Miss Hiko - Piano & Harp

06/05/2026

「我驚我太遲先開始學琴。」好多成人學生DM我嘅時候都會咁講。

我會答：你鍾意嘅歌，幾時學都唔會遲。又唔係要你成為演奏家，我只係陪你彈到你想要嘅程度。

最近有位學生由「完全唔識睇譜」到而家可以自己彈晒成首《Kiss the Rain》，佢話：「原來我都可以㗎。」

仲有一位媽媽級嘅學生，由零開始學咗半年。佢好乖好認真，每星期都練足，而家佢嘅基本功已經好扎實。佢話：「學琴係我每星期最期待嘅活動。」

你都可以㗎 💪🏻

想學琴？DM我傾吓 😊

#成人鋼琴 #由零開始 #彈俾自己聽 #柴灣學琴 #香港鋼琴老師

13/04/2026

成日見到學生一彈錯音就會好緊張，成個人縮一縮。

好似彈錯一個音就係犯咗大錯咁。

其實，錯音唔係罪過。佢只係一個信號：

係咪指法未熟？
定係個節奏未捉得穩？
定係隻手太緊張，用力唔平均？

我哋練琴，唔係要變成一部唔會錯嘅機器。
而係要學識去理解同聽 ——
聽吓點解會滑咗，
聽吓點解個音會虛咗，
理解背後嘅原理原因，
然後搵方法去解決。

錯咗唔緊要。
最緊要係，你有無明白點解錯，然後再試一次。

#鋼琴老師 #香港鋼琴 #鋼琴課 #鋼琴考試 #柴灣學琴

10/04/2026

教琴最開心嘅時刻，未必係學生考試成績好。（當然都開心✨）而係見到學生因為「自己嘅努力被肯定」而笑嗰一下。

呢張證書，係佢嘅，亦都係我嘅動力。

—

有一個好勤力嘅妹妹，之前考咗鋼琴試。

喺佢努力之下，考試成績好好。等咗好耐，最近終於收到證書。佢見到證書嘅嗰一刻，嗰個燦爛嘅笑容，我到而家都記得。

佢笑得好開心，同我講：「嘩！張證書好靚呀！我好鍾意呀！」然後佢小心翼翼咁，將張證書放咗喺譜架上面，陪住佢上堂。

落堂之後，佢即刻打電話俾媽咪，好開心咁分享佢收到證書嘅心情。嗰一刻，我覺得我哋呢段時間為咗考試付出嘅所有努力，都係值得嘅。

佢得到嘅，唔單只係一個分數或者一啲評語。更多嘅，係一份肯定，一份自信。

希望每一粒小種子，都可以順利發芽，茁壯成長🌱

Miss Hiko

#鋼琴老師 #鋼琴考試 #鋼琴教學 #柴灣學琴

07/04/2026

今日嘅課堂上同一個學生講：
「不如我哋先唔好彈住，
你試吓放低膊頭，深深嘆一口氣先。」

好多時我哋彈唔到嗰個樂句，
未必係因為手指唔夠叻，
而係因為身體太用力。
當佢放鬆咗嗰一刻，
彈出嚟嘅聲即刻圓潤咗好多。

其實學琴，
第一件事係要學識點樣
同自己嘅身體相處。

- -

🎹目前平日/週末仲有少量學額，歡迎 DM 查詢。

- - - - - - - - - - - - - - - - - - - - - - - -

🎵歡迎追蹤 ⇢
✨ 一起見證音樂與成長的美好 ✨

- - - - - - - - - - - - - - - - - - - - - - - -

留言/DM查詢課程資料

音樂課程及服務✨
｜幼兒音樂啟蒙班
｜古典鋼琴課程
｜五級樂理（實體/網上）
｜小豎琴興趣班
｜療癒豎琴服務（活動合作、單對單服務）

上課地點📍
。柴灣琴室（青年廣場）
。官塘琴室（日昇中心/豐利中心）
。上門另議（港島區）

#鋼琴老師 #鋼琴考試 #鋼琴導師 #香港鋼琴

21/03/2026

書店豎琴療癒體驗

如果你：

· 成日覺得好攰，但瞓極都唔夠
· 想放低手機，俾自己靜吓
· 好奇「聲音療癒」係點一回事

下星期二晚，可以嚟書店坐吓。

—

活動係點？

我會用豎琴療癒音樂，陪大家渡過一個安靜舒適嘅夜晚。

冇表演，冇教學，只係用聲音營造一個空間，
等你慢慢放低日常嘅嘢，好好咁唞吓氣。

—

流程簡單：

• 先認識吓大家，簡單介紹俾大家認識豎琴療法
• 然後有互動同短暫靜心，準備進入狀態
• 最後約 30 分鐘豎琴療癒音樂體驗
• 完結後可以一齊傾吓感受，沉澱一下

—

適合咩人？

• 未接觸過豎琴療癒，想試吓嘅朋友
• 有經驗但想輕輕鬆鬆體驗一次
• 純粹想搵個地方，俾自己停低唞吓

—

活動詳情

📅 日期：3月24日（二）
🕖 時間：晚上 7:30 - 9:00
📍 地點：飛雲書店（近香港大學站B1出口）
💰 費用：$250 / 位（書店會員 $230）

—

有興趣嘅朋友，可以：
🔗 留言「+1」/ DM 我 .in.harmony
🔗 直接 click 書店 bio link 報名

名額有限，有興趣就趁早留位 🌿

—

#豎琴療癒 #聲音療癒 #書店活動 #香港活動 #香港身心靈

01/02/2026

01/12/2025

過去數日，我們的心與全港市民一樣沉重。在無常面前，我們更深切體會到，每一個安好的生命都如此珍貴。

早在11月初，我們已許下承諾，要為「阿虎愛屁」的「屁屁」們盡一分力。

此刻，我們選擇繼續前行，兌現這份約定。我們相信，在艱難的時候，善意與守諾的行動，本身就是一種力量。

於本月14日（星期日）， Bloom in Harmony 將舉辦一場慈善豎琴療癒體驗，是次活動的收費為每位 $460，其中 $360 將直接捐予獨立貓舍「阿虎愛屁」，支持貓咪們的醫療費用。

我們相信，善意與寧靜，能帶來撫慰與力量。

【 活動詳情 】
慈善豎琴療癒體驗《在琴弦的縫隙裡，遇見貓》
詳情將於 12月3日 公佈。

願逝者安息，生者堅強。
請務必好好照顧自己與身邊所愛。

#領養代替購買 #願平安 #阿虎愛屁 #豎琴療癒