28/08/2026
開學最驚嘅，唔係交書簿費...
而係晚晚陪做功課留低嘅擦膠碎。
距離開學得返幾日。各位爸爸媽媽，深呼吸，你哋準備好迎接「每晚同功課拉鋸」嘅日子未？
過去 13 年喺筲箕灣做教育，每逢 8 月尾，我都聽到唔少家長同我大吐苦水：「劉Sir，一諗起收工返屋企，又要對住佢啲功課勞氣，我真係連家門都唔想入...」
點解開學第一個月特別痛苦？其實有科學根據。
教育心理學有個現象叫「暑期滑坡」(Summer Slide)。放足個半月假，小朋友個腦一早習慣咗低頻運轉。要佢突然應付排山倒海嘅新課題同功課，佢哋嘅大腦其實處於「hang機」狀態。
佢對住份數學發呆、英文串極都錯、係咁擦擦膠，好多時唔係佢特登曳，而係佢真係唔識，或者個基礎概念喺暑假已經漏走晒。
但係，我哋做父母嘅，放工返到屋企已經好攰。見到個鐘指住十點幾，功課仲有一大半未做，情緒好自然就會爆發。結果？功課可能勉強起貨，但親子關係就每晚扣分。
其實，開學嘅第一個月，係重建「學習慣性」嘅黃金 21 日。與其晚晚困獸鬥，不如將專業嘅事交畀專業嘅人。
我哋今年嘅「新學年功輔＋專科黃金組合」，核心目的只有一個：幫小朋友喺第一個月重建概念，跟貼進度。
等佢搞得掂啲功課，等你放工返到屋企，可以真正做返個會笑嘅「慈父慈母」，問下佢今日學校有咩開心事，而唔係一開口就問「做晒功課未？」。
新學年，由第一課開始搵返個節奏。
唔好等第一個測驗滿缸紅先去補救，嗰陣小朋友嘅自信心已經受挫。
📍 港島東 / 西灣河、筲箕灣區嘅家長，如果你都想今年 9 月屋企可以平靜咁過：
👉 點擊睇下我哋為你準備嘅新學年方案：starshiningedu.com
👇 留言話我知：今年開學，你最擔心小朋友邊一科跟唔上？
（留言嘅家長，劉Sir 會親自覆你，畀幾個針對嗰科嘅開學收心小貼士你！）
