Low Carbon Energy Education Centre

01/09/2026

【2026第四屆低碳節能發明大賽 歡迎中小學生踴躍參與】

同學仔，放完暑假，係咪想喺新學年挑戰自己，學多啲新技能呢？機會嚟喇！2026第四屆低碳節能發明大賽已經正式接受報名，等大家可以用STEM元素，發揮無限創意，創作以低碳節能為主題嘅發明！🌍💚

今年嘅獎品好豐富：
-「大亞灣一天遊學團」：得獎同學可以親身參觀大亞灣核電站，深入了解呢座為香港提供安全可靠零碳能源嘅重要設施
- 特別增設遊學團名額：上年嘅大亞灣遊學團大受家長同老師歡迎，今年特別新增參觀名額，俾最積極參與嘅辦學團體同學校都可以推薦參加者參與
- 三甲及優異獎：除咗書券，仲可以帶走自己嘅3D 打印作品
- 每位參加同學都會獲頒電子證書

比賽第一階段由即日起至11月13日接受報名，如果成功入圍第二階段，仲可以嚟香港城市大學參加Tinkercad線上繪圖軟件培訓工作坊，學習用3D 繪圖軟件將你嘅設計化成立體作品𠻹！
即刻scan圖中QR code睇吓比賽詳情，再上載你嘅創意作品俾我哋啦！

#第四屆 #低碳節能發明大賽 #低碳生活 #低碳能源
#能源攻略
#外星狐狸

26/08/2026

【☀「童」心低碳迎夏日親子工作坊☀】
點解小朋友會同外星狐狸🦊講byebye嘅？因為上個周末嘅「童」心低碳迎夏日親子工作坊已經係今年最後一場啦，多謝出席嘅家長同小朋友，我地下年再見！😁

20/08/2026

【「童」心低碳迎夏日親子工作坊】
外星狐狸又出動啦！！ 🦊
今次佢喺華龍一號模型前，迎接咁多位參加「童」心低碳迎夏日親子工作坊嘅大人小朋友，大家都急不及待想同佢一齊影相喎 😁

12/08/2026

【「童」心低碳迎夏日親子工作坊】

咁多人跟住外星狐狸嘅 🦊？原來就係去城大中華電力低碳能源教育中心參加「童」心低碳迎夏日親子工作坊！
大人同小朋友都好投入聽導賞員講解低碳能源知識，之後再一齊坐低砌太陽能電動車，希望大家都玩得開心又學到嘢啦！🥰

05/08/2026

【城大人暑假親子好去處 —「童」心低碳迎夏日！】

上個周末大家去咗邊到玩呢？上星期六一班城大教職員校友家長同小朋友嚟到城大中華電力低碳能源教育中心，一齊聽導賞員講解低碳能源同砌D.I.Y.太陽能電動車。答啱問題而快又準嘅小朋友仲攞咗額外大獎，真係學以致用㗎！

04/08/2026

🎉【最後回合答案揭曉！】 正確答案係採用先進壓水堆設計嘅華龍一號 (HPR1000) ！

呢座由廣東核電合營有限公司捐贈嘅展品，其實係華龍一號 (HPR1000)嘅模型，佢係國家第一個自主研發，使用第三代核電技術嘅反應堆，擁有雙層外殼，安全水平更高。
一連三回合嘅核電知多少有獎遊戲又到尾聲，如果大家都想親身嚟睇吓圖中呢座華龍一號模型，歡迎大家喺以下網址登記，免費嚟到香港城市大學嘅中華電力低碳能源教育中心參觀！

免費參觀中心︰https://www.cityu.edu.hk/lowcarbon/visit.aspx
開放時間︰
星期二至星期六：上午10時至下午6時
星期日、星期一及公眾假期：休館

31/07/2026

【低碳能源 x 互動體驗 ⚡️ 學生走入中心探索低碳未來！】

歡迎「NStudio同心．共創．護國安」推廣計劃書比賽嘅獲獎學生嚟到香港城市大學中華電力低碳能源教育中心，親身探索低碳能源及大亞灣核電站嘅設計與運作安全。同學仔仲一齊砌咗LEGO風力發電裝置 ，了解發電原理。

即刻睇睇以下報道，感受現場嘅學習氣氛 👇 🔗

「今天的頒獎禮不是終點，而是一場播下種子的見證。」署理警務處處長簡啟恩早前在「NStudio同心‧共創‧護國安」推廣計劃書比賽頒獎禮的致辭，如今讓青年人在實踐中生根發芽。警務處國家安全處日前安排比賽獲獎學生及.....

29/07/2026

【2026「童」心低碳迎夏日親子工作坊】

今年嘅「童」心低碳迎夏日親子工作坊已順利開始，多謝出席嘅家長同小朋友！
除咗聽低碳能源導賞同D.I.Y.砌手搖發電機之外，今年新設嘅太陽能電動車工作坊，仲可以俾小朋友為自己D.I.Y.砌出嘅太陽能電動車上色，一齊嚟睇下大家嘅作品啦！

28/07/2026

【✦ 核電知多少 迎接暑假有獎問答 — 最後回合 ✦】

上次講到核反應堆，今次最後一個回合就俾核反應堆模型你哋睇 👀。呢個模型由廣東核電合營有限公司捐贈，而家喺香港城市大學嘅中華電力低碳能源教育中心展出，大家知唔知反應堆名稱呢？

知道答案嘅你，即刻做齊以下三個步驟，等攞獎品啦︰
1. Like我哋嘅Facebook
2. Tag兩位朋友
3. 喺留言處寫低正確答案

做齊幾個步驟，最快嘅20位朋友，可以得到限量版外星狐狸野餐墊，之後完成嘅朋友都可以得到外星狐狸環保袋一份。你都即刻tag埋朋友一齊參加啦！

23/07/2026

【「童」心低碳迎夏日 — 反應熱烈加開八月場次，仲唔快啲報名！】

多謝大家支持！七月嘅「童」心低碳迎夏日親子工作坊報名反應非常熱烈！為咗令更多家長同小朋友可以嚟邊玩邊學，我哋決定喺八月份加推多五場工作坊，今年特別新設一個太陽能電動車工作坊，上年嚟過嘅家庭今年都再有新嘢玩呀！
上輪錯過咗嘅家長，快啲 scan QR code一齊報名，同小朋友過個充實嘅暑假啦！
日期︰

8月7日(星期五)
8月13日(星期四)
8月14日(星期五)
8月20日(星期四)
8月22日(星期六)

時間︰上午10:30至中午12:30 (低碳能源導賞團+D.I.Y.手搖發電機／太陽能電動車工作坊)
地址︰九龍塘香港城市大學中華電力低碳能源教育中心 (劉鳴煒學術樓3樓3202室)
名額︰每節40人，每個家庭名額為2至4人，先到先得
適合年齡︰現正就讀小一至中三的學童和家長
費用︰全免