခဲ့ရတယ်။

Baggage allowance fee သွင်းပြီး Boarding pass ကို နှမြောတသနဲ့ ထုတ်ခဲ့ရတယ်။ အဲ့တာနဲ့ မပြီးသေးဘူး။ Luggage အပ် boarding pass ကိုင်ပြီး security check လုပ်ဖို့ အပေါ်တက်သွားတာ ခပ်တည်တည်ပဲ။ လက်ထဲ ကိုင်လာတာ duty free အိတ်တွေ။ အင်ချွန်းလေဆိပ်ကနေ ချစ်ဖေဖေအတွက် ဝယ်လာတဲ့ liquor ပုလင်းကြီးကိုင်ပြီး တက်ချလာတာ။ ချောကလက်ဘူးတွေရော။ အဲ့မှာ စစ်ပါပြီ။ ဒါကြီး “လေယာဉ်ပေါ်သယ်လို့မရဘူး” တဲ့။ ကိုယ်ကလဲ ခုနာကမှ ပြဿနာတစ်ခုရှင်းပြီးတာ စိတ်ကဆက်နေတော့ ပြန်ပြောတာပေါ့။ “Duty free လေ ဘာလို့သယ်မရတာလဲ ဘာညာနဲ့” ပြန်ပြော။ “မရဘူး Mrs.Wrap မှာ သွားထုတ်ပြီး check-in counter မှာ သွားအပ်” ဆိုလို့ တစ်ခါ ဘတ်၃၅၀ နဲ့ ထုတ်ပြီး သွားအပ်ခဲ့ရတယ်။

Suvarnabhumi လေဆိပ်ရဲ့ security checkpoint မှာ အရည်ဆို ဘာအရည်မှ သယ်မလာတာ အကောင်းဆုံး။ လေယာဉ်ပေါ်က ကျွေးလိုက်တဲ့ Yogurt ဘူး အိတ်ထဲထည့်လာတာကိုတောင် မျက်စောင်းထိုးနေလို့ ကျွေးခဲ့ရသေး။

အဲ့လိုနဲ့ အိမ်ပြန်ခရီးဟာ $300 ရေစက်ချပြီး YGN ကို ပြန်လာခဲ့ရပါတယ်။🥹
Program ဘက်ကို baggage allowance ပါမလာကြောင်း emails တွေ အကြိမ်ကြိမ်ပို့ပြီးတဲ့နောက်မှာ $300 ပြန်ပေးပါမယ်ဆိုလို့ စိတ်သက်သာရတာ။

ပထမဆုံး နိုင်ငံခြားခရီးစဉ်ဖြစ်တာရယ်၊ unexpected situations တွေကို panic မဖြစ်ဘဲ သေချာလေး ဖြေရှင်းနိုင်ခဲ့တဲ့ ကိုယ့်ကိုကိုယ်လဲ အံ့ဩရပါတယ်။
အခုလို အခြေနေတွေကနေပဲ အများကြီး သင်ယူလိုက်ရလို့ နောက်ထပ်သွားမဲ့ နိုင်ငံခြား ခရီးစဉ်တွေမှာ ချောချောမွေ့မွေ့ဖြစ်အောင် ဘယ်လိုစီစဉ်ရမလဲဆိုတာ သိသွားတယ်။ ဒါပါပဲ ကျွန်မ၏ ဂယက်များပေါ့။😁🥰

19/06/2025

သင်တန်းအကြောင်းစုံစမ်းချင်တာမျိုးဆို သင်တန်းPage မှာပဲ မေးမြန်းနိုင်ပါတယ်ရှင့်။ ဒါနဲ့ Sunday တိုင်း free grammar session လေး ရှိပါတယ်နော်🫶🏻💕

Sunday တိုင်း Grammar lessons တွေကို အခမဲ့ လေ့လာခွင့်ရမဲ့ “Weekly Grammar Circle “🥳🎉

“Practise English with Confidence” ကနေ အပတ်စဉ် တနင်္ဂနွေ နေ့ ည(၈:၃၀) အချိန်တိုင်း Grammar lessons တွေကို သင်ကြားပေးသွားမှာ ဖြစ်ပါတယ်။🥰

မတူညီတဲ့ Grammar topics တွေကို အပတ်စဉ် သင်ကြားပေးသွားမှာ ဖြစ်လို့ ဘယ် English level မဆို 100% free လာရောက်တက်လို့ရပါတယ်ရှင့်။

Zoom ကနေ တစ်ဆင့် သင်ကြားပေးသွားမှာ ဖြစ်ပြီး
Zoom meeting link ကိုတော့ “Practise English with Confidence”ရဲ့ Telegram Channel မှာ တင်ပေးမှာဖြစ်လို့ Telegram Channel လေး Join ထားဖို့ လိုပါမယ်ရှင့်။💕

Telegram Channel Link 👇🏻
https://t.me/practiseengwithconfidence27921

03/06/2025

YSEALI AFP (Part 2)🎉🎉

YSEALI AFP ရဲ့ ၅ပတ်တာမှာ အောက်က ဖော်ပြထားတဲ့ activities တွေကို အပတ်စဉ် Program book schedule အတိုင်း လုပ်ရပါတယ်။

✨ Book Discovery Circles
Cleoတို့ Hawaii မရောက်ခင်ကတည်းက သူတို့ပေးထားတဲ့ စာအုပ်တွေထဲကမှ ကိုယ်ဖတ်ချင်တဲ့ စာအုပ်၄အုပ်ရဲ့ chapter လေးခုကို ကြိုရွေးထားရပြီး Hawaii ရောက်တဲ့နေ့မှ Original books တွေကို ပေးပါတယ်။ Program schedule အရ Mondays တိုင်း Book discovery circle ရှိပြီး ကိုယ်ဖတ်ထားတဲ့ chapter ကို စာအုပ်အတူတူရွေးတဲ့ fellows တွေနဲ့ discussion ပြန်လုပ်ရပါတယ်။

✨ Community Projects
Projects တွေလုပ်ဖို့အတွက် Ocean team, Regeneration team, Rewilding team နဲ့ Innovation team ဆိုပြီး လေးဖွဲ့ ခွဲပေးထားပါတယ်။ ဒီအဖွဲ့တွေကို Cleo တို့ရဲ့ Pre-departure articles တွေအပေါ် မူတည်ပြီး ကျောင်းဘက်က ခွဲပေးထားတာပါ။
Natural resources ရဲ့ 2025 Spring Cohort Projects တွေအတွက် Ocean, Regeneration, Rewilding, Innovation ဆိုတဲ့ Titles တွေအောက်ကနေ သွားပါတယ်။ 2025 Fall Cohort နဲ့ နောက်နှစ် 2026 အတွက် ဘယ်လို Project titles တွေနဲ့ လာမယ်ဆိုတာ Cleoတို့ မသိနိုင်ပါဘူး။ Community projects အတွက် Team တစ်ခုချင်းစီက သက်ဆိုင်ရာ Team topics အလိုက် 10mins Presentation/ 10mins Q&A ကို တခြားTeams တွေရှေ့မှာ လုပ်ရပါတယ်။ ဥပမာ- Cleoက Rewilding team ကဖြစ်တဲ့အတွက် rewilding topics တွေဖြစ်တဲ့ Urban rewilding, Park rewilding, River rewilding, Farm rewilding, etc group member တစ်ယောက်ချင်းစီက 10mins presentation လုပ်ရပြီး 10mins Q&A မှာ တခြားteams တွေနဲ့ discussion လုပ်ရပါတယ်။

✨Community Service Challenges
အပတ်တိုင်း Project Teamနဲ့ ပတ်သက်တဲ့ community service challenges တွေ လုပ်ရပါတယ်။ volunteering လုပ်ရတဲ့ ပုံစံမျိုးပါ။

✨ Lectures and Trainings
တစ်ပတ်မှာ ၄ ရက်လောက်က East-West Centerရဲ့ John A. Burns Hall မှာ lectures နဲ့ trainings တွေ ပေးပါတယ်။
Guest speakers တွေ ခေါ်ပြီး lectures ပေးသလို Projects အတွက် လိုအပ်တဲ့ communication campaigns နဲ့ ပတ်သက်ပြီး trainings တွေကို group assignments တွေနဲ့အတူ လုပ်ရပါတယ်။

✨ Site Visit Investigations
အပတ်တိုင်း Project Team အလိုက် site visit တွေ သွားရပါတယ်။ Honolulu, Hawaii မှာ နေရာ(၄)နေရာ သွားခဲ့ရပြီး Santa Fe, New Mexico မှာ တစ်နေရာ သွားခဲ့ရပါတယ်။
(1)HPOWER Kapolei (အမှိုက်တွေကနေ လျှပ်စစ်ထုတ်လုပ်တဲ့ စက်ရုံကိုသွားလေ့လာရတာပါ။ Cleo တို့သွားလေ့လာတဲ့အခါမှာ အမှိုက်ကားတွေကနေ လာစွန့်ပစ်တဲ့ အမှိုက်တွေကို ပြန်ခွဲထုတ်တဲ့ အလုပ်ရုံထိ ဝင်လေ့လာခွင့်ရခဲ့ပါတယ်။ အဲ့ကနေ အဆင့်ဆင့်လုပ်ဆောင်မှုတွေနဲ့ လျှပ်စစ်ထုတ်တာဖြစ်ပါတယ်။)

(2)Honolulu Rail Kualaka'i East Kapolei Station to Halawa (HPower ကအပြန် လူ၈၀၀တစ်ခါထဲ စီးလို့ရတဲ့ elevated train(မိုးပျံရထား) စီးပြီး အနီးနားတစ်ဝိုက် မြို့ပြစီမံကိန်း အကောင်ထည်ဖော်နေတဲ့ အကြောင်းကို လေ့လာခွင့်ရခဲ့ပါတယ်။)

(3)KaIwi Coast (O’ahuကျွန်းရဲ့ အရှေ့တောင်ဘက်မှာ ရှိပြီး အရမ်းလှတဲ့ ပင်လယ်ကမ်းခြေ၊တောင်တန်းတွေကို Trolley ကားနဲ့ ပတ်ကြည့်ခွင့်ရခဲ့ပါတယ်။ တံငါရွာတွေရှိပြီး နတ်ဘုရား Peleတို့ရဲ့ ပုံပြင်တွေနဲ့အတူ ဟာဝိုင်အီယဉ်ကျေးမှု ကြွယ်ဝတဲ့ နေရာ ဖြစ်ပါတယ်။)

(4)Honolulu Water Recycling Facility@ Ewa (ဒီစက်ရုံမှာ သုံးပြီးသားရေတွေကို ပြန်recycle လုပ်ပြီး R1 water နဲ့ RO water ဆိုပြီး ၂ မျိုးပြန်ထုတ်ပါတယ်။ ရေသိုလှောင်မှုကအစ ထုတ်လုပ်မှုအဆင့်ဆင့်ကိုလည်း လေ့လာခဲ့ရပါတယ်။R1 ကိုတော့ စိုက်ပျိုးရေးနဲ့ စက်ရုံအလုပ်ရုံတွေမှာ သုံးပြီး RO ကတော့ သောက်သုံးရေ၊ ဓာတ်ခွဲခန်းသုံး နဲ့ လူတွေနေ့စဉ်သုံးလို့ရတဲ့ ရေ ဖြစ်ပါတယ်။

(5)Ancient Cliff Dwellings and Petroglyphs @
Bandelier National Monument (New Mexico မှာရှိတဲ့ ရှေးခေတ်လူမျိုးတွေ နေထိုင်ခဲ့ကြတဲ့ ချောက်ကမ်းပါးတွေရှိတဲ့ နေရာတွေ သွားလေ့လာရတာပါ။ အဲ့မှာ ပြတိုက်နဲ့ Theater လဲရှိပါတယ်။

✨Cultural Activities
Cultural activity အနေနဲ့ ကိုယ်သွားလည်ချင်တဲ့ Host family ကိုရွေးရပါတယ်။ ပြီးရင် ကိုယ့်နိုင်ငံရဲ့ cuisine ကို ချက်ပြီး သူတို့နဲ့ အတူတူ ညစာသွားစားရတာ အမှတ်ရဆုံးတစ်ခုပါ။ Cleo ရဲ့ ပထမဆုံး ချက်တတ်ခဲ့တဲ့ ဟင်းလျာကတော့ အုန်းနို့ခေါက်ဆွဲပါ။ အဖေနဲ့အမေရဲ့ recipes တွေကြည့်လိုက်၊ ချက်ပြတဲ့ videos တွေကြည့်လိုက်နဲ့ အရသာရှိတဲ့ အုန်းနို့ခေါက်ဆွဲကို ချက်တတ်သွားပါတယ်။😁🤭ကိုယ်ရွေးလိုက်တဲ့ host family က အဖိုးရွယ် အဖွားရွယ် လင်မယားနှစ်ယောက်ဖြစ်ပြီး အရမ်းကိုနွေးထွေးကြင်နာတဲ့ မိသားစုနဲ့ ဆုံခဲ့ရပါတယ်။ ကိုယ်တွေချက်လာတဲ့ ဟင်းတွေလဲစား၊ သူတို့ချက်ကျွေးတာတွေလဲ စားပြီး စကားလက်ဆုံပြောကြရင်း အပြန်ကြ လက်ဆောင်တွေပါ ထည့်ပေးလိုက်ပါတယ်။

✨Leadership Circles / Liaison Committee /Coaching Circles
သောကြာနေ့တိုင်း တစ်ပတ်တာမှာ ဘာတွေလုပ်ခဲ့လဲ၊ ဘယ်အရာတွေ လုပ်နိုင်ခဲ့လဲ၊ ဘယ်နေရာတွေမှာ ပိုပြီးကောင်းအောင် လုပ်မလဲ စတဲ့ questions တွေကို YSEALI fellows တွေက reflection ပြန်လုပ်ရပြီး အချင်းချင်း discussion လုပ်ရပါတယ်။ Leadership circle ရဲ့ အောက်မှာ Cleo မှတ်မိတဲ့ activities တွေထဲက Kewalo Harbor မှာ Kamoauli ဆိုတဲ့ Voyaging & Educational excursion အဖွဲ့နဲ့ Cleo တို့ကို ပင်လယ်ထဲ အပျော်စီးရွက်လှေနဲ့ ခေါ်ပြီး လိုက်ပြတာပါ။ အသွားတုန်းက ပျော်ပျော်ကြီးစီးပြီး အပြန်ကြပင်လယ်လှိုင်းကြမ်းလို့ Seasickness ဖြစ်တာ အတော်ခံရခက်လိုက်ပါတယ်။နောက်တစ်ခုက Hawaiʻi State Capitol မှာ Rewilding Proposals အတွက် State Representative ဖြစ်တဲ့ Tina Grandinetti နဲ့ တွေ့ဆုံဆွေးနွေးရတာဖြစ်ပါတယ်။
Liaison Committee မှာ အပတ်တိုင်း committee members တွေအလှည့်ကြ တာဝန်ယူရပြီး Fellows အချင်းချင်း Group ဖွဲ့ပြီး confidentially ရင်ဖွင့်တိုင်ပင်ပြီး အကြံဉာဏ်ပေးလို့ရတဲ့ စကားဝိုင်းလိုမျိုး လုပ်ပေးထားတာပါ။ အဲ့နောက် Liaison Committee Members တွေက ဦးဆောင်ပြီး game activities လေးတွေ ကစားကြပါတယ်။ မကြီးမငယ်နဲ့ ကလေးတွေလို စိန်ပြေးလိုက်တမ်းလည်း ကစားခဲ့ပါသေးတယ်။🤭

YSEALI program journey တစ်လျှောက်လုံး အရမ်းပင်ပန်းရသလို fellows 24 ယောက်နဲ့ ငိုလိုက်၊ရီလိုက် ဖြတ်သန်းလာတာ ၅ပတ်ဆိုတဲ့ အချိန်က ကုန်လို့ ကုန်သွားမှန်းတောင်မသိလိုက်ပါဘူး။

နောက်နေ့မှာ Hawaii, Santa Fe နဲ့ Washington, D.C မှာ နေခဲ့ရတဲ့ အတွေ့ကြုံလေးတွေကိုလဲ ဆက်ရေးသွားပါမယ်။🥰💕

31/05/2025

YSEALI(ဝိုင်ဆီးလီ)AFP နဲ့ US ကို ၅ပတ်ကြာသွားခဲ့ရတဲ့ အတွေ့ကြုံလေးတွေကို Page မှာ sharing လုပ်ပေးသွားပါမယ်။🥳🥳

(Part 1)
“YSEALI AFP”ဆိုတာဘာလဲ မသိသေးတဲ့သူတွေအတွက် အနည်းငယ် ရှင်းပြပေးသွားပါမယ်။🥰

“The Young Southeast Asian Leaders Initiative” ရဲ့ အတိုကောက်(YSEALI) ဝိုင်ဆီးလီ ဖြစ်ပြီး AFPကတော့ Academic Fellows Program ဖြစ်ပါတယ်။
U.S. Department of State ကနေ အရှေ့တောင်အာရှ နိုင်ငံ(၁၁)နိုင်ငံက အသက် ၁၈-၂၅ နှစ်အတွင်း Leadership potential ရှိတဲ့ လူငယ်တွေကို ရွေးချယ်ခေါ်ယူပြီး US နိုင်ငံသို့ (၅ပတ်)ကြာ သက်ဆိုင်ရာ themes အလိုက် လေ့လာခွင့်ရတဲ့ Fully-Funded Exchange Program တစ်ခု ဖြစ်ပါတယ်။

❇️ Civic Engagement
❇️ Natural Resources
❇️ Innovation and Entrepreneurship
❇️ Society and Governance ဆိုတဲ့ theme ကြီး(၄)ခုထဲက Cleo လေ့လာခွင့်ရခဲ့တာက “Natural Resources” theme ဖြစ်ပါတယ်။

Application form စဖြည့်တဲ့အချိန်မှာ မိမိ စိတ်ဝင်စားတဲ့ Themes (၂)ခုကို first priority/ second priority ဆိုပြီး ရွေးချယ်ရပါတယ်။ Cleo လျှောက်တုန်းကတော့ “Natural Resources”ကို first priority ရွေးပြီး “Society and Governance”ကို second priority မှာ ထားပြီး လျှောက်ခဲ့ပါတယ်။ Themes တွေအကြောင်းအသေးစိတ်ကို www.ysealiafp.org မှာ ဖတ်ကြည့်လို့ရပါတယ်။

YSEALI AFP 2025 အတွက် Cleo ပထမဆုံးစလျှောက်တဲ့နှစ်မှာပဲ မထင်မှတ်ဘဲ Spring Cohort မှာရွေးချယ်ခံခဲ့ရတဲ့အတွက် April လလယ်မှာ US ကို ထွက်ခွင့်ရခဲ့ပါတယ်။ “Natural Resources” theme အောက်ကနေ ရွေးချယ်ခံရတဲ့သူတွေက Universities (၃)ခုဆီ ခွဲသွားရပါတယ်။ Cleo သွားရတဲ့ ကျောင်းကတော့ Honolulu, Hawaii မှာရှိတဲ့ East-West Center ဖြစ်ပါတယ်။

✨Housing Facilities & Stipends
East-West Center ကနေ YSEALI fellows တွေ နေဖို့ Hale Manoa ဆိုတဲ့ student dormitory မှာ single room တစ်ခန်းစီ ပေးပါတယ်။ Kitchen room/ laundry room/ Shared bathroom/ Refrigerator/ Wifi စတဲ့ facilities အစုံအလင် ထားရှိပေးထားပါတယ်။ ကျောင်းဘက်ကနေ Tue, Wed, Thurs တိုင်းမှာ breakfast ကို Gateaway Cafe မှာ card system နဲ့ free သွားစားလို့ရအောင် လုပ်ပေးထားပါတယ်။
ကျောင်းဘက်ကမကျွေးတဲ့ ရက်တွေမှာ ကိုယ်တိုင်ချက်စားလို့ရအောင် ၃ပတ်စာ $1314 ပေးပါတယ်။
ဒါ့အပြင် Travel allowance/ Book & Culture allowance အတွက် $300 ထပ်ရပြီး နောက်ဆုံး ၂ပတ် အတွက် Santa Fe နဲ့ Washington, D.C ကို မသွားခင် $386 ထပ်ရပါတယ်။ Program stipends စုစုပေါင်း $2,000 ရခဲ့ပါတယ်။
ကိုယ့်နိုင်ငံကနေ US ကို အသွား၊အပြန် လေယာဉ်လက်မှတ် အပြင် US အတွင်း domestic flight tickets တွေပါ စီစဉ်ပေးပါတယ်။
Santa Fe နဲ့ Washington, D.C မှာ နေဖို့အတွက် နာမည်ကြီး hotels တွေမှာတည်းခိုလို့ရအောင် စီစဉ်ပေးထားပြီး Public transportation အတွက်လဲ ကျောင်းဘက်ကနေ bus/ metro အသုံးပြုလို့ရအောင် $60 ထည့်ပေးထားပါတယ်။
US အတွင်း ဖုန်းဆက်သွယ်လို့ရအောင် Internet data 10GB ပါတဲ့ US Sim card ကိုလည်း ကျောင်းဘက်က စီစဉ်ပေးပါတယ်။

✨Program activities
Honolulu မှာ နေရတဲ့ (၃)ပတ်မှာ Program ရဲ့ schedule book အတိုင်း Monday to Friday တောက်လျှောက် activities တွေလုပ်ရပါတယ်။ တစ်ခါတလေ Weekend တွေမှာပါ optional မဟုတ်တဲ့ activities လေးတွေ ရှိတတ်ပါတယ်။
-Book Discovery Circles
-Leadership Circles
-Lectures and Trainings
-Site Visit Investigations
-Community Service Challenges
-Cultural Activities
-Community Projects
-Liaison Committee
-Coaching Circles စတာတွေကို Program schedule အတိုင်း အပတ်တိုင်း လုပ်ရပါတယ်။

စာအရမ်းရှည်နေမှာစိုးတဲ့အတွက် Activity တစ်ခုချင်းစီရဲ့ အသေးစိတ်လုပ်ဆောင်ရပုံတွေကို နောက်ထပ်posts တွေမှာ ရေးပေးသွားပါမယ်နော်။🥰💕

26/02/2025

Hey hey ✨✨

1 Followers, 1 Following, 1 Likes - Watch awesome short videos created by Practise Eng with Confidence