Low Carbon Energy Education Centre

【核電站安全殼有幾堅…..固？】

大家知唔知供應核電俾香港嘅大亞灣核電站，佢嘅核反應堆有三層獨立保護屏障，每一層都可以阻擋到放射性物質外洩。層層把關，真係超級安全，唔洗擔心！ 🪖 👌💪

講多啲俾大家聽，核反應堆最外層嘅安全殼，係用鋼筋同混凝土建造，有成900毫米厚🧱，入面仲加咗6毫米厚鋼板，結構勁硬淨，連大型商用飛機撞落去都頂得住㗎！ ✈️💪

中電準備咗一系列有趣嘅核電知識，即上Youtube睇「核電知多少」短片系列啦︰https://www.youtube.com/playlist?list=PLDXpY2n3YIY8vFsA92PX16bxrlKIAot29

#零碳能源 #核能發電 #核安全

【一湯匙砂糖咁重嘅核燃料夠全家用一個月？】

大家知唔知，核能發電用嘅燃料叫做鈾235 。原來一粒得12克重，即係差唔多一湯匙砂糖咁重嘅鈾235，已經可以發到夠一個香港四人家庭👨‍👩‍👧‍👦用足一個月嘅電啦。

而且比起傳統嘅化石燃料，只需要用極少量嘅鈾235，便可以發出相同嘅能量。所以核電站可以儲定非常充足嘅核燃料，唔使擔心唔夠用，🌟電力供應夠晒穩定🌟呀！
(資料來源：世界核能協會)

中電準備咗一系列有趣嘅核電知識，即上Youtube睇「核電知多少」短片系列啦： https://www.youtube.com/playlist?list=PLDXpY2n3YIY8vFsA92PX16bxrlKIAot29

#零碳能源 #核能發電 #核安全

🌿【帶你走進大亞灣！得獎學生零距離體驗核電站！】⚡

第三屆低碳節能發明大賽頒獎禮順利完成後，期待已久嘅大亞灣一天遊學團終於嚟啦！得獎同學日前喺老師同家長陪同下前往大亞灣核電站考察，大家都話大開眼界呀。
大部分得獎同學嘅作品都用到核能元素，但親身走進大亞灣核電站，更加了解國家先進嘅核能發展與應用，同埋大亞灣點樣為香港提供安全可靠嘅零碳能源，呢個機會真係十分難得呀!

參觀完之後，同學都話得到啟發下年要再參加低碳節能發明大賽，約定你哋下年頒獎禮再見！
📸 一齊睇睇當日嘅精彩花絮啦！

🌟【第三屆低碳節能發明大賽頒獎禮花絮】🌟

經歷兩輪比賽，第三屆低碳節能發明大賽中小學組嘅16位得獎者終於誕生喇🏆！能夠喺800位參賽同學中脫穎而出， 真係一啲都唔簡單呀！👏👏

16位得獎者喺早前嘅頒獎禮上，終於親手攞到佢哋發明嘅低碳節能3D打印作品啦！一齊嚟睇下頒獎禮當日嘅盛況啦，記得繼續留意我哋呀，之後會由我外星狐狸為大家陸續介紹得獎設計㗎。😉

#第三屆低碳節能發明大賽 #低碳生活 #低碳能源
#能源攻略
#外星狐狸

【第三屆低碳節能發明大賽 進入第二階段！】

將低碳能源發明由腦中，畫喺紙上，再變成3D立體嘅圖形，一定係個好難忘嘅學習經歷。

多謝各位入圍第三屆低碳節能發明大賽第二階段嘅同學仔嚟到香港城市大學，參加Tinkercad 線上繪圖軟件培訓工作坊，嚟緊嘅時間交俾大家，期待見到你哋嘅參賽作品！

#第三屆低碳節能發明大賽 #低碳生活 #低碳能源
#能源攻略
#外星狐狸

【第三屆低碳節能發明大賽 ─ 入圍名單公佈！】

多謝各位同學踴躍參加第三屆低碳節能發明大賽，我哋收到近700份參賽作品，質素非常之高！

第二階段入圍名單出爐啦！名單請參閱附表，我哋亦會個別聯絡入圍參賽者，邀請大家11月22日嚟香港城市大學參加Tinkercad 線上繪圖軟件培訓工作坊，學習繪畫3D作品並競逐最終獎項，記得留意郵箱呀！

#低碳節能發明大賽2025 #低碳生活 #低碳能源
#核電知多少 #外星狐狸

【第三屆低碳節能發明大賽 ─ 最後召集！】

知道大家仲好踴躍準備緊報名作品，我哋特別將截止日期延到11月14號！

如果你仲未報名，唔好再猶豫，即刻畫低你嘅低碳能源發明，scan圖中QR code報名啦。
大亞灣一天遊學團﹑$2000書劵等等機會難得嘅禮物等緊你！

#低碳節能發明大賽2025 #低碳生活 #低碳能源
#核電知多少 #外星狐狸

【第三屆低碳節能發明大賽 ─ 得獎者可親臨大亞灣核電站！】

大亞灣核電站30多年嚟一直為香港提供安全可靠的零碳電力，但到底核電站係點樣㗎呢？

想揭開核電站神秘面紗？而家有機會啦！第三屆低碳節能發明大賽嘅得獎同學，有機會參加大亞灣一天遊學團，親身去到大亞灣核電站參觀，了解國家核電發展，機會非常難得㗎。

如果你有低碳節能嘅好發明，即刻scan圖中QR code報名，11月7號就截止啦！

希望可以喺大亞灣一天遊學團見到你。

#低碳節能發明大賽2025 #低碳生活 #低碳能源

#核電知多少 #外星狐狸

Low Carbon Energy Education Centre

【第三屆低碳節能發明大賽 ─ 作品含核能元素可獲加分！】

香港有四分一電力都係來自位於深圳嘅大亞灣核電站供應嘅核電。核電唔只零碳排放，仲安全可靠、價格平穩。大亞灣核電站由1994年起投產，至今已經超過30年，多年嚟一路為香港提供源源不絕嘅零碳電力。

為咗加深大家對核能嘅了解，比賽鼓勵參賽者喺發明入面，加入核能元素，會有額外加分㗎！

如果想了解多啲先落筆，即刻click 以下link 睇曬一套四集嘅「核電知多少」動畫短片啦！
https://youtube.com/playlist?list=PLDXpY2n3YIY8vFsA92PX16bxrlKIAot29&si=Tztvk3HHZFyv9xHX

記得scan圖中QR code報名，11月7號就截止啦！

#低碳節能發明大賽2025 #低碳生活 #低碳能源
#核電知多少 #外星狐狸

【第三屆低碳節能發明大賽 ─ 上屆冠軍作品集】

用低碳能源為主題諗出一樣新發明，你會諗到咩呢？我哋都非常期待今屆參賽嘅中小學組同學會帶咩驚喜俾我哋呀，期待之餘，不如今日就帶大家睇返上一屆兩組冠軍嘅作品集啦。

上屆小學組冠軍作品係「浮潛核能數據中心」，由聖方濟愛德小學小六楊志宇同學設計。佢認為香港正向住科技城市發展，一座大型數據中心必不可少，於是佢設計呢艘15層高﹑有20萬平方米樓面嘅浮潛核能數據中心巨輪。船上裝備兩台國產『玲瓏一號』小型核反應爐，提供可靠電力，亦可以利用深海嘅冰涼海水為系統降溫。

而上屆中學組冠軍作品就係「核能熱電冷卻塔」，由香港四邑商工總會陳南昌紀念中學，中四周燦鴻同學設計，佢諗到呢個可以將核能嘅廢熱轉為能量嘅新型冷卻塔，唔只提高能源效益，仲可以減少海水加熱對環境嘅影響。

兩位冠軍都係觀察到現實生活嘅需要，再由低碳能源角度入手諗處理方法，就設計出優秀嘅作品，如果你都苦惱緊用咩作品參賽，不妨都由身邊觀察到嘅問題入手啦！

即刻scan圖中QR code報名，11月7號就截止啦！

#低碳節能發明大賽2025 #低碳生活 #低碳能源
#核電知多少 #外星狐狸

【志雲大師變身做導賞員！？】

係咪好想知由志雲大師帶嘅導賞團係點㗎呢？
佢仲同中電駐大亞灣核電站工程師 Kenneth大傾喺核電站入面嘅生活，解開哂大家最想知嘅核電之謎...

即刻去片啦~
https://www.youtube.com/watch?v=lwHZaao6ty0

#低碳生活 #低碳能源
#外星狐狸

中華電力低碳能源教育中心｜體驗5個主題區域｜低碳能源｜核能發電｜ 揭開大亞灣核電站神秘面紗｜陳志雲｜志雲大師｜志雲頻道 中電駐大亞灣核電站工程師 Kenneth 親解核電之謎: 核電站入面嘅生活係點架 ？係核電站返工安唔安全 ？乜嘢係黃金人 ？核電對於減碳有咩重要性 ？中華電力低碳能源教育中心有唔同互動展品，帶大家輕鬆了解點用低碳能源，例...